Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին
Խաչիկ Չախոյան Sputnik Արմենիա
Մտածված հարված
Եվրոպայի 1996 թվականի ընտրական մրցաշարում Հայաստանի հավաքականը մակեդոնացիներին հյուրընկալելուց առաջ արդեն չորս հանդիպում անցկացրել էր, կրել երեք պարտություն ու մեկ խաղում էլ ոչ ոքի ավարտել: Մինչև Մակեդոնիայի հետ հանդիպումը մեր թիմը դեռևս ոչ մի անգամ չէր կարողացել գրավել մրցակցի դարպասը։
«Այդ խաղին Արմեն Շահգելդյանը երկու մրցակցի շրջանցեց, ու ես նրանից փոխանցում ուզեցի: Արմենն ամեն ինչ լավ տեսնելով` գնդակը գլորեց ինձ, իսկ ես մինչև փոխանցումն արդեն որոշել էի, որ միանգամից հարվածելու եմ: Հարվածեցի ոտնաթաթի դրսի մասով, ու ամբողջ թիմով ցնծացինք»,- իր խփած գոլն է հիշում Գրիգորյանը:
Ուժեղ ու անփորձ թիմը
90-ականներին Հայաստանի հավաքականն իր կազմով բավականին ուժեղ թիմ էր: Համենայնդեպս, այդ տարիներին ազգային հավաքականում խաղալու համար յուրաքանչյուր ֆուտբոլիստ մեծ մրցակցության մեջ էր հայտնվում: Նախկին ԽՍՀՄ –ի ֆուտբոլային դպրոցի սաները կարող էին լուրջ արդյունքների հասնել, բայց միջազգային խաղերի փորձը հավասար էր զրոյի: 1996 թվականին անկախ Հայաստանի առաջին հավաքական թիմը մտավ պայքարի մեջ միջազգային ասպարեզում։
©
Sputnik / Хачик Чахоян
Ռազմիկ Գրիգորյանը և Մարադոնան
«Ուժեղ թիմ էինք անկասկած, բայց երբեք չէինք խաղացել Եվրոպայի կամ աշխարհի ընտրական փուլերում, ու խաղից խաղ դա զգացվում էր: Իզուր չէ, որ Մակեդոնիային հաղթում էինք 2:0 հաշվով, բայց չկարողացանք պահպանել հաղթական հաշիվն ու մեծ հիասթափություն ապրեցինք, որովհետև այն ավարտվեց 2։2 հաշվով» - ասում է Գրիգորյանը:
Հնարամիտ Դարբինյանը
Եվրոպայի 1996 թվականի ընտրական փուլի առաջին խաղում մեր հավաքականը մրցեց Բելգիայի ընտրանու հետ: Այդ ծանր ժամանակներում մեր ֆուտբոլիստները նույնիսկ մարզահագուստ չունեին:Վաղամեռիկ Համլետ Մխիթարյանի (Հենրիխ Մխիթարյանի հայրը) ջանքերով մեր հավաքականը ստացավ խաղային և, այսպես ասած, շքերթային մարզահագուստ, բայց թիմը չուներ մարզվելու համար նախատեսված համազգեստ։
©
Photo : provided by Hakob Berberyan
«Բելգիայի ընտրանու հետ խաղից առաջ մենք նախախաղային մարզում էինք, անցկացնում, բայց քանի որ մարզվելու հավաքական համազգեստ չունեինք, ֆուտբոլիստները խաղադաշտ էին դուրս եկել տարբեր մարզահագուստներով: Մարզումից հետո լրագրողները անմիջապես բարդ հարց տվեցին հավաքականի մարզիչ Սամվել Դարբինյանին, թե ինչու է այսպես խայտաբղետ հագուստով մարզվում մեր թիմը: Դարբինյանը իրեն չկորցնելով պատասխանեց, որ հավաքականում ավանդույթ կա` խաղից առաջ թիմը մարզվում է այն մարզահագուստով, որը յուրաքանչյուր ֆուտբոլիստ ընտրում է իր համար»,- ժպտալով հիշում է Գրիգորյանը:
0:2. ոչ ոքի՞, թե՞ հաղթանա՞կ
Եվրո 1996 ընտրական փուլի Հայաստան-Բելգիա հանդիպումն ավարտվեց 0:2 հաշվով: Պետք է նշել, որ մեր ընտրանին որպես նորեկ շատ լավ տպավորություն թողեց ուժեղ մրցակցի հետ խաղում։ «Խաղից հետո հայկական համայնքը մեզ հրավիրել էր հանդիպման: Այդ խաղը ռադիոյով մեկնաբանել էր Սուրեն Բաղդասարյանը։ Ավտոբուսի մեջ մենք լսում էինք ձայնագրությունը, Բաղդասարյանը այնքան էմոցիոնալ էր հաղորդում, որ թվում էր մենք բացահայտ առավելություն ունեինք բելգիացների նկատմամբ (ժպտում է):Երբ մենք մոտեցանք, համայնքի ներկայացուցիչները ծափահարեցին, ոմանք նույնիսկ գոռում էին՝ մեր հերոսները: Հավաքականի պաշտպան Վարդան Խաչատրյանը այդ պահին ասեց. «Բելգիայի հետ 0:2-ը ես գիտեի ոչ ոքի է, պարզվում է` հաղթանակ է»,- ծիծաղով պատմում է Գրիգորյանը:
Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին
Ռազմիկ Գրիգորյանը մինչև օրս էլ ֆուտբոլից անբաժան է: Աշխատելով գլխավոր մարզչի օգնական «Ուլիսում», «Արարատում», «Արարատ-Արմենիայում», «Լոռիում» և Հայաստանի ազգային հավաքականում` հայտնի ֆուտբոլիստը հիմա «Դիլիջանի» գլխավոր մարզիչն է ու լուրջ նպատակներ ունի իր առջև դրված:
Ալեքսանդր Կարապետյանը «Տամբով» ակումբից կտեղափոխվի «Արարատ–Արմենիա»
(Թարմացված է 20:07 24.01.2021)
Այս խաղաշրջանում 33-ամյա հարձակվողը «Տամբովի» կազմում 16 հանդիպում է անցկացրել ու դարձել 3 գոլի հեղինակ։ Անցած խաղաշրջանում նա հանդես էր գալիս «Սոչիի» կազմում։
ԵՐԵՎԱՆ, 24 հունվարի – Sputnik. «Տամբովի» հարձակվող Ալեքսանդր Կարապետյանը կլքի ակումբն ու կտեղափոխվի «Արարատ–Արմենիա»։ Տեղեկությունը հայտնում է Sports24–ը։
©
Photo : provided by Ervand Sukiasyan
Աղբյուրի տվյալներով` 33-ամյա հարձակվողը շուտով Հայաստանի չեմպիոնի հետ պայմանագիր կստորագրի։
Այս խաղաշրջանում Կարապետյանը «Տամբովի» կազմում 16 խաղ է անցկացրել ու դարձել 3 գոլի հեղինակ։ Անցած խաղաշրջանում նա հանդես էր գալիս «Սոչիի» կազմում։
Ալեքսանդր Կարապետյանը ծնվել է Թբիլիսիում և մինչև 11 տարեկանն ապրել Վրաստանում։ Այնուհետև ընտանիքը տեղափոխվել է Գերմանիա, որտեղ Ալեքսանդրը սկսել է զբաղվել ֆուտբոլով երկրորդ Բունդեսլիգայի ակումբի դպրոցում։
Սկզբում Կարապետյանը հանդես է եկել Գերմանիայի ցածր դիվիզիոնների ակումբների կազմում, այնուհետև տեղափոխվել Լյուքսեմբուրգի առաջատար ակումբներ` այնտեղ խաղալով 2012 թվականից մինչև վերջերս` «Սոչի» տեղափոխվելը։
2014 թվականից նա ներգրավվում է Հայաստանի հավաքականի խաղերում։
Արման Ծառուկյանը UFC 257 մրցաշարում հաղթել է Մեթ Ֆրեվոլային. տեսանյութ
Սուքիասյանները նվաճում են Ավստրիան. Երվանդը լավագույն հարձակվող է, Դավիթը` դարպասապահ
(Թարմացված է 19:51 24.01.2021)
Հայաստանի ֆուտբոլի ազգային հավաքականի նախկին երկարամյա ավագ Երվանդ Սուքիասյանը միշտ երազում էր որդիներին տեսնել ֆուտբոլային խաղադաշտում։ Հիմա Ավստրիայում Սուքիասյան եղբայրները հպարտության առիթներ են պարգևում ավագ Սուքիասյանին։ԵՐԵՎԱՆ, 24 հունվարի – Sputnik․ 2017 թվականին Հայաստանի ֆուտբոլի ազգային հավաքականի նախկին ավագ Երվանդ Սուքիասյանի ընտանիքը տեղափոխվեց Ավստրիա։ Հիմա արդեն Ավստրիայում բոլոր ֆուտբոլասերները լավ գիտեն ոչ միայն Երվանդ Սուքիասյանին, այլ նաև նրա երկու որդիներին՝ Դավիթին ու կրտսեր Երվանդին, որոնց ֆուտբոլային տաղանդն արտահայտվում է յուրաքանչյուր խաղի ժամանակ։
©
Photo : provided by Ervand Sukiasyan
Երվանդ Սուքիասյանը` որդիների` Դավիթի և Երվանդի հետ
Sputnik Արմենիան կապ է հաստատել Սուքիասյանների ընտանիքի հետ և պարզել` ինչպես հայտնվեցին Ավստրիայում, ինչ է անում մեր հավաքականի նախկին ավագը Եվրոպայի կենտրոնում և ինչպես է կառուցվում Սուքիասյանի որդիների կարիերան հայրենիքից հեռու։
Պատահական հանդիպման արդյունքները
2017 թվականին Սուքիասյանների ընտանիքը հանգստանում էր Ավստրիայում, որտեղ Երվանդը հանդիպեց իր նախկին թիմակից և «Վակեր» Իսնբուրկ թիմի ներկայիս գլխավոր մենեջեր Ալֆրեդ Հորտանգլի հետ։ Այդ հանդիպումից հետո Սուքիասյանները որոշեցին տեղափոխվել Ավստրիա։
©
AP Photo / TED S. WARREN
«Ալֆրեդը մեզ հրավիրեց իրենց տուն ու, տեսնելով տղաներիս, հետաքրքրվեց, թե ինչով են զբաղվում։ Յութումբում տեսնելով կրտսեր Երվանդի (Երվանդ Սուքիասյանների զույգ որդիներից մեկը կրում է հոր անունը) ու Դավիթի խաղը (այդ ժամանակ տղաները 12 տարեկան էին), անմիջապես ասեց, որ մենք պետք է Ավստրիա տեղափոխվենք, քանի որ պետք ենք «Վակեր» թիմին»,- պատմում է Երվանդ Սուքիասյանը։ Սկզբում նա հումորով է վերաբերվել առաջարկին, բայց երբ զանգերը դարձել են հաճախակի, հասկացել է, որ ամեն ինչ շատ լուրջ է, ու 2017 թվականին ընտանիքով տեղափոխվել են Ավստրիա։
Որդիները` հոր թիմում
Երվանդ Սուքիասյանը ներկայումս գլխավորում է «Վակերի» մինչև 18 տարեկան ֆուտբոլիստների թիմը։ Չնայած ավելի փոքր տարիքին` Դավիթն արդեն մեկ տարի է այնտեղ հանդես է գալիս, կրտսեր Երվանդն էլ հունվարից է տեղափոխվել հոր գլխավորած թիմը։ «Իհարկե բոլոր ֆուտբոլիստներն էլ երազում են խաղալ իրենց երկրի հավաքականում։
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Դավիթն ու Երվանդն էլ կարող են խաղալ Հայաստանի հավաքականում, պարզապես նրանք հիմա ունեն Ուկրաինայի անձնագիր։ Ծնվել են Հունաստանում, ունեն Ուկրաինայի քաղաքացիություն, խաղում են Ավստրիայում, ազգությամբ հայ են (ծիծաղում է)», - ասում է ավագ Սուքիասյանը
Երվանդը` Երվանդի հետքերով
Քչերը գիտեն, որ Հայաստանի հավաքականի նախկին ավագ Երվանդ Սուքիասյանը, որը խաղում էր աջ պաշտպանի դիրքում, ժամանակին եղել է հարձակողական ոճի կիսապաշտպան։ «Մինչև 14 տարեկանը ես էլ խաղում էի հարձակման գծում։ Եղավ ընկերական հանդիպում «Կոտայքի» հետ, որտեղ խաղում էր ավագ եղբայրս՝ Վարուժան Սուքիասյանը։
©
Photo : provided by Ervand Sukiasyan
Երվանդ Սուքիասյան կրտսերը
Մեր մարզիչ Ֆելիքս Վերանյանն ինձ հարցրեց կարո՞ղ եմ խաղալ եղբորս դեմ, որը նույնպես հարձակվող էր։ Ասեցի` կարող եմ։ Լավ խաղացի, նույնիսկ հարվածեցի եղբորս ոտքին, որի պատճառով նա փոխարինվեց։ Ու այդ խաղից հետո դարձա աջ պաշտպան»,- պատմում է ավագ Երվանդը։ Հիմա էլ կրտսեր Երվանդն է հոր նման հանդես գալիս որպես հարձակվող։
Ուշ, բայց պուպուշ
Ավելի հետ գնալով` պատմենք, որ Երվանդն ու նրա կինը՝ Վարսիկը, իրենց որդիների լույս աշխարհ գալուն երկար են սպասել։ 2005–ին, երբ ծնվեցին Սուքիասյանների զույգ տղաները, ծնողների ուրախությանը չափ ու սահման չկար։ Վարսիկը պատմում է, որ երեխաները դեռ չէին ծնվել, բայց Երվանդն արդեն նրանց ֆուտբոլիստ դառնալու մասին էր երազում։
©
Photo : provided by Ervand Sukiasyan
Դավիթ Սուքիասյանը
«Մենք երազում էիք տղա ունենալ ու մտածում միայն նրա ֆուտբոլիստ դառնալու մասին։ Բայց հղիության սկզբնական շրջանում բժիշկն ասեց, որ կասկած կա, որ զույգ աղջիկ ենք ունենալու և, փորձելով մխիթարել Երվանդին, ասաց` ոչինչ` աղջիկների թիմեր էլ կան։ Երվանդը կարմրեց, հետո գույնը գցեց ու ոչինչ չպատասխանեց։ Ես ասեցի`չկասկածես, մենք զույգ տղա ենք ունենալու, ու այդպես էլ եղավ», - ժպտալով հիշում է Երվանդի կինը՝ Վարսիկը։
Գենետիկ սեր ֆուտբոլի նկատմամբ
Երեք տարեկան հասակում տղաները` Դավիթն ու կրտսեր Երվանդը, իրենք հուշեցին, թե ինչով են զբաղվելու ապագայում։ «Նրանք դեռ փոքր էին, բայց սիրում էին գնդակով խաղալ։ Կրտսեր Երվանդը հարվածում էր, իսկ Դավիթը հետ մղում գնդակը։ Այսպես, տղաներս ինձ ոչ միայն ցույց տվեցին, որ ֆուտբոլով են զբաղվելու, այլ հուշեցին, որ Դավիթը լինելու է դարպասապահ, իսկ կրտսեր Երվանդը` ռմբարկու»,- ասում է Երվանդ Սուքիասյանը։
©
Photo : provided by Ervand Sukiasyan
Դավիթ և Երվանդ Սուքիասյանները
Կրտսեր Երվանդ ու Դավիթ Սուքիասյաններն արդեն ապացուցել են, որ մեծ ֆուտբոլ խաղալու շեմին են։ Իրենց ներկայիս ակումբում կրտսեր Երվանդը ճանաչվել է լավագույն հարձակվող, իսկ Դավիթը լավագույն դարպասապահ։ Ժամանակը ցույց կտա, թե ո՞վ ու որտեղ կշարունակի իր կարիերան։ Նույնը վերաբերվում է նաև ավագ Երվանդ Սուքիասյանին, որը «Վակերում» մարզչական կարիերան է շարունակում։ Ի դեպ, Երվանդ Սուքիասյանը հիմա Կիևում մարզչական Pro դասընթացների է մասնակցում, իսկ փետրվարի 1-ից էլ Անթալիայում նույն դասընթացների շրջանակներում Սուքիասյանը մասնակցելու է հավաքների։
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները
(Թարմացված է 22:33 24.01.2021)
Ինչպես կանխատեսում էին մասնագետները, անցնող շաբաթը Հայաստանում ձնառատ էր։ Իրականություն դարձան նաև ցրտահարության կանխատեսումները:
Բայց չնայած Երևանի Շենգավիթ համայնքում տեղացող ձյանը և անտանելի ցրտին` «Մարտի 1»-ի գործով այս տարվա առաջին դատական նիստը, այնումենայնիվ, կայացավ: Մինչ Ռոբերտ Քոչարյանի կողմնակիցները դրսում սպասում էին նիստի ավարտին` ձեռքներին՝ կարգախոսներով պաստառներ, երկրորդ նախագահը նրանց մոտեցավ և խնդրեց տուն գնալ։ Լսումները կրկին հետաձգվեցին ՝ այս անգամ էլ թարգմանչի բացակայության պատճառով:
Այս շաբաթ մեր նկարահանող խումբն այցելեց «Լաչինի միջանցք»: Չէ, արցախյանը չէ։ Իրական Լաչինի միջանցքից ավելի քան երեք հարյուր կիլոմետր հեռավորության վրա հանրապետության երրորդ քաղաքում՝ Վանաձորում, կա շուկա, որը մարդիկ անվանում են «Լաչինի միջանցք»: Փորձեցինք պարզել շուկայի անվան պատմությունը՝ զրուցելով շուկայի վաճառողների հետ։
Sputnik Արմենիայի թղթակիցներն այս շաբաթ այցելել են Գևորգյան և Սանեյան ընտանիքներին: Մեր ընթերցողներին պատմեցինք հուզիչ պատմություններ Շուշիի մոտ զոհված Գևորգյան ոստիկան-եղբայրների և Հադրութի մոտ վիրավորված խաղաղապահ եղբայրներ Սանեյանների մասին։
Մնացեք Sputnik Արմենիայի հետ, մենք կշարունակենք ամեն շաբաթն ամփոփել տպավորիչ լուսանկարներով։
© Sputnik / Asatur YesayantsԱռատ ձյուն Երևանում
© Sputnik / Aram NersesyanՌոբերտ Քոչարյանի կողմնակիցները Երևանի ընդհանուր իրավասության դատարանի առջև (2021թ․ հունվարի 19):
© Sputnik / Aram NersesyanՌոբերտ Քոչարյանի տարեց կողմնակիցը Երևանի ընդհանուր իրավասության դատարանի առջև (2021թ․ հունվարի 19)։
© Sputnik / Aram NersesyanԼևոն Քոչարյանը Երևանի ընդհանուր իրավասության դատարանի առջև (2021թ․ հունվարի 19)։
© Sputnik / Andranik GhazaryanՁնեմարդը` Eրևանի վերնիսաժում
© Sputnik / Andranik GhazaryanԱրցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի զինգրքույկը
© Sputnik / Andranik GhazaryanԱրցախյան պատերազմի ժամանակ ձեռքերը կորցրած խաղաղապահ Վարազդատ Սանեյանի ծնողները՝ Սարիբեկն ու Լիանան
© Sputnik / Asatur YesayantsԱռատ ձյուն Երևանում
© Sputnik / Asatur YesayantsՇուշիում զոհված Գևորգ և Կարեն Գևորգյանների ծնողները՝ Արթուրն ու Արևիկը
© Sputnik / Asatur YesayantsՇուշիում զոհված Գևորգ և Կարեն Գևորգյանների հայրը՝ Արթուրը
© Sputnik / Asatur YesayantsԱռատ ձյուն Երևանում
© Sputnik / Aram NersesyanՎանաձորի «Լաչինի շուկան»
© Sputnik / Aram NersesyanՎանաձորի «Լաչինի շուկան»
© Sputnik / Aram NersesyanՎանաձորի «Լաչինի շուկան»
© Sputnik / Andranik GhazaryanՀՀ վարչապետ Նիկոլ Փաշինյանի հրաժարականը պահանջող քաղաքացիների ավտոերթը (2021թ․ հունվարի 24):