Ֆուտբոլ

Ֆուտբոլը վերադառնում է. հայտնի է` երբ կվերսկսվի Հայաստանի բարձրագույն խմբի առաջնությունը

41
(Թարմացված է 17:35 15.05.2020)
Կորոնավիրուսի համաճարակի պատճառով երկուսուկես ամիս տևած ընդմիջումից հետո վերսկսվում է Հայաստանի ֆուտբոլի բարձրագույն խմբի առաջնությունը:

ԵՐԵՎԱՆ, 15 մայիսի - Sputnik. Հայաստանի ֆուտբոլի ֆեդերացիայի գործկոմի այսօրվա նիստում որոշվել է մայիսի 23-ից վերսկսել բարձրագույն խմբի առաջնությունը, որը դադարեցվել էր մարտի սկզբին: Իսկ Առաջին խմբի առաջնությունը կվերսկսվի մայիսի 30-ին:

Բարձրագույն խմբի թիմերը մարտի 8-ից պարապուրդում էին հայտնվել կորոնավիրուսի համավարակի և Հայաստանում հայտարարված արտակարգ դրության պատճառով: Թիմերը ոչ միայն խաղեր անցկացնելու հնարավորություն չունեին, այլ նաև մարզվելու:

Հայտարարված սահմանափակումների մեղմացումներից հետո հայկական թիմերին հնարավորություն տրվեց մարզումները սկսել ապրիլի 23-ից, իսկ այսօր ՀՖՖ գործկոմի նիստից հետո պարզ է դարձել, որ բարձագույն խմբի թիմերը ավարտին կհասցնեն 2019/20 մրցաշրջանը:

Մայիսի 23-ին ու հաջորդող երկու օրերին կկայանան 18-րդ տուրի հանդիպումները, որից հետո, առաջնության ձևաչափի համաձայն, առաջինից վեցերորդ տեղերը զբաղեցրած թիմերը կշարունակեն պայքարը մեդալների համար: Իսկ հաջորդ չորս տեղերում հայտնված թիմերը պետք է որոշեին` թե ով է հրաժեշտ տալու բարձրագույն խմբին: Սակայն այս հարցն արդեն ունի իր պատասխանը, քանի որ Երևանի համանուն թիմը վաղուց որակազրկված է ու չի մասնակցում բարձրագույն խմբի առաջնությանը, հետևաբար հենց «Երևանն» էլ հրաժեշտ է տալու լավագույնների մրցաշարին:

Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին

Միևնույն ժամանակ, անկախ 18-րդ մրցափուլի արդյունքներից, արդեն պարզ է, թե որ թիմերը կշարունակեն պայքարը մեդալների համար՝ «Արարատ-Արմենիան», «Ալաշկերտը», «Լոռին», «Շիրակը», «Արարատը» և «Նոան»:

Մայիսի 23-ին խաղադաշտ դուրս կգան «Շիրակն» ու«Լոռին», խաղը կկայանա Գյումրիում, իսկ «Արարատ–Արմենիան» ու «Փյունիկը» ուժերը կչափեն Երևանում։

41
թեգերը:
ֆուտբոլ, Հայաստան
Ըստ թեմայի
Հայկական ֆուտբոլի երկու լեգենդները հայտնվել են «Զենիթի» լեգեոներների հավաքականում
Ալեքսանդր Կարապետյանը Հենրիխ Մխիթարյանին «Սոչի» է հրավիրել
Հայաստանի դպրոցներից մեկում ֆուտբոլ խաղալ կսովորեցնեն
Լևոն Արոնյան. արխիվային լուսանկար

Լևոն Արոյանը պարտվեց ամերիկացի շախմատիստ Հիկարու Նակամուրայից

48
(Թարմացված է 22:46 25.05.2020)
Փորձագետները կարծում են, որ չնայած ծանր հոգեբանական վիճակին, Լևոն Արոնյանը հետաքրքիր խաղ է ցուցադրում։

ԵՐԵՎԱՆ, 25 մայիսի - Sputnik. Հայկական շախմատի առաջատար Լևոն Արոնյանն արագ շախմատի Lindores Abbey Rapid Challenge առցանց մրցաշարի քառորդ եզրափակչի երկրորդ խաղում պարտվեց ամերիկացի շախմատիստ Հիկարու Նակամուրայից։

ՌԻԱ Նովոստիի փոխանցմամբ ՝ չորս խաղերի արդյունքների համաձայն՝ Նակամուրան հաղթել է 3-1 հաշվով և մտել մրցակցության հաջորդ փուլ: Արոնյանի հետ առաջին հանդիպումը նույնպես հօգուտ ամերիկացու էր:

Lindores Abbey Rapid Challenge մրցաշարը կավարտվի հունիսի 3-ին, ինչից հետո կկայանան ևս մի քանի մրցաշարեր` Online Chess Masters-ը (հունիսի 20-ից հուլիսի 5-ը), Legends of Chess-ը (հուլիսի 21-ից օգոստոսի 5-ը) և Grand Final-ը (օգոստոսի 9-20-ը):

Մրցաշարի մրցանակային ընդհանուր ֆոնդը 1 միլիոն դոլար է:

Փորձագետների կարծիքով՝ կնոջ` շախմատիստուհի և հասարակական գործիչ Արիանա Կաոլիի մահից հետո անգամ, չնայած ծանր հոգեբանական վիճակին, Արոնյանը վերջին շրջանում հիանալի խաղ է ցուցադրում։

48
թեգերը:
Պարտություն, Շախմատի միջազգային ֆեդերացիա (ՖԻԴԵ), շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
«Գիտեինք, որ երկուսդ էլ հանձնվող տեսակ չեք». նախագահը և վարչապետը ցավակցել են Արոնյանին
Լևոն Արոնյանը կխաղա Եվրոպայի թիմի կազմում 
Լևոն Արոնյանը Եվրոպայի թիմի կազմում շարունակում է հաղթել
Հենրիխ Մխիթարյան

Հենրիխ Մխիթարյանի համար պայքարը շարունակվում է․ «Ռոման» նոր առաջարկ կանի «Արսենալին»

109
(Թարմացված է 16:15 25.05.2020)
2021 թվականին իտալական ակումբն անպայման կգնի Հայաստանի ֆուտբոլի հավաքականի 31-ամյա ֆուտբոլիստի տրանսֆերը։

ԵՐԵՎԱՆ, 25 մայիսի – Sputnik. Իտալական «Ռոման» պատրաստվում է Հայաստանի ֆուտբոլի ազգային հավաքականի ավագ Հենրիխ Մխիթարյանի տրանսֆերի մասին նոր առաջարկ անել «Արսենալին»։ Տեղեկությունը հայտնում է իտալական Il Tempo–ն։

Աղբյուրը նշում է, որ հայ ֆուտբոլիստի վարձակալության պայմանագրի ժամկետն այս ամառ լրանում է, ու «գայլերը» մտադիր են ևս մեկ տարով երկարացնել այն։

Վարձակալության նոր պայմանագրի հիմնական դրույթը լինելու է այն, որ 2021-ին ավարտվում է Մխիթարյանի պայմանագիրը «Արսենալի» հետ, այդ ժամանակ արդեն հայ ֆուտբոլիստը կարող է լիարժեք պայմանագիր կնքել «Ռոմայի» հետ, ու «Արսենալն» արդեն դրամական փոխհատուցում չի ստանա: Միևնույն ժամանակ չի բացառվում, որ «Արսենալը» կարող է առաջարկել հայ ֆուտբոլիստին երկարաձգել պայմանագիրը: Բայց դա համենայնդեպս այս պահին քիչ հավանական է:

Մխիթարյանին «Արսենալը» պատրաստ է վաճառել 15 մլն ֆունտով. ինչ է ասում «Ռոման»

Հիշեցնենք, որ Հենրիխ Մխիթարյանը 2019 թվականից վարձակալության հիմունքով հանդես է գալիս «Ռոմայում», Լոնդոնի «Արսենալի» հետ պայմանագիրն ավարտվելու է 2021-ի ամռանը։ Այս մրցաշրջանի А Սերիայի ընթացքում Մխիթարյանը 13 խաղ է անցկացրել, 6 գոլի ու 3 գոլային փոխանցման հեղինակ դարձել։

Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին

109
թեմա:
Հենրիխ Մխիթարյան
Ըստ թեմայի
Դոնեցկի «Շախտյորը» չի մոռանում Հենրիխ Մխիթարյանին ու նրա «թնդանոթային» հարվածները
Ալեքսանդր Կարապետյանը Հենրիխ Մխիթարյանին «Սոչի» է հրավիրել
Միայն տաղանդը քիչ է. Հենրիխ Մխիթարյանը պատասխանել է հայ երեխաների հարցերին. տեսանյութ
Հիվանդանոց

«Սուրբ Աստվածամայր» ԲԿ–ում 5–ամյա երեխա է մահացել. պատճառը դժբախտ դեպքն է

13
(Թարմացված է 12:55 26.05.2020)
Գևորգ Դերձյանը հատուկ ընդգծել է, որ 5–ամյա երեխայի մահը ոչ մի կապ չունի կորոնավիրուսի հետ։

ԵՐԵՎԱՆ, 26 մայիսի — Sputnik. Երևանի «Սուրբ Աստվածամայր» բժշկական կենտրոնի վերակենդանացման բաժանմունքում նախօրեին՝ մայիսի 25-ին, 5-ամյա երեխա է մահացել։

Տեղեկությունը Facebook–ի իր էջում գրել է Սուրբ Աստվածամայր» բժշկական կենտրոնի մամուլի պատասխանատու Գևորգ Դերձյանը։

«Մահը ոչ մի կապ չունի կորոնավիրուսի հետ, խնդրում եմ չշահարկել։ Երեխայի հետ դժբախտ դեպք է տեղի ունեցել: Տան հեռուստացույցը (սովետական) ընկել է վրան»,–հատուկ ընդգծել է Դերձյանը:

Նա նաև տեղեկացրել է, որ երեխան Երևան է տեղափոխվել Մասիսի բժշկական կենտրոնից, մայիսի 20-ին` առանց գիտակցության, արյունահոսությամբ, ծայրահեղ ծանր վիճակում, ունեցել է գանգուղեղային ծանր տրավմա։

Հայաստանում կորոնավիրուսից ևս 4 մարդ է մահացել. նրանցից 3-ը կանայք են

13
թեգերը:
Դժբախտ պատահար, հիվանդանոց, Մահ, երեխա, Մասիս, Երևան
թեմա:
Վթար, պատահար, սպանություն, գողություն
Ըստ թեմայի
Աշխարհում կորոնավիրուսի 5.5 մլն դեպք է բացահայտվել, ավելի քան 347 հազարը մահացել են
Հայաստանում կորոնավիրուսով վարակվածների թիվն ավելացել է 289-ով և դարձել 7402