Յոհան Գուֆրան

Թուրքիայում չհաջողվեց, կհաջողվի Հայաստանում. Ֆրանսիայի չեմպիոնը կխաղա մեր չեմպիոնի կազմում

348
(Թարմացված է 16:47 02.02.2020)
33- ամյա ֆրանսիացի Յոհան Գուֆրանը, որը 2009 թվականին «Բորդոյի» կազմում նվաճել է Ֆրանսիայի չեմպիոնի կոչումը և երկար տարիներ խաղացել է Անգլիական Պրեմիեր լիգայի «Նյուքասլ» թիմում, հիմա հանդես է գալու Հայաստանում:

ԵՐԵՎԱՆ, 1 փետրվարի — Sputnik, Խաչիկ Չախոյան. Ֆրանսիացի հարձակողական ոճի հայտնի կիսապաշտպան Յոհան Գուֆրանը պայմանագիր է կնքել ֆուտբոլի Հայաստանի գործող չեմպիոն «Արարատ-Արմենիայի» հետ։ Տեղեկությունը հաղորդում է ֆրանսիական սպորտային հայտնի պարբերականը՝ «Էկիպը»։

Յոհան Գուֆրանն առաջին անգամ մասնագետներին հետաքրքրեց 2008 թվականին, երբ Ֆրանսիայի առաջնությունում խաղում էր «Կանի» կազմում: Տեղափոխվելով «Բորդո»` ֆուտբոլիստը մեկ տարի անց թիմի կազմում նվաճեց Ֆրանսիայի չեմպիոնի կոչումը: Նրա նկատմամբ սկսեցին հետաքրքրություն դրսևորել անգլիական թիմերն ու մասնավորապես «Արսենալը»: Բայց 2013 թվականին Գուֆրանը պայմանագիր ստորագրեց անգլիական «Նյուքասլի» հետ, որի կազմում չորս տարի հանդես գալով անցկացրեց 141 խաղ ու դարձավ 19 գոլի հեղինակ:

«Նյուքասլում»  2013 թվականին Գուֆրանը յուրահատուկ ռեկորդ սահմանեց` հինգ անընդմեջ խաղում դառնալով գոլի հեղինակ ու կրկնելով հանրահայտ Ալան Շիրերի նմանատիպ արդյունքը:

Խորեն Բայրամյանն ու Դավիթ Յուրչենկոն կհրավիրվե՞ն հավաքականի խաղերին. պատասխանում է մարզիչը

Իսկ 2017-19 թվականներին Գուֆրանը հանդես էր գալիս թուրքական «Գյոզտեպե» թիմի կազմում: Պայմանագրի ավարտից հետո ֆրանսիացին իր կարիերան շարունակելու է Հայաստանում, «Արարատ-Արմենիայի» կազմում: Կասկածից վեր է, որ Գուֆրանն իր փորձով ու վարպետությամբ կարող է նպաստել «Արարատ-Արմենիայի» արդյունքներին:

Ֆուտբոլային հայկական ակումբները լրիվ թափով նախապատրաստվում են Բարձրագույն խմբի առաջնության գարնանայի հատվածի մեկնարկին: Փետրվարի 28-ին կվերսկսվի բարձրագույն խմբի մրցաշարը, և դժվար է կանխագուշակել, թե ով վերջնական հաղթանակի կհասնի: Ստուգողական խաղերին զուգընթաց հայկական ակումբները նոր ֆուտբոլիստներ են հրավիրում, իսկ ձմեռային տրանսֆերային պատուհանի ամենահետաքրքիր տրանսֆերները գրանցվում են գործող չեմպիոն «Արարատ-Արմենիայի» կազմում:

Ավստրիական «Լասկի» հարձակվող՝ նիգերիացի Յուսուֆ Օտուբանյոյից հետո, Յոհան Գուֆրանը երկրորդ նշանակալից ուժեղացումն էր «Արարատ-Արմենիայի» համար: Պետրոս Ավետիսյանի Ղազախստան հեռանալուց հետո թիմը կտրուկ ուժեղացնում է իր խաղային բոլոր օղակները: Նպատակը հասկանալի է` պաշտպանել չեմպիոնական տիտղոսը:

Հպարտ եմ, որ հայ եմ. բացառիկ զրույց Իրանի ֆուտբոլի հավաքականի գլխավոր մարզչի օգնականի հետ

Հավելենք, որ ֆուտբոլի Հայաստանի Բարձրագույն խմբի առաջնությունում աշնանային հատվածից հետո առաջատարը Վանաձորի «Լոռին» է, որն ունի 28 միավոր: Երեք թիմեր՝ «Արարատ-Արմենիան», «Ալաշկերտը» և «Արարատը», ունեն 27-ական միավոր: Լավագույն վեցնյակը եզրափակում են «Շիրակը» և «Նոան»` համապատասխանաբար 25 և 24 միավորներով:

348
թեգերը:
Յոհան Գուֆրան, ֆուտբոլիստ, ֆուտբոլ, Հայաստանի ֆուտբոլի ֆեդերացիա, Արարատ–Արմենիա, Թուրքիա, Ֆրանսիա, Հայաստան
Ըստ թեմայի
Վարդան Մինասյանը 2019 թ–ի լավագույն մարզիչ ճանաչվեց. ովքե՞ր են եռյակում
Հենրիխ Մխիթարյանը տարվա լավագույն ֆուտբոլիստն է. ՀՖՖ–ն ամփոփել է քվեարկության արդյունքները
9–րդ անգամ լավագույնը. Մխիթարյանը 2020-ին նվաճում կունենա, որն առաջինը կլինի նրա կյանքում
Ֆուտզալի Հայաստանի հավաքականը փայլուն հաղթանակ տարավ. երկրպագուները տոնում են. տեսանյութ
Բռնցքամարտ

Հայ բռնցքամարտիկը տեխնիկական նոկաուտով հաղթեց ադրբեջանցուն

82
(Թարմացված է 10:35 20.06.2021)
ժորժիկ Մարությանի հարվածներից մեկի ժամանակ ադրբեջանցին ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը։

ԵՐԵՎԱՆ, 20 հունիսի – Sputnik. Իտալիայում անցկացվող բռնցքամարտի Եվրոպայի մինչև 22 տարեկանների առաջնության 3-րդ մրցումային օրը կաշվե ձեռնոցի հայ պատվիրակների հաղթարշավը շարունակվում է: Երեկ մրցահերթում ռինգ դուրս եկած մեր բոլոր բռնցքամարտիկները հաղթել են իրենց մրցակիցներին: Տեղեկությունը հայտնում է Հայաստանի բռնցքամարտի ֆեդերացիայի մամուլի քարտուղարությունը:

56 կգ քաշային Արթուր Բազեյանը մրցավարների միաձայն որոշմամբ առավելության է հասել բելառուս Մաքսիմ Պանկաուի նկատմամբ:

60 կգ քաշային ժորժիկ Մարությանն իր առաջին մենամարտում հաղթանակ է տոնել ադրբեջանցի Ջալալ Գառբանովի նկատմամբ:

«Առաջին երկու ռաունդներում մեր բռնցքամարտիկը ուներ հսկայական առավելություն ու նրա հարվածաշարերից մեկի ժամանակ մրցակիցը ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը»,– նշված է հաղորդագրության մեջ:

Այնուհետև բժիշկները թույլ չեն տվել շարունակել մենամարտը, և քանի որ Մարությանը նաև միավորներով է մեծ առավելություն ունեցել, հաղթանակը շնորհվել է հայ մարզիկին: Գեղեցիկ հաղթանակ է տոնել նաև Արմեն Մաշակարյանը, որի համար սա երկրորդն էր այս առաջնությունում: Այս անգամ Մաշակարյանը պարտության է մատնել մոլդովացի Նիկոլա Բուկսային:

Պատանեկան ԵԱ․ Անդրանիկ Ավետիսյանը ջախջախեց ադրբեջանցուն

 

82
թեգերը:
հաղթանակ, ադրբեջանցի, հայ, բռնցքամարտ
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

51
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

51
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Առինջի ընտրատեղամասերից մեկում

ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում

0
(Թարմացված է 16:24 20.06.2021)
Սոցցանցերի ու լրատվամիջոցների հրապարակումներում ավելի շատ բարձրացվել են քվեաթերթիկի տրամադրման կարգի խախտումներին, քաղաքացիների ու զինծառայողների ուղղորդված քվեարկության դեպքերի վերաբերյալ հարցեր։

ԵՐԵՎԱՆ, 20 հունիսի – Sputnik. Ժամը 15։00-ի դրությամբ ՀՀ Մարդու իրավունքների պաշտպանի աշխատակազմը ստացել է 59 ահազանգ ու դիմում, ուսումնասիրվել է սոցիալական ցանցերի ու լրատվամիջոցների 570 հրապարակում։

Աշխատակազմի թեժ գծին ստացված ահազանգերը հիմնականում վերաբերել են ընտրատեղամասի մատչելիությանը, հաշմանդամություն ունեցող անձի տեղամասային կենտրոններ ինքնուրույն ներկայանալու անհնարինությանը, ընտրողների լրացուցիչ ցուցակներում ընդգրկելու խնդրին, քվեարկության կարգի խախտմանը և այլն։

Սոցցանցերի ու լրատվամիջոցների հրապարակումներում ավելի շատ բարձրաձայնվել են քվեաթերթիկի տրամադրման կարգի խախտումներ, քաղաքացիների ու զինծառայողների ուղղորդված քվեարկության դեպքեր։

Պաշտպանի ներկայացուցիչներն իրականացրել են մի քանի արագ արձագանքման այցեր, այդ թվում` ոստիկանության ստորաբաժանումներ: Պարզաբանումներ են ստացվել Կենտրոնական ընտրական հանձնաժողովից, Պաշտպանության նախարարությունից, Նորքի տուն-ինտերնատից: Հատուկ ուշադրություն է դարձվել դիտորդների ու լրագրողների անխոչընդոտ աշխատանքների ապահովման հարցերին:

Քվեարկած թերթիկը լուսանկարելն ու տարածելն արգելված է օրենքով. ՄԻՊ

Հիշեցնենք, որ Պաշտպանի հանձնարարությամբ ստեղծված աշխատանքային խումբը վաղ առավոտից իրականացնում է ընտրական գործընթացի անկախ դիտարկում է ինչպես աշխատակազմի կենտրոնական, այնպես էլ Շիրակի, Գեղարքունիքի, Սյունիքի և Տավուշի մարզային ստորաբաժանումներում:

Պաշտպանի աշխատակազմում գործում է թեժ գիծ` 116 կամ (096) 116 100 հեռախոսահամարով:

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Զինվորների` ուղղորդված քվեարկության մասին լուրերն անհիմն են. ՊՆ

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

0
թեգերը:
Ընտրություններ, խախտում, ՀՀ ՄԻՊ
Ըստ թեմայի
Դատախազությունը հիշեցնում է` քվեարկության գաղտնիությունը խախտելը հանցագործություն է
Ամենայն հայոց կաթողիկոսը կատարեց իր ընտրությունը
«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ