«Արարատ–Արմենիա»

«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»

99
(Թարմացված է 20:37 16.09.2020)
2019/2020 մրցաշրջանում «Արարատ-Արմենիան» շատ մոտ էր Եվրոպայի լիգայի խաղարկությունում խմբային փուլ մտնելուն, բայց փլեյ օֆֆում 11 մետրանոցներով պարտվեց Լյուքսեմբուրգի «Դյուդելանժին»: 2020/21-ը հայկական թիմը իր ելույթները սկսում է լյուքսեմբուրգյան «Ֆոլայի» հետ:

ԵՐԵՎԱՆ, 16 սեպտեմբերի — Sputnik. Չնայած Չեմպիոնների լիգայի որակավորման առաջին փուլում պարտությանը, «Արարատ-Արմենիան» շարունակում է մասնակցել Եվրոգավաթների խաղարկությանը: Դավիդ Կամպանյան, որի գլխավորությամբ Հայաստանի առաջնությունում «Արարատ-Արմենիան» առայժմ հաղթանակ չունի, կարծում է, որ վաղվա իրենց մրցակիցը` Լյուքսեմբուրգը ներկայացնող «Ֆոլան», ֆիզիկապես շատ ամուր թիմ է:

«Մրցակցի կազմում շատ են ատլետիկ կառուցվածքով ու բարձրահասակ ֆուտբոլիստները, որոնք իրենց ներքին առաջնությունում տոն են ստեղծում: Ինձ թվում է, որ հյուրերը Երևանում կխաղան պաշտպանությունից` հաճախ դիմելով հակագրոհների»,–նախախաղային ասուլիսի ժամանակ ասաց «Արարատ-Արմենիայի»  գլխավոր մարզիչ Դավիդ Կամպանյան:

Գլխավոր մարզիչը, հաշվի առնելով թիմի ոչ այնքան հաջող ելույթները վերջին խաղերում, գտնում է, որ միգուցե ֆուտբոլիստների մոտ հոգեբանական որոշակի ընկճվածություն կա։ «Ֆիզիկապես մեր թիմը շատ լավ է պատրաստ: Բայց հոգեբանորեն տղաներին հարկավոր է մի փոքր աջակցել: Հաղթանակը վաղվա խաղում շատ կարևոր է մեզ համար հենց հոգեբանական առումով, ու ես գտնում եմ, որ մենք ճիշտ ճանապարհով ենք ընթանում ու խաղից խաղ բարելավելու ենք մեր խաղային որակները: Հուսով եմ այդ ճանապարհին մեզ կօգնի հաղթանակը «Ֆոլայի» նկատմամբ»,- ավելացրեց Կամպանյան:

Սերգեյ Վակուլենկոն, որը «Արարատ-Արմենիայի» մեկնարկային կազմի ֆուտբոլիստ է, խոստանում է վաղը հուսախաբ չանել։

Մխիթարյանը «Ռոմայի» կազմում երրորդ անընդմեջ գոլն է խփել. տեսանյութ

«Չնայած նրան, որ վերջին խաղերում մեր թիմը լավ արդյունքների չի հասել, առաջիկա խաղին ես գտնում եմ, որ մենք պատրաստ ենք և՛ ֆիզիկապես, և՛ հոգեպես: Մարզչական կազմը մեզ արդեն ներկայացրել է առաջիկա մրցակցի ուժեղ և թույլ կողմերը», - ասեց Վակուլենկոն:

Հիշեցնենք, վաղը՝ սեպտեմբերի 17-ին, Եվրոպայի լիգայի որակավորման երկրորդ փուլի շրջանակներում Երևանի «Արարատ-Արմենիան» Վազգեն Սարգսյանի անվան «Հանրապետական» մարզադաշտում հյուրընկալելու է Լյուքսեմբուրգի «Ֆոլա» թիմին: «Արարատ-Արմենիան» Լյուքսեմբուրգի «Ֆոլայի» նկատմամբ հաղթանակի հասնելու դեպքում «Արարատ-Արմենիան» սեպտեմբերի 24-ին Եվրոպայի լիգայի որակավորման երրորդ փուլում կհյուրընկալի Սլովենիան ներկայացնող «Ցելե» թիմին:
 

99
թեգերը:
Եվրոպայի լիգա, ֆուտբոլ, Արարատ–Արմենիա
Ըստ թեմայի
Առանց հանդիսատեսի. ՀՖՖ–ն ֆուտբոլասերներին ասել է` ինչպես օգնել և ոգևորել ֆուտբոլիստներին
Դիտարժան ֆուտբոլ. Հայաստան - Էստոնիա հանդիպումը` լուսանկարներում
«Կհանդիպենք»․ Հենրիխ Մխիթարյանն Իտալիայում ողջունել է ռուս գործընկերոջը
Լևոն Արոնյան. արխիվային լուսանկար

Լևոն Արոնյանը Grand Chess Tour-ում հաղթեց ադրբեջանցի Թեյմուր Ռաջաբովին

108
(Թարմացված է 22:32 21.06.2021)
Լևոն Արոնյանը 27 հնարավորից ունի 12,5 միավոր և 6–րդ տեղում է։

ԵՐԵՎԱՆ, 21 հունիսի – Sputnik. Փարիզում ընթացող Grand Chess Tour-ի երկրորդ փուլում այսօր հայ գրոյսմաստեր Լևոն Արոնյանը հաղթեց ադրբեջանցի Թեյմուր Ռաջաբովին։ Տեղեկությունը հայտնում է ChessBomb.com–ը։

Grand Chess Tour-ի երկրորդ փուլը՝ արագ և կայծակնային խաղի Paris Rapid & Blitz մրցաշարը, ավարտին է մոտենում։

Կայծակնային խաղի առաջին օրն անցկացվեց 9 տուր։ Լևոն Արոնյանը հաղթեց ադրբեջանցի Թեյմուր Ռաջաբովին, ռուսաստանցի Պյոտր Սվիդլերին, ամերիկացի Ուեսլի Սոյին, ոչ ոքի խաղաց հունգարացի Ռիչարդ Ռապորտի, ռուսաստանցի Վլադիմիր Կրամնիկի, ամերիկացի Ֆաբիանո Կարուանային, պարտվեց իրանցի Ալիռեզա Ֆիրուջային (ՖԻԴԵ), ռուսաստանցի Յան Նեպոմնյաշչուն, ֆրանսիացի Մաքսիմ Վաշիե–Լագրավին։

Արոնյանը 27 հնարավորից ունի 12,5 միավոր և 6–րդ տեղում է։

108
թեգերը:
ադրբեջանցի, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ձախից՝ Լևոն Աղասյանը

Լևոն Աղասյանը հաղթել է եռացատկի Եվրոպայի առաջնությունում

82
(Թարմացված է 12:38 21.06.2021)
Հայ մարզիկը ցույց է տվել 16մ 77սմ արդյունք ու ամենաբարձր միավորները վաստակել թիմի համար:

ԵՐԵՎԱՆ, 21 հունիսի - Sputnik. Եռացատկորդ Լևոն Աղասյանը հաղթող է ճանաչվել Կիպրոսում ընթացող Եվրոպայի առաջնությունում: Հայ մարզիկը ցույց է տվել 16մ 77սմ արդյունք ու ամենաբարձր միավորները վաստակել Հայաստանի թիմի համար:

Մալխաս Ամոյանը 7:0 հաշվով ջախջախեց ադրբեջանցի մարզիկին. տեսանյութ

Աղասյանը ֆեյսբուքյան էջում հրապարակել է իր ցատկի տեսանյութը՝ կից գրելով.

«Ինձ լավ եմ զգում և պատրաստ ավելի քրտնաջան աշխատելու: Վերադառնում ենք ավելի ուժեղ»,- գրել է Աղասյանը:

 

82
թեգերը:
Եվրոպա, Հայաստան, եռացատկորդ
Ըստ թեմայի
Արման Դարչինյանը Տոկիոյի օլիմպիական խաղերի ուղեգիր նվաճեց. տեսանյութ
Արման Ծառուկյանը մարզվել է Կասկադում. տեսանյութ
Հայ բռնցքամարտիկը տեխնիկական նոկաուտով հաղթեց ադրբեջանցուն
Թևան Պողոսյան

Թավիշից բխած սերը ցուցաբերվում է ադրբեջանցիների նկատմամբ. Թևան Պողոսյան

0
(Թարմացված է 19:41 22.06.2021)
Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է այն հարցին, թե Հայաստանում կլինե՞ն արդյոք հետընտրական զարգացումներ, որոնք կունենան որոշակի հետևանքներ ներքաղաքական կյանքում։
Պողոսյան. «Միասնությունը լոկ հայտարարությամբ չի լինում, պետք են կոնկրետ գործողություններ»

Ընդդիմադիր ուժի ներկայացուցիչ Միհրան Հակոբյանի մեքենայի տակ նռնակ նետելն ու «Իզմիրլյան» ԲԿ–ի ղեկավար Արմեն Չարչյանի նկատմամբ իրավական հետապնդումն արդեն իսկ տեղավորվում են հետընտրական զարգացումների համատեքստում։ Sputnik Արմենիայի հետ զրույցում նման կարծիք հայտնեց Թևան Պողոսյանը։

Դեռ յոթ օր կա, որ ԿԸՀ–ն հայտարարի ընտրությունների վերջնական արդյունքները, սակայն. Պողոսյանի խոսքով, մասնակիցներից մեկը չի սպասում և հայտարարում է, որ արդեն հաղթել է, իսկ մյուս կողմը հայտարարում է, որ կդիմի դատարաններ և ինչ–որ քայլ կանի այդ ատյանների որոշումներից հետո։

«Օրենքի դիկտատուրայից խոսող կողմը հաշվի չի առնում, որ նույն օրենքի պահանջով որևէ բան անել կարելի է միայն վերջնական արդյունքների պաշտոնական հայտարարումից հետո։ Հիմա այս ամենն ինչպե՞ս կարելի է դիտարկել։ Այնպես որ հետընտրական զարգացումները հավանական են, առավել ևս, որ արդեն իսկ ակնառու է ռեպրեսիվ ինստիտուտի աշխատանքը»,– նշեց Մարդկային զարգացման միջազգային կենտրոնի ղեկավարը։

Պողոսյանի համոզմամբ` միասնությունը միայն հայտարարություններով չի լինում, անհրաժեշտ են կոնկրետ գործողություններ այդ ուղղությամբ, և եթե դրանք տեսանելի լինեն գալիք օրերին, ապա նոր հնարավոր կլինի առարկայորեն խոսել այդ մասին։

Պողոսյանը հիշեցրեց, որ ՀՀ վարչապետի պաշտոնակատար Նիկոլ Փաշինյանի կազմակերպած հանրահավաքի ժամանակ նրա թիմակիցներից մեկն ասաց, որ արդարադատության սուրը հանձնում են մեկ մարդու, մինչդեռ Փաշինյանը, եթե կողմ է հանրային համերաշխությանը և դատական համակարգի անկախությանը, պետք է կանխեր թիմակցի խոսքը, որովհետև այն խանգարում է միասնականությանը։

«Մինչ օրս որևէ մարտահրավեր չի լուծվել։ Մեկ ամսից ավել է, ինչ 200 ադրբեջանցի զինծառայողներ ներխուժել են Հայաստան ու դարձել 1000 հոգի։ Այդ հարցը լուծվե՞լ է։ Ունեցել ենք քաղաքական ճգնաժամ, որը նույնպես չի լուծվել։ Կան կուսակցություններ, որոնք չեն ընդունել ընտրությունների արդյունքները, ունենք նաև ուժայինների գործողություններ։ Հանրությունն էլ քննարկում է այն հարցը, թե ընդդիմությունը կվերցնի՞ արդյոք խորհրդարանական մանդատները, ինչը վկայում է ճգնաժամի առկայության մասին»,– նշեց

Մարդկային զարգացման միջազգային կենտրոնի ղեկավարը։

Պողոսյանը տարակուսանքով ընդգծեց, որ Արցախը մոռացության է մատնվում, մուրճը ճոճում են ոչ թե արցախցիների վրա մատ թափ տվող և օկուպացրած Շուշին իրենց մշակութային մայրաքաղաք հռչակած ադրբեջանցիների, այլ ազգակիցների վրա, ինչից Պողոսյանը եզրակացրեց, որ թավիշից բխած սերն ու հանդուրժողականությունը ցուցաբերվում է ադրբեջանցիների նկատմամբ։

Ըստ նրա` հայաստանյան ընտրությունների արդյունքներով ուրախացել են ոչ միայն Փաշինյանի կողմնակիցները, այլև Ադրբեջանն ու Թուրքիան, այդ մասին կա անդրադարձ նրանց մամուլում, և 2000 հայեր, որոնք կստանձնեն տարատեսակ պաշտոններ, մինչդեռ իրականությունն այն է, որ մեծամասնությունը չի մասնակցել ընտրություններին, և Փաշինյանի հաղթանակով ուրախացել է ընտրողների միայն 1/4-ը։

Ի՞նչ կա Քոչարյանի մտքում, որ փողոցային պայքարից հրաժարվել է, և ի՞նչ կապ ունի Մոսկվան

0
թեգերը:
Թևան Պողոսյան, Հայաստան
Ըստ թեմայի
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
Հայաստանում կայացած ընտրությունները եղել են մրցունակ. ԵՄ խոսնակ
Իրանի ԱԳՆ-ն ողջունել է Հայաստանում արտահերթ ընտրությունների անցկացումը