Արթուր Դավթյանը

«Մարդկային կյանքի հետ ոչ ոք իրավունք չունի խաղալու». օլիմպիականները` Տոկիո 2020-ի մասին

107
(Թարմացված է 20:17 31.03.2020)
Տոկիո 2020-ի հետաձգումը աննախադեպ էր սպորտային պատմության մեջ: Մարմնամարզության Հայաստանի հավաքականի գլխավոր մարզիչ Հակոբ Սերոբյանն ու մարմնամարզիկ Արթուր Դավթյանը Sputnik Արմենիայի հետ զրույցում խոսում են հետաձգման լավ ու վատ կողմերի մասին:

ԵՐԵՎԱՆ, 31 մարտի – Sputnik, Խաչիկ Չախոյան. Տոկիոյի օլիմպիական խաղերում հանդես գալու իրավունք վաստակած հայ մարմնամարզիկ Արթուր Դավթյանը դժվար թե հասցներ լիարժեք վերականգնվել վնասվածքից, եթե օլիմպիադան կայանար այս ամառ:

Օլիմպիական խաղերը հետաձգելու ՄՕԿ-ի որոշումից առաջ մարզիկն արդեն ասել էր, որ եթե մարզվելու հնարավորություն չունենա, Տոկիո չի մեկնի։

«Ինչ իմաստ կունենար իմ Տոկիո մեկնելը, եթե ես նախապես գիտակցում էի, որ չեմ կարող մասնակցել մեդալների համար պայքարին: Օլիմպիական սկզբունքը շատ լավ հասկանում եմ (կարևորը մասնակցությունն է), բայց ինձ համար օլիմպիական մեդալը երազանք է, որի հետևից եմ գնում: Ես, ինչպես և աշխարհի բոլոր մարզիկները, մարզվելու հնարավորություն չունեմ, ինքանմեկուսացվել եմ համաճարակի պատճառով, բացի այդ, մեջքի ցավեր ունեմ»- Sputnik Արմենիայի հետ զրույցում ասաց Դավթյանը:

Հայ մարմնամարզիկը հիմա լիահույս է, որ այս ժամանակահատվածում կկարողանա ազատվել մեջքի ցավերից, կապաքինվի ու ավելի լավ մարզավիճակում կմասնակցի օլիմպիական խաղերին։

25 մետր հեռավորությունից հենց «իննին» խփեցի. Խորեն Հովհաննիսյանը հիշում է լավագույն գոլերը

«Հայաստանի առաջնության ժամանակ ես բարդ վարժություններ չկատարեցի, բայց ցավ զգացի: Այսինքն` ինձ համար պարզ էր, որ եթե ես ավելացնեմ ծանրաբեռնվածությունը կամ ավելի բարդ վարժություն փորձեմ կատարել, վնասվածքս կա՛մ կխորանա, կա՛մ էլ թույլ չի տա կատարել վարժությունը»,–ասում է մարզիկն ու հավելում`հուսով է վերջապես աշխարհը կհաղթի կորոնավիրուսի հետ պայքարում, իրենք էլ հնարավորություն կունենան մարզվելու:

Դավթյանը նշում է, որ որոշ մրցաշարեր արդեն անցկացվեցին առանց երկրպագուների, բայց օլիմպիական խաղերի համար այդ տարբերակը կիրառելի չէ։ «Սպորտը միայն մարզիկների համար չէ, ես կասեի սպորտը հենց երկրպագուների համար է, ու առանց նրանց ներկայության ու՞մ է պետք է մեր ելույթը»- ասաց Դավթյանը:

Ռիո 2016-ի օլիմպիական խաղերում որպես մրցավար ներկայացած մարմնամարզության մեր հավաքականի գլխավոր մարզիչ Հակոբ Սերոբյանը պետք է մեկներ նաև Տոկիո, բայց այդ ուղևորությանը ևս մեկ տարի հարկ է սպասել։

«Կասկածից վեր է, որ օլիմպիական խաղերը պետք է հետաձգվեին: Հասկանալի է, որ մեծ գումարներ են ծախսվել խաղերը կազմակերպելու համար, սակայն մարդկային կյանքի հետ ոչ ոք իրավունք չունի խաղալու» -Sputnik Արմենիայի հետ զրույցում ասաց Սերոբյանը:

Մարզիչն ընդգծեց, որ օլիմպիական խաղերի հետաձգումն այս պահին նաև մարզիկներին էր ձեռնտու, որովհետև կարոնավիրուսի ստեղծած արգելքների պատճառով մարզիկները հիմա չեն կարողանում մարզվել։ Իսկ մարմնամարզիկի համար մեկ շաբաթ չմարզվելն արդեն զրոյացնում է նախկինում կատարված աշխատանքը:

Ֆուտբոլի Եվրոպայի 2020 թվականի առաջնությունը մեկ տարով հետաձգվեց

«Կոնկրետ մեզ համար հետաձգումն ունեցավ նաև իր լավ կողմը: Արթուր Դավթյանը մեջքի վնասվածքից դեռևս լիովին չի ապաքինվել, ու չէր հասցնի դա անել մինչև հուլիս» ավելացրեց Հակոբ Սերոբյանը:

Նշենք, որ մարտի 24–ին հայտնի դարձավ, որ կորոնավիրուսի ստեղծած արգելքների պատճառով մեկ տարով հետաձգվել են Տոկիոյի ամառային օլիմպիական խաղերը, դրանք կկայանան 2021 թվականին:

107
թեգերը:
կորոնավիրուս, Արթուր Դավթյան, Մարմնամարզության աշխարհի առաջնություն, Տոկիո, Օլիմպիական խաղեր
Ըստ թեմայի
«Փոքր ժեստերը միավորում են մեզ». Մխիթարյանը միացել է կորոնավիրուսի դեմ պայքարի կոչին
Հայաստանի ֆուտբոլի հավաքականի նոր մարզիչը հիվանդ է. հայտնի մեկնաբանը` Կապարոսի մասին
Ֆուտբոլի ազգային հավաքականի ընկերական հանդիպումները չեն կայանա
Աշոտ Դանիելյանը Սիդնեյի օլիմպիադայում

Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը

398
(Թարմացված է 09:47 05.07.2020)
Ծանրամարտիկ Աշոտ Դանիելյանը Sputnik Արմենիային պատմել է իր կարիերայի հաջողությունների, օլիմպիական մեդալի ճակատագրի և իր ու Արա Վարդանյանի հետ պատահած շատ զավեշտալի դեպքի մասին։

Հանրաճանաչ ծանրորդ Աշոտ Դանիելյանն իր մարզական կարիերայի ընթացքում ուրախացնող շատ պահեր է պարգևել մարզասերներին, բայց Սիդնեյի օլիմպիական խաղերի հանելուկը, որի պատճառով Դանիելյանը որակազրկվեց, մինչև օրս լուծել չի հաջողվում:

Օլիմպիական հանելուկ

Աշոտ Դանիելյանն օլիմպիական խաղերին մասնակցել է երեք անգամ՝ 1996, 2000 և 2004 թվականներին, բայց միայն Սիդնեյում՝ 2000 թվականին է կարողացավ մեդալ նվաճել: Պոկում վարժությունում բարձրացնելով 207,5 կգ և հրումում գլխավերևում պահելով 257,5 կգ կշռող ծանրաձողը` հայ ծանրորդը երկամարտի 465 կգ արդյունքով երրորդն էր`բրոնզե մեդալակիրը:

Բայց օլիմպիական խաղերի ավարտից հետո բրոնզե մեդալը Դանիելյանից հետ վերցրեցին ու որակազրկեցին դոպինգ օգտագործելու պատճառաբանությամբ: Սակայն Դանիելյանն այդ որոշման հետ համաձայն չէ ու մինչ օրս էլ չի հասկանում, թե ինչ խաղ խաղացին իր գլխին: 2001 թվականին արդեն Հայաստանում Աշոտ Դանիելյանը պոկեց 215 և հրեց 262,5 կգ` ապացուցելով, որ արժանի էր օլիմպիական մեդալին: Ընդ որում, Աշոտն այս արդյունքներով գերազանցեց օլիմպիական չեմպիոն իրանցի Ռզազադեի համաշխարհային ռեկորդները, բայց ոչ պաշտոնական մրցումներում:

«Օլիմպիական մրցաշարի ավարտից 4-5 օր հետո սկսեցին շշուկներ տարածվել իմ արդյունքի վերաբերյալ: Անհասկանալի խաղեր սկսվեցին: Քաղաքականություն էր, թե ի՞նչ էր` չեմ կարող ասել: Բայց իմ որակազրկումը ձեռնտու էր չորրորդ տեղում հայտնված Անդրեյ Չեմերկինին, որն էլ հետո ստացավ բրոնզե մեդալը: Օլիմպիական խաղերում մրցումների ավարտից 24 ժամ հետո արդեն հրապարակվում են դոպինգի արդյունքները: Իսկ իմ դեպքում ամեն ինչ սկսվեց մի քանի օր անց: Հարց է առաջանում` ինչո՞ւ էին ինձ թողել մրցումներին,  եթե դոպինգ թեստը դրական էր եղել: Մի խոսքով հարցեր, որոնց պատասխանը չստացանք: Անկախ ամեն ինչից, ինձ Հայաստանում ընդունեցին, որպես բրոնզե մեդալակրի, ես ստացա պարգև և ճանաչվեցի Սիդնեյի օլիմպիական խաղերի լավագույն հայ մարզիկը»,– Sputnik Արմենիայի հետ զրույցում հիշում է Աշոտ Դանիելյանը:

Եվրոպայում տիտղոսներ, աշխարհում` ոչ

Դանիելյանն իր հիմնական նվաճումները գրանցել է Եվրոպայի առաջնություններում: Աշխարհում ընդունված է, որ ծանրամարտի գերծանր քաշային կարգում չեմպիոն հռչակված մարզիկը համարվում էր ամենաուժեղ մարդը: Այպիսով` Դանիելյանը Եվրոպայի ամենաուժեղ մարդու կոչումը նվաճեց երկու անգամ՝ Եվրոպայի 1999 և 2000 թվականների առաջնությունում: Եվս երկու անգամ՝ 2003 և 2006 թվականներին, մեր ծանրորդը նվաճեց արծաթե մեդալ և մեկ անգամ էլ 2005 թվականին դարձավ բրոնզե մեդալակիր: Բայց աշխարհի առաջնություններում հայ ծանրորդին մեդալ վաստակել չհաջողվեց։

Тяжелоатлеты из Армении Ашот Даниелян (справа) и немец Ронни Веллер на церемонии вручения медалей Чемпионата Европы по тяжелой атлетике в весовой категории +105 кг (30 апреля 2000). София
© AP Photo / DIMITAR DEINOV
Աշոտ Դանիելյանը Եվրոպայի մրցումներում. 2000թ.

«Չեմ կարող ասել, թե ինչու չէի կարողանում մեդալ նվաճել աշխարհի առաջնություններում: Ամեն անգամ ինչ-որ բան խանգարում էր, չէր ստացվում: Չեմ կարող ասել, որ հոգեբանական խնդիր կար: Պատրաստվում էի ինչպես միշտ, բայց անհեթեթ բաներ էին կատարվում մոտեցումների ժամանակ ու արդյունքի չէի հասնում», - հիշում է Դանիելյանը:

Զավեշտալի դրվագ աշխարհի առաջնությունում

Աշխարհի 1999 թվականի առաջնությունում գերծանր քաշային կարգում Հայաստանը ներկայացնում էին Աշոտ Դանիելյան  ու Արա Վարդանյանը: Այդ տարիներին մեր ծանրորդներն իրենք էին իրենց մարզահագուստը հայթայթում: Արայի հագին մի տրիկո էր, որի վրա գրված էր Ukraina (ուկրաինացի ծանրորդներից նվեր էր ստացել):

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Երբ հայտարարում են Արայի անունը և այն երկիրը, որը ներկայացնում է նա ու մրցահարթակ են հրավիրում Վարդանյանին, մրցավարը մեր ծանրորդին չի թույլատրում ներս մտնել`ասելով, որ հիմա պետք է մրցահարթակ դուրս կա Արմենիան ներկայացնող մարզիկը, այլ ոչ թե Ուկրաինան: Պարզ է, որ մրցավարը ծանրորդներին դեմքով չէր ճանաչում, այլ կողմնորոշվում էր մարզահագուստի վրա գրածով: Հետո ստիպված փոխում են Արա Վարդանյանի մարզահագուստն ու շարունակում մրցումները:

Հայր ու որդին մարզիչ–մարզիկի դերում

Ծանրամարտում Աշոտ Դանիելյանի հայտնվելը պատահական չէր: Հայրը՝ Ռոման Դանիելյանը, ծանրամարտի մարզիչ էր ու, տեսնելով որդու բնատուր ուժը, Աշոտին տարավ ծանրամարտի դահլիճ:

7-8 տարեկան էր նա, երբ առաջին անգամ մոտեցավ ծանրաձողին: Բայց շուտով հայրը համարեց, որ դեռևս վաղ է Աշոտին ծանրամարտով զբաղվել, ու փոքրիկ հսկան սկսեց  մարզվել ըմբշամարտով։

«Ըմբշամարտով մարզվում էի, բայց սիրում էի ծանրամարտը: Մասնավորապես գերծանր քաշայինների մրցումներին էի հետևում, ու տեսնում, թե ինչ կիլոգրամներ էին բարձրացնում: Ի վերջո 11 տարեկանում նորից գնացի ծանրամարտի դահլիճ ու մնացի այնտեղ մինչև վերջ»,- հիշում է Աշոտ Դանիելյանը: Նա հպարտությամբ հավելում է, որ իր հայրը միշտ իր կողքին է եղել բոլոր մրցումների ու հավաքների ժամանակ:

Ճանաչված ծանրորդ Աշոտ Դանիելյանը չի հեռացել սպորտից ու մասնավորապես` իր սիրած մարզաձևից: Նա աշխատում է Ֆիզկուլտուրայի հայկական պետական համալսարանում՝ Ծանրամարտ, բռնցքամարտ, սուսերամարտի ամբիոնի վարիչն է: Փորձն ու գիտելիքները ապագա սերնդին փոխանցելը նույնպես կարևոր և դժվար աշխատանք է:

398
թեգերը:
մեդալ, Օլիմպիական խաղեր, ծանրորդ, ծանրամարտ, Աշոտ Դանիելյան
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
«Ռոմայի» և «Արսենալի» հայտնի և անհայտ պայմանավորվածությունները. ինչ է սպասվում Մխիթարյանին
Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ
Ֆուտբոլ. գնդակ

Ընդհատված մրցաշրջան, որակազրկված ակումբներ. ինչո՞ւ է ՀՖՖ–ն նման աննախադեպ որոշում կայացրել

346
(Թարմացված է 10:05 04.07.2020)
Հայաստանի ֆուտբոլի առաջնությունների պատմության մեջ եղել են մրցաշրջաններ, երբ չի անցկացվել, օրինակ, սուպեր գավաթի խաղարկությունը: Բայց մրցաշարի դադարեցումն աննախադեպ է: Սակայն փաստն այն է, որ առաջին խմբի մրցաշարը դադարեցվեց, ու այս դեպքում պատճառը կորոնավիրուսը չէ:

ԵՐԵՎԱՆ, 3 հուլիսի – Sputnik. Հայաստանի ֆուտբոլի ֆեդերացիայի գործկոմի նիստն այսօր կայացրել է աննախադեպ որոշում՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

2019/20 թվականների մրցաշրջանի մեկնարկից առաջ, երբ պարզ դարձավ, որ 17 թիմ է մասնակցելու Հայաստանի  ֆուտբոլի առաջին խմբի մրցաշարին, շատերը զարմացան, ոմանք էլ ուրախացան: Զարմացան, որ մրցաշարին այդքան թիմ է մասնակցելու է, ուրախացան, որ առաջին խմբի մրցաշարը կարող է մրցունակ դառնալ: Բայց առաջին լիգայի ընթացքում գրանցվող արդյունքները սկսեցին կասկածներ առաջացնել շատերի մոտ: 7:0, 9:0, 8:2, 7:2, 7:1,12:0, 8:3, 5:4. մի խոսքով` ոչ ֆուտբոլային հաշիվներ:

Կասկածները հիմք տվեցին ուսումնասիրություններ անցկացնել մի քանի թիմերի մասնակցությամբ խաղերին ու գրանցված արդյունքներին: Ցավոք, կասկածները հաստատվեցին`առաջին խմբի մրցումներում եղել են պայմանավորված բազմաթիվ խաղեր: Կորոնավիրուսի համաճարակի պատճառով դադարեցված մրցաշրջանի վերսկսումից անմիջապես հետո ՀՖՖ-ն արձագանքեց: Տարբեր պատճառներով առաջին խմբում հաջորդ մրցաշրջանում հանդես գալու արտոնագրեր չստացան 6 ակումբներ՝«Անի», «Արագած», «Դիլիջան», «Ինտեր», «Մասիս» և «Տորպեդո»:

Իսկ հուլիսի 3-ին ուրբաթը հաստատ շաբաթից շուտ եկավ: ՀՖՖ գործկոմի նիստի ժամանակ հինգ ակումբներ՝ «Արագածը», «Տորպեդոն», «Մասիսը», «Լոկոմոտիվը» և «Երևանը» ու 58 անձիք, որոնցից 45-ը` ցմահ, որակազրկվեցին, իսկ առաջին խմբի մրցաշարը դադարեցվեց: Հասկանալի է, որ պայմանավորված խաղերի դեմ պայքարում բոլոր միջոցներն էլ արդարացված են: Ու այդ արատավոր երևույթը Հայաստանում արմատախիլ անելու համար ՀՖՖ-ն, ունենալով բազմաթիվ փաստեր ու ապացույցներ, դիմել է այս աննախադեպ միջոցին:

«Վան» թիմի գլխավոր մարզիչ Կարեն Բարսեղյանը Sputnik Արմենիայի հետ զրույցում ասում է, որ իրենք երկու ձեռքով կողմ են Հայաստանի ֆուտբոլի ֆեդերացիայի որոշումներին, առավել ևս որ նրանք ուղղված էր ֆուտբոլը արատավորված երևույթներից զերծ պահելուն: «Բազմիցս նշել եմ, որ ֆուտբոլը պետք է մաքուր լինի, և ամեն ինչ այստեղ պետք է որոշվի ազնիվ պայքարում: Եթե ՀՖՖ-ն նման որոշում է կայացրել, ուրեմն կան փաստեր, կան ապացույցներ: Իսկ նման իրավիճակում մենք միայն կողմ ենք պայմանավորված խաղերի դեմ պայքարին»,–ասում է Բարսեղյանը` նշելով, որ ինչպես և բոլոր ակումբները, իրենք էլ այսօր են տեղեկացել , որ մրցաշարը դադարեցվում է: Նա համոզված է, որ մոտ ապագայում կլինեն նաև այլ որոշումներ, ու այդ դեպքում իրենք կկարողանան արտահայտել իրենց տեսակետը, քանի որ «Վանը» հայկական ֆուտբոլի «մաքրման» աշխատանքների կողմնակից է:

Մելիքյանը վերադարձել է Հայաստան. նա կգլխավորի «Ալաշկերտը»

Գրեթե նույն կարծիքին է նաև Ռազմիկ Գրիգորյանը, որը գլխավորում է «Դիլիջան» թիմը։ Նա էլ գտնում է, որ միանշանակ ճիշտ որոշում է կայացվել, ինչքան էլ այն զարմանալի թվա շատերին։ «Ֆուտբոլը զարգացնելու համար մենք պետք է ազատվենք սև ու մութ ուժերից, որոնք պարզապես կեղտոտում են այս հրաշալի մարզաձևը: Համոզված եմ` նման աննախադեպ որոշման պատճառները շատ խորն են, ու ՀՖՖ-ն ունի բազմաթիվ նյութեր պայմանավորված խաղերի հետ կապված»,–ասում է նա` տարօրինակ համարելով առաջին լիգայում ճապոնացի, նիգերիացի, մարոկոցի ու շատ այլ ազգերի ֆուտբոլիստների ներկայությունը:

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

ՀՖՖ-ն անկասկած մոտ ապագայում այլ որոշում էլ կհրապարակի, քանի որ առաջին խմբում կան ակումբերն, որոնք ազնիվ պայքար են մղել յուրաքանչյուր խաղում, և հետապնդել մեկ նպատակ՝ նվաճել բարձրագույն խմբի ուղեգիր:

Մնում է սպասել ՀՖՖ որոշումներին: Պարզ է, որ բարձրագույն խմբում մեկ թիմ խաղալու է ներկայիս առաջին խմբից: Բայց որ թիմը կլինի դա, կիմանանք շուտով:

346
թեգերը:
ֆուտբոլիստ, ֆուտբոլ, Հայաստան, ՀՖՖ
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
Հայաստանի և Ալբանիայի հավաքականներն ընկերական հանդիպում կանցկացնեն
«Ռոմայի» հետ իմ պատմությունը շարունակվում է․ Մխիթարյանը գրառում է արել

Մարքեթինգի ու վաճառքի բաժինների բախումից տուժում է բիզնեսը. ի՞նչ անել, որ դա տեղի չունենա

0
(Թարմացված է 15:28 06.07.2020)
Հաղորդման հեղինակ Հայկ Մանասյանն ու հաղորդավար Արամ Չախոյանը Sputnik Արմենիայի եթերում խոսում են բիզնեսում վաճառքի ու մարքեթինգի բաժինների

Հաճախ մարքեթինգի ու վաճառքի բաժինները բախվում են միմյանց, իսկ արդյունքում թուլանում է բիզնեսը։ 

Երբ վերլուծում ենք պատճառները, պարզ է դառնում, որ վաճառքի ու մարքեթինգի բաժինների հակասությունները հաճախ ունեն օբյեկտիվ հիմքեր:

Դրանցից ամենացայտունն այն է, որ ընկերությունում բացակայում է վաճառքի ու մարքեթինգի բաժինների սինխրոն աշխատանքը:

Հաղորդման հեղինակ Հայկ Մանասյանն ու հաղորդավար Արամ Չախոյանը Sputnik Արմենիայի եթերում խոսում են այդ սինխրոնիզացիայի կարևորության ու մի քանի մեթոդների մասին:

Որն է այն միակ գործոնը, որի շնորհիվ բիզնեսն արժեք է ստեղծում

0
թեմա:
Բիզնեսի դիալեկտիկա
Ըստ թեմայի
Բիզնեսի աշխարհում այլևս ոչինչ առաջվանը չէ. ի՞նչն է կարևոր նոր իրավիճակում
Բիզնեսին ճգնաժամից փրկելու նոր տարբերակ. ի՞նչ է առաջարկում ՀՀ կառավարությունը
Գալուստյանի ու Ռևայի բիզնեսը «վառվել» է