Գևորգ Ղարիբյան

8։0. Գևորգ Ղարիբյանը հաղթեց ու անցավ Եվրոպայի առաջնության եզրափակիչ

194
(Թարմացված է 20:35 11.02.2020)
Հունահռոմեական ոճի ըմբիշ Գևորգ Ղարիբյանը Հռոմում ընթացող ըմբշամարտի Եվրոպայի առաջնությունում ևս մեկ քայլ կատարեց չեմպիոնական տիտղոս նվաճելու ուղղությամբ։

ԵՐԵՎԱՆ, 11 փետրվարի — Sputnik. Ըմբշամարտի Եվրոպայի առաջնությունում Հայաստանը ներկայացնող հունահռոմեական ոճի ըմբիշ Գևորգ Ղարիբյանը կիսաեզրափակիչում հաղթեց էստոնացի Հիլարի Միջիսալուին: Հայ ըմբիշը հաղթանակի հասավ ժամանակից շուտ 8:0 հաշվով:

Ղարիբյանը մինչև եզրափակիչ հասնելը անցկացրել է երեք գոտեմարտ և միայն մեկ միավոր տվել մրցակիցներին: Առաջին գոտեմարտում Ղարիբյանը 9:1 հաշվով հաղթել էր բուլղարացի Ավգուստին Սպասովին:

Քառորդ եզրափակիչում հայ ըմբիշը ոչ մի շանս չտվեց ադրբեջանցի Մուրադ Բազարովին, որի նկատմամբ տարած հաղթանակը նույնպես գրանցվեց մինչև գոտեմարտին հատկացված վեց րոպեների ավարտը՝ 8:0:

Հայ ըմբիշի հաղթարշավը շարունակվեց նաև կիսաեզրափակիչում, որտեղ նրա գրոհների դեմ ոչինչ անել չկարողացավ արդեն էստոնացի Հիլարի Միջիսալուն:

Այսպիսով, վաղը՝ փետրվարի 12-ին, Ղարիբյանը Եվրոպայի չեմպիոնի տիտղոսը վիճարկելու է թուրք Կարեմ Քամալի հետ:

Հենոն բոլորից առաջ է անցել. Ֆոնսեկան որոշիչ խաղում հույսը դրել է նրա վրա

194
թեգերը:
հաղթանակ, Գևորգ Ղարիբյան, ըմբիշ
Ըստ թեմայի
Ինչպես հայ մարզչին հաջողվեց Պետդումայի պատգամավորին դարձնել բռնցքամարտի աշխարհի չեմպիոն
Սիմոն Մարտիրոսյանն ու Հակոբ Մկրտչյանն Իրանում արծաթե մեդալներ են նվաճել
Ֆուտբոլը կորցրեց, ըմբշամարտը գտավ. ինչպես Արթուր Ալեքսանյանը ընտրություն կատարեց
Ես երջանիկ մարդ եմ, և թենիսն այստեղ կապ չունի. Խաչանովը` 19 տարեկանում ամուսնանալու մասին