Լևոն Արոնյան

Հայաստանի հավաքականը հրաժարվեց շարունակել մասնակցությունը շախմատի առցանց օլիմպիադային

381
(Թարմացված է 21:57 28.08.2020)
Հայաստանի հավաքականը հրաժարվել է մասնակցել Շախմատի օլիմպիադայի քառորդ եզրափակիչի՝ Հնդկաստանի հետ դիմակայության երկրորդ փուլին:

ԵՐԵՎԱՆ, 28 օգոստոսի – Sputnik. Հայաստանի հավաքականի առաջատար Լևոն Արոնյանն իր դժգոհությունն է հայտնել Հայաստանի հավաքականի հետ կապված` ՖԻԴԵ-ի կայացրած որոշումից։

Բանն այն է, որ Շախմատի համաշխարհային օլիմպիադայի քառորդ եզրափակիչում այսօր Հայաստանի հավաքականի մրցակիցը Հնդկաստանն էր: Առաջին իսկ փուլում Հայաստանի թիմը պարտություն կրեց, սակայն մեր պատվիրակությունը բողոքարկեց Հայկ Մարտիրոսյանի պարտիան։ Օնլայն ծրագրի հետ կապված խնդիր է առաջացել, ինչի պատճառով Մարտիրոսյանը չի կարողացել քայլ անել։

«Որպես շախմատի համաշխարհային օլիմպիադայի եռակի չեմպիոն` ես շատ դժգոհ եմ ՖԻԴԵ-ի ՝ մեր բողոքը մերժելու որոշումից։ Հնդկաստանի հետ մեր հանդիպումը Հայկ Մարտիրոսյանը տանուլ տվեց ցանցից անջատվելու պատճառով։ Մենք ապացուցել ենք, որ մեր կապը կայուն է եղել»,–Twitter–ի իր էջում գրել է Արոնյանը։

Դրանից հետո Շախմատի ֆեդերացիայի գլխավոր քարտուղար Միքայել Անդրիասյանը Armsport.am–ի հետ զրույցում նշել է, որ Հայաստանի հավաքականը հրաժարվել է մասնակցել Օլիմպիադայի քառորդ եզրափակչի՝ Հնդկաստանի հետ դիմակայության երկրորդ փուլին:

Հայաստանը շախմատի առցանց օլիմպիադայում 3 խոշոր հաղթանակ է տարել

Այսպիսով, Հայաստանի հավաքականը դուրս մնաց շախմատի օլիմպիադայից:

Հիշեցնենք` օգոստոսի 21-ին առաջին առցանց օլիմպիադայի մեդալների համար պայքարի մեջ մտան 40 ուժեղագույն հավաքականներ, որոնք բաժանված են 4 խմբի: Հայաստանի հավաքականը Ռուսաստանի, Ալժիրի, Անգլիայի, Բուլղարիայի, Եգիպտոսի, Մարոկկոյի, Ռումինիայի, Թուրքիայի և Խորվաթիայի հավաքականների հետ հայտնվել է միևնույն խմբում։

Յուրաքանչյուր խմբի հաղթողներն ուղղակիորեն կանցնեն քառորդ եզրափակիչ։ Քառորդ եզրափակիչի ևս 4 ուղեգիր կվիճարկեն այն թիմերը, որոնք ընտրական խմբերում կզբաղեցնեն երկրորդ և երրորդ տեղերը: Եզրափակիչը տեղի կունենա «նոկաուտ» սկզբունքով։

Հուլիսի 25-ին մեկնարկած օլիմպիադային մասնակցում է 163 թիմ: Նրանք խաղում են վեց խաղատախտակների վրա։

Յուրաքանչյուր թիմում ներգրավված են երկուական տղամարդ և կին, ինչպես նաև մինչև 20 տարեկան տղաներ և աղջիկներ։

Արոնյանն ու Հայաստանի հավաքականը հաղթանակով սկսեցին շախմատի առցանց օլիմպիադիան

381
թեգերը:
Լևոն Արոնյան, Հայաստան, շախմատ
Ըստ թեմայի
FIDE նոր նախագահի նշանակումը դրական կազդի շախմատի հանրահռչակման վրա. Անատոլի Կարպով
Սկանդալ շախմատիստուհի Մարիա Գևորգյանի շուրջ. FIDE-ն կպատժի՞ թուրք կազմակերպիչներին
«Երկաթե Տիգրանը». FIDE–ն 10 փաստ է ներկայացրել գրոսմայստեր Տիգրան Պետրոսյանի կյանքից
Հենրիխ Մխիթարյան

Հենրիխ Մխիթարյանը «Սպեցիայի» հետ հանդիպմանը խաղադաշտ դուրս չի գա

26
(Թարմացված է 17:09 23.01.2021)
Բացի Մխիթարյանից, «Ռոմա»-«Սպեցիա» հանդիպմանը չեն մասնակցի նաև Էդին Ջեկոն ու Պեդրո Ռոդրիգեսը:

ԵՐԵՎԱՆ, 23 հունվարի – Sputnik. Հռոմի «Ռոմայի» կիսապաշտպան Հենրիխ Մխիթարյանը չի մասնակցի «Ռոմա»-«Սպեցիա» հանդիպմանը, գրում է Armsport–ը։

«Սպեցիայի» դեմ Իտալիայի առաջնության 19-րդ տուրի հանդիպմանը «Ռոմայի» հայտացուցակում 22 ֆուտբոլիստներ են ներառվել։
Մխիթարյանի` հանդիպումը բաց թողնելու պատճառը նրա մկանային ցավերն են։ Բացի Մխիթարյանից, «Ռոմա»-«Սպեցիա» հանդիպմանը չեն մասնակցի նաև Էդին Ջեկոն ու Պեդրո Ռոդրիգեսը:

Հիշեցնենք, որ «Ռոմա»-«Սպեցիա» հանդիպումը կկայանա այսօր և կմեկնարկի Երևանի ժամանակով 18:00-ին:

Իտալիայի գավաթի խաղարկության 1/8 եզրափակիչում «Ռոմա»- «Սպեցիա» հունվարի 20-ին կայացած հանդիպմանը Մխիթարյանը ոչ միայն մասնակցել էր, այլև գոլ խփել։

Մխիթարյանը 8 րոպեում 2 գոլ է խփել «Ռոմայի» կազմում. տեսանյութ

26
թեգերը:
ֆուտբոլ, «Ռոմա» ֆուտբոլային ակումբ, Հենրիխ Մխիթարյան
թեմա:
Հենրիխ Մխիթարյան
Ըստ թեմայի
Հենրիխ Մխիթարյանը նշում է ծննդյան 32-ամյակը
Պայմանագրի երկարաձգու՞մ, հիմա դրա ժամանակը չունենք. Մխիթարյանը մեկնաբանել է պտտվող լուրերը
Հենրիխ Մխիթարյանը դարձավ գոլի հեղինակ, բայց «Ռոման» պարտվեց
Հենրիխ Մխիթարյան

Հենրիխ Մխիթարյանը նշում է ծննդյան 32-ամյակը

41
(Թարմացված է 17:06 21.01.2021)
Մխիթարյանը վարձավճարով հանդես է գալիս  իտալական «Ռոմա» ակումբում, որտեղ կշարունակի խաղալ առնվազն մինչեւ 2022-ի ամառ։

ԵՐԵՎԱՆ, 21 հունվարի - Sputnik. Հայաստանի ֆուտբոլի ազգային թիմի ավագ, իտալական «Ռոմա»-ի կիսապաշտպան Հենրիխ Մխիթարյանը նշում է ծննդյան 32-ամյակը:

Այդ առիթով ֆուտբոլիստին շնորհավորել ու իր ֆեյսբուքյան էջում տեսանյութ է հրապարակել իտալական ակումբը։

Հայկական ֆուտբոլի աստղին շնորհավորել են նաև «Փյունիկ» ֆուտբոլային ակումբի սաները՝ նշելով, որ ցանկանում են նրան նմանվել, արցախյան երկրորդ պատերազմի մասնակիցներ, նշանավոր երաժիշտներ՝ մասնավորապես Արամոն ու կոմպոզիտոր Արա Գևորգյանը, հավաքականի ներկա ու նախկին գործընկերները, ինչպես նաև Հայաստանի հավաքականի գլխավոր մարզիչ Խոակին Կապառոսը։

Մխիթարյանը ֆուտբոլիստի կարիերան սկսել է Երևանի «Փյունիկ»-ում, ապա հանդես է եկել ուկրաինական «Մետալուրգ», «Շախտյոր», գերմանական «Բորուսիա-Դորտմունդ», անգլիական «Մանչեսթեր Յունայթեդ», «Արսենալ» ակումբներում

Ֆուտբոլիստի տրանսֆերային իրավունքները պատկանում են «Արսենալ»-ին, բայց նա վարձավճարով հանդես է գալիս  իտալական «Ռոմա» ակումբում, որտեղ կշարունակի խաղալ առնվազն մինչև 2022-ի ամառ։

Ճանաչվել է «Ռոմա»-ի 2020-ի նոյեմբեր ու դեկտեմբեր ամիսների լավագույն ֆուտբոլիստ։

Հայաստանի ազգային հավաքականի լավագույն ռմբարկուն է, 10 անգամ դարձել է Հայաստանի լավագույն ֆուտբոլիստ

Մխիթարյանը ՅՈՒՆԻՍԵՖ-ի բարի կամքի դեսպանն է Հայաստանում:

«Ռոման» Հենրիխ Մխիթարյանի հետ ևս մեկ տարվա պայմանագիր է կնքել

41
թեգերը:
ֆուտբոլ, Հենրիխ Մխիթարյան
Ըստ թեմայի
«Միայն կոմիքսներում այսպիսի բան կտեսնես»․ ՖԻՖԱ-ն շնորհավորել է Հենրիխ Մխիթարյանին
Հենրիխ Մխիթարյանը հերթական մրցանակն է ստացել իտալական «Ռոմայում»
«Մենք պետք է հաղթենք այս խավարին». Հենրիխ Մխիթարյանը շնորհավորել է հայերին
Արխիվային լուսանկար

«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել

0
Հետախուզման մեջ է գտնվող իրանցուն հայտնաբերել են «Զվարթնոց» օդանավակայանում։ Մինչ նրա հարցերը փորձել են լուծել, օպերլիազորն օգտվել է իրավիճակից։

ԵՐԵՎԱՆ, 23 հունվարի – Sputnik. ՀՀ ոստիկանությունը տեղեկացնում է, որ Երևանում օպերլիազորներից մեկը հետախուզվողից փող է հափշտակել։

«Հունվարի 8-ին Երևան է ժամանել միջազգային մակարդակով հետախուզվող Իրանի մի քաղաքացի։ Նա բերման է ենթարկվել ոստիկանության «Զվարթնոց» օդանավակայանի գծային բաժին ու խուզարկվել։ Ի թիվս այլ իրերի՝ հայտնաբերվել է նաև 1200 եվրո։ Փողը փաթեթավորվել է։ Գծային բաժնի քրեական հետախույզը, Իրանի քաղաքացուն քրեակատարողական հիմնարկ տեղափոխելիս, փաթեթավորված գումարից հափշտակել է 400 եվրո»,–նշված է հաղորդագրության մեջ։

Դեպքի առթիվ ՀՀ ոստիկանության Ներքին անվտանգության վարչությունում նախապատրաստված նյութերն ուղարկվել են ՀՔԾ։

ՀՔԾ–ն հունվարի 21-ին քրեական գործ է հարուցվել։ Հանգամանքները նախաքննությամբ պարզվում են։

0
թեգերը:
Հայաստան, Ճանապարհ, ոստիկան, «Զվարթնոց» օդանավակայան