Հենրիխ Մխիթարյան

Ինչեր չեն անում հայ պատանիները Մխիթարյանին նմանվելու համար, կամ փոքրիկ Զառայի երազանքը

237
(Թարմացված է 22:52 21.01.2020)
Հայաստանի հավաքականի ավագ ու իտալական «Ռոմա» ակումբի կիսապաշտպան Հենրիխ Մխիթարյանը նշում է ծննդյան 31–ամյակը։ Մեկ տարվա ընթացքում նա հասցրել է «Արսենալից» տեղափոխվել «Ռոմա», ամուսնանալ ու շուտով հայր կդառնա։

ԵՐԵՎԱՆ, 21 հունվարի — Sputnik, Նանա Մարտիրոսյան. Մի օր Երևանում անծանոթ երիտասարդի հետ կանգնած լուսացույցի կանաչ լույսին էինք սպասում։ Փողոցի հակառակ կողմում մի խումբ աղջիկներ անընդհատ նայում էին մեզ ու ծիծաղում։ Մի քանի անգամ նայեցի վրաս հասկանալու համար` տեսքս նորմալ է, թե ոչ, բայց երիտասարդը հանգստացրեց ինձ. «Ձեզ հետ ամեն ինչ կարգին է, նրանք ինձ են նայում»։

Մենք ժպտացինք միմյանց ու անցանք փողոցը։ Նրա դեմքն ինձ ծանոթ էր, բայց այդ ժամանակ ես գրեթե գաղափար չունեի հայկական ֆուտբոլի ու մեր աստղի` Հենրիխ Մխիթարյանի մասին։

Генрих Мхитарян со своей супругой (1 января 2020)
Հենրիխ Մխիթարյանը` կնոջ հետ Դուբայում. 01.01.2020

Այդ դեպքից ավելի քան 10 տարի է անցել։ Հիմա ես շատ լավ գիտեմ Հենրիխ Մխիթարյանին ու նույնիսկ կարող եմ թվարկել ակումբները, որոնցում նա խաղացել է, հիշում եմ նրա կարիերայի ամենավառ պահերը։ Անհնար է առանց ժպիտի հիշել` ինչ ջանասիրությամբ էի համացանցում որոնում նրա հարսանեկան առաջին լուսանկարները։

Իսկ ամենակարևորը, որ ձևավորվել է այս տարիների ընթացքում, հայ երեխաների երազանք է` լինել Հենոյի պես։ Եթե նախկինում  պատանիները ֆիլմեր էին դիտում և ուզում էին նմանվել հայտնի ֆուտբոլիստներ Պելեին ու Մարադոնային, ապա այժմ հայկական քաղաքներում ու գյուղերում կարելի է հանդիպել շատ երեխաների, որոնք ապրում են ֆուտբոլի մասին երազելով և ուզում են նմանվել Հենրիխ Մխիթարյանին։ 

Նրանց թվին է պատկանում նաև զարմիկս։ Նա 15 տարեկան է, ապրում է Լոռու մարզի սահմանամերձ Նորաշեն գյուղում։ Ինտրովերտ է, նախընտրում է շփվել միայն շատ մտերիմների հետ։ Նրա սերը, կիրքն ու երազանքը ֆուտբոլն է։ Մի անգամ ինձ հաջողվեց «խոսեցնել» զարմիկիս, ու նա լայն ժպիտով խոստովանեց, որ շատ է սիրում ֆուտբոլն ու Հենրիխին։ Պարզվեց` շատ է մարզվում, որպեսզի սովորի «կարիճի հարվածով» գոլեր խփել ու Մխիթարյանի պես արագ վազել։ Բայց ամենակարևորը՝ նա Հենրիխին նմանվելու համար տարվել է ռուսերենով ու անգլերենով, թեև շատ վատ է սովորում ու ատում է դպրոցական առարկաները։

«Եթե Հենրիխը կարողացել է «Արսենալ» ընկնել (այդ ժամանակ Մխիթարյանը հենց այդ թիմի կազմում էր), ապա ես էլ կարող եմ։ Միայն թե պետք է շատ մարզվել ու լեզուներ իմանալ», – ասաց նա` հավատալով իր երազանքին։

Իսկ Արագածոտնի Արուճ գյուղից մի տղա պատմում էր` ինչպես է երբեմն փախչում դասերից, որ բարձր դասարանցիների հետ ֆուտբոլ խաղա։ Եվ նա անում էր դա ոչ թե ժամանցի, այլ ավելի ուժեղ խաղացողների հետ մրցելու ու հասակակիցների շարքում լավագույնը դառնալու համար։

Футбольный матч отборочного тура Евро-2020 между сборными Армении и Боснии и Герцеговины
© Sputnik / Aram Nersesyan ,
Հենրիխ Մխիթարյանը` Հայաստան–Բոսնիա և Հերցոգովինա հանդիպման ժամանակ

Իր մշակած ծրագրի համաձայն` տասը տարվա ընթացքում (հիմա 7–8 տարեկան է) նա պետք է լինի լավագույն խաղացողն իր մարզում, դրանից հետո պետք է ընդգրկվի հայկական ակումբներից մեկում ու հետո հավաքականի կազմում խաղա Մխիթարյանի հետ։ Նա հավատում է, որ եթե Հենրիխին նկատել ու «Փյունիկ» են տարել, ապա իրեն էլ հավաքական կվերցնեն։

Իսկ ահա Զառա անունով աղջիկը (հարևանուհուս թոռնուհին) երազում է ոչ թե ֆուտբոլի, այլ Լոնդոնում կրթություն ստանալու և գեղեցիկ կազմվածքի մասին։ Այդ ամենը նրան պետք է մի նպատակի` ֆուտբոլային գործակալ դառնալու և Մխիթարյանի պես գեղեցիկ ու խելացի տղայի հետ ամուսնանալու համար։ Նա հաճախ է նստում մեր բակի խաղադաշտի մոտ, ոգևորվում բակի տղաների խաղով ու, որպես ապագա մասնագետ, մեզ վստահեցնում, որ Հայաստանին ֆուտբոլային պայծառ ապագա է սպասում։

237
թեգերը:
ծնունդ, «Ռոմա» ֆուտբոլային ակումբ, Արսենալ, երեխա, ֆուտբոլիստ, ֆուտբոլ, ՀՖՖ, Հայաստանի ազգային հավաքական, Հենրիխ Մխիթարյան
թեմա:
Հենրիխ Մխիթարյան (303)
Ըստ թեմայի
Անհնար է. ՀՖՖ նոր նախագահը բացառում է Մխիթարյանին հավաքական չհրավիրելու տարբերակը
Հենրիխ Մխիթարյանը հղի կնոջ հետ լուսանկարներ է հրապարակել
Հենրիխ Մխիթարյանը կրկին վնասվածք է ստացել
Հայաստանի երիտասարդական հավաքական

Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում

37
(Թարմացված է 15:46 08.08.2020)
Հայաստանի երիտասարդական հավաքականի հարձակվողը պաշտպանելու է սլովակական «Նիտրա» ակումբի գույները։

ԵՐԵՎԱՆ, 8 օգոստոսի – Sputnik. Հայաստանի ֆուտբոլի երիտասարդական հավաքականի հարձակվող, «Լեգալ Սպորտ» ֆուտբոլային գործակալության անդամ Արմեն Հովհաննիսյանը կարիերան կշարունակի Սլովակիայի առաջնության բարձրագույն լիգայում։ Տեղեկությունը հրապարակվել է «Լեգալ Սպորտի» Facebook-յան էջում։

Հովհաննիսյանը կխաղա «Նիտրա» ակումբի կազմում։

Ֆանտաստիկ մեկնարկ, ցավոտ հիասթափություն. ինչու է 33–ամյա «ոսկե տղան» հեռանում խաղադաշտից

«Լավագույնն ենք մաղթում Արմենին և ցանկանում նորանոր հաջողություններ։ Дерзай, Արմ ջան», - նշված է գործակալության էջում։

«Լեգալ Սպորտը» վստահ է, որ ֆուտբոլիստը հերթական ձեռքբերումները կգրանցի, ինչը նաև մեծապես կնպաստի հայկական ֆուտբոլի զարգացմանը։

Ռաֆայել Նադալը ոչ միայն թենիս, այլև ֆուտբոլ է լավ խաղում

37
թեգերը:
ֆուտբոլ, Հայաստան
Ըստ թեմայի
Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»
Հայաստանի հավաքականի ապագա կիսապաշտպանն ասել է՝ ինչպես է վարակվել COVID-19-ով
«Ինձ փորձություն է սպասում». Մխիթարյանը խոսել է «Սևիլիայի» հետ խաղի մասին
Валери Луреда (слева) наносит удар коленом Ларкину Дашу во время второго раунда боя по смешанным единоборствам на Bellator (14 июня 2019). Нью-Йорк

Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ

82
(Թարմացված է 17:16 08.08.2020)
Լորեդան բազմաթիվ անգամ քննադատության է ենթարկվել սոցիալական ցանցերում հրապարակած լուսանկարների ու տեսանյութերի համար։

ԵՐԵՎԱՆ, 8 օգոստոսի - Sputnik. Խառը մենամարտերի (MMA) ամերիկացի մարզիկ Վալերի Լորեդան Bellator 243 մրցաշարում նոկաուտով հաղթել է Տարա Գրաֆին։ Տեսանյութը հրապարակվել է կազմակերպության Twitter-յան էջում։

«Նա աննման է»․ Հոլիվուդի հայ աստղ Ադամ Սևանին պարել է Շաքիլ Օ'Նիլի հետ

22-ամյա ամերիկուհին մրցակցին նոկաուտի է ենթարկել երկրորդ ռաունդում։ Մենամարտը ժամանակից շուտ ավարտելուց հետո նա պարել է տեսախցիկի առջև։

​Լորեդան MMA-ում երեք հաղթանակ ունի ու ոչ մի պարտություն։ Նա բազմաթիվ անգամ քննադատության է ենթարկվել սոցիալական ցանցերում հրապարակած լուսանկարների ու տեսանյութերի համար։

Ես երջանիկ մարդ եմ, և թենիսն այստեղ կապ չունի. Խաչանովը` 19 տարեկանում ամուսնանալու մասին

Посмотреть эту публикацию в Instagram

Публикация от Master Valerie Loureda 💋 (@valerieloureda)

 

82
թեգերը:
տեսանյութ, մարզիկ, Կին
Ըստ թեմայի
«Ջորդանը նրան չի հասնի». Գալուստյանը սպորտում «ռեկորդներ» է սահմանում. տեսանյութ
Էդմեն Շահբազյանը գրանցել է կարիերայի առաջին պարտությունը. տեսանյութ
MMA–ի մարզիկը լուսանկար է հրապարակել. հայուհին նրա դեմքին 45 հարված է հասցրել
Նժդեհ Հովսեփյան

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

0
(Թարմացված է 23:53 08.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է Հայաստանում համավարակով պայմանավորված արտակարգ դրության ռեժիմի հերթական անգամ երկարաձգելուն և այն հանգամանքին, որ մեղմացվելու են մի շարք արգելքներ։
Հովսեփյան. «Հավաքների սահմանափակումն ընդամենը միտված էր վարակի տարածումը կանխելուն»

Նժդեհ Հովսեփյանի դիտարկմամբ` նախ պետք է հաշվի առնել` արդյո՞ք արտակարգ ռեժիմի անցնելու որոշում կայացնելիս իշխանությունը մտքում ուներ հենց հավաքների ազատության իրավունքի սահմանափակումը։ Ըստ նրա` ակնհայտ է, որ հայտնի շրջանակները, որոնք իշխանության նկատմամբ վերահսկողություն ստանալու խնդիր ունեն, միշտ այդ հարցը շահարկում էին, բայց միևնույն ժամանակ շատ լավ գիտեին, որ զանգվածային միջոցառումներ անցկացնելու պոտենցիալ անգամ չունեն, հետևաբար արտակարգ դրության ռեժիմի վերաբերյալ նրանց հայտարարությունները կրում էին ընդամենը սադրիչ քաղաքական շահարկումների բնույթ։

«Սահմանափակումների թուլացման հետ կապված որոշումը գալիս է փաստելու, որ արտակարգ դրության ռեժիմն ի սկզբանե չի սահմանվել լոկ հավաքների ազատության ռեժիմ դարձնելու համար։ Այդ սահմանափակումն ընդամենը միտված էր վարակի տարածումը կանխարգելելուն»,– նշում է վերլուծաբանը։

Հովսեփյանի համոզմամբ` արտակարգ դրության ռեժիմի պահպանման հիմնական խնդիրն իշխանությանն արտակարգ լիազորություններ թողնելն է, որովհետև ցանկացած պահի կարող ենք ունենալ համավարակի տարօրինակ բռնկում, հետևաբար իշխանությունը նման իրավիճակում պետք է օժտված լինի արտակարգ լիազորություններով, որպեսզի արագ արձագանքի և համապատասխան գործիքակազմը ներդնի ու կիրառի։

Վերլուծաբանի կարծիքով` սահմանափակումների մեղմացումը պայմանավորված է վերջին երկու շաբաթվա կտրվածքով հավամարակի տարածման տեմպերի զգալի թուլացմամբ, ինչպես նաև այն հանգամանքով, որ բողոքավոր զանգվածներին հնարավորություն տրվի իրենց բողոքն արտահայտել ավելի ազատ կերպով, քան նախկինում։

Կես տարվա արտակարգ կյանք Հայաստանում. դրությունը պահպանվում է, փոխվում են կանոնները

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

0
թեգերը:
Նժդեհ Հովսեփյան, Արտակարգ դրություն, Հայաստան
Ըստ թեմայի
Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին
Արման Թաթոյանը ՀԿ-ների հետ քննարկման արդյունքներն ուղարկել է պարետատուն
Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել