Արթուր Ալեքսանյան

Ֆուտբոլը կորցրեց, ըմբշամարտը գտավ. ինչպես Արթուր Ալեքսանյանը ընտրություն կատարեց

286
(Թարմացված է 21:49 05.02.2020)
Պարզվում է` օլիմպիական չեմպիոն Արթուր Ալեքսանյանը ֆուտբոլի մեծ սիրահար է: Հայ ըմբիշի կուռքը բրազիլացի Ռոնալդոն է: Ալեքսանյանի թիմակից Կարապետ Չալյանն էլ թենիս է նախընտրում և ուրախանում է Ռաֆայել Նադալի հաղթանակներով:

Խաչիկ Չախոյան, Sputnik Արմենիա

Հունահռոմեական ոճի ըմբիշները լարված պատրաստվում են Եվրոպայի առաջնությանը, որը կկայանա Հռոմում փետրվարի 10–16-ը։ Օլիմպիական ավանում կայացած մարզումներին հետևել է նաև Sputnik Արմենիայի թղթակիցը, իսկ հանգստի ժամին ըմբիշների հետ զրույցը որոշ գաղտնիքներ է բացել մեր սիրելի մարզիկների մասին։

Պարզվում է`Արթուր Ալեքսանյանն այնքան է սիրել ֆուտբոլը, որ տատանվել է` ֆուտբոլի՞ստ դառնալ, թե՞ ըմբշամարտիկ։ Վճռորոշ և ինչպես պարզվեց ճիշտ ընտրության «մեղավորն» Արթուրի հայրն՝ վաստակավոր մարզիչ Գևորգ Ալեքսանյանը:

«Ֆուտբոլն աշխարհի լավագույն մարզաձևն է ինձ համար, հիմա միգուցե ըմբշամարտից հետո(ծիծաղում է): Իրոք շատ եմ սիրում և՛ խաղալ, և՛ դիտել միլիոնների խաղը: Փոքր ժամանակ էլ մտածում էի ֆուտբոլիստ դառնամ, թե ըմբիշ: Քանի որ հայրս ըմբիշ է, գնացի ըմբշամարտի մարզադահլիճ, ու լավ է, որ ամեն ինչ այդպես էլ եղավ»- ասեց Ալեքսանյանը:

Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Ըմբիշներին մարզելու արանքում մեզ հետ զրույցում մարզիչ Գևորգ Ալեքսանյանը հիշում է, որ առանձնապես չի նկատել, որ որդին մանուկ հասակում տարված է եղել ֆուտբոլով. «Ֆուտբոլ խաղալ շատ էր սիրում: Բայց այն ժամանակ բակում ֆուտբոլ խաղում էին բոլոր երեխաները: Ես միշտ էլ մտածել եմ որդիներիս` ըմբիշ դառնալու մասին, ու նրանք գնացին այդ ճանապարհով: Կարծում եմ` ճիշտ ընտրություն ենք կատարել»- ժպտալով պատմում է Գևորգ Ալեքսանյանը:

Արթուրն էլ անմիջապես ներկայացնում է այն ամենը, ինչը կապում է ֆուտբոլն ու ըմբշամարտը` ֆուտբոլի դինամիկան շատ մեծ օգուտ է տալիս ոտքերի մկանների զարգացմանն ու դիմացկունությանը։ Դրա համար նրանք հիմա էլ են ֆուտբոլ խաղում:

«Ժամանակին ըմբշամարտի հավաքականում մենք տղաներով պայքարում էինք իրար դեմ, քանի որ և՛ «Ռեալի», և՛ «Բարսելոնայի» երկրպագուներ շատ կային թիմում: Հիմա այդ պայքարը մի քիչ թուլացել է, բայց միևնույնն է` եթե հնարավորություն եմ ունենում դիտելու արքայական թիմի խաղը, բաց չեմ թողնում: Իսկ բրազիլացի Ռոնալդոյին համարում եմ լավագույնը: Հա, մեկ էլ չմոռանամ նշել իմ հարազատ «Շիրակին», որի ոչ մի խաղ բաց չեմ թողնում, եթե ազատ ժամանակ եմ ունենում»- ասում է Արթուրը:

Գյումրեցի ևս մեկ ըմբիշ՝ Կարապետ Չալյանը, որը հավաքականի համար ապահովել է օլիմպիական ուղեգիր Տոկիո-2020 հանդես գալու համար, նույնպես սպորտային այլ նախասիրություն ունի։ «Երկար ժամանակ ուշք ու միտքս եղել է ըմբշամարտը, բայց երբ առաջին անգամ թենիս խաղացի, հասկացա, թե ինչքան գեղեցիկ ու օգտակար մարզաձև է: Մկանային ամբողջ համակարգն աշխատում է թենիսի ժամանակ, իսկ դրանից ավել ինչ է հարկավոր ըմբիշին: Շատ եմ սիրում թենիսն ու Ռաֆայել Նադալի երկրպագուն եմ»- ասեց Կարապետ Չալյանը և շտապում մարզումների:

222 մեդալ` մեկ տարվա ընթացքում. հայկական սպորտի նվաճումները 2019 թվականին

Հունահռոմեական ոճի ըմբիշները մարզական այս կարևոր ստուգատեսին պատրաստվում են ինչպես որ հարկն է: Հավաքականի ըմբիշների մարզումը դիտելը մեծ հաճույք պատճառեց: Ըմբշամարտին բնորոշ ամեն ինչ կարելի էր տեսնել գորգի վրա: Չկար միայն լարվածություն, որովհետև մարզվում էին թիմակիցները: Հավելենք, որ հունահռոմեական ոճի ըմբշամարտի Հայաստանի հավաքականը Եվրոպայի առաջնությունում ներկայացված է լինելու բոլոր տասը քաշային կարգերում:

286
թեգերը:
ֆուտբոլիստ, ֆուտբոլ, մարզիչ, Հռոմ, Կարապետ Չալյան, Արթուր Ալեքսանյան, Ըմբշամարտի աշխարհի առաջնություն, ըմբշամարտիկ
Ըստ թեմայի
Ստամբուլում ուկրաինացի և վրացի ըմբիշների մենամարտն ավարտվել է ծեծկռտուքով. տեսանյութ
ՄաքԳրեգորը մարտի մեկնարկից 40 վայրկյան անց նոկաուտի ենթարկեց հակառակորդին. տեսանյութ
«Ինձ համար դու ավելին ես, քան կարող ես պատկերացնել». Հարությունյանի շնորհավորանքը` դստերը
Քեթլին Չուքագյան

MMA–ի մարզիկը լուսանկար է հրապարակել. հայուհին նրա դեմքին 45 հարված է հասցրել

180
(Թարմացված է 18:33 31.05.2020)
Ավելի վաղ Լաս Վեգասում կայացած մենամարտն ավարտվել է ամերիկահայ մարզիկ Քեթլին Չուքագյանի համոզիչ հաղթանակով։

ԵՐԵՎԱՆ, 31 մայիսի – Sputnik. Խառը մարտարվեստի մարտիկ, Ղրղզստանի ներկայացուցիչ Անտոնինա Շևչենկեն ցուցադրել է իր լուսանկարը UFC on ESPN 9 մրցաշարում ամերիկահայ Քեթլին Չուքագյանից պարտություն կրելուց հետո։ Լուսանկարը մարզիկը հրապարակել է Instagram–ի իր էջում։

Նրա դեմքին երևում են հարվածի բազմաթիվ հետքեր, քերծվածքներ և կապտուկներ։

Посмотреть эту публикацию в Instagram

Публикация от Antonina La Pantera Shevchenko (@antoninapantera)

«ММА–ն ծանր մարզաձև է, սակայն սա իմ ճանապարհն է, և ես ավելի ուժեղ կվերադառնամ»,– գրել է Շևչենկոն։

Բաժանորդներն իրենց հերթին աշխատում են նրան քաջալերել, ինչպես նաև շուտափույթ վերադարձ մաղթում ռինգ։

Մարտը տեղի է ունեցել մայիսի 30-ի լույս 31-ի գիշերը  Լաս Վեգասում։ Չուքագյանը հակառակորդին 202 հարված է հասցրել, որից 45-ը` գլխին։ Ամերիկահայը հաղթող է ճանաչվել մրցավարների միաձայն որոշմամբ։

Չերկեսկում երկրպագուները հարձակվել են մրցավար Աշուղյանի վրա. տեսանյութ

Շևչենկոն իր կարիերայի երկրորդ պարտությունն է կրել, ընդհանուր առմամբ գրանցել է 7 հաղթանակ։ Չուքագյանը հաղթել է 14-րդ մրացապայքարը։ Ամերիկուհին իր կարիերայի ընթացքում 3 պարտություն ունի։

Ավելի վաղ Sputnik Արմենիայի հետ զրույցում Չուքագյանը պատմել էր իր հայկական արմատների և այն մասին, թե ինչն է նրան այդքան գրավում խառը մարտարվեստում։

«Շատ եմ սիրում հայերին և կանեմ այնպես, որ նրանք հպարտանան ինձնով». Դավիթ Ռոբերտս

180
թեգերը:
հաղթանակ, հայ, Ամերիկայի Միացյալ Նահանգներ, մարզիկ
Ըստ թեմայի
MMA-ի մարզիկ Գեորգի Կարախանյանին հեռացրել են ACB-ից
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
«Ռոմայի» մարզիկները, որի կազմում խաղում է Մխիթարյանը, հրաժարվել են 4 ամսվա աշխատավարձից
Բազմոցն էլ կարող է մարզասարք դառնալ․ լուսանկարներ մարզիկների կարանտինային մարզումներից
Ալեքսանդր Թարխանով

Հայկական ֆուտբոլային ակումբի փոխնախագահը կարող է գլխավորել ռուսական թիմը

63
(Թարմացված է 16:22 30.05.2020)
Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի։

ԵՐԵՎԱՆ, 30 մայիսի – Sputnik․ Երևանի «Փյունիկ» ֆուտբոլային ակումբի փոխնախագահ Ալեքսանդր Թարխանովը կարող է գլխավորել ռուսաստանյան «Ենիսեյ» ֆուտբոլային ակումբը։ Տեղեկությունը հայտնում է matchtv.ru կայքը։

Կազմվել է այն մասնագետների ցուցակը, որոնք կարող ենք Յուրի Գազաևին փոխարինել՝ «Ենիսեյ» ֆուտբոլային ակումբի գլխավոր մարզչի պաշտոնում։ Ցանկում են Ալեքսանդր Տարխանովը, Սերգեյ Տաշուևը և Ալեքսանդր Ալֆյորովը։

Թիմի նոր մարզչի վերաբերյալ որոշումը կընդունվի Կրասնոյարսկում, ըստ երևույթին՝ հաջորդ երեքշաբթի, Ֆուտբոլի ազգային լիգայի նոր առաջնությունում թիմի բյուջեի և առաջադրանքների համաձայնեցումից հետո։

Ալեքսանդր Թարխանովը Հայաստանի բազմակի չեմպիոն երևանյան «Փյունիկ» ֆուտբոլային ակումբի փոխնախագահն է 2019 թվականից։

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

63
թեգերը:
մարզիչ, ֆուտբոլ
Ըստ թեմայի
«Նրանց հետ հեշտ է․ շատ նման են հայերին»․ Հենրիխ Մխիթարյանը սեր է խոստովանել Իտալիային
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Հենրիխ Մխիթարյանի համար պայքարը շարունակվում է․ «Ռոման» նոր առաջարկ կանի «Արսենալին»
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան