Արմեն Մարտիրոսյանը

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

1568
(Թարմացված է 11:43 30.04.2020)
Արմեն Մարտիրոսյանը ժամանակին հայկական սպորտի անբաժան մասնիկն էր և իր ելույթներով միշտ էլ բարձր էր պահում մեր մարզական պատիվը: Բայց հիմա քչերն են հիշում, թե ինչպես էր Արմենը մեկնարկում, մրրիկի նման վազում ու հետո ցատկում:

Խաչիկ Չախոյան Sputnik Արմենիա

Եռացատկում Հայաստանը շատ քիչ նվաճումներ ունի, իսկ անկախ Հայաստանի պատմության մեջ Արմեն Մարտիրոսյանը միակ թեթև ատլետն է, որը մեդալ է վաստակել Եվրոպայի առաջնություններում:

1996 թվականի Եվրոպայի առաջնության բրոնզե մեդալակիր, 1996 թվականի համաշխարհային ուսանողական խաղերի արծաթե մեդալակիր Արմեն Մարտիրոսյանը Sputnik Արմենիայի հետ զրույցում հիշել է իր անցած ուղին ու պատմել դժվարությունների մասին։

Ասֆալտն ու փոքր փոսը` մարզասրահի փոխարեն

94 թվականն էր։ Հայաստանը նոր էր անկախացել, ու բոլոր ոլորտները ձևավորման խնդիրների առաջ էին կանգնած։ Գյումրիի քաղաքային մարզադաշտում, որի կողքերն ասֆալտապատ էին, Արմենը վազում էր ու մարզվում, իսկ թռիչքները հղկում փոքր փոսի վրա:

Армен Мартиросян
© Photo : provided by Armen Martirosyan
Արմեն Մարտիրոսյանը

Նրա մարզումներին հետևող գյումրեցիներից ոմանք հիանում էին, ոմանք էլ զարմանում։ «Ապ ջան, էս տղեն անպայման մե բանիմ կհասնի: Ըսիգ, որ ստեղ ըսպես կմարզվի, պատկերացրեք, թե լավ պայմաններում ինչեր կռնա էնէ»,- ասում էին գյումրեցիները: Իսկ Արմենը ոչ մեկին չէր լսում: Նա ուներ նպատակ ու ուզում էր հասնել այդ նպատակին:

Ի դեպ, Արմեն Մարտիրոսյանը մարզիկի կարիերան սկսել է 1981 թվականին, ու մինչև 1986 թվականը նրա մարզիչն էր Մկրտիչ Կարապետյանը: 1992-94թթ նրանք նորից մարզվել են միասին: Մարտիրոսյանի մարզական կարիերայի ընթացքում շատ այլ մարզիչներ էլ են եղել, ու մարզիկը բոլորին հիշում է և շնորհակալ է նրանց: 

Վատ պայմաններում` մաքսիմում արդյունք

Եթե հաշվի առնենք, որ Արմեն Մարտիրոսյանը շատ դժվար ժամանակահատվածում սկսեց ներկայացնել Հայաստանը տարբեր մրցաշարերում, կարելի է ասել, որ նա հասավ իր ուզածին: «Հայաստանը նոր էր անկախացել, անցումային շրջան էր, ոչ մի բանի մասին հստակ պատկերացում չունեինք, գումարած ես մարզավում էի ինքնուրույն՝ առանց մարզչի: Շատ դժվար էր, դրանում ոչ մի խոսք: Ինձ թվում է` պայմանները հաշվի առնելով` ես հասա մաքսիմում արդյունքի»,–ասում է նա:

Այն ժամանակ Հայաստանի ատլետիկայի հավաքական գոյություն չուներ։ Արմեն Մարտիրոսյանի համար որպես մարզիչ նշվում էր Հովհաննես Ստեփանյանի անունը, բայց, մարզիկի խոսքով, նա ավելի շատ խորհրդատու է եղել, այլ ոչ թե մարզիչ: «Մեկնում էի Ռուսաստան ու մարզվում այնտեղ: Շատ դեպքերում գնում էի իմ միջոցներով»,–հիշում է նա: 1995 թ–ին էլ ՀՀ աթլետիկայի ֆեդերացիան նրա համար տոմս է գնել ու ուղարկել ՌԴ Ռյազան` մարզվելու։  «Հայ երկու տղաներ էին, որոնք պետք է հովանավորեին իմ հավաքը: Բերեցին ինձ Ռյազան, մտա տուն ու տեսա, որ տանը նույնիսկ մահճակալ չկա: Ինձ օգնեց լրիվ անծանոթ մի ռուս ձյուդոիստ, որը պայմանավորվեց իմ մարզումների համար, ու երկու ամիս մնացի Ռյազանում»,-հիշում է Մարտիրոսյանը:

Կոնլիի նկարը` որպես ուղեցույց

Հեռացատկում Ռոբերտ Էմմիյանի 8 մ 86 սմ արդյունքը մինչև օրս էլ շարունակում է մնալ աշխարհում լավագույններից մեկը: Հայ անվանի հեռացտկորդի օրինակով է Արմեն Մարտիրոսյանը հարթել իր ուղին այդ մարզաձևում։ «Ես երբեք չեմ հերքի Էմմիյանի մեծ ատլետ լինելը: Բայց Ռոբերտ Էմմիյանը Խորհրդային ժամանակաշրջանի մարզիկ էր, որի թիկունքին կանգնած էր հզոր պետություն։ Եթե ես կամ Շիրակ Պողոսյանն էլ այն ժամանակ հանդես գայինք, կարող է և արդյունքները լրիվ այլ լինեին»,–ասում է ամենածանր ժամանակներում Հայաստանը ներկայացրած մարզիկը։

«Պետք չես, և վերջ». տարբեր առաջնությունների մրցանակակիր հայ ծանրորդի առաջ փակել են դռները

Ռոբերտ Էմմիյանին ու Հովհաննես Ստեփանյանին իր կուռքը համարելով հանդերձ` ուսանող տարիներին Արմեն Մարտիրոսյանն իր մահճակալի վերևում փակցրել էր աշխարհահռչակ եռացատկորդ Մայքլ Կոնլիի նկարը։ «Անգլիացի հանրահայտ եռացատկորդն առաջինն էր, ով ցատկեց 18 մետրից ավելի: Նա 1992 թվականին դարձավ օլիմպիական չեմպիոն: Ես դեռևս 1990 թվականին նրա նկարը խփեցի ու տակն էլ գրեցի` Ատլանտա: Ո՞վ կմտածեր, որ ութ տարի անց ես կմեկնեմ Ատլանտա ու կմրցեմ հենց Կոնլիի հետ, որը այդ խաղերում զբաղեցրեց չորրորդ տեղը»,- պատմում է Արմենը:

Աշխարհի ուժեղագույնների կողքին

1996 թվականի Ատլանտայի օլիմպիական խաղերում Արմեն Մարտիրոսյանը 16 մ  97 սմ արդյունքով զբաղեցրեց հինգերորդ տեղը: Ինչ-որ տեղ ցավալի է մոտ լինել պատվո պատվանդանին ու մրցանակային տեղ չզբաղեցնել, բայց Մարտիրոսյանն այլ կարծիքի է։ «Ավելին անել այդ մրցումներում հնարավոր չէր: Աշխարհի ուժեղագույն ցատկորդներն առաջին քառյակում էին, իսկ ես, իհարկե, ուրախացա, որ անմիջապես հաջորդում էի նրանց: Մարզաձևին գիտակ մարդիկ հասկացան, թե ինչքան բարձր արդյունքի հասա: Իսկ պետության կողմից 1000 դոլար պարգևատրում ստացա: Մենակ թե էնքան գնացի -եկա Երևան, որ էդ գումարը ճամփեքին ծախսեցի »,- գյումրեցու ակցենտով  ու ծիծաղով ասում է Մարտիրոսյանը:

Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ

Ներկայումս հանրահայտ մարզիկը աշխատում է Գյումրիում տեղակայված ռուսական ռազմաբազայի դպրոցում. նա դաստիարակչական գծով փոխտնօրենն է: Մարզիչ աշխատել է, բայց ցանկություն չի ունեցել շարունակել` համարելով, որ չի կարող ստիպել մարզիկին անցնել այն դժվարին ու ծանր ճանապարհը, որով ինքն է անցել: Անկախ ամեն ինչից, եռացատկում Հայաստանի ռեկորդը շարունակում է պատկանել Արմեն Մարտիրոսյանին՝ 17 մ 44 սմ:

1568
թեգերը:
մեդալ, մարզիկ, մարզիչ, Հայաստան, Արմեն Մարտիրոսյան (եռացատկորդ), եռացատկորդ
Ըստ թեմայի
Չեմպիոնի տիտղոսն ու երկրաշարժը. ինչպես գյումրեցի մարզիկը մեկ օրում Կանադայից Երևան հասավ
Բազմոցն էլ կարող է մարզասարք դառնալ․ լուսանկարներ մարզիկների կարանտինային մարզումներից
Հայկական ակումբները սկսեցին մարզումները. Վարդան Մինասյանի թիմի պարապմունքը լուսանկարներով
Քեթլին Չուքագյան

MMA–ի մարզիկը լուսանկար է հրապարակել. հայուհին նրա դեմքին 45 հարված է հասցրել

135
(Թարմացված է 18:33 31.05.2020)
Ավելի վաղ Լաս Վեգասում կայացած մենամարտն ավարտվել է ամերիկահայ մարզիկ Քեթլին Չուքագյանի համոզիչ հաղթանակով։

ԵՐԵՎԱՆ, 31 մայիսի – Sputnik. Խառը մարտարվեստի մարտիկ, Ղրղզստանի ներկայացուցիչ Անտոնինա Շևչենկեն ցուցադրել է իր լուսանկարը UFC on ESPN 9 մրցաշարում ամերիկահայ Քեթլին Չուքագյանից պարտություն կրելուց հետո։ Լուսանկարը մարզիկը հրապարակել է Instagram–ի իր էջում։

Նրա դեմքին երևում են հարվածի բազմաթիվ հետքեր, քերծվածքներ և կապտուկներ։

Посмотреть эту публикацию в Instagram

Публикация от Antonina La Pantera Shevchenko (@antoninapantera)

«ММА–ն ծանր մարզաձև է, սակայն սա իմ ճանապարհն է, և ես ավելի ուժեղ կվերադառնամ»,– գրել է Շևչենկոն։

Բաժանորդներն իրենց հերթին աշխատում են նրան քաջալերել, ինչպես նաև շուտափույթ վերադարձ մաղթում ռինգ։

Մարտը տեղի է ունեցել մայիսի 30-ի լույս 31-ի գիշերը  Լաս Վեգասում։ Չուքագյանը հակառակորդին 202 հարված է հասցրել, որից 45-ը` գլխին։ Ամերիկահայը հաղթող է ճանաչվել մրցավարների միաձայն որոշմամբ։

Չերկեսկում երկրպագուները հարձակվել են մրցավար Աշուղյանի վրա. տեսանյութ

Շևչենկոն իր կարիերայի երկրորդ պարտությունն է կրել, ընդհանուր առմամբ գրանցել է 7 հաղթանակ։ Չուքագյանը հաղթել է 14-րդ մրացապայքարը։ Ամերիկուհին իր կարիերայի ընթացքում 3 պարտություն ունի։

Ավելի վաղ Sputnik Արմենիայի հետ զրույցում Չուքագյանը պատմել էր իր հայկական արմատների և այն մասին, թե ինչն է նրան այդքան գրավում խառը մարտարվեստում։

«Շատ եմ սիրում հայերին և կանեմ այնպես, որ նրանք հպարտանան ինձնով». Դավիթ Ռոբերտս

135
թեգերը:
հաղթանակ, հայ, Ամերիկայի Միացյալ Նահանգներ, մարզիկ
Ըստ թեմայի
MMA-ի մարզիկ Գեորգի Կարախանյանին հեռացրել են ACB-ից
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
«Ռոմայի» մարզիկները, որի կազմում խաղում է Մխիթարյանը, հրաժարվել են 4 ամսվա աշխատավարձից
Բազմոցն էլ կարող է մարզասարք դառնալ․ լուսանկարներ մարզիկների կարանտինային մարզումներից
Ալեքսանդր Թարխանով

Հայկական ֆուտբոլային ակումբի փոխնախագահը կարող է գլխավորել ռուսական թիմը

63
(Թարմացված է 16:22 30.05.2020)
Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի։

ԵՐԵՎԱՆ, 30 մայիսի – Sputnik․ Երևանի «Փյունիկ» ֆուտբոլային ակումբի փոխնախագահ Ալեքսանդր Թարխանովը կարող է գլխավորել ռուսաստանյան «Ենիսեյ» ֆուտբոլային ակումբը։ Տեղեկությունը հայտնում է matchtv.ru կայքը։

Կազմվել է այն մասնագետների ցուցակը, որոնք կարող ենք Յուրի Գազաևին փոխարինել՝ «Ենիսեյ» ֆուտբոլային ակումբի գլխավոր մարզչի պաշտոնում։ Ցանկում են Ալեքսանդր Տարխանովը, Սերգեյ Տաշուևը և Ալեքսանդր Ալֆյորովը։

Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի, Ֆուտբոլի ազգային լիգայի նոր առաջնությունում թիմի բյուջեի և առաջադրանքների համաձայնեցումից հետո։

Ալեքսանդր Թարխանովը Հայաստանի բազմակի չեմպիոն երևանյան «Փյունիկ» ֆուտբոլային ակումբի փոխնախագահն է 2019 թվականից։

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

63
թեգերը:
մարզիչ, ֆուտբոլ
Ըստ թեմայի
«Նրանց հետ հեշտ է․ շատ նման են հայերին»․ Հենրիխ Մխիթարյանը սեր է խոստովանել Իտալիային
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Հենրիխ Մխիթարյանի համար պայքարը շարունակվում է․ «Ռոման» նոր առաջարկ կանի «Արսենալին»
Գազամուղ. արխիվային լուսանկար

Հայաստանին բնական գազի մատակարարումը 4 օրով կդադարեցվի

0
(Թարմացված է 13:44 01.06.2020)
Շուրջ 28 տարի հնարավոր չի եղել Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ իրականացնել։

ԵՐԵՎԱՆ, 1 հունիսի- Sputnik. Հունիսի 2-ից 96 ժամով կդադարեցվի Հայաստան բնական գազի մատակարարումը։ «Գազպրոմ Արմենիա» ընկերության լրատվական ծառայությունը տեղեկացնում է, որ դադարեցումը Հյուսիսային Կովկաս-Անդրկովկաս մայրուղային գազատարի և Կարմիր կամուրջ- Բերդ մայրուղային գազատարի նորոգման աշխատանքներ իրականացնելու նպատակով է:

«Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների: 1992 թվականին շահագործման հանձնելուց ի վեր՝ շուրջ 28 տարի, Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ հնարավոր չի եղել իրականացնել»,- նշված է ընկերության տարածած պաշտոնական հաղորդագրության մեջ։

Ընկերությունից տեղեկացնում են, որ նշված ժամանակահատվածում մայրուղային գազատարների վրա կկատարվեն մասնակի վերանորոգման աշխատանքներ։ Դրանք իրականացվում են հայ-վրացական միջկառավարական պայմանավորվածությունների ադյունքում։

Հայաստանը պնդում է, Ռուսաստանը` պարզաբանում. հնարավո՞ր է ԵԱՏՄ–ում գազի միասնական շուկան

0
թեգերը:
«Գազպրոմ Արմենիա» ընկերություն, Հայաստան, գազ
Ըստ թեմայի
Նիկոլ Փաշինյանը խոսեց գազի գնի ու «Գազպրոմի» մղումների մասին
Այս պահին գազի գնի բարձրացման մասին խոսելու լավագույն ժամանակաշրջանը չէ. Փաշինյան
Փաշինյանը ԵԱՏՄ գագաթնաժողովում վերահաստատեց՝ գազի միասնական շուկան անհրաժեշտություն է