Ծանրամարտ

«Պետք չես, և վերջ». տարբեր առաջնությունների մրցանակակիր հայ ծանրորդի առաջ փակել են դռները

1347
(Թարմացված է 11:50 05.04.2020)
Սպորտում հիշում են չեմպիոններին, բայց հաճախ լինում են մարզիկներ, որոնք չեմպիոնական տիտղոսին շատ մոտ կանգնած լինելով` անընդհատ մրցանակային այլ տեղեր են զբաղեցնում: Այս տխուր «ավանդույթի», իրեն սպորտից դուրս թողնելու մասին է պատմել ծանրամարտիկ Արա Խաչատրյանը:

Խաչիկ Չախոյան, Sputnik Արմենիա

Ծանրամարտիկ Արա Խաչատրյանն իր մարզական կարիերայի ժամանակ երեք անգամ նվաճել է Եվրոպայի փոխչեմպիոնի կոչումը, մեկ անգամ էլ աշխարհի առաջնությունում դարձել բրոնզե մեդալակիր: Մարզիկի համար միակ մխիթարությունն այն  էր, որ հիմնականում 2-րդ տեղն է զբաղեցրել` զիջելով Հայատանի հավաքականի իր թիմակիցներին:

Վնասվածքն ու հետևանքները

2010 թվականին Ստամբուլում կայացած աշխարհի առաջնությունում Արա Խաչատրյանը հերթական անգամ շատ մոտ էր երկամարտի ոսկե մեդալին: Սակայն այս անգամ անհաջողությունն ավելի «ցավոտ» էր հայ ծանրորդի համար:

Тяжелоатлет Ара Хачатрян
Ծանրամարտիկ Արա Խաչատրյանը

Ճիշտ է, Արան հաղթեց պոկում վարժությունում` 175 կգ արդյունքով, ու նվաճեց ոսկե փոքր մեդալը, բայց մոտեցումներից մեկի ժամանակ արմնկահոդի ծանր վնասվածք ստացավ ու չկարողացավ շարունակել պայքարը` երկամարտում համարվելով հաղթողի հիմնական հավակնորդ։

Ծանրորդներ Նազիկ Ավդալյանի և Սիմոն Մարտիրոսյանի անվան մարզադահլիճներ կբացվեն Արցախում

«Երբեք չեմ մոռանա այդ մրցաշարը: Ոչ միայն նրա համար, որ անտանելի էր ցավը վնասվածքից հետո: Ես այդ տարի պատրաստ էի աշխարհի չեմպիոնի կոչումը նվաճելուն, որը ինձ համար, ցավոք, ծանրամարտում այդպես էլ անհասանելի մնաց»,- ասում է Խաչատրյանը:

Աշխարհի և Եվրոպայի չեմպիոն, բայց այլ մարզաձևում

Նա իր կյանքը ծանրամարտից հեռու չէր պատկերացնում: Բայց ծանրամարտում գործելու լիարժեք հնարավորություն չստանալով` նա սկսեց զբաղվել եռամարտով ու 2019 թվականին նվաճեց աշխարհի և Եվրոպայի չեմպիոնի կոչումը: Մարզիկն իրականացրեց իր երազանքը, թեկուզ այլ մարզաձևում։

«Ես պարզապես այլ անելիք չունեի: Չէի պատկերացնում ինձ առանց սպորտի, առանց ծանրաձողի: Ու քանի որ եռամարտի ու ծանրմարտի մեջ բավականին մեծ նմանություն կա, սկսեցի զվաղվել եռամարտով»,- պատմում է նա:

Ցավոտ վերաբերմունք

Ծանրամարտում երեք անգամ Եվրոպայի առաջնությունների արածաթե ու աշխարհի առաջնության բրոնզե մեդալակիր դառնալուց հետո` 2015 թվականին,  Արա խաչատրյանը որոշեց ավարտել իր  մարզական կարիերան։ «Ես հասկացա, որ տարիքս արդեն այն չէ մեդալների լիարժեք պայքարի համար: 33 տարեկանը սպորտի համար մեծ է համարվում: Բացի այդ, ինձ ասացին, որ ես իրենց պետք չեմ: Անկեղծ ասած շատ նեղսրտեցի, որովհետև երկար տարիներ հավաքականի կազմում հանդես գալուց ու բազմաթիվ մեդալներ նվաճելուց հետո նույնիկս շնորհակալության չարժանացա: Պետք չես ու վերջ: Ցավալի էր, որ նման կերպ եղավ հրաժեշտս մեծ սպորտին, որին ծառայել էի նվիրումով: Կարծես թե, գործիք էի ղեկավարության համար, օգտագործեցին ու շպրտեցին»։

Մեկ տարի աշխատանք ստանալու ճանապարհին

Մարզական կարիերան ավարտելուց հետո մարզիկներից շատերը փորձում են աշախտել իրենց ոլորտում: Արա Խաչատրյանն էլ բացառություն չէր. նա ցանկանում էր իր գիտելիքն ու փորձը փոխանցել ապագա ծանրամարտիկներին։

«Հոգեբանական հզոր աջակցություն է». օլիմպիադայի մրցանակակիրները` ցմահ պատվովճարների մասին

«2018 թվականին, որպեսզի ես աշխատանք ստանամ, մեկ տարի Գյումրի-Երևան-Գյումրի ճանապարհն եմ անցել: Այդքան չարչարվելուց հետո ինձ հատկացվեց կես դրույք մարզչական աշխատանք` 49 հազար դրամ աշխատավարձով: Մինչև օրս էլ ամեն ինչ նույնն է, ոչ մի փոփոխություն»։

Ֆիզկուլտուրայի ուսուզիչ` աշխարհի մրցահարթակներից հետո

Կյանքը շարունակվում էր, և աշխատել էր հարկավոր: «Քանի որ համարյա բոլոր դռներն իմ դեմ փակվել էին, գնացի դպրոց ու Շիրակի Մայիսյան գյուղում 2016-ից մինչև 2017 թվականի վերջը աշխատեցի որպես ֆիզկուլտուրայի ուսուցիչ: Երեխաների հայացքի մեջ միշտ հարց էի տեսնում՝ դու այդքան նվաճում ու մեդալ որ ունես, ինչի՞ ես աշխատում որպես ֆիզկուլտուրայի ուսուցիչ: Նեղվում էի: Առաջարկեցի իմ ծառայությունները Հայաստանի պատանեկան հավաքականում որպես գլխավոր մարզչի օգնական կամ ուղղակի որպես մարզիչ: Լսեցի մեկ բառ՝ ոչ»,-ասում է Խաչատրյանը:

Sputnik Արմենիան արդեն պատմել էր օլիմպիական խաղերի արծաթե մեդալակիր Տիգրան Մարտիրոսյանը մասին, որը նույնպես ստիպված է եղել աշխատել գյուղի դպրոցում որպես ֆիզկուլտուրայի ուսուցիչ: Պարզվում է` Արա Խաչատրյանը հավասարապես կիսել է հավաքականի իր ընկերոջ ճակատագիրը։

1347
թեգերը:
չեմպիոն, մեդալ, Արա Խաչատրյան, ծանրորդ, ծանրամարտ
Ըստ թեմայի
Ֆուտբոլը կորցրեց, ըմբշամարտը գտավ. ինչպես Արթուր Ալեքսանյանը ընտրություն կատարեց
Հայ ծանրամարտիկի նոր հաղթանակը. Սիմոն Մարտիրոսյանն աշխարհի ռեկորդ սահմանեց
Կորոնավիրուսի պատճառով չեղարկվել է ծանրամարտի պատանիների աշխարհի առաջնությունը
Միշա Ալոյան

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

20
Ռուս հայտնի մարզիկ Միխայիլ Ալոյանը չի մոռանում, որ նրա մրցակիցները երիտասարդ և հավակնոտ տղաներ են, ովքեր երազում են օլիմպիական խաղերի մասին:

ԵՐԵՎԱՆ, 27 մայիսի – Sputnik. Ռուսաստանցի բռնցքամարտիկ Միխայիլ Ալոյանը Տոկիոյի Օլիմպիական խաղերի ուղեգրի համար պայքարում հարգանքով է վերաբերում բոլոր հակառակորդներին, այդ հավատարմագիրը նվաճելու շանսը կախված է միայն մենամարտերին իր սեփական պատրաստվածությունից։ Այդ մասին մարզիկն ասել է ՌԻԱ Նովոստիին տված հարցազրույցում։

Պատասխանելով հարցին, թե Ռուսաստանում ում է համարում իր հիմնական հակառակորդը օլիմպիական ուղեգրի համար պայքարում, Ալոյանը նշել է՝ Ռուսաստանի չեմպիոն Ռասուլ Սալիևին՝ Դաղսատանից, ավելացնելով, որ երկրում այլ ուժեղ բռնցքամարտիկներ էլ կան։

«Բոլորն ինձ ծանոթ են, բայց չէի ցանկանա որևէ մեկին առանձնացնել։ Ես նրանց ճանաչում եմ, բայց կարծում եմ՝ իմ գլխավոր հակառակորդը ինքս եմ։ Եթե ես լավ պատրաստված լինեմ, ապա կարող եմ հաղթել բոլորին»,-նշել է Ալոյանը։

Միշա Ալոյան. թող իմ մեդալի հետևից գան Սիբիր

Միաժամանակ, բռնցքամարտիկը չի մոռանում, որ երիտասարդ ու փառասեր հակառակորդներ ունի, որոնք երազում են ելույթ ունենալ Օլիմպիական խաղերում։

«Մեր երկրում մրցակցություն կա, և դա լավ է, այն միայն օգնում է։ Չի կարելի թուլանալ, և նման մրցակցության պայմաններում ցանկացած բռնցքամարտիկ միայն աճում է»,-ընդգծել է մարզիկը։

Կրկին հաղթանակ․ Միշա Ալոյանը հաղթել է Էսպինոզային տեսարժան մարտում

Նշենք, որ Ալոյանը ծնվել է 1988թ․օգոստոսի 23-ին ՀԽՍՀ Բամբակաշատ գյուղում։ 1997թ-ին ընտանիքի հետ տեղափոխվել է Նովոկուզնեցկ, որտեղ էլ հենց սկսել է զբաղվել բռնցքամարտով։ Նա ՌԴ վաստակավոր սպորտի վարպետ է։

2012թ-ի Լոնդոնի Օլիմպիական խաղերում Ալոյանը բրոնզե մեդալ է նվաճել մինչև 52 կգ քաշային կարգում, 2016թ-ի Ռիո-դե-Ժանեյրոյի Օլիմպիական խաղերում նա արծաթ է նվաճել նույն քաշային կարգում, բայց դոպինգ օգտագործելու պատճառով նրան որակազրկել են։

20
թեգերը:
մարզիկ, Տոկիո, Օլիմպիական խաղեր, բռնցքամարտիկ, բռնցքամարտ, Ռուսաստան
Ըստ թեմայի
Կանադահայ բռնցքամարտիկ Էրիկ Բազինյանը լուսանկար է հրապարակել անպարտելի Ֆլոյդ Մեյվեզերի հետ
Բռնցքամարտիկ Կարեն Չուխաջյանը հաղթել է մինչ այդ անպարտելի ռուսաստանցի մարզիկին. տեսանյութ
Հայ և վրացի բռնցքամարտիկները ձերբակալվել են Ռոսգվարդիայի աշխատակցի վրա հարձակվելու համար
Մահացել է Թուրքիայի առաջին պրոֆեսիոնալ բռնցքամարտիկ Կարպիս Զաքարյանը
Ալաշկերտ ֆուտբոլային ակումբ, արխիվային լուսանկար

ՀՖՖ-ն 2-ական միլիոն դրամով տուգանել է հայկական 9 ակումբներին

34
(Թարմացված է 14:08 26.05.2020)
ՀՖՖ-ն ֆուտբոլային թիմերին տուգանել է ակումբների արտոնագրման կանոնակարգի հոդված 19-ի պահանջը չկատարելու և ֆեդերացիայի կազմում ֆուտզալի թիմ չապահովելու համար:

ԵՐԵՎԱՆ, 26 մայիսի - Sputnik. Հայկական «Ալաշկերտ», «Գանձասար-Կապան», «Վանաձորի ֆուտբոլի ակադեմիա ՀԿ» ակումբ, «Շիրակ», «Փյունիկ», «Ուրարտու», «Նոա», «Վան», «Լոկոմոտիվ» ֆուտբոլային ակումբները տուգանվել են 2-ական միլիոն դրամով։ Տեղեկությունը հայտնում է ՀՖՖ մամուլի ծառայությունը։

Հայկական ֆուտբոլում 4-5 տարի հետո անպայման կլինի երկար սպասված վերելքը. Խորեն Հովհաննիսյան

«Հայաստանի ֆուտբոլի ֆեդերացիան ակումբների արտոնագրման կանոնակարգի հոդված 19-ի պահանջը չկատարելու և իր կազմում ֆուտզալի թիմ չապահովելու համար 9 ակումբների տուգանել է 2-ական միլիոն դրամով»,- նշված է հաղորդագրության մեջ:

Հայկական ակումբները սկսեցին մարզումները. Վարդան Մինասյանի թիմի պարապմունքը լուսանկարներով

Նշենք, որ վերը նշվածները հանդիսանում են Հայաստանի բարձրագույն և առաջին խմբի ակումբներ:

34
թեգերը:
Տուգանք, ՀՖՖ, Փյունիկ, «Ալաշկերտ» ֆուտբոլային ակումբ, ֆուտբոլ, Հայաստան
Ըստ թեմայի
Գողացել են լեգենդար «Արարատ 73»-ի ֆուտբոլիստների արձանները. լուսանկարներ
Հայ ֆուտբոլիստի յուրահատուկ մարզումը. դստրիկը` ծանրության փոխարեն. տեսանյութ
Ֆուտբոլը վերադառնում է. հայտնի է` երբ կվերսկսվի Հայաստանի բարձրագույն խմբի առաջնությունը
Հայաստանի ֆուտբոլի հավաքականի տեխնիկական տնօրենը կասկածում է, որ կորոնավիրուս է տարել
Զոհրաբ Մնացականյան

Հայաստանը կարիք չունի Արցախի հարցին անտեղի էմոցիոնալ գույներ տալու. Մնացականյան

0
(Թարմացված է 19:42 27.05.2020)
ՀՀ արտգործնախարարն ԱԺ-ում պատասխանեց Ադրբեջանի ձեռնարկած դիվերսիոն գործողությունների մասին հարցին:

ԵՐԵՎԱՆ, 27 մայիսի – Sputnik. ՀՀ արտգործնախարար Զոհրաբ Մնացականյանն այսօր ԱԺ-ում կառավարության հետ հարցուպատասխանի ժամանակ, պատասխանելով Ադրբեջանի կողմից վերջին շրջանում ձեռնարկվող դիվերսիոն գործողություների մասին հարցին, ասաց, որ Հայաստանը պատրաստ է համարժեք պատասխան տալ Ադրբեջանի գործողություններին ու սպառնալիքներին։

«Մենք ունենք մեր հետևողական քաղաքականությունը: Խաղաղ կարգավորման մեր մոտեցումների մասին հարցերին, այն հարցերին, որոնք վերաբերում են Արցախի մասնակցությանը խաղաղ կարգավորման գործընթացին ու խաղաղ գործընթացի համար համապատասխան միջավայրի ապահովման հարցերին, մեր դիրքորոշումն արտահայտված է ու հետևողականորեն տարվում է առաջ: Մենք շատ հստակ գիտենք, թե ինչ ենք ասում, շատ հստակ ասում ենք ու կարիք չունենք դրան անտեղի էմոցիոնալ գույներ տալու»,- ասաց Մնացականյանը:

Նախարարը հայտարարեց, որ ռազմատենչ հայտարարություններ չի անելու անգամ ԱԺ-ում, բայց պատրաստ է առանձին զրուցել պատգամավորին հուզող հարցերի շուրջ:

Հիշեցնենք` Արցախում ադրբեջանցիները դիվերսիոն ներթափանցման փորձ էին արել մայիսի 23-ին։

0