Կարապետ Չալյան

Կարապետ Չալյանը կիսաեզրափակիչում է, 4 ըմբիշ դուրս մնացին ոսկե մեդալի համար պայքարից

166
(Թարմացված է 18:14 10.02.2020)
Ըմբշամարտի Եվրոպայի առաջնությանը Հայաստանի հավաքականի չորս մարզիկներից 2–ը պարտվել են վրացի ըմբիշներին, երկուսը` ադրբեջանցի։ Իսկ Կարապետ Չալյանը դուրս եկավ կիսաեզրափակիչ, որտեղ հայ ըմբիշի մրցակիցը լինելու է ադրբեջանցի Սանան Սուլեյմանովը:

ԵՐԵՎԱՆ, 10 փետրվարի — Sputnik. Իտալիայի մայրաքաղաք Հռոմում այսօր մեկնարկած Ըմբշամարտի Եվրոպայի առաջնությանը Հայաստանի հավաքականի տասը ըմբիշներից առաջինը գորգ դուրս եկավ Կարապետ Չալյանը: 77 կգ քաշային կարգում հայ ըմբիշը բացահայտ առավելությամբ հաղթանակի հասավ շվեյցարացի մրցակցի նկատմամբ:

Շվեյցարացու հետ գոտեմարտում Չալյանը ֆավորիտ էր: Հաշվի մեջ առաջ անցնելով հինգ միավորով`Չալյանը զարգացրեց հաջողությունն ու ժամանակից շուտ հաղթանակ տարավ 11:2 հաշվով: Հաջորդ գոտեմարտում Չալյանի մրցակիցը սերբ Վիկտոր Նեմեշն էր:

Դժվարին գոտեմարտում հայ ըմբիշը կամային հաղթանակ տոնեց: Առաջին մրցափուլից հետո Չալյանը պարտվում էր 0:1 հաշվով, բայց երկրորդ մրցափուլում մեր ըմբիշը կարողացավ երեք միավոր վաստակել ու, հաղթելով 3:1 հաշվով, դուրս եկավ քառորդ եզրափակիչ:

Քառորդ եզրափակիչում Չալյանի մրցակիցը բելառուս Պավել Լյախն էր: Հայ ըմբիշը գոտեմարտի հիմնական ժամանակահատվածում իր կամքն էր թելադրում մրցակցին ու 5։2 հաշվով կարողացավ տոնել երրորդ հաղթանակը մրցաշարում` ընդհուպ մոտենալով Եվրոպայի առաջնության մեդալին:

Տոնելով երեք հաղթանակ` Կարապետ Չալյանը դուրս եկավ կիսաեզրափակիչ, որտեղ հայ ըմբիշի մրցակիցը լինելու է ադրբեջանցի Սանան Սուլեյմանովը:

55կգ քաշային կարգում Ռուդիկ Մկրտչյանը քառորդ եզրափակիչում մրցեց 2018 թվականի աշխարհի ու Եվրոպայի չեմպիոն ադրբեջանցի Էլդանիզ Ազիզլիի հետ: Հաղթեց ավելի փորձառու մրցակիցը՝ 7:1 հաշվով:

63կգ քաշային կարգում Սահակ Հովհաննիսյանն իր առաջին գոտեմարտը մրցաշարում անցկացրեց վրացի Լևանի Կավչարաձեի հետ: Վրացի ըմբիշն անհամեմատ ակտիվ էր ու ժամանակից շուտ հաղթանակ տարավ 8:0 հաշվով:

87կգ քաշային կարգում Մաքսիմ Մանուկյանի մրցակիցը առաջին գոտեմարտում նույնպես Վրաստանի ներկայացուցիչն էր: Թոռնիկե Ջամաշվիլին առաջինը հնարավորություն ստացավ պարտերից աշխատելու և վաստակեց երեք միավոր: Գոտմարտի երկրորդ մրցափուլում Մանուկյանը շատ լավ շանս ուներ կորցրածը հետ բերելու, բայց վաստակեց միայն մեկ միավոր ու պարտվեց 1:3 հաշվով:

Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Գերծանր քաշային կարգում Դավիթ Հովասափյանն առաջին գոտեմարտում ուժերը չափեց ադրբեջանցի Սաբահ Շարիաթիի հետ: Հաջողությունն ուղեկցեց ադրբեջանցուն, նա հաղթեց 3:0 հաշվով:

Այսպիսով` հայ հինգ ըմբիշներից միայն Կարապետ Չալյանն է շարունակում պայքարը ոսկե մեդալի համար: Մյուսները սփոփիչ գոտեմարտերի իրավունք կստանան, եթե նրանց հաղթած ըմբիշները հասնեն եզրափակիչ:

Արթուր Ալեքսանյանը հաղթել է ադրբեջանցի մարզիկին և ոսկե մեդալ նվաճել

Վաղը պայքարի մեջ կմտնեն 60 կգ քաշային Գևորգ Ղարիբյանը, 67կգ քաշային Կարեն Ասլանյանը, 72կգ քաշային Մալխաս Ամոյանը, 82կգ քաշային Ռուբեն Ղարիբյանն ու 97կգ քաշային Արթուր Ալեքսանյանը:

Նշենք, որ Ըմբշամարտի Եվրոպայի առաջնությունը ընթանում է Հռոմում փետրվարի 10-16–ը։

166
թեգերը:
Պարտություն, հաղթանակ, մեդալ, Կարապետ Չալյան, Եվրոպայի ըմբշամարտի առաջնության, ըմբշամարտիկ, Հռոմ
Ըստ թեմայի
Հայ ըմբիշները 7 մեդալ նվաճեցին Նիցցայում. օլիմպիական ուղեգրի պայքարը թեժանում է
Մոսկվայում ջիու–ջիթսուի մրցաշարն ավարտվել է զանգվածային ծեծկռտուքով. տեսանյութ
«Ինձ համար դու ավելին ես, քան կարող ես պատկերացնել». Հարությունյանի շնորհավորանքը` դստերը
ՈւԵՖԱ-ի Եվրոպայի լիգայի որակավորման վիճակահանություն. արխիվային լուսանկար

Հայկական 3 ակումբ ՈւԵՖԱ-ի Եվրոպայի լիգայում կպայքարեն 2-րդ փուլի ուղեգրի համար

4
(Թարմացված է 15:58 10.08.2020)
Կորոնավիրուսի համավարակի պատճառով Եվրոգավաթների 2020/21 մրցաշրջանը սկսվում է ավելի ուշ, քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ:

ԵՐԵՎԱն, 10 օգոստոսի - Sputnik. Շվեյցարական Նյոն քաղաքում կայացել է ՈւԵՖԱ-ի Եվրոպայի լիգայի որակավորման առաջին փուլի վիճակահանությունը: 94 թիմեր, այդ թվում նաև 3 հայկական ակումբ`«Շիրակը», «Նոան» և «Ալաշկերտը»  կպայքարեն երկրորդ փուլի ուղեգրերի համար:

Գյումրիի «Շիրակն» ու Երևանի «Նոան» կխաղան մրցակցի հարկի տակ համապատասխանաբար ռումինական «Ստյաուա» և ղազախական «Կայրաթ» թիմերի հետ: «Ալաշկերտը» սեփական հարկի տակ մրցելու է Մակեդոնիան ներկայացնող «Ռենովայի» հետ:

Վիճակահանություններից հետո բոլորը սկսում են քննարկել, թե ու՞մ ի՞նչ մրցակից է բաժին ընկել: Այդ առումով անկասկած ավելի բարդ մրցակիցներ ստացան «Շիրակն» ու «Նոան»:  Ռումինական «Ստյաուան» իր երկրի ամենատիտղոսակիր ակումբներից մեկն է ու ֆավորիտ է համարվում «Շիրակի» հետ խաղում, առավել ևս, որ Գյումրիի թիմի մի շարք առաջատար ֆուտբոլիստներ տեղափոխվել են Երևանի «Արարատ»: Բայց չպետք է մոռանանք, որ «Շիրակն» անակնկալ մատուցող թիմ է:

Հայաստանի գավաթակիր «Նաոն» եվրոպական մրցասպարեզում իր նորամուտը նշելու է Ղազախսանում:  «Կայրաթը» իրոք շատ ուժեղ թիմ է, ու «Նոան» հաջորդ փուլ դուրս գալու համար սխրանք պետք է գործի: Բայց մենք արդեն համոզվել ենք, որ «Նոան», համենայնդեպս Հայաստանում, պայքարում է մինչև վերջին վայրկյանը ու հիմնականում հասնում է իր նպատակին: Հայաստանի սուպերգավաթը նվաճելուց հետո էլ թիմը Ղազախստան կմեկնի բարձր տրամադրությամբ:

Ինչն է եղել 34–ամյա Լևոն Ղասաբօղլյանի մահվան պատճառը. նա կորոնավիրուսով չի վարակվել

Հայկական թիմերից համեմատաբար թույլ մրցակից է բաժին հասել «Ալաշկերտին»: Եղիշե Մելիքյանի թիմը նախ խաղն անցկացնելու է սեփական հարկի տակ, բացի այդ էլ Մակեդոնիայի «Ռենովան» սարսափելի մրցակից չէ: Սակայն մրցակցին թերագնահատել էլ պետք չէ: Պարզապես հաջորդ փուլ դուրս գալու շանսեր «Ալաշկերտը» իրականում ունի այս մրցակցի հետ դիմակայությունում:

Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում

Կորոնավիրուսի համավարակի պատճառով  Եվրոգավաթների 2020/21 մրցաշրջանը սկսվում է ավելի ուշ քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ: Եվրոպայի լիգայի 2019/20 թվականների խաղարկության եզրափակիչը կայանալու է օգոստոսի 21-ին: Իսկ 2020/21-ի խաղարկության որակավորման առաջին փուլը մեկնարկելու է օգոստոսի 27-ին: Թիմերը հաղթողին որոշելու են մեկ խաղով:

4
թեգերը:
«Ալաշկերտ» ֆուտբոլային ակումբ, «Նոա» ֆուտբոլային ակումբ, ֆուտզալ, ՀՖՖ, ՈւԵՖԱ
Ըստ թեմայի
Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»
Հայաստանի չեմպիոնին բարդ մրցակցություն է սպասվում. ո՞ւմ հետ է մրցելու «Արարատ-Արմենիան»
ՈւԵՖԱ-ն կարող է մեր նկատմամբ պատժամիջոցներ կիրառել. Մենուա Մեհրաբյան
«Նոան» դարձավ Հայաստանի սուպերգավաթակիր

«Նոան» դարձավ Հայաստանի սուպերգավաթակիր

66
(Թարմացված է 23:05 09.08.2020)
Հակոբ Տոնոյանի անվան ֆուտբոլի Հայաստանի սուպերգավաթի խաղարկությամբ պաշտոնապես ավարտվեց 2019/20 թվականների մրցաշրջանը, և մեկնարկեց 2020/21 մրցաշրջանը: Ինչպես միշտ պատվավոր ավարի համար պայքարի մեջ մտան Հայաստանի գործող չեմպիոնն ու գավաթակիրը:

ԵՐԵՎԱն, 9 օգոստոսի - Sputnik. Ֆուտբոլի Ավանի ակադեմիայի մարզադաշտում գործող չեմպիոն՝ «Արարատ-Արմենիան» մրցեց գավաթակիր «Նոայի» հետ: Մաիլսոն Լիմայի դիպուկ հարվածին «Նոան» պատասխանեց Դմիտրի Լավրիշչևի ու Դենիս Դեդեչկոյի գոլերով, և հաղթանակի հասավ 2:1 հաշվով:

Խաղի առաջին կեսում մրցող կողմերը  չէին շտապում  կտրուկ գործողությունների դիմել: Հիմնականում տակտիկական պայքար էր ընթանում, ու գոլերով թիմերը մինչև ընդմիջում չուրախացրին: Նման իրավիճակում իրոք դեպքերի զարգացմանը պետք էր սպասել երկրորդ խաղակեսում: Եվ ընդմիջումից 15 րոպե հետո «Արարատ-Արմենիային» հաջողվեց հաշիվը բացել: «Նոայի» դարպասապահն ու պաշտպանը շատ անհաջող խաղարկեցին գնդակը պաշտպանությունից դուրս գալիս, և Յուսուֆ Օտուբանջոն՝ տիրելով գնդակին, այն անմիջապես ուղարկեց Մաիլսոն Լիմային, որն էլ մոտ տարածությունից դիպուկ հարվածով առաջ մղեց գործող չեմպիոնին:

Բաց թողած գոլից հետո «Նոան» առնվազն երկու հնարավորություն ուներ հաշվի մեջ փոփոխություն մտցնելու համար: Բայց խաղի հիմնական ժամանակը աստիճանաբար սպառվում էր, ու լուսատախտակն արտահայտում էր միայն «Արարատ-Արմենիայի» նվազագույն առավելությունը: Բայց հիմնական ժամանակի վերջին րոպեին Դմիտրի Լավրիշչևին այնուամենայնիվ հաջողվեց խփել պատասխան գնդակը: Այս երկու թիմերի գավաթային հանդիպումներում ինտրիգն անպակաս է: Ինչպես և գավաթի խաղարկությունում, սուպերգավաթի խաղում էլ նշանակվեց լրացուցիչ ժամանակ:

«Նոան» նոր մրցաշրջանում կհանդիպի Արարատի հետ ու կիրագործի հեռուն գնացող նպատակները

Լրացուցիչ ժամանակի առաջին կեսում հանդիպման մրցավարը շատ վիճելի 11 մետրանոց նշանակեց «Արարատ-Արմենիայի» դարպասին: «Նոա» ֆուտբոլային ակումբի նորեկ Դենիս Դեդեչկոն հստակ իրացնելով տուգանայինն արդեն առաջ մղեց «Նոային»՝ 2:1:Մնացած խաղաժամանակում «Արարատ-Արմենիան» մոտ էր պատասխան գնդակն իրացնելուն, բայց «Նոա» ակումբի դարպասապահ Վալերիո Վիմերկատին փրկեց իր թիմին: Այսպիսով՝ «Նոան» հաղթեց 2:1 հաշվով և դարձավ Հայաստանի սուպերգավաթակիր:

«Նոան» առաջին փորձից ինչպես և գավաթի խաղարկությունում հասավ հաղթանակի՝ մեկ տարում նվաճելով երկու տիտղոս (Հայաստանի գավաթն ու սուպերգավաթը), իսկ ահա Իսպանացի մարզիչ Դավիդ Կամպանիայի նորամուտը «Արարատ-Արմենիայի» գլխավոր մարզչի պաշտոնում չստացվեց: «Արարատ-Արմենիան» հաղթելով հիմնական ժամանակի մինչև 89-րդ րոպեն, ստիպված էր խաղադաշտը թողնել պարտվածի կարգավիճակում:

Սուպերգավաթի խաղը, որը անցկացվեց առաջնության մեկնարկից անմիջապես առաջ իրականում մարզիչների համար շատ կարևոր էր: Պաշտոնական մրցավեճում երկու կողմերի մարզիչներն էլ կարողացան ստուգել իրենց թիմերի նորեկներին: Ընդ որում՝ երկու թիմերի կազմերում էլ արդեն կան բավականին շատ տրանսֆերներ:

66
թեգերը:
մրցաշրջան, ֆուտբոլ, Հայաստան
Ըստ թեմայի
«Արարատ-Արմենիան» նոր ֆուտբոլիստ ունի
«Արարատ-Արմենիան»՝ Հայաստանի չեմպիոն․ թիմը պաշտպանեց իր տիտղոսը
«Ամենահայ բրազիլացի» Մարկոս Պիզելին պաշտոնապես դարձավ «Արարատ–Արմենիայի» ֆուտբոլիստ
Ղազախստանը «տանում է» հայ ֆուտբոլիստներին. «Արարատ-Արմենիայի» գլխավոր մարզիչը դեմ չէ
Վրաստան, արխիվային լուսանկար

Վրաստանի իշխանությունը Սվանետիում կարանտին է հայտարարել կորոնավիրուսի բռնկման պատճառով

5
(Թարմացված է 16:02 10.08.2020)
Վրաստանի առողջապահության նախարարի հրամանով Սվանետիում կազմակերպվել է անհետաձգելի բուժօգնության ապահովում: Տեղում աշխատում է վարակաբանների 5 բժշկական բրիգադ:

ԵՐԵՎԱՆ, 10 օգոստոսի - Sptnuik. Վրաստանի բարձրլեռնային Սվանետի շրջանում կորոնավիրուսի վարակի բռնկման պատճառով Վրաստանի իշխանությունը կարանտին է հայտարարել: Այս մասին հայտնում է Sputnik Վրաստանը՝ վկայակոչելով այդ երկրի առողջապահության նախարար Եկատերինա Տիկարաձեին:

«Ներկա պահին խիստ միջոցառումների կարիք կա միայն Սվանետիում: Երկրի մնացած հատվածներում վարակի տարածվածության վիճակագրությունը լրացուցիչ խստացումների հիմք չի տալիս: Մենք նախկինի պես թիրախավորված թեստավորում ենք իրականացնելու՝ փոքր-ինչ ավելի լայնամասշտաբ, և հետևելու ենք արդեն իսկ մշակված ռազմավարական պլանի պահանջներին»,- ասել է նախարարը:

Վրաստանի առողջապահության նախարարի խոսքով՝ Սվանետիի շրջանում արդեն իսկ կազմակերպվել է անհետաձգելի բուժօգնության ապահովում: Տեղում աշխատում են վարակաբանների 5 բժշկական բրիգադ, որոնք մանրամասն ուսումնասիրություն են իրականացնում:

Տիկարաձեի հայտնած տվյալներով՝ վերջին 1 օրվա ընթացքում Վրաստանի այս շրջանի մի քանի բնակավայրերում կորոնավիրուսի վարակի միանգամից 17 դեպք է հաստատվել:

Նշենք, որ StopCov կայքի տվյալներով, Վրաստանում վարակվածների թիվը ներկա պահին 1 250 է:

Համավարակի սկզբից մինչ օրս Վրաստանում կորոնավիրուսից բուժվել է 1 010, մահացել՝ 17 մարդ: Ներկա պահին մեկուսացման մեջ են 7 068-ը, հիվանդանոցներում բուժում են ստանում 242-ը:

Կորոնավիրուսի առաջին դեպքը Վրաստանում պաշտոնապես գրանցվել էր փետրվարի 26-ին:

5
թեգերը:
կարանտին, թեստ, համավարակ, կորոնավիրուս, Վրաստանի Հանրապետություն