Կարապետ Չալյան

Կարապետ Չալյանը Եվրոպայի առաջնության մեդալակիր է

123
(Թարմացված է 15:23 17.02.2020)
Հունահռոմեական ոճի ըմբիշ Կարապետ Չալյանը նպատակ էր դրել Եվրոպայի առաջնությունում պայքարել ոսկե մեդալի համար: Բայց պարտությունը կիսաեզրափակիչում զրկեց նրան նման հնարավորությունից: Իսկ ահա բրոնզե մեդալը մեր ըմբիշը ձեռքից բաց չթողեց:

ԵՐԵՎԱՆ, 11 փետրվարի — Sputnik. Հունահռոմեական ոճի ըմբիշ Կարապետ Չալյանը Եվրոպայի առաջնությունում դարձավ բրոնզե մեդալակիր։ Բրոնզե մեդալի համար մղվող գոտեմարտում Չալյանը հաղթում էր մեր հայրենակից Հայկ Մնացականյանին առաջին մրցափուլից հետո: Բուլղարիան ներկայացնող Մնացականյանը, սակայն,  չկարողացավ շարունակել գոտեմարտը, և հաղթանակ շնորհվեց Հայաստանի ներկայացուցչին:

Ըմբշամարտի հայկական դպրոցի երկու ներկայացուցիչների գոտեմարտը, որոնք տարբեր երկրներ էին ներկայացնում, անկասկած, մեծ հետաքրքրություն էր առաջացրել հայ մարզասերների համար: Ցավոք, Հայկ Մնացականյանը վնասվածք ստացավ Կարապետ Չալյանի գլորում հնարքը կիրառելու ժամանակ: Բայց Հայկը, անտեսելով ցավը, շարունակեց գոտեմարտը: Ի վերջո վնասվածքը թույլ չտվեց նրան ավարտին հասցնել գոտեմարտը: Չալյանը հաղթեց 3:0 հաշվով:

Չալյանը Եվրոպայի առաջնությունում իր ելույթները սկսեց որակավորման փուլից, որում 11:2 հաշվով ժամանակից շուտ հաղթանակ տոնեց շվեյցարացի Նիկոլաս Քրիստենի նկատմամբ: 1/8 եզրափակիչում հաղթանակը հայ ըմբիշին տրվեց անհամեմատ դժվարին պայքարում. մեր ըմբշամարտիկը սերբ Վիկտոր Նեմեշին հաղթեց 3:1 հաշվով, իսկ քառորդ եզրափակիչում 5:2 հաշվով առավելության հասավ Վիկտոր Լյախի նկատմամբ:

Արթուր Ալեքսանյանը հաղթեց ու անցավ եզրափակիչ, Կարեն Ասլանյանը կպայքարի բրոնզի համար

Կիսաեզրափակիչում Չալյանը համառ պայքարում պարտվեց ադրբեջանցի Սանան Սուլեյմանովին, որն, ի դեպ, հաղթանակ տոնեց Բուլղարիան ներկայացնող Հայկ Մնացականյանի նկատմամբ: Բայց Մնացականյանը սփոփիչ գոտեմարտերում հաղթանակներ տոնելով` հասավ բրոնզե մեդալի համար մղվող գոտեմարտին:

8։0. Գևորգ Ղարիբյանը հաղթեց ու անցավ Եվրոպայի առաջնության եզրափակիչ

Հիշեցնենք, որ Հայաստանի հավաքականի կազմում վաղը ոսկե մեդալի համար կգոտեմարտեն Արթուր Ալեքսանյանն (97 կգ) ու Գևորգ Ղարիբյանը (60 կգ), իսկ Կարեն Ասլանյանը (67 կգ) գորգ դուրս կգա բրոնզե մեդալի համար:

123
թեգերը:
Եվրոպայի ըմբշամարտի առաջնության, մեդալ, Կարապետ Չալյան, Հայաստան
Ըստ թեմայի
Գևորգ Ղարիբյանը ջախջախեց ադրբեջանցուն. տեսանյութ
Արթուր Ալեքսանյանը թուրք ըմբիշին հաղթեց Եվրոպայի առաջնությունում. տեսանյութ
Հաղթարշավը շարունակվում է. Արթուր Ալեքսանյանն ու Կարեն Ասլանյանն էլ հաղթեցին մրցակիցներին
Կարապետ Չալյանը կիսաեզրափակիչում է, 4 ըմբիշ դուրս մնացին ոսկե մեդալի համար պայքարից
«Փյունիկ» –«Գանձասար–Կապան» հանդիպում, արխիվային լուսանկար

Երկրպագուները Երևանի փողոցներից մեկը ներկել են ֆուտբոլային ակումբի գույներով

34
(Թարմացված է 17:33 14.08.2020)
Հայաստանի բազմակի չեմպիոնին նվիրված գրաֆիտին հայտնվել է Երևանի կենտրոնում՝ Թումանյան փողոցում:

ԵՐԵՎԱՆ, 14 օգոստոսի – Sputnik. Երևանի «Փյունիկ» ֆուտբոլային ակումբի երկրպագուները` Sector 18 Pyunik FC–ի անդամները, ֆուտբոլային գրաֆիտի են արել մայրաքաղաքում։

«Հայաստանում առաջին ֆուտբոլային ակումբային գրաֆիտին։ Երևանը նռնագույն է ներկվելու,սկսեցինք Թումանյան փողոցից»,– գրել են նրանք Facebook–ում ու հրապարակել գրաֆիտիի լուսանկարները։

«Փյունիկ» ՖԱ–ն, որը հիմնադրվել է 1992 թվականին, Հայաստանի ամենատիտղոսակիր թիմն է. 14 անգամ դարձել է Հայաստանի չեմպիոն, 8 անգամ ՝ գավաթակիր, 9 անգամ՝ Հայաստանի սուպերգավաթակիր:

34
թեգերը:
Փյունիկ, ֆուտբոլ, Հայաստան
Ըստ թեմայի
Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին
«Նրանք շատ կազմակերպված են». Ռոման Բերեզովսկին` «Նոայի» մասին
Ընտրությունները համարում եմ ոչ լեգիտիմ. ՀՖՖ մրցավարական կոմիտեի նախագահը հրաժարական է տվել
Տիգրան Հակոբյանը

Ընտրությունները համարում եմ ոչ լեգիտիմ. ՀՖՖ մրցավարական կոմիտեի նախագահը հրաժարական է տվել

53
(Թարմացված է 15:50 13.08.2020)
Նա նշել է, որ իր որոշումը չունի քաղաքական դրդապատճառներ, և իրեն բացառապես հետաքրքրում է ոլորտի զարգացումը:

ԵՐԵՎԱՆ, 13 օգոստոսի — Sputnik. ՀՖՖ գործկոմի անդամ, մրցավարական կոմիտեի նախագահ և պայմանավորված խաղերը քննարկող կոմիտեի անդամ Տիգրան Հակոբյանը հրաժարական է ներկայացրել։ Այս մասին նա գրել է Facebook–ի իր էջում` շարադրելով նաև իր այս քայլի պատճառները։

«Պայմանավորված վերջին զարգացումներով, բարոյական չեմ համարում շարունակել գործունեությունս, քանի որ ընտրություններին մասնակցել են ակումբներ ,որոնց խաղերը եղել են պայմանավորված: Հետևաբար ընտրությունները համարում եմ ոչ լեգիտիմ: Հատուկ կցանկանամ ընդգծել, որ իմ որոշումը չունի քաղաքական դրդապատճառներ: Համոզված եմ, որ որոշ շահագրգիռ շրջանակներ փորձելու են իմ անձը կապել քաղաքականության հետ»,-գրել է նա և հավելել, որ իրեն բացառապես հետաքրքրում է ոլորտի զարգացումը:

Նշենք, որ հուլիսի 3–ին Հայաստանի ֆուտբոլի ֆեդերացիայի գործկոմի նիստն աննախադեպ որոշում կայացրեց՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

 

53
թեգերը:
Ընտրություններ, Տիգրան Հակոբյան, Հրաժարական, ֆուտբոլ, ՀՖՖ
Ըստ թեմայի
«Նոան» դարձավ Հայաստանի սուպերգավաթակիր
«Նրանք շատ կազմակերպված են». Ռոման Բերեզովսկին` «Նոայի» մասին
34 տարեկանում մահացած Լևոն Ղասաբօղլյանը կհուղարկավորվի Հայաստանում

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ