Արարատ Արմենիա-Նոա

«Նոան» տխուր է. թիմը պարտվեց «Կայրաթին»

52
(Թարմացված է 22:07 27.08.2020)
Ղազախստանի մայրաքաղաքում ավարտվել է ֆուտբոլի Եվրոպայի լիգայի որակավորման առաջին փուլի հանդիպումը, որում Հայաստանի գավաթակիր և առաջնության արծաթե մեդալակիր Երևանի «Նոա» ակումբը 1:4 հաշվով պարտվել է ալմաթական «Կայրաթին»:

ԵՐԵՎԱՆ, 27 օգոստոսի - Sputnik. Եվրոպայի լիգայի որակավորման առաջին փուլի հաշիվը խաղի 8-րդ րոպեին բացեցին հայ ֆուտբոլիստները։ «Նոա» թիմի ռուս լեգիոներ Կիրիլ Բորն անցավ աջ եզրով, բարձրացրեց գլուխը և հայացքով հասկացրեց, որ փոխանցում կանի տասնմեկ մետրանոց նիշի մոտակայքում, բայց հանկարծ անսպասելի հարվածեց մոտակա անկյանը և գրավեց հակառակորդի դարպասը։

Ընդամենը չորս րոպե անց տանտերերը Գուլջիգիթ Ալիկուլովի ջանքերով հավասարեցրին հաշիվը։ Այնուհետև անախորժություն տեղի ունեցավ։ Երևանցիները անկյունային խաղացին, և պաշտպան Միխայիլ Կովալենկոն գնդակն ուղարկեց դարպասի հեռավոր անկյունը։ Սակայն մրցավարը գոլը չհաշվեց՝ ցույց տալով, որ խաղից դուրս վիճակ էր։

Նախքան ընդմիջումը «Կայրաթն» այնուամենայնիվ հաջողացրեց առաջ անցնել։ Մոսկվայի ԲԿՄԱ-ի երբեմնի աստղային հարձակվող Վագներ Լավը, որն այժմ հանդես է գալիս ալմաթինցիների թիմում, բոլորից արագաշարժ դուրս եկավ տուգանային հրապարակ և եզրափակեց խաղընկերոջ փոխանցումը։

Դա տեղի ունեցավ խաղի 35-րդ րոպեին։ Եթե չլիներ խաղի առանձնահատուկ ձևը, բրազիլացուն դժվար կլիներ ճանաչել արտաքին նշաններից։ Այցեքարտ դարձած երկար, խուճուճ դրեդների փոխարեն հիմա նրա գլուխը սափրած է։

Եզրափակիչն ասես կինո լիներ․ «Սևիլյան» գերազանցել է սեփական ռեկորդը. լուսանկարներ

Հենց նա դարձավ այս խաղի հերոսը։ Իսկ ընդմիջումից հետո երևանցիները սկսեցին հարձակվել, ունեցան հարմար պահեր, բայց տանտերերը գրագետ պաշտպանվում էին և հակահարձակման անցնում։ Այդ պահերից մեկի ժամանակ՝ խաղի 70-րդ րոպեին, «Կայրաթի» ֆուտբոլիստները խիստ գրագետ խաղարկեցին գնդակը «Նոայի» տուգանային հրապարակ, որտեղ, ի վերջո, սրընթաց ներխուժեց Վագներ Լավը և ճշգրիտ հարվածով գալ խփեց դարպասապահից աջ՝ ներքևի անկյունում։ Իսկ արդեն խաղի վերջում ցավալի ինքնագոլ տեղի ունեցավ։

Համաձայն կանոնակարգի՝ կորոնավիրուսի համավարակի պայմաններում մրցաշարի այս փուլում մրցակցությունը բաղկացած է մեկ խաղից։ Այնպես որ Եվրոպայի լիգայում իր ուղին կշարունակի Ալմաթիի «Կայրաթը»։

Նշենք, որ տանտերերի մեկնարկային կազմում էր Հայաստանի հավաքականի խաղացող Կամո Հովհաննիսյանը, նա անցկացրեց ամբողջ հանդիպումը: Իսկ ահա երևանյան «Նոայի» կազմում հայկական ազգանուններով ֆուտբոլիստներ (Արտյոմ Սիմոնյան և Բենիկ Հովհաննիսյան) հայտնվեցին երկրորդ խաղակեսում՝ դուրս գալով փոխարինման:

Այսօր Եվրոպայի Լիգայում ևս երկու թիմ է խաղում․ Երևանի «Ալաշկերտը» հանդիպում է մակեդոնական «Ռենովայի», իսկ Գյումրու «Շիրակը» Բուխարեստում ուժերը կչափի տեղական «Ստյաուայի» հետ։

52
թեգերը:
ֆուտբոլիստ, ֆուտբոլ, Հայաստան
Ըստ թեմայի
Կորոնավիրուսով են վարակվել «Արարատ» ակումբի ֆուտբոլիստներն ու մարզիչները
Երկրպագուները Երևանի փողոցներից մեկը ներկել են ֆուտբոլային ակումբի գույներով
Մի շարք ֆուտբոլիստներ լքել են Երևանի «Արարատը»
Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար
«Արարատ–Արմենիա»–«Ֆոլա»

Ինչ է անելու «Արարատ-Արմենիան» կրկին հաղթելու համար. հաջորդ խաղը սլովենական «Ցելյի» հետ է

53
(Թարմացված է 17:15 23.09.2020)
Եվրոպայի լիգայի ընթացիկ խաղարկությունում խմբային փուլ հասնելու համար «Արարատ-Արմենիային» դեռևս 2 հաղթանակ է հարկավոր։ Առաջին քայլն այդ ճանապարհին կարող է լինել վաղը։ Հայաստանի գործող չեմպիոնի մրցակիցը Սլովենիայի չեմպիոն «Ցելյե» թիմն է լինելու։

ԵՐԵՎԱՆ, 23 սեպտեմբերի — Sputnik. Նախորդ խաղում «Արարատ–Արմենիայի» գերկամային հաղթանակը ոգեշնչել ու սեփական ուժերի նկատմամբ հավատ է ներշնչել: Վաղը կայանալիք հանդիպումից առաջ նախախաղային ասուլիսում նման կարծիք հայտնեց «Արարատ-Արմենիայի» կիսապաշտպան Արմեն Համբարձումյանը։

Նշենք, որ սեպտեմբերի 24–ին Եվրոպայի լիգայի որակավորման երրորդ փուլում Հայաստանի միակ ներկայացուցիչն այս մրցաշարում՝ «Արարատ-Արմենիան»,  Ավանի ֆուտբոլի ակադեմիայում հյուրընկալելու է սլովենական «Ցելյե» թիմին։

Արմեն Համբարձումյանը գտնում է, որ առաջիկա խաղում ևս հայկական թիմը հաղթելու լավ շանսեր ունի․«Եթե առաջիկա խաղին էլ մենք նույն նվիրվածությամբ խաղանք ու ցուցադրենք այն խաղը, որին ունակ ենք, կարծում եմ` հաղթանակի կհասնենք։ Անկասկած «Ցելյեն» ուժեղ թիմ է, բայց հաղթանակի հասնելու մեր հնարավորությունները պակաս չեն»,- ասեց Համբարձումյանը։

Խոսելով Հայաստանի գործող չեմպիոնի առաջիկա մրցակցի մասին` մեր թիմի գլխավոր մարզիչ Դավիթ Կամպանյան ընդգծեց, որ Սլովենիայի չեմպիոնը շատ հետաքրքիր ու բալանսավորված թիմ է։ «Համոզված եմ, որ տակտիկապես հետաքրքիր մրցավեճ է մեզ սպասվսում»,–ասաց նա։

Լյուքսեմբուրգի «Ֆոլայի» հետ խաղում «Արարատ-Արմենիայի» կազմում կարմիր քարտ ստացավ Ալեքս Ջունիորը, որը ստիպված է լինելու բաց թողնել «Ցելյեի» հետ խաղը։ «Մենք ունենք մի քանի ֆուտբոլիստները, որոնք կարող են խաղալ պաշտպանության ձախ եզրում։ Չեմ կարող դեռևս ասել, թե ով դուրս կգա խաղադաշտ վաղը այդ դիրքում, բայց մենք ընտրության հնարավորություն ունենք», - ավելացրեց Դավիթ Կամպանյան։

Դիտարժան ֆուտբոլ. Հայաստան - Էստոնիա հանդիպումը` լուսանկարներում

Սեպտեմբերի 24-ին «Ցելյեի» հետ խաղում հաղթանակի հասնելու դեպքում «Արարատ-Արմենիան»  փլեյ օֆֆում հոկտեմբերի 1-ին մրցելու է սերբական «Ցրվենա Զվեզդա» թիմի հետ»։ Բայց այդ խաղի մասին խոսել և մտածել առայժմ մեր թիմի ոչ մարզիչը, ոչ էլ ֆուտբոլիստը չէին ուզում։

Հիշեցնենք, որ սեպտեմբերի 17–ին «Արարատ-Արմենիան» Եվրոպայի լիգայի որակավորման երկրորդ փուլում 4։3 հաշվով գերկամային հաղթանակ տարավ Լյուքսեմբուրգի «Ֆոլայյի» նկատմամբ։ Իսկ վաղը որակավորման արդեն երրորդ փուլում մեր թիմի մրցակիցը Սլովենիայի չեմպիոն «Ցելյե» թիմն է։

53
թեգերը:
հաղթանակ, Եվրոպայի լիգա, Ֆուտբոլի ԱԱ 2018, «Արարատ–Արմենիա»
Ըստ թեմայի
Վարդան Մինասյանն այլևս «Արարատ-Արմենիայի» գլխավոր մարզիչը չէ
«Արարատ-Արմենիա»-«Օմոնիա» ֆուտբոլային հանդիպման ամենավառ և հիշարժան պահերը լուսանկարներով
«Խոստանում ենք հուսախաբ չանել». «Արարատ-Արմենիան» կհյուրընկալի Լյուքսեմբուրգի «Ֆոլային»
Լևոն Արոնյան

Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ

46
(Թարմացված է 18:34 22.09.2020)
Նշենք, որ գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

ԵՐԵՎԱՆ, 22 սեպտեմբերի - Sputnik. Շախմատիստներ Լևոն Արոնյանն ու Սերգեյ Մովսեսյանը «Բադեն-Բադենի» կազմում դարձել են Գերմանիայի թիմային առաջնության` Բունդեսլիգայի չեմպիոն, տեղեկացնում է armsport-ը։

Մրցաշարն անցկացվել է սեպտեմբերի 16-20-ը Կարլսրուե քաղաքում։ «Բադեն-Բադենը» 7 տուրերում հաղթեց բոլոր մրցակիցներին։

Արոնյանը 4 պարտիա անցկացրեց մրցաշարում և բոլոր 4 պարտիաներն էլ ավարտեց ոչ-ոքի: Մովսեսյանը 3 պարտիա անցկացրեց՝ բոլորն ավարտելով հաղթանակով:

Գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

46
թեգերը:
Գերմանիա, Լևոն Արոնյան, շախմատ
Ըստ թեմայի
«Ամոթ և խայտառակություն». հայ շախմատիստները քննադատել են ՖԻԴԵ-ին
Կյանքն էլ շախմատ է. Հայաստանի դատապարտյալները շախմատ են խաղում արտերկրի բախտակիցների հետ
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Տիգրան Փարվանյան

«Սա ինչ-որ մեկին ուղղված ուղերձ չէ»․ Փարվանյանը` հայ-ռուսական զորավարժությունների մասին

0
(Թարմացված է 17:34 24.09.2020)
«Կովկաս-2020» ռազմավարական զորավարժությունների մարտավարական գործողություններին մասնակցեցին հայ զինծառայողները, սահմանապահներն ու ռուսական ռազմակայանի զինվորականները։

ԵՐԵՎԱՆ, 24 սեպտեմբերի – Sputnik. Հայ–ռուսական համատեղ զորախմբի զորավարժության նպատակը մեկ հրամանատարության ներքո գործելն է։ Տեղեկությունը լրագրողների հետ զրույցում հայտնեց միացյալ զորախմբի հրամանատար, գեներալ-մայոր Տիգրան Փարվանյանը՝ մեկնաբանելով Հայաստանի «Ալագյազ» զորավարժարանում անցկացվող «Կովկաս-2020» զորավարժությունների պրակտիկ փուլը։

«Հայ-ռուսական խմբավորման զորավարժություններին միացել են սահմանապահ ուժերը։ Այսօր ավարտվեց կրակային փուլը, վաղն էլ են կրակելու, իսկ բուն զորավարժությունները կշարունակվեն մինչև սեպտեմբերի 26-ը», -ասաց նա։

Սցենարի համաձայն՝ հակառակորդը խախտել է սահմանն ու հայկական տարածք է մտել։ Հայ-ռուսական զորախումբը հետ է շպրտել հակառակորդին ու վերականգնել պետական սահմանի վերահսկողությունը։

Զորավարժություններին մասնակցել է մոտ 1,5 հազար զինծառայող, օգտագործվել է մինչև 300 միավոր տեխնիկա (հիմնականում՝ զրահատեխնիկա)։

«Շանթ-2020». Հայաստանում զորավարժություն կանցկացվի

«Մասնակցել են բանակային տարբեր կորպուսի հայկական զորամասերը, սահմանապահներն ու 102-րդ ռուսական բազայի ստորաբաժանումները», - նշեց Փարվանյանը։

Զորավարժությունների ընթացքում խաղարկվել են նոր էլեմենտներ, որոնք այս պահին բարձրաձայնման ենթակա չեն։

Գեներալ–լեյտենանտը գոհ է զորավարժություններից։ «Երբ ընդհանուր զորավարժությունը վերջացնենք, կլինեն համապատասխան մարդիկ, որոնք կխրախուսվեն, սպասում եմ ստորաբաժանումների հրամանատարների զեկույցներին` ովքեր են աչքի ընկել, ով ինչպիսի խոցում է իրականացրել, որպեսզի կարողանամ մարդկանց խրախուսել ըստ արժանվույն»,– ասաց նա։

Խոսելով համատեղ զորավարժությունների կարևորության մասին`Փարվանյանը կարծիք հայտնեց, որ հայ և ռուս զինծառայողները, սահմանապահները պետք է կարողանան գործել միասնական հրամանատարության ներքո` հակառակորդի հետ արդյունավետ պայքարելու համար։

«Այդ ներդաշնակությունը ես տեսնում եմ», – ասաց նա։

Փարվանյանի խոսքով` իհարկե կային նաև թերություններ։ «Անթերի գործ չի լինում, բայց այդ թերություններն այնքան չնչին են, որ ես ասում եմ` մեր մարտական խնդիրը այսօր կատարեցինք։ Սակայն դրանք չխանգարեցին կատարել դրված առաջադրանքը»,– ավելացրեց գեներալ –լեյտենանտը։

Հարցին, թե արդյոք վարժանքները որևէ մեկին ուղղված ուղե՞րձ են, Փարվանյանը բացասական պատասխան տվեց։

«Սա մեր մարտական ծրագրի կատարումն է, որը մենք տարեսկզբին մշակել ենք համատեղ Հարավային ռազմական օկրուգի հետ ։ Համաձայն այդ ծրագրի` շարժվում ենք առաջ։ Այսպիսի միջոցառում պետք է իրականացնեինք նաև ապրիլին, բայց համավարակի պատճառով չարեցինք։ Այսպիսի միջոցառումներ լինելու են տարին երկուսից երեք անգամ, սա առաջին անգամը չէ և ոչ մեկին ուղղված ուղերձ չէ. մենք մեր գործն ենք անում», – շեշտեց Փարվանյանը։

«Կովկաս-2020» զորավարժություններն անցկացվում են սեպտեմբերի 21-26-ը ՀՌՕ տարածքում և Սև ու Կասպից ծովերում` ՌԴ ԶՈւ գլխավոր շտաբի պետ, գեներալ Վալերի Գերասիմովի գլխավորությամբ։ Զորավարժություններին մասնակցում է շուրջ 80 հազար մարդ, այդ թվում` ԱԻՆ–ի և Ռոսգվարդիայի աշխատակիցները, ինչպես նաև շուրջ 1000 զինվորականներ Հայաստանից, Բելառուսից, Իրանից, Չինաստանից, Մյանմայից և Պակիստանից։

0
թեգերը:
Տիգրան Փարվանյան, զինծառայող, Ռուսաստան, Զորավարժություններ, Հայաստան
Ըստ թեմայի
Վաղ առավոտից ՀՀ զորամասերում մեկնարկել են հրամանատարաշտաբային զորավարժություններ
Ի՞նչ կապ կա ՀԱՊԿ զորավարժությունների ու տավուշյան դեպքերի միջև. պարզաբանում է Վերանյանը
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին