Մարգարիտա Գասպարյան. արխիվային լուսանկար

Հայուհին ընդդեմ հայի կնոջ. ինչ են կանխատեսում մասնագետները Գասպարյան–Ուիլյամս խաղից առաջ

100
Թենիսի մրցաշարի պայմանները բավական խիստ են` չի կարելի հյուրանոցի տարածքից դուրս գալ, գնալ ռեստորան կամ զբոսնել Մանհեթենով։

ԵՐԵՎԱՆ, 3 սեպտեմբերի – Sputnik. Ռուսաստանաբնակ հայուհի Մարգարիտա Գասպարյանն այսօր կխաղա մրցաշարի երրորդ ռակետ Սերենա Ուիլյամսի հետ (ամերիկահայ գործարար Ալեքսիս Օհանյանի կինը)։

Մարգարիտան ասել է, որ Ուիլյամսի դեմ ԱՄՆ բաց առաջնության երկրորդ փուլի խաղում կաշխատի ցուցադրել իր լավագույն թենիսը։

Առաջին փուլում ռուսաստանցին հաղթել է պուերտոռիկացի Մոնիկա Պյուիգին 6:3, 6:7 (0:7), 6:0 հաշվով։

«Սերենայի դեմ երկու անգամ եմ կորտ դուրս եկել. Ավստրալիայում և Ուիմբլդոնի ժամանակ։ Հիանալի է մեծ մարզադաշտերում խաղալ մեծ խաղացողների հետ։ Ցավոք` առանց հանդիսատես, բայց միևնույնն է` դրանք անհավանական հույզեր են, նոր փորձ և նոր մարտահրավեր։ Կաշխատեմ ցուցադրել իմ լավագույն խաղը», – Գասպարյանի խոսքերն է մեջբերում Ռուսաստանի թենիսի ֆեդերացիան։

Թենիսիստուհին խոստովանել է, որ պայմանները բավական խիստ են` չի կարելի հյուրանոցի տարածքից դուրս գալ, գնալ ռեստորան կամ զբոսնել Մանհեթենով։

«Ամեն դեպքում մենք այստեղ ենք խաղալու համար և լիովին կենտրոնացած ենք թենիսի վրա... Ուզում եմ ասել` շատ ուրախ եմ, որ կազմակերպիչներն անցկացնում են այս մրցաշարը, նրանք անում են հնարավոր ամեն բան` ապահովելով այստեղ մեր անվտանգությունը։ Նրանք մեզ ելույթ ունենալու, խաղալու և գումար վաստակելու հնարավորություն են տվել»,– հավելել է Գասպարյանը։

Վերլուծաբանները կարծում են, որ Մարգարիտան լավ մարզավիճակում չէ, խաղի ելքն իր օգտին շրջելու հնարավորությունները նվազագույն են։ Նրանց կարծիքով` US Open-ի Մարգարիտա Գասպարյան-Սերենա Ուիլյամս խաղը դիտարժան չի ստացվի։

Իսկական հայուհի է․ Սերենա Ուիլյամսին և Ալեքսիս Օհանյանին կապում է ոչ միայն դուստրը 

100
թեգերը:
Մարգարիտա Գասպարյան, Սերենա Ուիլյամս, թենիս
Ըստ թեմայի
Սերենա Ուիլյամսը ճանաչվել է տասնամյակի լավագույն կին մարզիկ
Խոշոր շահում. Սերենա Ուիլյամսը Օքլենդի թենիսի մրցաշարում հաղթեց Ջեսիկա Պեգուլային
Տարվա լավագույն թենիսիստները. Ջոկովիչ և Ուիլյամս
 «Արարատ-Արմենիա»- «Ցելյե» հանդիպումը

«Արարատ-Արմենիան» հաղթանակ տարավ. հայկական թիմը Եվրոպայի լիգայի փլեյ- օֆֆում է

112
(Թարմացված է 20:51 24.09.2020)
Երկրորդ անգամ անընդմեջ Եվրոպայի լիգայի խաղարկությունում Հայաստանի չեմպիոնը հանդես է գալու փլեյ օֆֆում, երկրորդ անգամ անընդմեջ մեր թիմըատ լավ հնարավորություն ունի խաղալու խմբային փուլում։ Մնաց մեկ մրցակից՝ «Ցրվենա Զվեզդան»։

ԵՐԵՎԱՆ, 24 սեպտեմբերի — Sputnik. Սերգեյ Վակուլենկոյի խփած գնդակը հանդիպման 111-րդ րոպեին հաղթանակ բերեց «Արարատ-Արմենիային» սլովենական «Ցելյեի» նկատմամբ Եվրոպայի լիգայի որակավորման երրորդ փուլում։ Հայաստանի չեմպիոնը կխաղա փլեյ -օֆֆում։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Հանդիպման առաջին խաղակեսն անցավ բավականին հետաքրքիր պայքարում։ Ընդհանուր առմամբ հավասար պայքար էր, ու մրցող կողմերից ոչ մեկին չէր հաջողվում ստանալ տարածքային կամ խաղային առավելություն։ Սակայն այս ամենի հետ մեկտեղ, երկու թիմն էլ ավելի շատ մտածում էին գնդակ բաց չթողնելու մասին։ Գրոհի ընթացքում թե՛ «Արարատ-Արմենիայի» և թե՛ «Ցելյեի» ֆուտբոլիստների մոտ պակասում էր վերջին հարվածը։ Երբեմն հարվածներ եղան, բայց դարպասապահները մինչև ընդմիջում խաղին լրջորեն այդպես էլ չմիջամտեցին։ Պարզ դարձավ, որ հիմնական իրադարձությունները դեռևս առջևում էին։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Իհարկե կարևոր էր, որ հայկական թիմը չէր զիջում մրցակցին ու որոշ դեպքերում էլ առանձնանում էր գեղեցիկ խաղով։ Բայց «Ցելյեն» շատ կազմակերպված էր խաղում պաշտպանությունում, ու խաղային կարգապահությունը սլովենական չեմպիոնի մոտ անսասան էր։ Սա էլ հիմնական պատճառն էր, որ մեր ֆուտբոլիստները չէին կարողանում ճեղքել մրցակցի պաշտպանությունը։ Հարկավոր էր անակնկալ որոշումներ կայացնել առջևի գծում, քանի որ հյուրերը առանց մեծ ճիգեր գործադրելու գուշակում էին մերոնց հաջորդ քայլն ու չեզոքացնում վտանգը։

«Փյունիկի» նախկին գլխավոր մարզիչը բուլղարական ֆուտբոլային ակումբ կղեկավարի

Երկրորդ խաղակեսի հենց սկզբից հյուրերը զգալի ավելացրին խաղի տեմպը, բայց առաջին գոլային հնարավորությունը ունեցան մերոնք։ Ֆուրջել Նարսինգը, միայնակ անցնելով մոտ 60 մետր, հարվածեց, ու գնդակը դարպասաձողի հարևանությամբ դուրս եկավ դաշտի սահմաններից։ Խաղը սրվեց, երկկողմանի արագություններով մրցակիցները ձգտում էին վճռել հանդիպման ելքը։

Աստիճանաբար տարածքային առավելությունը անցավ «Ցելյեի» ֆուտբոլիստներին։ Մեր թիմը սկսեց գործել հակագրոհների մարտավարությամբ։ Բայց մինչև հիմնական ժամանակի ավարտը այդպես էլ դարպասի գրավում չարձանագրվեց, չնայած վերջին վայրկյաններին Մարտինեսը կարող էր հաղթանակ ապահովել հայկական թիմին, բայց վրիպեց նպաստավոր դիրքից։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
Нападающий "Арарат-Армения" Маилсон Лима (справа) и защитник "Целе" Амадей Брекл на третьем отборочном матче Лиги Европы между ФК "Арарат-Армения" и сербским "Целе" (24 сентября 2020). Еревaн

Հայաստանի չեմպիոնի մասնակցությամբ Եվրոգավաթների երրորդ խաղում հաղթողին որոշելու համար նշանակվեց լրացուցիչ ժամանակ։ Եթե առաջին դեպքում մեր թիմը պարտվեց լրացուցիչ ժամանակում կիպրոսյան «Օմոնիային», ապա հաջորդ երկու խաղերում Հայաստանի չեմպիոնը հասավ իր նպատակին։ Ու «Արարատ-Արմենիայի» հերոսը դարձավ կենտրոնական պաշտպան Սերգեյ Վակուլենկոն, որը և՛ «Ֆոլայի», և՛ «Ցելյեի» հետ խաղերում լրացուցիչ ժամանակում դարձավ հաղթական գոլի հեղինակ։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Այսպիսով մեկ շաբաթ անց, Երևանում խմբային փուլի ուղեգիրը հայկական թիմը կվիճարկի Սերբիայի չեմպիոն «Ցրվենա Զվեզդայի» հետ։

112
թեգերը:
Եվրոպայի լիգա, հաղթանակ, Արարատ–Արմենիա, ֆուտբոլ
Ըստ թեմայի
Բամբասանքներին չեմ հավատում. Հարությունյանը համոզված է՝ հաջորդ խաղին Մխիթարյանը կմասնակցի
Ֆանտաստիկ «come back». «Արարատ-Արմենիան» գերկամային հաղթանակ տարավ
Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է
«Արարատ–Արմենիա»–«Ֆոլա»

Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է

63
(Թարմացված է 17:15 23.09.2020)
Եվրոպայի լիգայի ընթացիկ խաղարկությունում խմբային փուլ հասնելու համար «Արարատ-Արմենիային» դեռևս 2 հաղթանակ է հարկավոր։ Առաջին քայլն այդ ճանապարհին կարող է լինել վաղը։ Հայաստանի գործող չեմպիոնի մրցակիցը Սլովենիայի չեմպիոն «Ցելյե» թիմն է լինելու։

ԵՐԵՎԱՆ, 23 սեպտեմբերի — Sputnik. Նախորդ խաղում «Արարատ–Արմենիայի» գերկամային հաղթանակը ոգեշնչել ու սեփական ուժերի նկատմամբ հավատ է ներշնչել: Վաղը կայանալիք հանդիպումից առաջ նախախաղային ասուլիսում նման կարծիք հայտնեց «Արարատ-Արմենիայի» կիսապաշտպան Արմեն Համբարձումյանը։

Նշենք, որ սեպտեմբերի 24–ին Եվրոպայի լիգայի որակավորման երրորդ փուլում Հայաստանի միակ ներկայացուցիչն այս մրցաշարում՝ «Արարատ-Արմենիան»,  Ավանի ֆուտբոլի ակադեմիայում հյուրընկալելու է սլովենական «Ցելյե» թիմին։

Արմեն Համբարձումյանը գտնում է, որ առաջիկա խաղում ևս հայկական թիմը հաղթելու լավ շանսեր ունի․«Եթե առաջիկա խաղին էլ մենք նույն նվիրվածությամբ խաղանք ու ցուցադրենք այն խաղը, որին ունակ ենք, կարծում եմ` հաղթանակի կհասնենք։ Անկասկած «Ցելյեն» ուժեղ թիմ է, բայց հաղթանակի հասնելու մեր հնարավորությունները պակաս չեն»,- ասեց Համբարձումյանը։

Խոսելով Հայաստանի գործող չեմպիոնի առաջիկա մրցակցի մասին` մեր թիմի գլխավոր մարզիչ Դավիթ Կամպանյան ընդգծեց, որ Սլովենիայի չեմպիոնը շատ հետաքրքիր ու բալանսավորված թիմ է։ «Համոզված եմ, որ տակտիկապես հետաքրքիր մրցավեճ է մեզ սպասվսում»,–ասաց նա։

Լյուքսեմբուրգի «Ֆոլայի» հետ խաղում «Արարատ-Արմենիայի» կազմում կարմիր քարտ ստացավ Ալեքս Ջունիորը, որը ստիպված է լինելու բաց թողնել «Ցելյեի» հետ խաղը։ «Մենք ունենք մի քանի ֆուտբոլիստները, որոնք կարող են խաղալ պաշտպանության ձախ եզրում։ Չեմ կարող դեռևս ասել, թե ով դուրս կգա խաղադաշտ վաղը այդ դիրքում, բայց մենք ընտրության հնարավորություն ունենք», - ավելացրեց Դավիթ Կամպանյան։

Դիտարժան ֆուտբոլ. Հայաստան - Էստոնիա հանդիպումը` լուսանկարներում

Սեպտեմբերի 24-ին «Ցելյեի» հետ խաղում հաղթանակի հասնելու դեպքում «Արարատ-Արմենիան»  փլեյ օֆֆում հոկտեմբերի 1-ին մրցելու է սերբական «Ցրվենա Զվեզդա» թիմի հետ»։ Բայց այդ խաղի մասին խոսել և մտածել առայժմ մեր թիմի ոչ մարզիչը, ոչ էլ ֆուտբոլիստը չէին ուզում։

Հիշեցնենք, որ սեպտեմբերի 17–ին «Արարատ-Արմենիան» Եվրոպայի լիգայի որակավորման երկրորդ փուլում 4։3 հաշվով գերկամային հաղթանակ տարավ Լյուքսեմբուրգի «Ֆոլայյի» նկատմամբ։ Իսկ վաղը որակավորման արդեն երրորդ փուլում մեր թիմի մրցակիցը Սլովենիայի չեմպիոն «Ցելյե» թիմն է։

63
թեգերը:
հաղթանակ, Եվրոպայի լիգա, Ֆուտբոլի ԱԱ 2018, «Արարատ–Արմենիա»
Ըստ թեմայի
Վարդան Մինասյանն այլևս «Արարատ-Արմենիայի» գլխավոր մարզիչը չէ
«Արարատ-Արմենիա»-«Օմոնիա» ֆուտբոլային հանդիպման ամենավառ և հիշարժան պահերը լուսանկարներով
«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

0
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

0
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը