Հենրիխ Մխիթարյան, Ռոմա, արխիվային լուսանկար

«Ռոմայի» մարզիկները, որի կազմում խաղում է Մխիթարյանը, հրաժարվել են 4 ամսվա աշխատավարձից

116
(Թարմացված է 19:08 19.04.2020)
«Ռոմայի» ղեկավարությունը ֆուտբոլիստների և Ֆոնեսկայի հետ համաձայնեցրել է պարգևատրման պլանը, որը կկիրառվի որոշակի արդյունքների համաձայն, եթե ընթացիկ մրցաշրջանը վերսկսվի և եզրափակվի:

ԵՐԵՎԱՆ, 19 ապրիլի – Sputnik․ «Ռոմայի» կայքը հայտնում է, որ իտալական «Ռոմա» ակումբի խաղացողները, ինչպես նաև գլխավոր մարզիչ Պաուլու Ֆոնեսկան և նրա շտաբը հրաժարվել են իրենց 4 ամսվա աշխատավարձից, որպեսզի օգնեն թիմին հաղթահարել կորոնավիրուսի համավարակի պատճառով առաջացած տնտեսական ճգնաժամը։ Իտալիայի առաջնությունը, ինչպես և Եվրոպայի մրցաշարերի մեծ մասը այս պահին կորոնավիրուսի պատճառով ընդհատված են։

Նշվում է, որ խաղացողներն ու մարզիչը հրաժարվել են մարտ, ապրիլ, մայիս և հունիս ամիսների աշխատավարձից։ «Ռոմայի» ղեկավարությունը ֆուտբոլիստների և Ֆոնեսկայի հետ համաձայնեցրել է որոշակի արդյունքների հասնելու դեպքում պարգևատրման ծրագիրը, եթե ընթացիկ խաղաշրջանը վերսկսվի և եզրափակվի։  

«Մենք միշտ խոսում ենք «Ռոմայում» միասնականության մասին և, կամավոր կրճատելով աշխատավարձերը մինչև խաղաշրջանի ավարտ, խաղացողները, մարզիչն ու նրա աշխատակիցները ցույց տվեցին, որ մենք իրոք այս ամենին մասնակցում ենք միասնաբար։ Ֆուտբոլիստները և Պաուլուն հասկանում են, թե ինչի համար է հանդես գալիս ակումբը, և մենք մեր հերթին երախտապարտ ենք նրանց՝ «Ռոմայի» աշխատակիցների հանդեպ նման հիանալի ժեստի համար»,-հայտարարել է հռոմեական ակումբի գլխավոր տնօրեն Գվիդո Ֆիենգան։

Пост истории в Instagram официальной странички ФК Roma
«Ռոմա» ակումբի տեղադրած լուսանկարը Instagram-ի story-ում

Ֆոնսեկան ամեն գնով ուզում է ձեռք բերել Հենրիխ Մխիթարյանին. իտալական ԶԼՄ–ներ

116
թեգերը:
մարզիկ, աշխատավարձ, կորոնավիրուս, «Ռոմա» ֆուտբոլային ակումբ, Հենրիխ Մխիթարյան
թեմա:
Կորոնավիրուսը Չինաստանում և աշխարհում (824)
Ըստ թեմայի
«Եթե անունս տաս, հաշիվդ կկրկնապատկեն»․ Հենրիխ Մխիթարյանի ու Նոբել Առուստամյանի հանդիպումը
Հենրիխ Մխիթարյանի գոլային փոխանցումն անիմացիայի են վերածել. տեսանյութ
«Իտալացիները խառնվածքով նման են հայերին. այստեղ հիանալի է». Հենրիխ Մխիթարյան
Հենրիխ Մխիթարյանը գեղեցիկ գոլ է խփում գլխով. տեսանյութ
Ռոման Բերեղզովսկի

Ռոման Բերեզովսկին այլևս «Փյունիկի» գլխավոր մարզիչը չէ

51
(Թարմացված է 21:07 14.07.2020)
Ռոման Բերեզովսկին իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում։

ԵՐԵՎԱՆ, 14 հուլիսի – Sputnik. Ռոման Բերեզովսկին այլևս «Փյունիկի» գլխավոր մարզիչը չէ։ Ինչպես տեղեկացնում է ակումբի Facebook-ի էջը, «Փյունիկ» ՖԱ-ն երկկողմ համաձայնությամբ խզել է պայմանագիրը թիմի գլխավոր մարզիչ Ռոման Բերեզովսկու հետ։

Տեղեկացվում է, որ «Փյունիկը» կշարունակի համագործակցել Ռոման Բերեզովսկու հետ։ Նա իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում ։

«Փյունիկ» ՖԱ-ն շնորհակալություն է հայտնում Ռոման Բերեզովսկուն թիմի գլխավոր մարզչի պաշտոնում ցուցաբերած բարձր պրոֆեսիոնալիզմի համար և մաղթում հաջողություն հետագա կարիերայում։

Ռոման Բերեզովսկին իր կարիերան սկսել է Երևանի «Կոշկագործ» (հետագայում՝ «Շենգավիթ») ֆուտբոլային ակումբում, որի կազմում 1991 թ. մասնակցել է ԽՍՀՄ 2-րդ խմբի Բ մրցաշարին։

10 գոլ, հաղթելու մեծ ցանկություն. Հայաստանի գավաթի եզրափակիչը` լուսանկարներում

Իր նորամուտը ազգային հավաքական նա նշել է 1996 թ. օգոստոսի 31-ին՝ աշխարհի առաջնության ընտրական փուլի մեկնարկային՝ Պորտուգալիայի հավաքականի դեմ Երևանյան խաղին։ Հայաստանի ազգային հավաքականի կազմում մասնակցել է Եվրոպայի առաջնության չորս ( 2000, 2004, 2008, 2012) և աշխարհի առաջնության հինգ (1998, 2002, 2006, 2010, 2014) ընտրական փուլերին։

Անցկացրած խաղերի քանակով Հայաստանի հավաքականի դարպասապահների ռեկորդակիրն է (71 խաղ)։

51
թեգերը:
մարզիչ, ՀՖՖ, ֆուտբոլ, Փյունիկ, Ռոման Բերեզովսկի
«Արարատ-Արմենիան»՝  Հայաստանի չեմպիոն

«Արարատ-Արմենիան»՝ Հայաստանի չեմպիոն․ թիմը պաշտպանեց իր տիտղոսը

149
(Թարմացված է 20:19 14.07.2020)
Չորս օրվա տարբերությամբ «Արարատ-Արմենիան» և «Նոան» որոշեցին Հայաստանի ֆուտբոլի գավաթակրին ու չեմպիոնին: Հուլիսի 10-ին լարված պայքարում գավաթը նվաճեց «Նոան», իսկ բարձրագույն խմբի վերջին տուրում թիմերի մրցավեճը մրցաշարային աղյուսակին վերջնական տեսք տվեց:

ԵՐԵՎԱՆ, 14 հուլիսի – Sputnik․ Երևանի «Արարատ-Արմենիան» բարձրագույն խմբի վերջին տուրում Ֆուրջել Նարսինգի և Յուսուֆ Օտուբանջոյի խփած գնդակների շնորհիվ 2:0 հաշվով առավելության հասավ «Նոայի» նկատմամբ և երկրորդ անգամ անընդմեջ նվաճեց Հայաստանի չեմպիոնի կոչումը:

Գավաթի եզրափակիչում թիմերի գերարդյունավետ խաղից հետո, դժվար էր նույնը սպասել այս խաղում: Կորոնավիրուսի պատճառով տևական ընդմիջումից հետո թիմերը շատ խիտ գրաֆիկով անցկացրին իրենց հանդիպումները, իսկ «Արարատ-Արմենիայի» և «Նոայի» համար ավելացավ գավաթի եզրափակիչը:

Բացի այդ, կարելի էր ենթադրել, որ բարձր տեմպով թիմերը հերթական խաղը դժվար թե կարողանան անցակցնել: Հաշվետու խաղում, ինչպես և գավաթի եզրափակիչում, հաշիվը բացեց «Արարատ-Արմենիան»՝ հանդիպման 16-րդ րոպեին աչքի ընկավ Ֆուրջել Նարսինգը: Խաղի 25-րդ րոպեին հիանալի հնարավորություն ուներ Յուսուֆ Օտուբանջոն: Բայց հաշիվը մնաց անփոփոխ: Իր վրիպումը Օտուբանջոն ուղղեց առաջին կեսի վերջին րոպեին՝ կրկնապատկելով «Արարատ-Արմենիայի» առավելությունը:

Երկրորդ խաղակեսում խաղի տեմպը չբարձրացավ: Հոգնածությունը երկու կողմերի ֆուտբոլիստների մոտ էլ առկա էր: Գործող չեմպիոն «Արարատ-Արմենիան» շատ հանգիստ վերահսկում էր խաղը: Խաղավերջում թիմերը փոխանակվեցին գոլային պահերով, բայց դարպասի գրավում այդպես էլ չարձանագրվեց: Երկու գնդակի առավելությունն «Արարատ-Արմենիան» պահպանեց:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Վարդան Մինասյանը երկրորդ տարին անընդմեջ «Արարատ-Արմենիայի» չեմպիոն դարձրեց: Որպես մարզիչ Մինասյանը 4 անգամ չեմպիոն է հռչակվել «Փյունիկի» հետ: Չեմպիոնական տիտղոսներով սա լավագույն արդյունքն է հայ մարզիչների մեջ: 

«Լոռի» ֆուտբոլային ակումբի անդամներից 17–ը վարակվել են կորոնավիրուսով

Ավարտվեց ֆուտբոլի Հայաստանի բարձրագույն խմբի 2019/20 մրցաշրջանը: Մրցանակային եռյակը վերջնական տեսք ստացավ զուգահեռաբար անցկացված «Շիրակ» - «Ալաշկերտ» խաղից հետո: «Շիրակը» հաղթանակի հասնելու դեպքում կարող էր շրջանցել «Նոային» ու աղյուսակում զբաղեցնել երկրորդ տեղը: Բայց 4:2 հաշվով հաղթանակ տարավ «Ալաշկերտն» ու նվաճեց առաջնության բրոնզե մեդալը: «Նոան» երկրորդն է:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Թե երբ կմեկնարկի 2020/21 թվականների մրցաշրջանը, հայտնի կդառնա մոտ ապագայում: ՀՖՖ-ն քննարկումներ է անցկացնում բարձրագույն խմբի ակումբների հետ նոր մրցաշրջանի մեկնարկի ժամանակացույցը հաստատելու համար: Ընդ որում, հաշվի առնելով առաջին խմբի դադարեցումն ու առաջատար «Լոկոմոտիվի» որակազրկումը, նոր մրցաշրջանում բարձրագույն խումբը, ամենայն հավանականությամբ, համալրելու է Չարենցավանի «Վանը»:

149
թեգերը:
Վարդան Մինասյան, չեմպիոն, Արարատ–Արմենիա, ֆուտբոլիստ, ֆուտբոլ, ՀՖՖ, Հայաստան
Ըստ թեմայի
Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Արծրուն Հովհաննիսյան

Հայկական ԶՈւ ստորաբաժանումները 13 ԱԹՍ են խոցել

0
Արծրուն Հովհաննիսյանը լրագրողներին ներկայացրեց արկերից մեկից պոկված մի մեծ կտոր, որն իր հետ բերել էր իբրև ապացույց:

Հայկական ԶՈՒ ՀՕՊ ստորաբաժանումները հուլիսի 12-ից մինչև հուլիսի 15-ի կեսգիշեր խոցել են Ադրբեջանի 13 ԱԹՍ-ներ, որոնցից 10–ը` հարվածային, 3–ը` հետախուզական: Այսօր Տավուշում ընթացող ճեպազրույցի ժամանակ այս տեղեկությունը հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը:

«Սա բավականին բարձր ցուցանիշ է արդյունավետության տեսանկյունից»,- ասաց նա։

Հովհաննիսյանը նաև նշեց, որ ադրբեջանական կողմը հայկական 5-6 գյուղերի նկատմամբ 50-ից ավելի հրետանային արկեր է կիրառել: Նա լրագրողներին ներկայացրեց արկերից մեկից պոկված մի մեծ կտոր՝ շուրջ մի քանի սանտիմետրանոց, որն իր հետ բերել էր իբրև ապացույց:

Ինչպես երեկ կեսգիշերից սկսված, այնպես էլ այս պահին սահմանում հարաբերական անդորրը, Հովհաննիսյանի խոսքով պահպանվում է: Հարցին, թե արդյոք այդ անդորրը չի՞ նշանակում, որ հակառակորդը պատրաստվում է նոր սադրանքների որևէ այլ տեղ, ՊՆ ներկայացուցիչը պատասխանեց. «Մենք պատրաստ ենք անհրաժեշտ հակահարված տալ հակառակորդի ցանկացած սադրանքների՝ լինի ցամաքային, թե օդային զորատեսակներով: Ինչպես նաև տեսնում ենք հակառակորդի ցանկացած շարժերը՝ ցամաքային, թե օդային»:

0