Ֆուտբոլ

«Արարատ-Արմենիան» նոր ֆուտբոլիստ ունի

70
(Թարմացված է 11:08 24.01.2020)
Սլովակիական «Ժիլինա», ավստրիական «Ռայնդորֆ Ալտախ», «Ռեդ Բուլ Զալցբուրգ» և մի շարք այլ ակումբների հարձակվողն այժմ հայկական թիմում կխաղա։

ԵՐԵՎԱՆ, 24 հունվարի — Sputnik. Հայաստանի գործող չեմպիոն «Արարատ-Արմենիան» հայտարարել է ակումբում նոր ֆուտբոլիստ ընդգրկելու մասին։ Ակումբի Facebook–ի պաշտոնական էջից տեղեկանում ենք, որ «Արարատ-Արմենիային» է միացել 27-ամյա նիգերիացի հարձակվող Յուսուֆ Օտուբանյոն։

Ինչեր չեն անում հայ պատանիները Մխիթարյանին նմանվելու համար, կամ փոքրիկ Զառայի երազանքը

Յուսուֆը հանդես է եկել սլովակիական «Ժիլինա», ավստրիական «Ռայնդորֆ Ալտախ», «Ռեդ Բուլ Զալցբուրգ» և մի շարք այլ ակումբներում: «Ժիլինայի» կազմում Յուսուֆը դարձել է Սլովակիայի չեմպիոն:

Նա մինչ «Արարատ-Արմենիա» տեղափոխվելը հանդիսացել է ավստրիական «ԼԱՍԿ» ակումբի ֆուտբոլիստ:

Հիշեցնենք, որ օրերս հայտնի դարձավ, որ «Արարատ-Արմենիայի» ֆուտբոլիստներից երկուսը՝ Պետրոս Ավետիսյանն ու Գոռ Մալաքյանը, 2020 թվականի իրենց մարզումները սկսել են ղազախական թիմերում։ Ավետիսյանն արդեն գործող պայմանագիր ունի «Տոբոլի» հետ, իսկ Գոռ Մալաքյանը փորձաշրջան է անցնում «Ժետիսուում»:

70
թեգերը:
ֆուտբոլիստ, Արարատ–Արմենիա, ֆուտբոլ, Հայաստանի ֆուտբոլի ֆեդերացիա
Ըստ թեմայի
ԵԱՏՄ երկրների պրոֆեսիոնալ մարզիկները Ռուսաստանում լեգեոներ չեն համարվի
«Ծնունդդ շնորհավոր, Միկի». «Ռոման» շնորհավորական տեսանյութ է հրապարակել
«Փորձել եմ ոչ մեկին չնմանվել». անկեղծ զրույց 16-ամյա գեղասահորդ Արթուր Դանիելյանի հետ
Բռնցքամարտ

Հայ բռնցքամարտիկը տեխնիկական նոկաուտով հաղթեց ադրբեջանցուն

84
(Թարմացված է 10:35 20.06.2021)
ժորժիկ Մարությանի հարվածներից մեկի ժամանակ ադրբեջանցին ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը։

ԵՐԵՎԱՆ, 20 հունիսի – Sputnik. Իտալիայում անցկացվող բռնցքամարտի Եվրոպայի մինչև 22 տարեկանների առաջնության 3-րդ մրցումային օրը կաշվե ձեռնոցի հայ պատվիրակների հաղթարշավը շարունակվում է: Երեկ մրցահերթում ռինգ դուրս եկած մեր բոլոր բռնցքամարտիկները հաղթել են իրենց մրցակիցներին: Տեղեկությունը հայտնում է Հայաստանի բռնցքամարտի ֆեդերացիայի մամուլի քարտուղարությունը:

56 կգ քաշային Արթուր Բազեյանը մրցավարների միաձայն որոշմամբ առավելության է հասել բելառուս Մաքսիմ Պանկաուի նկատմամբ:

60 կգ քաշային ժորժիկ Մարությանն իր առաջին մենամարտում հաղթանակ է տոնել ադրբեջանցի Ջալալ Գառբանովի նկատմամբ:

«Առաջին երկու ռաունդներում մեր բռնցքամարտիկը ուներ հսկայական առավելություն ու նրա հարվածաշարերից մեկի ժամանակ մրցակիցը ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը»,– նշված է հաղորդագրության մեջ:

Այնուհետև բժիշկները թույլ չեն տվել շարունակել մենամարտը, և քանի որ Մարությանը նաև միավորներով է մեծ առավելություն ունեցել, հաղթանակը շնորհվել է հայ մարզիկին: Գեղեցիկ հաղթանակ է տոնել նաև Արմեն Մաշակարյանը, որի համար սա երկրորդն էր այս առաջնությունում: Այս անգամ Մաշակարյանը պարտության է մատնել մոլդովացի Նիկոլա Բուկսային:

Պատանեկան ԵԱ․ Անդրանիկ Ավետիսյանը ջախջախեց ադրբեջանցուն

 

84
թեգերը:
հաղթանակ, ադրբեջանցի, հայ, բռնցքամարտ
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

51
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

51
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Արխիվային լուսանկար

Նորամարգի երկու բնակիչ 15 000-20 000 դրամի սահմաններում ընտրակաշառք են բաժանել

0
(Թարմացված է 17:03 20.06.2021)
Ոստիկանությունը տեղեկացնում է, որ կաշառք բաժանելու կասկածանքով Նորամարգի երկու բնակիչներից մեկը ձերբակալվել է։

ԵՐԵՎԱՆ, 20 հունիսի – Sputnik. Կաշառք տալու կասկածանքով ՀՀ ոստիկանությունը Արարատի մարզի Նորամարգ գյուղի 2 բնակչի է բերման ենթարկել։ Ոստիկանության պաշտոնական կայքից տեղեկանում ենք, որ տեղեկություններ էին ստացվել, որ ԱԺ արտահերթ ընտրություններին մասնակցող դաշինքներից մեկի օգտին քվեներ ապահովելու համար Նորամարգի 2 բնակիչ, նախնական համաձայնության գալով, նույն գյուղի բնակչության շրջանում գումարի տեսքով ընտրակաշառք են բաժանել և շարունակում են բաժանել:

«Տվյալներ են ձեռք բերվել, որ նշված անձինք Նորամարգ գյուղի բնակչության շրջանում 15 000-20 000 դրամի սահմաններում փող են բաժանել դաշինքներից մեկի օգտին քվեներ ապահովելու համար»,–նշված է հաղորդագրության մեջ։

Փաստի առթիվ հարուցված քրեական գործի շրջանակներում նշված անձինք բերման են ենթարկվել ոստիկանության բաժին, նրանցից մեկը ձերբակալվել է։

Քննությունը շարունակվում է:

Ընտրակաշառքի 155 դեպք, 26 քրեական գործ, 6 կալանք. դատախազությունը տվյալներ է հայտնել

0
թեգերը:
Հայաստան, Ազգային ժողովի ընտրություններ, Ընտրություններ, Կաշառք, ընտրակաշառք
Ըստ թեմայի
Սպիտակում 10 հազար դրամ ընտրակաշառք առաջարկելու մեղադրանքով կին է ձերբակալվել. ՔԿ
Քանաքեռ-Զեյթունում ընտրակաշառք է բաժանվել դաշինքի օգտին. թեկնածուներից մեկը ձերբակալված է
Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել