Տիգրան Բարսեղյանն ու Նորբերտո Բալեկյանը

Երկու 11 մետրանոց, մեկ պարտություն. ինչպես ավարտվեց Հայաստան–Մակեդոնիա հանդիպումը

313
(Թարմացված է 19:22 05.09.2020)
Հայաստանի նորացված հավաքականը Ազգերի լիգայի երկրորդ խաղարկության մեկնարկային խաղում չկարողացավ դրական արդյունք ապահովել: Թիմի նորացված կազմը խաղային համագործակցության լուրջ խնդիր ուներ:

ԵՐԵՎԱՆ, 5 սեպտեմբերի - Sputnik. Հյուսիսային Մակեդոնիա-Հայաստան մրցավեճում խաղի ելքը վճռեցին առաջին խաղակեսում մեր ընտրանու դարպասին նշանակված 11 մետրանոց երկու հարվածները: Էգզիան Ալիոսկին և Իլյա Նեստորովսկին ապահովեցին դաշտի տերերի հաղթանակը։ Խաղն ավարտվեց 2:1 հաշվով:

Հյուսիսային Մակեդոնիայի և Հայաստանի հավաքականների միջև առաջին հանդիպումը Ազգերի լիգայի խաղարկության խմբային փուլում շատ անհաջող սկսվեց մեր ընտրանու համար: Արդեն երրորդ րոպեին մեր տուգանային հրապարակում մրցավարը Վարազդատ Հարոյանի ու Էլիֆ Էլմասի միջև գնդակի համար պայքարում կանոնների խախտում նկատեց մեր ավագի կողմից, նշանակվեց 11 մետրանոց, և Էգզիան Ալիոսկին առաջ մղեց դաշտի տերերին:

Борьба за мяч между нападающим сборной Македонии Эгзияном Алиоски и армянскими футболистами Серобом Григоряном и Хореном Байрамяном в первом матче Лиги Наций УЕФА (5 сентября 2020). Скопье
© REUTERS / Ognen Teofilovski
Հայաստան–Հյուսիսային Մակեդոնիա հանդիպում

Բաց թողած գոլից հետո մերոնք կորցրածը հետ բերելու փորձեր արեցին: Բայց մինչև ընդմիջում ևս մեկ անգամ մեր պաշտպանները սխալվեցին իրենց տուգանային հրապարակում: Էլիֆ Էլմասն այս անգամ օդային պայքարում կանոնները ստիպեց խախտել Հովհաննես Համբարձումյանին: Նորից 11 մետրանոց, ու նորից դիպուկ իրացում: Հայաստանի հավաքականի դարպասը երկրորդ գնդակն ուղարկեց Իլյա Նեստորովսկին:

Երկրորդ խաղակեսի սկզբում մեր թիմի կազմում կատարված փոփոխությունները Հայաստանի հավաքականի ներուժը առջևի գծում ավելացնելու նպատակ ունեին: Էդգար Բաբայանն ու Տիգրան Բարսեղյանը իրոք ավելի սուր դարձրին մերոնց խաղը առջևի գծում: Երևում էր, որ առաջին խաղակեսում ձեռք բերածը լրիվ բավարարում էր Հյուսիսային Մակեդոնիայի ընտրանուն: Դժվար է ասել, թե ինչպես կավարտվեր խաղը, եթե Արտակ Գրիգորյանն օգտագործեր իր հիանալի հնարավորությունը: Խաղի ավարտին դեռ 16 րոպե կար: Բայց մեր կիսապաշտպանը շտապեց ու շեղ հարվածեց: Բալեկյանն էլ իր հերթին վրիպեց խաղի վերջին վայրկյաններին:

Այդուհանդերձ, որպես մխիթարություն հանդիպման վերջին րոպեին Տիգրան Բարսեղյանը 11 մետրանոցով հետ բերեց մեկ գնդակ: Բայց ժամանակն արդեն սպառվել էր: Համավարակից հետո անցկացված առաջին պաշտոնական խաղում Հայաստանի հավաքականի նորացված կազմը չարդարացրեց իրեն: Առաջին հերթին, ինչպես և սպասվում էր, մեր ընտրանու գործողություններում չկար խաղակցվածություն, հստակ համագործակցություն: Շատ ֆուտբոլիստներ առաջին անգամ էին տեսնում իրենց խաղընկերներին ու խաղում նրանց հետ: Իզուր չէ, որ Խորեն Բայրամյանը խաղաց մեկ խաղակես, նկատելի չէր Արշակ Կորյանը:

Հավաքականի խաղը կարգավորելու ու ավելի որակյալ դարձնելու համար այս կազմի համար շատ աշխատանք կա կատարելու: Համենայնդեպս այս պահին հնարավոր չէ պատկերացնել, թե ինչպես է Խոակին Կապառոսը աշխարհի առաջնության ուղեգիր նվաճելու։

Երեք օր անց՝ սեպտեմբերի 8-ին, Հայաստանի հավաքականը Երևանում հյուրընկալելու է Էստոնիայի ընտրանուն:

313
թեգերը:
ֆուտբոլ, Մակեդոնիա, Հայաստան
Ըստ թեմայի
«Ռոման» Հենրիխ Մխիթարյանի հետ պայմանագրի կնքումն է «նշել». տեսանյութ
Մխիթարյանը դավաճան չէ. ինչու են դավադրություններ փնտրում Հենրիխի` խաղին չմասնակցելու մեջ
«Ես երկար չմտածեցի». սերբ դարպասապահը պայմանագիր է կնքել «Արարատի» հետ
 «Արարատ-Արմենիա»- «Ցելյե» հանդիպումը

«Արարատ-Արմենիան» հաղթանակ տարավ. հայկական թիմը Եվրոպայի լիգայի փլեյ- օֆֆում է

105
(Թարմացված է 20:51 24.09.2020)
Երկրորդ անգամ անընդմեջ Եվրոպայի լիգայի խաղարկությունում Հայաստանի չեմպիոնը հանդես է գալու փլեյ օֆֆում, երկրորդ անգամ անընդմեջ մեր թիմըատ լավ հնարավորություն ունի խաղալու խմբային փուլում։ Մնաց մեկ մրցակից՝ «Ցրվենա Զվեզդան»։

ԵՐԵՎԱՆ, 24 սեպտեմբերի — Sputnik. Սերգեյ Վակուլենկոյի խփած գնդակը հանդիպման 111-րդ րոպեին հաղթանակ բերեց «Արարատ-Արմենիային» սլովենական «Ցելյեի» նկատմամբ Եվրոպայի լիգայի որակավորման երրորդ փուլում։ Հայաստանի չեմպիոնը կխաղա փլեյ -օֆֆում։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Հանդիպման առաջին խաղակեսն անցավ բավականին հետաքրքիր պայքարում։ Ընդհանուր առմամբ հավասար պայքար էր, ու մրցող կողմերից ոչ մեկին չէր հաջողվում ստանալ տարածքային կամ խաղային առավելություն։ Սակայն այս ամենի հետ մեկտեղ, երկու թիմն էլ ավելի շատ մտածում էին գնդակ բաց չթողնելու մասին։ Գրոհի ընթացքում թե՛ «Արարատ-Արմենիայի» և թե՛ «Ցելյեի» ֆուտբոլիստների մոտ պակասում էր վերջին հարվածը։ Երբեմն հարվածներ եղան, բայց դարպասապահները մինչև ընդմիջում խաղին լրջորեն այդպես էլ չմիջամտեցին։ Պարզ դարձավ, որ հիմնական իրադարձությունները դեռևս առջևում էին։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Իհարկե կարևոր էր, որ հայկական թիմը չէր զիջում մրցակցին ու որոշ դեպքերում էլ առանձնանում էր գեղեցիկ խաղով։ Բայց «Ցելյեն» շատ կազմակերպված էր խաղում պաշտպանությունում, ու խաղային կարգապահությունը սլովենական չեմպիոնի մոտ անսասան էր։ Սա էլ հիմնական պատճառն էր, որ մեր ֆուտբոլիստները չէին կարողանում ճեղքել մրցակցի պաշտպանությունը։ Հարկավոր էր անակնկալ որոշումներ կայացնել առջևի գծում, քանի որ հյուրերը առանց մեծ ճիգեր գործադրելու գուշակում էին մերոնց հաջորդ քայլն ու չեզոքացնում վտանգը։

«Փյունիկի» նախկին գլխավոր մարզիչը բուլղարական ֆուտբոլային ակումբ կղեկավարի

Երկրորդ խաղակեսի հենց սկզբից հյուրերը զգալի ավելացրին խաղի տեմպը, բայց առաջին գոլային հնարավորությունը ունեցան մերոնք։ Ֆուրջել Նարսինգը, միայնակ անցնելով մոտ 60 մետր, հարվածեց, ու գնդակը դարպասաձողի հարևանությամբ դուրս եկավ դաշտի սահմաններից։ Խաղը սրվեց, երկկողմանի արագություններով մրցակիցները ձգտում էին վճռել հանդիպման ելքը։

Աստիճանաբար տարածքային առավելությունը անցավ «Ցելյեի» ֆուտբոլիստներին։ Մեր թիմը սկսեց գործել հակագրոհների մարտավարությամբ։ Բայց մինչև հիմնական ժամանակի ավարտը այդպես էլ դարպասի գրավում չարձանագրվեց, չնայած վերջին վայրկյաններին Մարտինեսը կարող էր հաղթանակ ապահովել հայկական թիմին, բայց վրիպեց նպաստավոր դիրքից։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
Нападающий "Арарат-Армения" Маилсон Лима (справа) и защитник "Целе" Амадей Брекл на третьем отборочном матче Лиги Европы между ФК "Арарат-Армения" и сербским "Целе" (24 сентября 2020). Еревaн

Հայաստանի չեմպիոնի մասնակցությամբ Եվրոգավաթների երրորդ խաղում հաղթողին որոշելու համար նշանակվեց լրացուցիչ ժամանակ։ Եթե առաջին դեպքում մեր թիմը պարտվեց լրացուցիչ ժամանակում կիպրոսյան «Օմոնիային», ապա հաջորդ երկու խաղերում Հայաստանի չեմպիոնը հասավ իր նպատակին։ Ու «Արարատ-Արմենիայի» հերոսը դարձավ կենտրոնական պաշտպան Սերգեյ Վակուլենկոն, որը և՛ «Ֆոլայի», և՛ «Ցելյեի» հետ խաղերում լրացուցիչ ժամանակում դարձավ հաղթական գոլի հեղինակ։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Այսպիսով մեկ շաբաթ անց, Երևանում խմբային փուլի ուղեգիրը հայկական թիմը կվիճարկի Սերբիայի չեմպիոն «Ցրվենա Զվեզդայի» հետ։

105
թեգերը:
Եվրոպայի լիգա, հաղթանակ, Արարատ–Արմենիա, ֆուտբոլ
Ըստ թեմայի
Բամբասանքներին չեմ հավատում. Հարությունյանը համոզված է՝ հաջորդ խաղին Մխիթարյանը կմասնակցի
Ֆանտաստիկ «come back». «Արարատ-Արմենիան» գերկամային հաղթանակ տարավ
Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է
«Արարատ–Արմենիա»–«Ֆոլա»

Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է

63
(Թարմացված է 17:15 23.09.2020)
Եվրոպայի լիգայի ընթացիկ խաղարկությունում խմբային փուլ հասնելու համար «Արարատ-Արմենիային» դեռևս 2 հաղթանակ է հարկավոր։ Առաջին քայլն այդ ճանապարհին կարող է լինել վաղը։ Հայաստանի գործող չեմպիոնի մրցակիցը Սլովենիայի չեմպիոն «Ցելյե» թիմն է լինելու։

ԵՐԵՎԱՆ, 23 սեպտեմբերի — Sputnik. Նախորդ խաղում «Արարատ–Արմենիայի» գերկամային հաղթանակը ոգեշնչել ու սեփական ուժերի նկատմամբ հավատ է ներշնչել: Վաղը կայանալիք հանդիպումից առաջ նախախաղային ասուլիսում նման կարծիք հայտնեց «Արարատ-Արմենիայի» կիսապաշտպան Արմեն Համբարձումյանը։

Նշենք, որ սեպտեմբերի 24–ին Եվրոպայի լիգայի որակավորման երրորդ փուլում Հայաստանի միակ ներկայացուցիչն այս մրցաշարում՝ «Արարատ-Արմենիան»,  Ավանի ֆուտբոլի ակադեմիայում հյուրընկալելու է սլովենական «Ցելյե» թիմին։

Արմեն Համբարձումյանը գտնում է, որ առաջիկա խաղում ևս հայկական թիմը հաղթելու լավ շանսեր ունի․«Եթե առաջիկա խաղին էլ մենք նույն նվիրվածությամբ խաղանք ու ցուցադրենք այն խաղը, որին ունակ ենք, կարծում եմ` հաղթանակի կհասնենք։ Անկասկած «Ցելյեն» ուժեղ թիմ է, բայց հաղթանակի հասնելու մեր հնարավորությունները պակաս չեն»,- ասեց Համբարձումյանը։

Խոսելով Հայաստանի գործող չեմպիոնի առաջիկա մրցակցի մասին` մեր թիմի գլխավոր մարզիչ Դավիթ Կամպանյան ընդգծեց, որ Սլովենիայի չեմպիոնը շատ հետաքրքիր ու բալանսավորված թիմ է։ «Համոզված եմ, որ տակտիկապես հետաքրքիր մրցավեճ է մեզ սպասվսում»,–ասաց նա։

Լյուքսեմբուրգի «Ֆոլայի» հետ խաղում «Արարատ-Արմենիայի» կազմում կարմիր քարտ ստացավ Ալեքս Ջունիորը, որը ստիպված է լինելու բաց թողնել «Ցելյեի» հետ խաղը։ «Մենք ունենք մի քանի ֆուտբոլիստները, որոնք կարող են խաղալ պաշտպանության ձախ եզրում։ Չեմ կարող դեռևս ասել, թե ով դուրս կգա խաղադաշտ վաղը այդ դիրքում, բայց մենք ընտրության հնարավորություն ունենք», - ավելացրեց Դավիթ Կամպանյան։

Դիտարժան ֆուտբոլ. Հայաստան - Էստոնիա հանդիպումը` լուսանկարներում

Սեպտեմբերի 24-ին «Ցելյեի» հետ խաղում հաղթանակի հասնելու դեպքում «Արարատ-Արմենիան»  փլեյ օֆֆում հոկտեմբերի 1-ին մրցելու է սերբական «Ցրվենա Զվեզդա» թիմի հետ»։ Բայց այդ խաղի մասին խոսել և մտածել առայժմ մեր թիմի ոչ մարզիչը, ոչ էլ ֆուտբոլիստը չէին ուզում։

Հիշեցնենք, որ սեպտեմբերի 17–ին «Արարատ-Արմենիան» Եվրոպայի լիգայի որակավորման երկրորդ փուլում 4։3 հաշվով գերկամային հաղթանակ տարավ Լյուքսեմբուրգի «Ֆոլայյի» նկատմամբ։ Իսկ վաղը որակավորման արդեն երրորդ փուլում մեր թիմի մրցակիցը Սլովենիայի չեմպիոն «Ցելյե» թիմն է։

63
թեգերը:
հաղթանակ, Եվրոպայի լիգա, Ֆուտբոլի ԱԱ 2018, «Արարատ–Արմենիա»
Ըստ թեմայի
Վարդան Մինասյանն այլևս «Արարատ-Արմենիայի» գլխավոր մարզիչը չէ
«Արարատ-Արմենիա»-«Օմոնիա» ֆուտբոլային հանդիպման ամենավառ և հիշարժան պահերը լուսանկարներով
«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»
Երևանում ԱՄՆ դեսպանատուն. արխիվային լուսանկար

Արցախ չգնալ, խուսափել հայ-ադրբեջանական սահման այցելելուց. կոչ ԱՄՆ քաղաքացիներին

81
(Թարմացված է 00:46 26.09.2020)
ԱՄՆ քաղաքացիներին Հայաստանում և Ադրբեջանում գործող դեսպանությունները հորդորում են ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ԵՐԵՎԱՆ, 26 սեպտեմբերի - Sputnik. Հայաստանում և Ադրբեջանում Միացյալ Նահանգների դեսպանությունները կոչ են անում ԱՄՆ քաղաքացիներին խուսափել հայ-ադրբեջանական սահման այցելելուց։

Երևանում ԱՄՆ դեսպանությունն իր կայքում հրապարակված զգուշացման մեջ կոչ է անում պահպանել զգոնություն պահպանել և ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ՀՀ-ում ԱՄՆ դեսպանատունը ԱՄՆ քաղաքացիներին կոչ է անում խուսափել այցելություններից շփման գծի և սահմանի մոտակայքով, այդ թվում Դիլիջան ազգային պարկից հյուսիս գտնվող M4 և M16 մայրուղիներով և մինչև Վրաստանի սահման գնալուց:

Դեսպանությունը կոչ է անում նաև չայցելել Լեռնային Ղարաբաղ։

Երևանում ԱՄՆ դեսպանությունն իր երկրի քաղաքացիներին հետևյալ ցուցումներն է տալիս`

  • Հետևեք տեղական լրատվամիջոցների թարմացումներին 
  • Խուսափեք մարդկանց բազմությունից 
  • Խուսափեք ցույցերից 
  • Տեղեկացրեք ձեր անվտանգության մասին ընկերներին և ընտանիքին 
  • Տեղեկացված եղեք ձեր շրջակայքի մասին:

Իսկ Ադրբեջանում ԱՄՆ դեսպանատունը ԱՄՆ քաղաքացիներին հորդորում է խուսափել Թովուզի և Ղազախի շրջաններ այցելություններից:

Հայաստանը սահմանին զորքեր չի կուտակում. ՊՆ–ն պատասխանում է ադրբեջանական ապատեղեկատվությանը

81
թեգերը:
Սահման, Ադրբեջան, Արցախ, դեսպանատուն, ԱՄՆ
Ըստ թեմայի
Ադրբեջանը պետք է հրաժարվի ռազմական շանտաժի քաղաքականությունից. Արցախի ԱԳՆ-ն՝ Ալիևին
Բլե՞ֆ, թե՞ պատերազմի նախապատրաստություն. Ադրբեջանում զորահավաքներ են
Ադրբեջանի գործելաոճն անարգանք է ՍԾՏՀ կազմակերպության հանդեպ. ԱԳ նախարար