Ալեքսանդր Պոդշիվալովը «Արարատում»

«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին

1124
(Թարմացված է 09:52 23.05.2020)
Լեգենդար «Արարատ» թիմի կազմում խաղացած ռուս ֆուտբոլիստ Ալեքսանդր Պոդշիվալովը Sputnik Արմենիայի հետ զրույցում պատմել է Հայաստանում անցկացրած տարիների, թիմում եղած լուրջ խնդիրների և անփոխարինելի մարզիչների մասին։

Խաչիկ Չախոյան, Sputnik Արմենիա

1984 թվականին Երևանի «Արարատի» կազմում հայտնվեց նոր ֆուտբոլիստ, դարպասապահ Ալեքսանդր Պոդշիվալովը: Յոթ մրցաշրջան անցկացնելով «Արարատում»` Պոդշիվալովը տեղափոխվեց այլ ակումբ:

Вратарь Александр Подшивалов в составе ереванского Арарата  (в середине)
© Photo : provided by Alexandr Podshivalov
Ալեքսանդր Պոդշիվալովը «Արարատում»

««Արարատը» ինձ հնարավորություն տվեց խաղալու և շփվելու տարբեր հոգեկերտվածքով և տարբեր ազգությունների մարդկանց հետ: Կյանքը Երևանում ինձ ավելի կոմունիկացիոն դարձրեց: Ես մարդկանց նկատմամբ փոխեցի վերաբերմունքս և հարգեցի բոլորի ավանդույթները»,- Sputnik Արմենիայի հետ զրույցում երևանյան տարիների մասին այսպես է խոսում Պոդշիվալովը:

Ինչպես հայտնվեց «Արարատում»

Ալեքսանդր Պոդշիվալովը նախկին ԽՍՀՄ պատանեկան հավաքականում խաղալուց հետո 1984 թվականին գլխավոր «Արարատի» մարզիչ Նիկիտա Սիմոնյանից անսպասելիորեն հրավեր ստացավ «Արարատի» կազմում հանդես գալու համար։

Ոչ մի սրբություն չունեն. «Արարատ 73»–ի վետերանը` արձանները գողանալու մասին

«Սվերդլովսկի «Ուրալմաշում» էի, իմացա, որ կարող եմ խաղալ Երևանում: Մտածեցի` ինչու ոչ: Իմ հասակակիցներն արդեն խաղում էին ճանաչված թիմերում: «Արարատն» ինձ համար հնարավորություն էր իմ ունակությունները դրսևորելու»,- հիշում է Պոդշիվալովը։ Առանց երկար մտածելու, ոգևորված նա մեկնում է Գագրա քաղաք, որտեղ հայկական թիմը նախապատրաստվում էր գալիք մրցաշրջանին:

Խորեն Հովհաննիսյանի գործոնը

Ռուս դարպասապահի համար առաջնային խնդիրը Երևանում հաստատվելն էր: «Արմենիա», «Դվին» և «Էրեբունի» հյուրանոցներում որոշ ժամանակ ապրելուց հետո` Պոդշիվալովին հատկացվեց երկու սենյականոց բնակարան: Բանջարանոցային կոչվող թաղամասի անունը Ալեքսանդրը չի մոռացել մինչ օրս: Նա չի մոռացել նաև հայտնի ֆուտբոլիստ Խորեն Հովհաննիսյանի աջակցությունը։

Вратарь Александр Подшивалов в составе Арарата
© Photo : provided by Alexandr Podshivalov
Ալեքսանդր Պոդշիվալովը «Արարատում»

«Երբ ապրում էի հյուրանոցում, ինձ հաճախակի այցելում էր Խորեն Հովհաննիսյանը, որի հետ եղել եմ Կարեն Դեմիրճյանի ամառանոցում: Խորենը Դեմիրճյանի որդու հետ էր ընկերություն անում: Նրա բնակարանում ծանոթացա լեգենդար մարզիկ Յուրի Վարդանյանի հետ: Շատ շնորհակալ եմ Խորենից, որ օգնեց ինձ Երևանում հաստատվելու գործում»,- ասում է Պոդշիվալովը:  Նա ավելացնում է, որ թիմում ոչ մեկի հետ առանձնապես մոտ չէր, բայց բոլորի հետ էլ ընկերական շփման մեջ էր։

Ինտիլեգենտ մարզիչները

«Արարատի» գլխավոր մարզիչ Նիկիտա Սիմոնյանի մարդկային ու մասնագիտական որակները նախկին դարպասապահի համար շատ կարևոր են եղել։

«Իմ կարիերայի ընթացքում ես ինտելիգենտ երկու մարզիչ եմ տեսել՝ Նիկիտա Սիմոնյանն ու Վալերի Նեպոմնյաշչնին: Նրանցից երբեք վատ խոսք չէիր լսի: Նրանք իրենց ուզածը շատ հանգիստ ու ըմբռնելի հասցնում էին յուրաքանչյուրիս: Նման մարդկանց հետ աշխատելը հաճույք էր պատճառում»,- մարզիչներին գնահատում է Պոդշիվալովը:

100 գրամը 10 ռուբլի

Ռուս դարպասապահի հիշողություններում հատուկ տեղ է զբաղեցնում նաև 1986-89թթ–ին «Արարատի» մարզիչ եղած Արկադի Անդրեասյանը, որին նա համարում է անառարկելի հեղինակության ձգտող։ «Անդրեասյանն անընդհատ ուղղում էր ֆուտբոլիստներին մարզումների ժամանակ, կոպիտ ասած` քայլ ձախ կամ աջ` գնդակահարություն (ծիծաղում է): Ճաշի ժամանակ չէր թողնում լրիվ ուտել բուտերբրոդը, թեյը պետք է լրիվ չխմեիր: Նա իր մեթոդներն ուներ:

Вратарь Александр Подшивалов в составе ереванского Арарата (второй слева в верхнем ряду)
© Photo : provided by Alexandr Podshivalov
Ալեքսանդր Պոդշիվալովը «Արարատում»

Ավելորդ 100 գրամ քաշի դեպքում տուգանում էր 10 ռուբլի: Ու պատկերացրեք` եթե ամսվա 30 օրերին տուգանվեիր, պարտք կմնայիր թիմին, այլ ոչ թե աշխատավարձ կստանայիր (ծիծաղում է) »- նշում է Պոդշիվալովը: Նա հիշում եմ` մեկ օրվա ընթացքում 5 կիլոգրամ գցել է: Անդրեասյանն ասել է` պահիր այդ քաշը, իսկ դա հնարավոր չէր, մի կերպ պայմանավորվել են 77 կգ-ի վրա:

Լուրջ կոնֆլիկտ

1989 թվականին Արկադի Անդրեասյանը հեռացավ «Արարատից»: Հեռացավ բավականին աղմկոտ պատմությունից հետո: Պոդշիվալովը հիշում է, որ այդ պատմության մեջ մեղավորը ֆուտբոլիստները չէին, այլ մարզիչը։ «Խաղերից մեկի ժամանակ նա փոխարինման դուրս բերեց Էրիկ Օսիպյանին ու դժգոհ մնաց նրա խաղից: Հանդիպման ավարտից հետո Անդրեասյանը մտավ հանդերձարան ու հարվածեց Օսպիյանի դեմքին: Այստեղից էլ սկսվեց թիմ-մարզիչ հակամարտությունը:

Սպորտի զարգացումն Առաջին հանրապետությունում. ինչպես մոխիրներից հառնեց ամեն ինչ

Աշոտ Խաչատրյանը, որը թիմի ավագն էր, ասաց, որ ֆուտբոլիստի վրա մարզչի ձեռք բարձրացնելն անընդունելի է»,- հիշում է Ալեքսանդրը: Նա պատմում է, որ միաձայն որոշել են նամակ գրել ղեկավարությանը, բայց ստորագրելու ժամանակ ոչ բոլորն են միացել:

«Նյարդային» ծխախոտները

Այս պատմությունը հոգեբանական լուրջ ազդեցություն ունեցավ «Արարատի» ֆուտբոլիստների վրա, իսկ Աշոտ Խաչատրյանին ու Ալեքսանդր Պոդշիվալովին կարող էին ցմահ որակազրկել` որպես ֆուտբոլիստների դժգոհության կազմակերպիչներ։ «Ես այնքան նյարդային վիճակում էի, որ սկսեցի ծխել: Հայաստանի ֆուտբոլի ֆեդերացիայում ժողով անցկացվեց, որտեղ սպասվում էր իմ ու Աշոտի որակազրկումը:

Բայց Անդրեասյանի ելույթը հակառակ ազդեցությունն ունեցավ: Նա նշեց, որ Աշոտ Խաչատրյանը ոչինչ չի արել հայկական ֆուտբոլի համար: Նույնիսկ ես` ազգությամբ ռուսս, զարմացա նման որակավորումից: Դրանից հետո հայտարարեցին, որ Անդրեասյանն հեռացված է»- հոգոց հանելով պատմում է Պոդշիվալովը:

Ռուս հայը

Վերջին անգամ Պոդշիվալովը Երևան էր եկել 2013 թվականին, երբ ֆուտբոլային հասարակությունը տոնում էր Ալբերտ Սարգսյանի 50 -ամյակը։ «Երևանը շատ էր փոխվել, գեղեցկացել: Սևանա լիճը հրաշք էր: Ես շատ ուրախացա` հիշելով իմ անցկացրած տարիները Հայաստանում: Ավելի կուրախանայի, եթե Հայաստանում աշխատելու հրավեր լիներ: Չէ որ ներկայումս այդտեղ շատ ռուս մարզիչներ կան, բայց ինձ` ռուսական հայիս մոռացել են(ծիծաղում է): Ես շնորհակալ եմ «Արարատին» ու հայ ժողովրդին, որ ինձ ընդունեցին որպես յուրային»,- նշեց Պոդշիվալովը:

Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին

7 մրցաշրջան «Արարատի» կազմում հանդես գալով` Ալեքսանդր Պոդշիվալով երկրպագուներին շատ հիշարժան պահեր է պարգևել: Բայց իր համար ամենահիշարժան խաղը 1988 թվականին Մոսկվայի «Սպարտակի» հետ արտագնա հանդիպումն էր, որն ավարտվեց ոչ-ոքի՝ 1:1:

Александр Подшивалов, вратарь ереванского Арарата (третий слева)
© Photo : provided by Alexandr Podshivalov
Ալեքսանդր Պոդշիվալովը «Արարատում»

Ալեքսանդր Պոդշիվաշովը 2014-2018 թվականներին որպես դարպասապահների մարզիչ աշխատում էր ռուսական «Տոմ» թիմում։ Հարցին, թե ինչ է անում հիմա, ծիծաղելով պատասխանում է`գործազուրկ եմ։ Միգուցե իրոք ժամանակն է Հայաստան հրավիրել երբեմնի մեր յուրայինին։

1124
թեգերը:
Ալեքսանդր Պոդշիվալով, «Արարատ» ՖԱ, Հայաստան, ռուս, ֆուտբոլիստ, ֆուտբոլ
Ըստ թեմայի
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին
Ինչպես հաղթեց օլիմպիական չեմպիոնին, կամ ըմբշամարտիկ Լևոն Գեղամյանի հաջողակ թիվը
Քեթլին Չուքագյան

MMA–ի մարզիկը լուսանկար է հրապարակել. հայուհին նրա դեմքին 45 հարված է հասցրել

124
(Թարմացված է 18:33 31.05.2020)
Ավելի վաղ Լաս Վեգասում կայացած մենամարտն ավարտվել է ամերիկահայ մարզիկ Քեթլին Չուքագյանի համոզիչ հաղթանակով։

ԵՐԵՎԱՆ, 31 մայիսի – Sputnik. Խառը մարտարվեստի մարտիկ, Ղրղզստանի ներկայացուցիչ Անտոնինա Շևչենկեն ցուցադրել է իր լուսանկարը UFC on ESPN 9 մրցաշարում ամերիկահայ Քեթլին Չուքագյանից պարտություն կրելուց հետո։ Լուսանկարը մարզիկը հրապարակել է Instagram–ի իր էջում։

Նրա դեմքին երևում են հարվածի բազմաթիվ հետքեր, քերծվածքներ և կապտուկներ։

Посмотреть эту публикацию в Instagram

Публикация от Antonina La Pantera Shevchenko (@antoninapantera)

«ММА–ն ծանր մարզաձև է, սակայն սա իմ ճանապարհն է, և ես ավելի ուժեղ կվերադառնամ»,– գրել է Շևչենկոն։

Բաժանորդներն իրենց հերթին աշխատում են նրան քաջալերել, ինչպես նաև շուտափույթ վերադարձ մաղթում ռինգ։

Մարտը տեղի է ունեցել մայիսի 30-ի լույս 31-ի գիշերը  Լաս Վեգասում։ Չուքագյանը հակառակորդին 202 հարված է հասցրել, որից 45-ը` գլխին։ Ամերիկահայը հաղթող է ճանաչվել մրցավարների միաձայն որոշմամբ։

Չերկեսկում երկրպագուները հարձակվել են մրցավար Աշուղյանի վրա. տեսանյութ

Շևչենկոն իր կարիերայի երկրորդ պարտությունն է կրել, ընդհանուր առմամբ գրանցել է 7 հաղթանակ։ Չուքագյանը հաղթել է 14-րդ մրացապայքարը։ Ամերիկուհին իր կարիերայի ընթացքում 3 պարտություն ունի։

Ավելի վաղ Sputnik Արմենիայի հետ զրույցում Չուքագյանը պատմել էր իր հայկական արմատների և այն մասին, թե ինչն է նրան այդքան գրավում խառը մարտարվեստում։

«Շատ եմ սիրում հայերին և կանեմ այնպես, որ նրանք հպարտանան ինձնով». Դավիթ Ռոբերտս

124
թեգերը:
հաղթանակ, հայ, Ամերիկայի Միացյալ Նահանգներ, մարզիկ
Ըստ թեմայի
MMA-ի մարզիկ Գեորգի Կարախանյանին հեռացրել են ACB-ից
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
«Ռոմայի» մարզիկները, որի կազմում խաղում է Մխիթարյանը, հրաժարվել են 4 ամսվա աշխատավարձից
Բազմոցն էլ կարող է մարզասարք դառնալ․ լուսանկարներ մարզիկների կարանտինային մարզումներից
Ալեքսանդր Թարխանով

Հայկական ֆուտբոլային ակումբի փոխնախագահը կարող է գլխավորել ռուսական թիմը

63
(Թարմացված է 16:22 30.05.2020)
Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի։

ԵՐԵՎԱՆ, 30 մայիսի – Sputnik․ Երևանի «Փյունիկ» ֆուտբոլային ակումբի փոխնախագահ Ալեքսանդր Թարխանովը կարող է գլխավորել ռուսաստանյան «Ենիսեյ» ֆուտբոլային ակումբը։ Տեղեկությունը հայտնում է matchtv.ru կայքը։

Կազմվել է այն մասնագետների ցուցակը, որոնք կարող ենք Յուրի Գազաևին փոխարինել՝ «Ենիսեյ» ֆուտբոլային ակումբի գլխավոր մարզչի պաշտոնում։ Ցանկում են Ալեքսանդր Տարխանովը, Սերգեյ Տաշուևը և Ալեքսանդր Ալֆյորովը։

Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի, Ֆուտբոլի ազգային լիգայի նոր առաջնությունում թիմի բյուջեի և առաջադրանքների համաձայնեցումից հետո։

Ալեքսանդր Թարխանովը Հայաստանի բազմակի չեմպիոն երևանյան «Փյունիկ» ֆուտբոլային ակումբի փոխնախագահն է 2019 թվականից։

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

63
թեգերը:
մարզիչ, ֆուտբոլ
Ըստ թեմայի
«Նրանց հետ հեշտ է․ շատ նման են հայերին»․ Հենրիխ Մխիթարյանը սեր է խոստովանել Իտալիային
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Հենրիխ Մխիթարյանի համար պայքարը շարունակվում է․ «Ռոման» նոր առաջարկ կանի «Արսենալին»
 Стоп-кадр прямого эфира брифинга с участием премьер-министра Никола Пашиняна (30 мая 2020). Еревaн

Ինչպես է վարչապետ Փաշինյանի ինքնազգացողությունը. խոսնակը տեղեկություններ է հաղորդել

0
(Թարմացված է 12:29 01.06.2020)
Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

ԵՐԵՎԱՆ, 1 հունիսի- Sputnik. Կորոնավիրուսով վարակված ՀՀ վարչապետ Նիկոլ Փաշինյան ինքնազգացողությունը լավ է։ Վարչապետի մամուլի խոսնակ Մանե Գևորգյանը  Facebook-ի իր էջում տեղեկություններ է հաղորդել ոչ միայն վարչապետի առողջական վիճակի մասին, նաև նշել է, որ կառավարության անդամների և վարչապետի աշխատակազմի համատարած թեստավորում անցկացնել չի նախատեսվում։

«Անհրաժեշտության դեպքում թեստավորում կիրականացվի բժշկական ցուցումով։ Վարչապետի հետ շփում ունեցած կառավարության անդամները պահպանել են սահմանված կանոնները՝ դիմակների կրում, սոցիալական հեռավորություն, ախտահանիչ նյութերի օգտագործում և այլն»,- գրել է Գևորգյանը։

Նա նաև տեղեկացրել է, որ Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

Ինչպես արդեն տեղեկացրել ենք, վարչապետ Նիկոլ Փաշինյանն իր ծննդյան օրը նշում է տանը՝ ընտանիքի հետ մեկուսացած։ Վաղ առավոտյան Facebook-ի իր ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։  Նրա խոսքով` որևէ ախտանիշ չեն ունեցել, ամեն օր աշխատանքի մեկնելուց առաջ ջերմաչափվել է, ջերմություն չի ունեցել։

Աննա Հակոբյանն արյունաբանական կենտրոն չի այցելել և չի վտանգել երեխաների առողջությունը

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

0
թեգերը:
Մանե Գևորգյան (ՀՀ վարչապետի մամուլի խոսնակ), ծնունդ, կորոնավիրուս, Նիկոլ Փաշինյան