Մարզիկների դիմավորումը «Զվարթնոց» օդանավակայանում. արխիվային լուսանկար

Լավագույն մարզիկները` առանց փողի. ոչ պետական ֆինանսավորումը դադարեցվել է, պետականը դեռ չկա

149
(Թարմացված է 12:28 03.09.2020)
Հայաստանի բարձր որակավորում ունեցող մարզիկները ֆինանսական դժվարին վիճակում են։ Այս պայմաններում նրանք պատրաստվում են ամառային օլիմպիադային։ Կառավարությունը որոշեց շտկել իրավիճակը։

ԵՐԵՎԱՆ, 3 սեպտեմբերի — Sputnik. 2021 թվականի ամառային օլիմպիական խաղերին մասնակցության վարկանիշ ձեռք բերած մարզիկներին, հավաքականների մարզիչներին ու բժիշկներին ՀՀ կրթության, գիտության, մշակույթի և սպորտի նախարարությանը լրացուցիչ գումարներ կտրամադրի` օլիմպիական խաղերին նախապատրաստվելու համար։

Համապատասխան որոշումն այսօր ընդունվեց ՀՀ կառավարության հերթական նիստում։

Նախագիծը ներկայացնելով` ԿԳՄՍ նախարար Արայիկ Հարությունյանը հայտնեց, որ ներկա պահին ՀՀ բարձր վարկանիշ ունեցող մարզիկները բարդ ֆինանսական վիճակում են։ Ոչ պետական ֆինանսավորումը դադարեցվել է, պետական ֆինանսավորում առայժմ չկա։

«Օլիմպիական խաղերի, աշխարհի ու Եվրոպայի առաջնությունների հաղթողներին ու մրցանակակիրներին, 2021 թվականի ամառային օլիմպիական խաղերին մասնակցության վարկանիշ ձեռք բերած մարզիկներին, օլիմպիական խաղերի ծրագրում ընդգրկված մարզաձևերի հավաքական թիմերի մարզիչներին ու բժիշկներին ամսական խրախուսման վճար չի տրամադրվում, ինչն արվում էր նախկինում ոչ պետական այլ աղբյուրից։ Սակայն ամիսներ շարունակ դա դադարեցվել է, և մեր մարզիկներն ու մարզիչները ծանր կացության մեջ են  հայտնվել»,– ասաց Հարությունյանը։

Իրավիճակը շտկելու նպատակով ՀՀ կառավարությունն ընդունված որոշմամբ ամեն ամիս 232 000 000 դրամ գումար կհատկացնի մարզիկներին ու մարզիչներին` որպես սպորտային նպաստ։

Օլիմպիական խաղերում հաղթած մարզիկներն ամսական 500 000 դրամ կստանան. նոր կարգ է սահմանվել

Ինչ վերաբերում է ամառային օլիմպիադային, նախարար Հարությունյանը հայտնեց, որ դրան այսօր նախապատրաստվում են ՀՀ 6 մարզիկներ, որոնց հետ աշխատում են  1 գլխավոր և 2 այլ մարզիչներ։

149
թեգերը:
Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, փող, ՀՀ կառավարություն, Հայաստան, Օլիմպիական խաղեր, մարզիչ, մարզիկ
Ըստ թեմայի
Ինչպես Հայրապետյանը Մոսկվայի Օլիմպիական խաղերի ժամանակ մեդալ նվաճեց մականախաղում
Ինչպես ստեղծվեց օլիմպիական արջուկը, կամ Միշան արդեն 40 տարի է՝ մեր ընտանիքի անդամն է
Հայաստանի հավաքականը հրաժարվեց շարունակել մասնակցությունը շախմատի առցանց օլիմպիադային
 «Արարատ-Արմենիա»- «Ցելյե» հանդիպումը

«Արարատ-Արմենիան» հաղթանակ տարավ. հայկական թիմը Եվրոպայի լիգայի փլեյ- օֆֆում է

110
(Թարմացված է 20:51 24.09.2020)
Երկրորդ անգամ անընդմեջ Եվրոպայի լիգայի խաղարկությունում Հայաստանի չեմպիոնը հանդես է գալու փլեյ օֆֆում, երկրորդ անգամ անընդմեջ մեր թիմըատ լավ հնարավորություն ունի խաղալու խմբային փուլում։ Մնաց մեկ մրցակից՝ «Ցրվենա Զվեզդան»։

ԵՐԵՎԱՆ, 24 սեպտեմբերի — Sputnik. Սերգեյ Վակուլենկոյի խփած գնդակը հանդիպման 111-րդ րոպեին հաղթանակ բերեց «Արարատ-Արմենիային» սլովենական «Ցելյեի» նկատմամբ Եվրոպայի լիգայի որակավորման երրորդ փուլում։ Հայաստանի չեմպիոնը կխաղա փլեյ -օֆֆում։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Հանդիպման առաջին խաղակեսն անցավ բավականին հետաքրքիր պայքարում։ Ընդհանուր առմամբ հավասար պայքար էր, ու մրցող կողմերից ոչ մեկին չէր հաջողվում ստանալ տարածքային կամ խաղային առավելություն։ Սակայն այս ամենի հետ մեկտեղ, երկու թիմն էլ ավելի շատ մտածում էին գնդակ բաց չթողնելու մասին։ Գրոհի ընթացքում թե՛ «Արարատ-Արմենիայի» և թե՛ «Ցելյեի» ֆուտբոլիստների մոտ պակասում էր վերջին հարվածը։ Երբեմն հարվածներ եղան, բայց դարպասապահները մինչև ընդմիջում խաղին լրջորեն այդպես էլ չմիջամտեցին։ Պարզ դարձավ, որ հիմնական իրադարձությունները դեռևս առջևում էին։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Իհարկե կարևոր էր, որ հայկական թիմը չէր զիջում մրցակցին ու որոշ դեպքերում էլ առանձնանում էր գեղեցիկ խաղով։ Բայց «Ցելյեն» շատ կազմակերպված էր խաղում պաշտպանությունում, ու խաղային կարգապահությունը սլովենական չեմպիոնի մոտ անսասան էր։ Սա էլ հիմնական պատճառն էր, որ մեր ֆուտբոլիստները չէին կարողանում ճեղքել մրցակցի պաշտպանությունը։ Հարկավոր էր անակնկալ որոշումներ կայացնել առջևի գծում, քանի որ հյուրերը առանց մեծ ճիգեր գործադրելու գուշակում էին մերոնց հաջորդ քայլն ու չեզոքացնում վտանգը։

«Փյունիկի» նախկին գլխավոր մարզիչը բուլղարական ֆուտբոլային ակումբ կղեկավարի

Երկրորդ խաղակեսի հենց սկզբից հյուրերը զգալի ավելացրին խաղի տեմպը, բայց առաջին գոլային հնարավորությունը ունեցան մերոնք։ Ֆուրջել Նարսինգը, միայնակ անցնելով մոտ 60 մետր, հարվածեց, ու գնդակը դարպասաձողի հարևանությամբ դուրս եկավ դաշտի սահմաններից։ Խաղը սրվեց, երկկողմանի արագություններով մրցակիցները ձգտում էին վճռել հանդիպման ելքը։

Աստիճանաբար տարածքային առավելությունը անցավ «Ցելյեի» ֆուտբոլիստներին։ Մեր թիմը սկսեց գործել հակագրոհների մարտավարությամբ։ Բայց մինչև հիմնական ժամանակի ավարտը այդպես էլ դարպասի գրավում չարձանագրվեց, չնայած վերջին վայրկյաններին Մարտինեսը կարող էր հաղթանակ ապահովել հայկական թիմին, բայց վրիպեց նպաստավոր դիրքից։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
Нападающий "Арарат-Армения" Маилсон Лима (справа) и защитник "Целе" Амадей Брекл на третьем отборочном матче Лиги Европы между ФК "Арарат-Армения" и сербским "Целе" (24 сентября 2020). Еревaн

Հայաստանի չեմպիոնի մասնակցությամբ Եվրոգավաթների երրորդ խաղում հաղթողին որոշելու համար նշանակվեց լրացուցիչ ժամանակ։ Եթե առաջին դեպքում մեր թիմը պարտվեց լրացուցիչ ժամանակում կիպրոսյան «Օմոնիային», ապա հաջորդ երկու խաղերում Հայաստանի չեմպիոնը հասավ իր նպատակին։ Ու «Արարատ-Արմենիայի» հերոսը դարձավ կենտրոնական պաշտպան Սերգեյ Վակուլենկոն, որը և՛ «Ֆոլայի», և՛ «Ցելյեի» հետ խաղերում լրացուցիչ ժամանակում դարձավ հաղթական գոլի հեղինակ։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Այսպիսով մեկ շաբաթ անց, Երևանում խմբային փուլի ուղեգիրը հայկական թիմը կվիճարկի Սերբիայի չեմպիոն «Ցրվենա Զվեզդայի» հետ։

110
թեգերը:
Եվրոպայի լիգա, հաղթանակ, Արարատ–Արմենիա, ֆուտբոլ
Ըստ թեմայի
Բամբասանքներին չեմ հավատում. Հարությունյանը համոզված է՝ հաջորդ խաղին Մխիթարյանը կմասնակցի
Ֆանտաստիկ «come back». «Արարատ-Արմենիան» գերկամային հաղթանակ տարավ
Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է
«Արարատ–Արմենիա»–«Ֆոլա»

Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է

63
(Թարմացված է 17:15 23.09.2020)
Եվրոպայի լիգայի ընթացիկ խաղարկությունում խմբային փուլ հասնելու համար «Արարատ-Արմենիային» դեռևս 2 հաղթանակ է հարկավոր։ Առաջին քայլն այդ ճանապարհին կարող է լինել վաղը։ Հայաստանի գործող չեմպիոնի մրցակիցը Սլովենիայի չեմպիոն «Ցելյե» թիմն է լինելու։

ԵՐԵՎԱՆ, 23 սեպտեմբերի — Sputnik. Նախորդ խաղում «Արարատ–Արմենիայի» գերկամային հաղթանակը ոգեշնչել ու սեփական ուժերի նկատմամբ հավատ է ներշնչել: Վաղը կայանալիք հանդիպումից առաջ նախախաղային ասուլիսում նման կարծիք հայտնեց «Արարատ-Արմենիայի» կիսապաշտպան Արմեն Համբարձումյանը։

Նշենք, որ սեպտեմբերի 24–ին Եվրոպայի լիգայի որակավորման երրորդ փուլում Հայաստանի միակ ներկայացուցիչն այս մրցաշարում՝ «Արարատ-Արմենիան»,  Ավանի ֆուտբոլի ակադեմիայում հյուրընկալելու է սլովենական «Ցելյե» թիմին։

Արմեն Համբարձումյանը գտնում է, որ առաջիկա խաղում ևս հայկական թիմը հաղթելու լավ շանսեր ունի․«Եթե առաջիկա խաղին էլ մենք նույն նվիրվածությամբ խաղանք ու ցուցադրենք այն խաղը, որին ունակ ենք, կարծում եմ` հաղթանակի կհասնենք։ Անկասկած «Ցելյեն» ուժեղ թիմ է, բայց հաղթանակի հասնելու մեր հնարավորությունները պակաս չեն»,- ասեց Համբարձումյանը։

Խոսելով Հայաստանի գործող չեմպիոնի առաջիկա մրցակցի մասին` մեր թիմի գլխավոր մարզիչ Դավիթ Կամպանյան ընդգծեց, որ Սլովենիայի չեմպիոնը շատ հետաքրքիր ու բալանսավորված թիմ է։ «Համոզված եմ, որ տակտիկապես հետաքրքիր մրցավեճ է մեզ սպասվսում»,–ասաց նա։

Լյուքսեմբուրգի «Ֆոլայի» հետ խաղում «Արարատ-Արմենիայի» կազմում կարմիր քարտ ստացավ Ալեքս Ջունիորը, որը ստիպված է լինելու բաց թողնել «Ցելյեի» հետ խաղը։ «Մենք ունենք մի քանի ֆուտբոլիստները, որոնք կարող են խաղալ պաշտպանության ձախ եզրում։ Չեմ կարող դեռևս ասել, թե ով դուրս կգա խաղադաշտ վաղը այդ դիրքում, բայց մենք ընտրության հնարավորություն ունենք», - ավելացրեց Դավիթ Կամպանյան։

Դիտարժան ֆուտբոլ. Հայաստան - Էստոնիա հանդիպումը` լուսանկարներում

Սեպտեմբերի 24-ին «Ցելյեի» հետ խաղում հաղթանակի հասնելու դեպքում «Արարատ-Արմենիան»  փլեյ օֆֆում հոկտեմբերի 1-ին մրցելու է սերբական «Ցրվենա Զվեզդա» թիմի հետ»։ Բայց այդ խաղի մասին խոսել և մտածել առայժմ մեր թիմի ոչ մարզիչը, ոչ էլ ֆուտբոլիստը չէին ուզում։

Հիշեցնենք, որ սեպտեմբերի 17–ին «Արարատ-Արմենիան» Եվրոպայի լիգայի որակավորման երկրորդ փուլում 4։3 հաշվով գերկամային հաղթանակ տարավ Լյուքսեմբուրգի «Ֆոլայյի» նկատմամբ։ Իսկ վաղը որակավորման արդեն երրորդ փուլում մեր թիմի մրցակիցը Սլովենիայի չեմպիոն «Ցելյե» թիմն է։

63
թեգերը:
հաղթանակ, Եվրոպայի լիգա, Ֆուտբոլի ԱԱ 2018, «Արարատ–Արմենիա»
Ըստ թեմայի
Վարդան Մինասյանն այլևս «Արարատ-Արմենիայի» գլխավոր մարզիչը չէ
«Արարատ-Արմենիա»-«Օմոնիա» ֆուտբոլային հանդիպման ամենավառ և հիշարժան պահերը լուսանկարներով
«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»
Արծրուն Հովհաննիսյան

Ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան

36
(Թարմացված է 10:32 27.09.2020)
ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

ԵՐԵՎԱՆ, 27 սեպտեմբերի - Sputnik. Ադրբեջանի ՊՆ-ն պաշտոնապես հաստատել է Թարթառի ուղղությամբ 1 միավոր ուղղաթիռ կորցնելու տեղեկությունը։ Նշվում է, որ անձնակազմը ողջ է մնացել։

Ռազմական փորձագետ Արծրուն Հովհաննիսյանը Facebook-ում կատարած գրառման մեջ, մեկնաբանելով Ադրբեջանի ՊՆ-ի տարածած հաղորդագրությունը, նշում է. «Մի ուղղաթիռի կորուստն ընդունեցին, ուրեմն ավելի շատ են կորուստները»:

Նշենք, որ ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

Մնացեք թաքստոցներում. շփման գծի երկայնքով մարտերը շարունակվում են

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Օդային և հրետանային հարվածներ են հասցվել Լեռնային Ղարաբաղի մայրաքաղաք Ստեփանակերտին:

36
թեգերը:
Արծրուն Հովհաննիսյան, Արցախ, Հայաստան
Ըստ թեմայի
Ադրբեջանը տանկերի կորուստներ ունի. Արծրուն Հովհաննիսյան
Ձեր տեսանյութերով հակառակորդի կրակն եք ուղղորդում. Հովհաննիսյանը դիմել է կոչով
Հայկական կողմը խոցել է հակառակորդի 3 տանկ. Շուշան Ստեփանյան
Կենաց մահու պատերազմ է. Արցախի նախագահն ուղերձով կդիմի ժողովրդին