Շախմատ

Լևոն Արոնյանը կրկին հաղթում է. Հայաստանը քառորդ եզրափակիչում է

152
(Թարմացված է 22:36 27.08.2020)
Օգոստոսի 21-ին Շախմատային առաջին առցանց օլիմպիադայում 40 ուժեղագույն հավաքականներ սկսեցին մեդալների համար մրցապայքարը։

ԵՐԵՎԱՆ, 27 օգոստոսի - Sputnik. Շախմատի Հայաստանի հավաքականը, Լևոն Արոնյանի գլխավորությամբ, դուրս եկավ Համաշխարհային օլիմպիադայի քառորդ եզրափակիչ։ Օլիմպիադան առաջին անգամ անցկացվում է առցանց։


1/8 եզրափակիչում հայ շախմատիստները հաղթեցին Հունաստանի թիմին։ Ըստ կանոնների ՝ քառորդ եզրափակիչ դուրս գալու համար անհրաժեշտ էր անցկացնել երկու հանդիպում։ Երկուսում էլ հաջողությունն ուղեկցում էր հայ շախմատիստներին։ Առաջին տուրում Հայաստանը հաղթանակ տարավ խոշոր հաշվով՝ 4,5:1,5, երկրորդում ՝ նվազագույն՝ 3,5:2,5 հաշվով:

Լևոն Արոնյանը հաղթանակներ է տարել երկու պարտիաներում էլ։ Առաջին խաղում նա հաղթել է Դեմետրիոս Մաստրովասիլիսին, երկրորդում՝ Խրիստոս Բանիկասին։ Հավաքականին հաղթական միավորներ են բերել նաև Աննա Սարգսյանը (2), Գաբրիել Սարգսյանը (1,5), Լիլիթ Մկրտչյանը (1,5): Հայկ Մարտիրոսյանը ոչ-ոքի ավարտեց երկու պարտիաները, իսկ Էլինա Դանիելյանը կրեց երկու պարտություն: Քառորդ եզրափակիչում Հայաստանն ուժերը կփորձի Հնդկաստանի հետ։

Օգոստոսի 21-ին Շախմատային առաջին առցանց օլիմպիադայում 40 ուժեղագույն հավաքականներ սկսեցին մեդալների համար մրցապայքարը։ Նրանք բաժանված են 4 խմբի: Հայաստանի հավաքականը Ռուսաստանի, Ալժիրի, Անգլիայի, Բուլղարիայի, Եգիպտոսի, Մարոկկոյի, Ռումինիայի, Թուրքիայի և Խորվաթիայի հավաքականների հետ նույն խմբում է:

Արոնյանն ու Հայաստանի հավաքականը հաղթանակով սկսեցին շախմատի առցանց օլիմպիադիան

Յուրաքանչյուր խմբի հաղթողներն ուղղակիորեն կանցնեն քառորդ եզրափակիչ։ Քառորդ եզրափակիչի ևս 4 ուղեգիր կվիճարկեն այն թիմերը, որոնք ընտրական խմբերում կզբաղեցնեն երկրորդ և երրորդ տեղերը: Փլեյ-օֆֆի փուլը տեղի կունենա նոկաուտ համակարգով։

152
թեգերը:
Հայաստան, Լևոն Արոնյան, շախմատ
Ըստ թեմայի
Կյանքը վերականգնվում է. Ջերմուկում մեկնարկել է Ստեփան Ավագյանի անվան շախմատի հուշամրցաշարը
Շախմատիստ Դավիթ Պառավյանը հաղթել է Ջիբրալթարում կայացած միջազգային մրցաշարում
Սերժ Սարգսյանն այցելել է շախմատի ակադեմիա. լուսանկար
Անգամ Լևոն Արոնյանն է խնդիրներ ունենում. Սարգսյանը` շախմատիստների մասին
«Արարատ–Արմենիա»– «Ցելե» հանդիպում. արխիվային լուսանկար

Ստեղծված իրավիճակի պատճառով «Արարատ-Արմենիա»-«Ցրվենա Զվեզդա» հանդիպումը կկայանա Կիպրոսում

48
(Թարմացված է 20:33 29.09.2020)
Նշվում է,. որ հաշվի առնելով, որ այսօր առավոտյան ռմբակոծվել են ՀՀ տարածքում գտնվող Վարդենիսի շրջանի գյուղերը, հանդիպման անցկացումը Հայաստանում նպատակահարմար չէ անվտանգության տեսանկյունից։

ԵՐԵՎԱՆ, 29 սեպտեմբերի - Sputnik. ՈւԵՖԱ-ի որոշմամբ ՈւԵՖԱ Եվրոպա լիգայի որակավորման փլեյ-օֆֆ փուլի «Արարատ-Արմենիա»-«Ցրվենա Զվեզդա» հոկտեմբերի 1-ին նախատեսված հանդիպումը կկայանա Կիպրոսի մայրաքաղաք Նիկոսիայի GSP մարզադաշտում: Հանդիպման մեկնարկը՝ Երևանի ժամանակով 21:00-ին:Տեղեկությունը հայտնում է ֆուտբոլային ակումբի Facebook-ի էջը։

«Հաշվի առնելով, որ այսօր առավոտյան ռմբակոծվել են ՀՀ տարածքում գտնվող Վարդենիսի շրջանի գյուղերը, հանդիպման անցկացումը Հայաստանում նպատակահարմար չէ անվտանգության տեսանկյունից»,–ասված է հաղորդագրության մեջ:

Նշենք, որ նախապես պլանավորված էր, որ «Արարատ-Արմենիա»-«Ցրվենա Զվեզդա» ֆուտբոլային հանդիպումը պիտի կայանա Երևանում։

Հիշեցնենք, որ մեկ շաբաթ առաջ՝ սեպտեմբերի 24-ին, «Արարատ-Արմենիան» Եվրոպայի լիգայի որակավորման երրորդ փուլում դժվարին հաղթանակի հասավ Սլովենիայի չեմպիոն «Ցելյե» թիմի նկատմամբ։ Լրացուցիչ ժամանակում միակ ու հաղթական գնդակը խփեց Սերգեյ Վակուլենկոն։

«Ցրվենա Զվեզդայի» հետ խաղում հաղթանակի հասնելու դեպքում Հայաստանի գործող չեմպիոնը հայկական ակումբային ֆուտբոլի պատմության մեջ առաջին անգամ կներկայացնի Հայաստանը խմբային փուլում։

Հիշեցնենք նաև` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

48
թեգերը:
Կիպրոս, Եվրոպայի լիգա, Երևան, ֆուտբոլ, Արարատ–Արմենիա
Ըստ թեմայի
Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին
ՊԲ-ն շարունակում է ոչնչացնել ադրբեջանական բանակի զինվորականներին և մարտական տեխնիկան
«Դա անհնար է». Փաշինյանն ասաց` ինչ է պետք բանակցությունների համար
 «Արարատ-Արմենիա»- «Ցելյե» հանդիպումը

«Արարատ-Արմենիան» հաղթանակ տարավ. հայկական թիմը Եվրոպայի լիգայի փլեյ- օֆֆում է

117
(Թարմացված է 20:51 24.09.2020)
Երկրորդ անգամ անընդմեջ Եվրոպայի լիգայի խաղարկությունում Հայաստանի չեմպիոնը հանդես է գալու փլեյ օֆֆում, երկրորդ անգամ անընդմեջ մեր թիմըատ լավ հնարավորություն ունի խաղալու խմբային փուլում։ Մնաց մեկ մրցակից՝ «Ցրվենա Զվեզդան»։

ԵՐԵՎԱՆ, 24 սեպտեմբերի — Sputnik. Սերգեյ Վակուլենկոյի խփած գնդակը հանդիպման 111-րդ րոպեին հաղթանակ բերեց «Արարատ-Արմենիային» սլովենական «Ցելյեի» նկատմամբ Եվրոպայի լիգայի որակավորման երրորդ փուլում։ Հայաստանի չեմպիոնը կխաղա փլեյ -օֆֆում։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Հանդիպման առաջին խաղակեսն անցավ բավականին հետաքրքիր պայքարում։ Ընդհանուր առմամբ հավասար պայքար էր, ու մրցող կողմերից ոչ մեկին չէր հաջողվում ստանալ տարածքային կամ խաղային առավելություն։ Սակայն այս ամենի հետ մեկտեղ, երկու թիմն էլ ավելի շատ մտածում էին գնդակ բաց չթողնելու մասին։ Գրոհի ընթացքում թե՛ «Արարատ-Արմենիայի» և թե՛ «Ցելյեի» ֆուտբոլիստների մոտ պակասում էր վերջին հարվածը։ Երբեմն հարվածներ եղան, բայց դարպասապահները մինչև ընդմիջում խաղին լրջորեն այդպես էլ չմիջամտեցին։ Պարզ դարձավ, որ հիմնական իրադարձությունները դեռևս առջևում էին։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Իհարկե կարևոր էր, որ հայկական թիմը չէր զիջում մրցակցին ու որոշ դեպքերում էլ առանձնանում էր գեղեցիկ խաղով։ Բայց «Ցելյեն» շատ կազմակերպված էր խաղում պաշտպանությունում, ու խաղային կարգապահությունը սլովենական չեմպիոնի մոտ անսասան էր։ Սա էլ հիմնական պատճառն էր, որ մեր ֆուտբոլիստները չէին կարողանում ճեղքել մրցակցի պաշտպանությունը։ Հարկավոր էր անակնկալ որոշումներ կայացնել առջևի գծում, քանի որ հյուրերը առանց մեծ ճիգեր գործադրելու գուշակում էին մերոնց հաջորդ քայլն ու չեզոքացնում վտանգը։

«Փյունիկի» նախկին գլխավոր մարզիչը բուլղարական ֆուտբոլային ակումբ կղեկավարի

Երկրորդ խաղակեսի հենց սկզբից հյուրերը զգալի ավելացրին խաղի տեմպը, բայց առաջին գոլային հնարավորությունը ունեցան մերոնք։ Ֆուրջել Նարսինգը, միայնակ անցնելով մոտ 60 մետր, հարվածեց, ու գնդակը դարպասաձողի հարևանությամբ դուրս եկավ դաշտի սահմաններից։ Խաղը սրվեց, երկկողմանի արագություններով մրցակիցները ձգտում էին վճռել հանդիպման ելքը։

Աստիճանաբար տարածքային առավելությունը անցավ «Ցելյեի» ֆուտբոլիստներին։ Մեր թիմը սկսեց գործել հակագրոհների մարտավարությամբ։ Բայց մինչև հիմնական ժամանակի ավարտը այդպես էլ դարպասի գրավում չարձանագրվեց, չնայած վերջին վայրկյաններին Մարտինեսը կարող էր հաղթանակ ապահովել հայկական թիմին, բայց վրիպեց նպաստավոր դիրքից։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
Нападающий "Арарат-Армения" Маилсон Лима (справа) и защитник "Целе" Амадей Брекл на третьем отборочном матче Лиги Европы между ФК "Арарат-Армения" и сербским "Целе" (24 сентября 2020). Еревaн

Հայաստանի չեմպիոնի մասնակցությամբ Եվրոգավաթների երրորդ խաղում հաղթողին որոշելու համար նշանակվեց լրացուցիչ ժամանակ։ Եթե առաջին դեպքում մեր թիմը պարտվեց լրացուցիչ ժամանակում կիպրոսյան «Օմոնիային», ապա հաջորդ երկու խաղերում Հայաստանի չեմպիոնը հասավ իր նպատակին։ Ու «Արարատ-Արմենիայի» հերոսը դարձավ կենտրոնական պաշտպան Սերգեյ Վակուլենկոն, որը և՛ «Ֆոլայի», և՛ «Ցելյեի» հետ խաղերում լրացուցիչ ժամանակում դարձավ հաղթական գոլի հեղինակ։

Третий отборочный матч Лиги Европы между ФК Арарат-Армения и сербским Целе (24 сентября 2020). Еревaн
© Sputnik / Asatur Yesayants.
«Արարատ-Արմենիա»- «Ցելյե» հանդիպումը

Այսպիսով մեկ շաբաթ անց, Երևանում խմբային փուլի ուղեգիրը հայկական թիմը կվիճարկի Սերբիայի չեմպիոն «Ցրվենա Զվեզդայի» հետ։

117
թեգերը:
Եվրոպայի լիգա, հաղթանակ, Արարատ–Արմենիա, ֆուտբոլ
Ըստ թեմայի
Բամբասանքներին չեմ հավատում. Հարությունյանը համոզված է՝ հաջորդ խաղին Մխիթարյանը կմասնակցի
Ֆանտաստիկ «come back». «Արարատ-Արմենիան» գերկամային հաղթանակ տարավ
Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է
Հայերի հանրահավաքն ու Փարիզում Ադրբեջանի դեսպանատան արձագանքը

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

0
(Թարմացված է 01:06 30.09.2020)
Տավուշյան իրադարձություններից հետո Ֆրանսիայում հայերի նկատմամբ համակրանքը զգալիորեն աճել է հիմնականում Էդողանի հանդեպ ֆրանսիացիների հակակրանքի պատճառով։

ԵՐԵՎԱՆ, 29 սեպտեմբերի – Sputnik. Հարյուրավոր հայեր հավաքվել են Փարիզում Ադրբեջանի դեսպանատան դիմաց` իրենց բողոքի ձայնը բարձրացնելու արցախա-ադրբեջանական սահմանին տիրող իրավիճակի վերաբերյալ։ Հանրահավաքի տեսանյութերը սոցցանցերում հրապարակել են Ֆրանսիայի և աշխարհի տարբեր երկրներում բնակվող հայերը։

ՀՅԴ երիտասարդները ՄԱԿ-ից պահանջում են Հայաստանի ու Ադրբեջանի միջև հավասարության նշան չդնել

Ցուցարարները հայերեն ու ֆրանսերեն կարգախոսներ են վանկարկել․ նրանք դատապարտել են Ադրբեջանին ու վերջինիս բացահայտ աջակցություն ցուցաբերող Թուրքիային։

Ֆրանսահայ լրագրող Տիգրան Եկավյանը Sputnik Արմենիայի հետ զրույցում նշեց, որ Ֆրանսիայում հետաքրքրված են հակամարտության գոտում տիրող իրավիճակով, քանի որ նման զարգացումներ երբևէ չեն եղել։ Ֆրանսիացիներն առաջին հերթին ուշադրություն են դարձնում Թուրքիայի նախագահ Ռեջեփ Էրդողանի գործողություններին, որին այստեղ չափազանց բացասական են վերաբերվում՝ Լիբիայի քաղաքացիական պատերազմին միջամտելու ու Լիբանանում իրավիճակը ապակայունացնելու ֆոնին։ Նա շեշտեց, որ այդ պատճառով Թուրքիան ֆրանսիացիների համար համարվում է եթե ոչ թշնամի, ապա ռազմական մրցակից։

Այսօրվա բողոքի ակցիայի ժամանակ Ֆրանսիայում Ադրբեջանի դեսպանատան պատուհաններից հակահայկական քարոզչություն պարունակող ֆրանսերեն գրություններով պաստառներ են կախել։ Եկավյանն ընդգծեց, որ Ադրբեջանն առաջին անգամ է Ֆրանսիայում բացահայտ հակահայկական քարոզչություն իրականացնում։

Հանրահավաքի ժամանակ սադրանքներ չեն եղել, բայց Եկավյանի խոսքով՝ պետք է զգոն լինել, հաշվի առնելով սպառնալիքներն ու սադրանքները, հիշեցնելով թուրք ազգայնականների մասին, որոնք հուլիսի վերջին փորձում էին տապալել հայկական ցույցը Լիոնի մոտակայքում գտնվող Դեսին Շարպ քաղաքում։ Այդ խմբավորումների ղեկավարն արդեն դատապարտվել է։

«Առաջին անգամն է, որ ֆրանսիական հասարակութիւնը յատկապէս աջակողմեան թեւը, բայց ոչ միայն, զորակցությիւն կը ցուցաբերեն հայերու նկատմամբ եւ կըհետաքրքրին, թեեւ ուրիշ անկիւնով, իրենց հասկացողութեամբ, որ գլխավոր դրդապատճառը եւ պատասխանատուն Էրդողանն է եւ ոչ այլ երկրի ղեկաւար»,- ասաց Եկավյանը։

Տավուշում հուլիսին Ադրբեջանի ցուցաբերած ագրեսիայի համեմատ իրավիճակը զգալիորեն լավացել է։ Այն ժամանակ ֆրանսիական մամուլում ադրբեջանամետ հրապարակումներ էին նկատվում, այժմ դրանք չկան։ Բայց ըստ մեր զրուցակցի՝ պետք է ավելի ակտիվ բացատրական աշխատանքներ իրականացնել, որ Ղարաբաղի հանդեպ չհիշատակվի միայն «անջատողական» տերմինը, ինչպես հիմա է։

Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին

Այնուամենայնիվ, ադրբեջանական կողմի ազդեցությունը նախկինի պես զգացվում է, թեև այն ավելի թույլ է, քան նախկինում։ Կորոնավիրուսային վարակի պատճառով կրճատվել է որոշ պարբերականների ու առանձին լրագրողների հովանավորությունը, նաև հաճելի նվերներով ուղևորությունները, որոնք նրանց համար կազմակերպում էր Բաքուն։ 

Այստեղ հայերին շատ ակտիվ աջակցություն են ցուցաբերում հույներն ու ասորիները՝ դարձյալ ընդհանուր սպառնալիքի ֆոնին։ Համացանցում նրանց համայնքները շատ ակտիվ են, ընդ որում՝ ոչ միայն Ֆրանսիայում։

«Նաեւ Կիպրոսի մէջ ունենք ընկերներ, որոնք կը զորակցին իրենց օգուտը կըբերեն յօդուածներ գրելով եւ տարածելով մեր տեսլականները ընկերային ցանցերու մէջ։ Նոյնպէս նկարը ստացայ ասորի ընկերներու որոնք զինուած մարտիկներ են Սուրիոյ մէջ, որոնք պատրաստ են Հայաստան գնալու եւ օգնելու իրենց եղբայրներուն։Մեծ զորակցությիւն կա հայերի նկատմամբ»,- նշեց Եկավյանը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

0
թեգերը:
դեսպանատուն, Ադրբեջան, Բողոքի ակցիա, հայ, ֆրանսիացի, Ֆրանսիա
թեմա:
Ադրբեջանական ագրեսիա Արցախում. 2020
Ըստ թեմայի
Առաջնագծից հեռու, բայց հրաձգության ներքո․ ի՞նչպիսին է Ստեփանակերտն այս օրերին
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
ՊԲ-ն շարունակում է ոչնչացնել ադրբեջանական բանակի զինվորականներին և մարտական տեխնիկան
Մենք պատրաստ ենք ամեն ինչի. ՊԲ–ն հայ հրետանավորների մասնակցությամբ տեսանյութ է հրապարակել