Արսեն Հարությունյանը (Հայաստան) և Գեորգիոս Պիլիդիսը (Հունաստան) ազատ ոճի ըմշամարտի Եվրոպայի առաջնության բրոնզե մեդալի համար մենամարտում (2020թ. փետրվարի 16): Հռոմ

Արսեն Հարությունյանը Եվրոպայի առաջնության բրոնզե մեդալ նվաճեց

114
(Թարմացված է 00:22 17.02.2020)
հայ մարզիկը հույն մրցակցի հետ գոտեմարտում հանդես եկավ փայլուն հնարքներով և անզիջում պայքար մղեց։

ԵՐԵՎԱՆ, 16 փետրվարի, Sputnik. Եվրոպայի առաջնության բրոնզե մեդալի համար պայքարում 61 կգ քաշային Արսեն Հարությունյանը 10:0 հաշվով հաղթանակի հասավ հույն Գեորգիոս Պիլիդիսի նկատմամբ ու առաջին մեդալը բերեց  ազատ ոճի ըմբշամարտի Հայաստանի հավաքականին:

Արսեն Հարությունյանի անմիջական օգնությամբ հույն ըմբիշ Գեորգիոս Պալիդիսը լքում էր մրցագորգը երրորդ տեղի համար մղված գոտեմարտից հետո:

2019 թվականի Եվրոպայի չեմպիոն Արսեն Հարությունյանը անկասելի էր այս առաջնության բրոնզե մեդալի համար գոտեմարտում: Հույն ըմբիշը ոչ մի կերպ չէր կարողանում կանգնեցնել Արսենին: Գոտեմարտի վերջնամասում երբ հաշիվը 8:0 էր` հօգուտ հայ ըմբիշի, Հարությունյանը ևս մեկ հնարք կիրառեց, և հույնը այլևս չկարողացավ շարունակել գոտեմարտել:

Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով

Борцы Арсен Арутюнян (Армения) и Георгиос Пилидис (Греция) в поединке за бронзовую медаль Чемпионата Европы по вольной борьбе (16 февраля 2020). Рим
© Sputnik / Hasmik Grigoryan
Արսեն Հարությունյանը (Հայաստան) և Գեորգիոս Պիլիդիսը (Հունաստան) ազատ ոճի ըմշամարտի Եվրոպայի առաջնության բրոնզե մեդալի համար մենամարտում (2020թ. փետրվարի 16): Հռոմ

61կգ քաշային կարգում Հարությունյանը առաջին գոտեմարտում 6:0 հաշվով հաղթել էր մակեդոնացի Վլադիմիր Եգորովին: Քառորդ եզրափակիչում Արսենը 7:0 հաշվով պարտության էր մատնել ուկրաինացի Իվան Բիլեյչուկին, ու դուրս եկել կիսաեզրափակիչ: Այստեղ համառ ու անզիջում պայքարում Հարությունյանը 6:7 հաշվով պարտվել էր Ռուսաստանը ներկայացնող Ալեքսանդր Բոգոմոևին:

Բրոնզե մեդալի 2 հնարավորություն և 2 պարտություն. Հայաստանի ըմբիշների արդյունքները

Борцы Арсен Арутюнян (Армения) и Георгиос Пилидис (Греция) в поединке за бронзовую медаль Чемпионата Европы по вольной борьбе (16 февраля 2020). Рим
© Sputnik / Hasmik Grigoryan
Արսեն Հարությունյանը (Հայաստան) և Գեորգիոս Պիլիդիսը (Հունաստան) ազատ ոճի ըմշամարտի Եվրոպայի առաջնության բրոնզե մեդալի համար մենամարտում (2020թ. փետրվարի 16): Հռոմ

Այսօր Հայաստանի հավաքականի ևս երկու ըմբիշներ՝ 92 կգ քաշային Մարզպետ Գալստյանն ու գերծանր քաշային Լևան Բերիանիձեն կգոտեմարտեն բրոնզե մեդալի համար: Գալստյանի մրցակիցը լինելու է Բելառուսը ներկայացնող Ամիրհաջի Մահամեդովը, իսկ Բերիանիձեն բրոնզը կվիճարկի Ադրբեջանը ներկայացնող Ջամալադին Մագոմեդովի հետ:

114
թեգերը:
չեմպիոն, Եվրոպայի ըմբշամարտի առաջնության, ըմբիշ, Հայաստան
Ըստ թեմայի
Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները
Միհրան Ջաբուրյանը կպայքարի բրոնզի համար. հայ ըմբիշներից ով ինչ արդյունքի հասավ
Գևորգ Ղարիբյանը հաղթեց թուրք ըմբիշին և նվաճեց Եվրոպայի չեմպիոնի կոչումը
Կարեն Ասլանյանը Եվրոպայի առաջնության բրոնզե մեդալակիր է
Աշոտ Դանիելյանը Սիդնեյի օլիմպիադայում

Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը

401
(Թարմացված է 09:47 05.07.2020)
Ծանրամարտիկ Աշոտ Դանիելյանը Sputnik Արմենիային պատմել է իր կարիերայի հաջողությունների, օլիմպիական մեդալի ճակատագրի և իր ու Արա Վարդանյանի հետ պատահած շատ զավեշտալի դեպքի մասին։

Հանրաճանաչ ծանրորդ Աշոտ Դանիելյանն իր մարզական կարիերայի ընթացքում ուրախացնող շատ պահեր է պարգևել մարզասերներին, բայց Սիդնեյի օլիմպիական խաղերի հանելուկը, որի պատճառով Դանիելյանը որակազրկվեց, մինչև օրս լուծել չի հաջողվում:

Օլիմպիական հանելուկ

Աշոտ Դանիելյանն օլիմպիական խաղերին մասնակցել է երեք անգամ՝ 1996, 2000 և 2004 թվականներին, բայց միայն Սիդնեյում՝ 2000 թվականին է կարողացավ մեդալ նվաճել: Պոկում վարժությունում բարձրացնելով 207,5 կգ և հրումում գլխավերևում պահելով 257,5 կգ կշռող ծանրաձողը` հայ ծանրորդը երկամարտի 465 կգ արդյունքով երրորդն էր`բրոնզե մեդալակիրը:

Բայց օլիմպիական խաղերի ավարտից հետո բրոնզե մեդալը Դանիելյանից հետ վերցրեցին ու որակազրկեցին դոպինգ օգտագործելու պատճառաբանությամբ: Սակայն Դանիելյանն այդ որոշման հետ համաձայն չէ ու մինչ օրս էլ չի հասկանում, թե ինչ խաղ խաղացին իր գլխին: 2001 թվականին արդեն Հայաստանում Աշոտ Դանիելյանը պոկեց 215 և հրեց 262,5 կգ` ապացուցելով, որ արժանի էր օլիմպիական մեդալին: Ընդ որում, Աշոտն այս արդյունքներով գերազանցեց օլիմպիական չեմպիոն իրանցի Ռզազադեի համաշխարհային ռեկորդները, բայց ոչ պաշտոնական մրցումներում:

«Օլիմպիական մրցաշարի ավարտից 4-5 օր հետո սկսեցին շշուկներ տարածվել իմ արդյունքի վերաբերյալ: Անհասկանալի խաղեր սկսվեցին: Քաղաքականություն էր, թե ի՞նչ էր` չեմ կարող ասել: Բայց իմ որակազրկումը ձեռնտու էր չորրորդ տեղում հայտնված Անդրեյ Չեմերկինին, որն էլ հետո ստացավ բրոնզե մեդալը: Օլիմպիական խաղերում մրցումների ավարտից 24 ժամ հետո արդեն հրապարակվում են դոպինգի արդյունքները: Իսկ իմ դեպքում ամեն ինչ սկսվեց մի քանի օր անց: Հարց է առաջանում` ինչո՞ւ էին ինձ թողել մրցումներին,  եթե դոպինգ թեստը դրական էր եղել: Մի խոսքով հարցեր, որոնց պատասխանը չստացանք: Անկախ ամեն ինչից, ինձ Հայաստանում ընդունեցին, որպես բրոնզե մեդալակրի, ես ստացա պարգև և ճանաչվեցի Սիդնեյի օլիմպիական խաղերի լավագույն հայ մարզիկը»,– Sputnik Արմենիայի հետ զրույցում հիշում է Աշոտ Դանիելյանը:

Եվրոպայում տիտղոսներ, աշխարհում` ոչ

Դանիելյանն իր հիմնական նվաճումները գրանցել է Եվրոպայի առաջնություններում: Աշխարհում ընդունված է, որ ծանրամարտի գերծանր քաշային կարգում չեմպիոն հռչակված մարզիկը համարվում էր ամենաուժեղ մարդը: Այպիսով` Դանիելյանը Եվրոպայի ամենաուժեղ մարդու կոչումը նվաճեց երկու անգամ՝ Եվրոպայի 1999 և 2000 թվականների առաջնությունում: Եվս երկու անգամ՝ 2003 և 2006 թվականներին, մեր ծանրորդը նվաճեց արծաթե մեդալ և մեկ անգամ էլ 2005 թվականին դարձավ բրոնզե մեդալակիր: Բայց աշխարհի առաջնություններում հայ ծանրորդին մեդալ վաստակել չհաջողվեց։

Тяжелоатлеты из Армении Ашот Даниелян (справа) и немец Ронни Веллер на церемонии вручения медалей Чемпионата Европы по тяжелой атлетике в весовой категории +105 кг (30 апреля 2000). София
© AP Photo / DIMITAR DEINOV
Աշոտ Դանիելյանը Եվրոպայի մրցումներում. 2000թ.

«Չեմ կարող ասել, թե ինչու չէի կարողանում մեդալ նվաճել աշխարհի առաջնություններում: Ամեն անգամ ինչ-որ բան խանգարում էր, չէր ստացվում: Չեմ կարող ասել, որ հոգեբանական խնդիր կար: Պատրաստվում էի ինչպես միշտ, բայց անհեթեթ բաներ էին կատարվում մոտեցումների ժամանակ ու արդյունքի չէի հասնում», - հիշում է Դանիելյանը:

Զավեշտալի դրվագ աշխարհի առաջնությունում

Աշխարհի 1999 թվականի առաջնությունում գերծանր քաշային կարգում Հայաստանը ներկայացնում էին Աշոտ Դանիելյան  ու Արա Վարդանյանը: Այդ տարիներին մեր ծանրորդներն իրենք էին իրենց մարզահագուստը հայթայթում: Արայի հագին մի տրիկո էր, որի վրա գրված էր Ukraina (ուկրաինացի ծանրորդներից նվեր էր ստացել):

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Երբ հայտարարում են Արայի անունը և այն երկիրը, որը ներկայացնում է նա ու մրցահարթակ են հրավիրում Վարդանյանին, մրցավարը մեր ծանրորդին չի թույլատրում ներս մտնել`ասելով, որ հիմա պետք է մրցահարթակ դուրս կա Արմենիան ներկայացնող մարզիկը, այլ ոչ թե Ուկրաինան: Պարզ է, որ մրցավարը ծանրորդներին դեմքով չէր ճանաչում, այլ կողմնորոշվում էր մարզահագուստի վրա գրածով: Հետո ստիպված փոխում են Արա Վարդանյանի մարզահագուստն ու շարունակում մրցումները:

Հայր ու որդին մարզիչ–մարզիկի դերում

Ծանրամարտում Աշոտ Դանիելյանի հայտնվելը պատահական չէր: Հայրը՝ Ռոման Դանիելյանը, ծանրամարտի մարզիչ էր ու, տեսնելով որդու բնատուր ուժը, Աշոտին տարավ ծանրամարտի դահլիճ:

7-8 տարեկան էր նա, երբ առաջին անգամ մոտեցավ ծանրաձողին: Բայց շուտով հայրը համարեց, որ դեռևս վաղ է Աշոտին ծանրամարտով զբաղվել, ու փոքրիկ հսկան սկսեց  մարզվել ըմբշամարտով։

«Ըմբշամարտով մարզվում էի, բայց սիրում էի ծանրամարտը: Մասնավորապես գերծանր քաշայինների մրցումներին էի հետևում, ու տեսնում, թե ինչ կիլոգրամներ էին բարձրացնում: Ի վերջո 11 տարեկանում նորից գնացի ծանրամարտի դահլիճ ու մնացի այնտեղ մինչև վերջ»,- հիշում է Աշոտ Դանիելյանը: Նա հպարտությամբ հավելում է, որ իր հայրը միշտ իր կողքին է եղել բոլոր մրցումների ու հավաքների ժամանակ:

Ճանաչված ծանրորդ Աշոտ Դանիելյանը չի հեռացել սպորտից ու մասնավորապես` իր սիրած մարզաձևից: Նա աշխատում է Ֆիզկուլտուրայի հայկական պետական համալսարանում՝ Ծանրամարտ, բռնցքամարտ, սուսերամարտի ամբիոնի վարիչն է: Փորձն ու գիտելիքները ապագա սերնդին փոխանցելը նույնպես կարևոր և դժվար աշխատանք է:

401
թեգերը:
մեդալ, Օլիմպիական խաղեր, ծանրորդ, ծանրամարտ, Աշոտ Դանիելյան
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
«Ռոմայի» և «Արսենալի» հայտնի և անհայտ պայմանավորվածությունները. ինչ է սպասվում Մխիթարյանին
Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ
Ֆուտբոլ. գնդակ

Ընդհատված մրցաշրջան, որակազրկված ակումբներ. ինչո՞ւ է ՀՖՖ–ն նման աննախադեպ որոշում կայացրել

346
(Թարմացված է 10:05 04.07.2020)
Հայաստանի ֆուտբոլի առաջնությունների պատմության մեջ եղել են մրցաշրջաններ, երբ չի անցկացվել, օրինակ, սուպեր գավաթի խաղարկությունը: Բայց մրցաշարի դադարեցումն աննախադեպ է: Սակայն փաստն այն է, որ առաջին խմբի մրցաշարը դադարեցվեց, ու այս դեպքում պատճառը կորոնավիրուսը չէ:

ԵՐԵՎԱՆ, 3 հուլիսի – Sputnik. Հայաստանի ֆուտբոլի ֆեդերացիայի գործկոմի նիստն այսօր կայացրել է աննախադեպ որոշում՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

2019/20 թվականների մրցաշրջանի մեկնարկից առաջ, երբ պարզ դարձավ, որ 17 թիմ է մասնակցելու Հայաստանի  ֆուտբոլի առաջին խմբի մրցաշարին, շատերը զարմացան, ոմանք էլ ուրախացան: Զարմացան, որ մրցաշարին այդքան թիմ է մասնակցելու է, ուրախացան, որ առաջին խմբի մրցաշարը կարող է մրցունակ դառնալ: Բայց առաջին լիգայի ընթացքում գրանցվող արդյունքները սկսեցին կասկածներ առաջացնել շատերի մոտ: 7:0, 9:0, 8:2, 7:2, 7:1,12:0, 8:3, 5:4. մի խոսքով` ոչ ֆուտբոլային հաշիվներ:

Կասկածները հիմք տվեցին ուսումնասիրություններ անցկացնել մի քանի թիմերի մասնակցությամբ խաղերին ու գրանցված արդյունքներին: Ցավոք, կասկածները հաստատվեցին`առաջին խմբի մրցումներում եղել են պայմանավորված բազմաթիվ խաղեր: Կորոնավիրուսի համաճարակի պատճառով դադարեցված մրցաշրջանի վերսկսումից անմիջապես հետո ՀՖՖ-ն արձագանքեց: Տարբեր պատճառներով առաջին խմբում հաջորդ մրցաշրջանում հանդես գալու արտոնագրեր չստացան 6 ակումբներ՝«Անի», «Արագած», «Դիլիջան», «Ինտեր», «Մասիս» և «Տորպեդո»:

Իսկ հուլիսի 3-ին ուրբաթը հաստատ շաբաթից շուտ եկավ: ՀՖՖ գործկոմի նիստի ժամանակ հինգ ակումբներ՝ «Արագածը», «Տորպեդոն», «Մասիսը», «Լոկոմոտիվը» և «Երևանը» ու 58 անձիք, որոնցից 45-ը` ցմահ, որակազրկվեցին, իսկ առաջին խմբի մրցաշարը դադարեցվեց: Հասկանալի է, որ պայմանավորված խաղերի դեմ պայքարում բոլոր միջոցներն էլ արդարացված են: Ու այդ արատավոր երևույթը Հայաստանում արմատախիլ անելու համար ՀՖՖ-ն, ունենալով բազմաթիվ փաստեր ու ապացույցներ, դիմել է այս աննախադեպ միջոցին:

«Վան» թիմի գլխավոր մարզիչ Կարեն Բարսեղյանը Sputnik Արմենիայի հետ զրույցում ասում է, որ իրենք երկու ձեռքով կողմ են Հայաստանի ֆուտբոլի ֆեդերացիայի որոշումներին, առավել ևս որ նրանք ուղղված էր ֆուտբոլը արատավորված երևույթներից զերծ պահելուն: «Բազմիցս նշել եմ, որ ֆուտբոլը պետք է մաքուր լինի, և ամեն ինչ այստեղ պետք է որոշվի ազնիվ պայքարում: Եթե ՀՖՖ-ն նման որոշում է կայացրել, ուրեմն կան փաստեր, կան ապացույցներ: Իսկ նման իրավիճակում մենք միայն կողմ ենք պայմանավորված խաղերի դեմ պայքարին»,–ասում է Բարսեղյանը` նշելով, որ ինչպես և բոլոր ակումբները, իրենք էլ այսօր են տեղեկացել , որ մրցաշարը դադարեցվում է: Նա համոզված է, որ մոտ ապագայում կլինեն նաև այլ որոշումներ, ու այդ դեպքում իրենք կկարողանան արտահայտել իրենց տեսակետը, քանի որ «Վանը» հայկական ֆուտբոլի «մաքրման» աշխատանքների կողմնակից է:

Մելիքյանը վերադարձել է Հայաստան. նա կգլխավորի «Ալաշկերտը»

Գրեթե նույն կարծիքին է նաև Ռազմիկ Գրիգորյանը, որը գլխավորում է «Դիլիջան» թիմը։ Նա էլ գտնում է, որ միանշանակ ճիշտ որոշում է կայացվել, ինչքան էլ այն զարմանալի թվա շատերին։ «Ֆուտբոլը զարգացնելու համար մենք պետք է ազատվենք սև ու մութ ուժերից, որոնք պարզապես կեղտոտում են այս հրաշալի մարզաձևը: Համոզված եմ` նման աննախադեպ որոշման պատճառները շատ խորն են, ու ՀՖՖ-ն ունի բազմաթիվ նյութեր պայմանավորված խաղերի հետ կապված»,–ասում է նա` տարօրինակ համարելով առաջին լիգայում ճապոնացի, նիգերիացի, մարոկոցի ու շատ այլ ազգերի ֆուտբոլիստների ներկայությունը:

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

ՀՖՖ-ն անկասկած մոտ ապագայում այլ որոշում էլ կհրապարակի, քանի որ առաջին խմբում կան ակումբերն, որոնք ազնիվ պայքար են մղել յուրաքանչյուր խաղում, և հետապնդել մեկ նպատակ՝ նվաճել բարձրագույն խմբի ուղեգիր:

Մնում է սպասել ՀՖՖ որոշումներին: Պարզ է, որ բարձրագույն խմբում մեկ թիմ խաղալու է ներկայիս առաջին խմբից: Բայց որ թիմը կլինի դա, կիմանանք շուտով:

346
թեգերը:
ֆուտբոլիստ, ֆուտբոլ, Հայաստան, ՀՖՖ
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
Հայաստանի և Ալբանիայի հավաքականներն ընկերական հանդիպում կանցկացնեն
«Ռոմայի» հետ իմ պատմությունը շարունակվում է․ Մխիթարյանը գրառում է արել
Декорации в ТЦ Mega Mall

Առևտրի կենտրոնում ռումբ չի հայտնաբերվել. ահազանգերից մեկը կեղծ էր

0
«Դալմա Գարդեն Մոլ» առևտրի կենտրոնում փրկարարներն ու ոստիկանները տարհանել են քաղաքացիներին: Ռումբի որոնման աշխատանքներն այս պահի դրությամբ շարունակվում են:

ԵՐԵՎԱՆ, 6 հուլիսի - Sputnik. Երևանի Նոր Նորք համայնքում գտնվող «Մեգամոլ Արմենիա» առևտրի կենտրոնում իրականացված տեղազննման արդյունքում ռումբ չի հայտնաբերվել։ Տեղեկությունը հայտնում է ՀՀ ԱԻՆ լրատվական ծառայությունը:

Հիշեցնենք՝ այսօր՝ ժամը 13։30-ին, Ճգնաժամային կառավարման ազգային կենտրոնը ոստիկանությունից տեղեկություն էր ստացել, որ ինտերնետային հարթակում հաղորդագրություն է տարածվել, թե Երևանի «Մեգամոլ Արմենիա» առևտրի կենտրոնի 1-ին և 2-րդ հարկերում ռումբեր են տեղադրված, որոնք ժամը 13։50-ին պայթելու են։

Դեպքի վայր մեկնած փրկարարներն ու ոստիկանության աշխատակիցներն իրականացրել էին  տարհանում, որի ընթացքում անվտանգ տարածք էր դուրս բերվել մոտ 350 քաղաքացի։ Միաժամանակ փրկարար ծառայության և ոստիկանության կինոլոգիական խմբերն իրականացրել էին ռումբերի որոնման աշխատանքներ, որոնց ավարտին ռումբի մասին ահազանգի իսկությունը հերքվել էր:

Նշենք, որ այսօր ռումբի մասին ահազանգ էր ստացվել նաև Երևանի «Դալմա Գարդեն Մոլ» առևտրի կենտրոնի վերաբերյալ: Այստեղ ևս փրկարարներն ու ոստիկանները տարհանել են քաղաքացիներին: Ռումբի որոնման աշխատանքներն այս պահի դրությամբ դեռ շարունակվում են:

Հիշեցնենք՝ հուլիսի 1-ին ԱԻՆ Ճգնաժամային կառավարման ազգային կենտրոնն ահազանգ է ստացել, որ Երևանի «Երևան մոլ» առևտրի և զվարճանքի համալիրի «Ֆուդկորտում» ռումբ է տեղադրված։

Առևտրի կենտրոնից մարդկանց էվակուացնելուց հետո փրկարարներն իրականացրել էին տեղազննում, որի արդյունքում ռումբ չէր հայտնաբերվել։

0