Լիոնել Մեսսի

Մեսսին հեռանու՞մ է «Բարսելոնայից». արգենտինացի հարձակվողի «գլխի համար» որս է սկսվել

271
(Թարմացված է 23:03 25.08.2020)
Ակումբի պաշտոնական ներկայացուցիչները հայտարարել են, որ Մեսսին կարող է «Մանչեսթերի» համար 700 միլիոն եվրո արժենալ։

ԵՐԵՎԱՆ, 25 օգոստոսի - Sputnik. Արգենտինացի 33-ամյա ֆուտբոլիստ Լիոնել Մեսսին վերջնականապես որոշել է հեռանալ «Բարսելոնայից»։ Լուրը հայտնում է Marca-ն՝ նշելով, որ ֆուտբոլիստն արդեն իսկ այդ մասին հայտնել է ակումբի ղեկավարությանը։ Դա նշանակում է, որ Մեսսիի «գլխի համար» իսկական որս է սկսվելու։

Հայտնի է, որ անգլիական «Մանչեսթեր Սիթի» ֆուտբոլային ակումբը պայքարի մեջ է մտել վեց անգամ «Ոսկե գնդակ» նվաճած Լիոնել Մեսիի համար։ Լուրը հաղորդում է ESPN-ը՝ վկայակոչելով սեփական աղբյուրին:

Նշվում է, որ անգլիական ակումբի սեփականատերերը հասկանում են՝ Մեսսիի ձեռքբերումը հեշտ չի լինելու։ Նրանք պատրաստ են օգտագործել բոլոր առկա միջոցները. ակումբի սեփականատերերը հույս ունեն, որ «Բարսելոնան» կհայտարարի ֆուտբոլիստի համար ընդունելի գին:

Մյուս կողմից՝ «Բարսելոնան» մտադիր չէ բաժանվել ֆուտբոլիստից։ Ակումբի պաշտոնական ներկայացուցիչները ասել են, որ Մեսսին կարող է «Մանչեսթերի» համար 700 միլիոն եվրո արժենալ։

Ավելի վաղ հայտնի էր դարձել, որ Մեսսիով հետաքրքրված է «Ինտերը»։ Միլանցիները պատրաստ են 4 տարվա պայմանագիր առաջարկել նրան՝ խաղաշրջանի համար 50 միլիոն եվրո աշխատավարձով։

ՖԻՖԱ–ն տարվա լավագույն ֆուտբոլիստ ճանաչեց Լիոնել Մեսսիին

Հիշեցնենք՝ արգենտինացին վերջնականապես հիասթափվել է ակումբի կառավարման համակարգից և չի ուզում երկարաձգել պայմանագիրը։ Նա պատրաստ է համաձայնագրի երկարաձգման հնարավորությունը դիտարկել միայն ակումբի կառուցվածքի վերակազմավորման, ինչպես նաև ղեկավարության փոխվելու պարագայում։

Ըստ լուրերի՝ անհամաձայնությունը կապված է ակումբի վճարած աշխատավարձերի հետ, խնդիրներն առաջացել են համավարակի հետևանքով ստեղծված ճգնաժամի ֆոնին։

Ֆուտբոլիստի պայմանագիրն ավարտվում է 2021թ-ի ամռանը։

33-ամյա Լիոնել Մեսին արգենտինացի ֆուտբոլիստ է, իսպանական «Բարսելոնայի» հարձակվողն է և թիմի ավագը, 2011 թվականից՝ Արգենտինայի ազգային հավաքականի ավագ: Ճանաչվել է «Բարսելոնայի» եւ Արգենտինայի հավաքականի պատմության լավագույն ռմբարկուն։

271
թեգերը:
Արգենտինա, ֆուտբոլիստ, Բարսելոնա, Լիոնել Մեսսի
Ըստ թեմայի
Որքանով է հնարավոր Վարդան Մինասյանի վերադարձը ղազախական ֆուտբոլ. մարզիչի հարցազրույցը
Կորոնավիրուսով են վարակվել «Արարատ» ակումբի ֆուտբոլիստներն ու մարզիչները
Երկրպագուները Երևանի փողոցներից մեկը ներկել են ֆուտբոլային ակումբի գույներով
«Արարատ-Արմենիա»-«Օմոնիա» ֆուտբոլային հանդիպման ամենավառ և հիշարժան պահերը լուսանկարներով
Արման Անդրեասյան

Արման Անդրեասյանը Եվրոպայի առաջնությունում կգոտեմարտի բրոնզե մեդալի համար

22
(Թարմացված է 21:32 19.04.2021)
Լեհաստանի մայրաքաղաք Վարշավայում մեկնարկել է ըմբաշամարտի Եվրոպայի առաջնությունը։ Մրցաշարը բացել են ազատ ոճի ըմբիշները։ Մրցումային առաջին օրը հայ երեք ըմբիշներից միայն Արման Անդրեասյանին հաջողվեց հասնել մինչև կիսաեզրափակիչ։

ԵՐԵՎԱՆ, 19 ապրիլի – Sputnik. Եվրոպայի չեմպիոնի կոչման համար այսօր պայքարի մեջ մտած ազատ ոճային երեք ըմբիշներից միայն Արման Անդրեասյանն էր հավակնում ոսկե մեդալի։ Բայց մեր ըմբիշը կիսաեզրափակիչում 3։4 հաշվով զիջեց ռուսաստանցի Իսրայիլ Կասիմովին ու կպայքարի բրոնզե մեդալի համար։

70 կգ քաշային կարգում Արման Անդրեասյանը 1/8 եզրափակիչում բացահայտ առավելությամբ՝ 10։0 հաշվով հաղթեց Լիտվայի ներկայացուցիչ Արտյոմ Աուգային, իսկ քառորդ եզրափակիչում հայ ըմբիշը 10։5 հաշվով պարտության մատնեց լեհ Պատրիկ Օլենչինին։ Եզրափակիչ մտնելու համար Արմանը գոտեմարտեց Ռուսաստանի ներկայացուցիչ Իսրայիլ Կասումովի հետ։

Արմանը գոտեմարտի վերջին վարկյաններին հնարավորություն ուներ հաղթանակ կորզելու, բայց, ցավոք, չկարողացավ գլորել մրցակցին ու զիջեց նրան մեկ միավորի տարբերությամբ՝ 3։4 հաշվով։

Հայ ըմբիշներին մեկ քայլ է մնացել օլիմպիական ուղեգիր նվաճելու համար. ովքե՞ր են նրանք

79 կգ քաշային կարգում Արման Ավագյանը 1/8 եզրափակիչում 10։0 հաշվով հաղթել էր Գերմանիան ներկայացնող Էդուարդ Տատարինովին։ Իսկ քառորդ եզրափակիչում մեր ըմբիշը պարտվեց Սլովակիան ներկայացնող Ախսարբեկ Գուլաևին։ 65 կգ քաշային Գևորգ Թադևոսյանը 1/8 եզրափակիչում 1:2 հաշվով պարտվեց ադրբեջանցի Ալի Ռահիմզադեին:

Հայաստանի հավաքականի ըմբիշներից վաղը մրցագորգ է դուրս գալու Հրայր Ալիխանյանը։ 74 կգ քաշային կարգում հայ ըմբիշի մրցակիցը առաջին գոտեմարտում լինելու է Ռուսաստանի ներկայացուցիչ Ռազամբեկ Ժամալովը։

Հոգեբանորեն մեզ համար շատ դժվար էր. ըմբիշ Մալխաս Ամոյանը` նվաճած մեդալի և պատերազմի մասին

22
թեգերը:
ըմբիշ, Արման Անդրեասյան
Ըստ թեմայի
Հայ մարմնամարզիկները Վորոնինի գավաթի խաղարկությունից 4 ոսկե և 3 բրոնզե մեդալ են բերել
Վազգեն Թևանյանը դարձավ աշխարհի գավաթակիր
Ըմբշամարտի միջազգային մրցաշար Կիևում. Մալխաս Ամոյանն ու Կարապետ Չալյանը եզրափակիչում են
Արցախում զոհված սամբիստներին «հավերժ չեմպիոնի» կոչում է շնորհվել

Արցախում զոհված սամբիստներին հավերժ չեմպիոնի կոչում է շնորհվել

36
(Թարմացված է 16:47 19.04.2021)
Արցախյան 44-օրյա պատերազմի ընթացքում տասը սամբիստ է զոհվել, տասնչորսը վիրավորվել են։

ԵՐԵՎԱՆ, 19 ապրիլի – Sputnik. «Դինամո» մարզահամալիրում անցկացվել է Հայաստանի սամբոյի առաջնությունը, որի ժամանակ հարգանքի տուրք է մատուցվել արցախյան 44-օրյա պատերազմում զոհված սամբիստներին: Տեղեկությունը հայտնում է Հայաստանի սամբոյի ֆեդերացիան։

«Ապրիլի 18-ին Հայաստանի սամբոյի առաջնությունն անցավ առանց նրանց մասնակցության և տղաների։ Երկրի առաջնությունների հավերժ չեմպիոն հռչակվելու մասին պատվոգրերը ստացան հարազատները: Հայկական սամբոն պատերազմում ունեցել է 10 նահատակ և 14 վիրավոր: Հայրենիքի պաշտպանության գործում զոհվել էին Գոռ Սարգսյանը, Դավիթ Բաբաջանյանը, Դավիթ Շահնազարյանը, Սամվել Սահակյանը, Նարեկ Երիցյանը, Գևորգ Մարտիրոսյանը, Սարգիս Ղազարյանը, Զավեն Մկրտչյանը, Պատվական Հարությունյանը և Հունան Մանվելյանը: Նրանք արժանացել են երկրի առաջնությունների «հավերժ չեմպիոն» կոչմանը, իսկ պատվոգրերը ստացել են հարազատները», – նշված է հաղորդագրության մեջ:

«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց

Երեկ որոշվել է նաև Հայաստանի սամբոյի հավաքականների վերջնական կազմը, որոնք կմասնակցեն մայիսի 24-ից 30-ը անցկացվելիք Եվրոպայի առաջնությանը:

Հաշվի առնելով համավարակի թելադրած պայմանները` մեծահասակների, երիտասարդների, պատանիների այս տարվա առաջնությունները կանցկացվեն համատեղ:

36
թեգերը:
չեմպիոն, սամբո, Հայաստան
Ըստ թեմայի
Թշնամուն արհամարհական ժպիտ թողեց․ Գևորգը հաղթել էր թշնամուն՝ պահել էր Շուշին
Կարո ջան, չմտածես, կարևորը` ողջ ես. հայտնի լուսանկարի հերոսի պատմությունը
Հիմա, որ մենք կանք, նրա շնորհիվ է. հետախույզ Գագիկ Պողոսյանը 26 տարեկան կդառնար

ՆԱՏՕ–ի հետախույզները հաճախակիացրել են թռիչքները. նրանց ինչի՞ն են պետք Կամչատկան ու Դոնբասը

0
Ռուսաստանի ՊՆ տվյալներով` ՆԱՏՕ–ի հետախույզները դիտավորյալ սադրանքներ են կատարել Ռուսաստանի սահմանների մոտ. այնքան մոտ են թռել, որ ռուսական կողմը ստիպված է եղել երկինք բարձրացնել կործանիչներ և ցրել դաշինքի ավիացիան։

ՆԱՏՕ–ի ինքնաթիռները վերջին շաբաթվա ընթացքում գերազանցել են սեփական ռեկորդը։ Նրանք 58 անգամ մոտեցել են ռուսական սահմաններին։ ՆԱՏՕ–ի ինքնաթիռներն ի՞նչ են փորձում գտնել Կամչատկայի և Սև ծովի ափերին։ Եվ ինչո՞ւ են նրանք մշտադիտարկում Ուկրաինայի և Դոնեցկի չճանաչված հանրապետության միջև սահմանազատման գիծը։

Ռուսաստանի ՊՆ տվյալներով` միայն վերջին շաբաթվա ընթացքում ռուսական սահմաններին է մոտեցել 43 ռազմական ինքնաթիռ և 15 անօդաչու թռչող սարք։ Դրանք չափազանց շատ են մոտեցել, բայց սահմանը չեն հատել։

Ռուսաստանի ՌՏՈւ հերթապահ կործանիչները երկու անգամ ստիպված են եղել ցրել սադրիչներին Կամչատկայի ափի մոտ, ուր մոտեցել է ԱՄՆ ՌՕՈւ RC-135 հետախուզական ինքնաթիռը։

Նկատելով վտանգը` ռուսական ՄիԳ–31–ը իսկույն երկինք է բարձրացել և ուղեկցել անկոչ հյուրերին թերակղզու ափի երկայնքով` Խաղաղ օվկիանոսի վրայով։

Մեկը ՆԱՏՕ–ն է. եվրոպացիներին կարգի հրավիրելու համար ԱՄՆ–ն երկու գործիք է օգտագործում

Ամերիկացիներին այլ բան չէր մնում, քան շրջվել դեպի տուն, իսկ ռուսական կործանիչը վերադարձել է բազա։

ՌԴ պաշտպանական գերատեսչությունից նշում են, որ ՆԱՏՕ–ն պարբերաբար սադրանքներ է իրականացնում ոչ միայն երկնքում, այլ նաև ծովում։

«Նրանք ստուգում են մեր համբերությունը, խաղում նյարդերի վրա։ Նրանց մոտ ոչինչ չի ստացվի»,–ասել է Ռուսաստանի ԱԳ փոխնախարար Սերգեյ Ռյաբկովը։

Օտարերկրա հետախույզները զննում են ոչ միայն Ռուսաստանի սևծովյան ափը, այլ նաև Ուկրաինայի և Դոնբասի չճանաչված հանրապետության միջև սահմանազատման ամբողջ գիծը, ինչով ավելի շատ են սրում առանց այն էլ բարդ իրավիճակն Ուկրաինայի արևելքում։

«Հարվածենք ռուսների խոցելի տեղին»․ ի՞նչ կա ՆԱՏՕ-ի մտքին

0
թեգերը:
Կամչատկա, Ռուսաստան, Դոնբաս, ՆԱՏՕ
Ըստ թեմայի
ՆԱՏՕ-ն իր աջակցությունն է հայտնել Չեխիային` ընդդեմ Ռուսաստանի
«ՆԱՏՕ-ի ձեռքի գործն է»․ ի՞նչ է կատարվում ռուսական սահմանների մոտ
Վաշինգտոնը գայթակղում է Կիևին ՆԱՏՕ-ին անդամակցությամբ