Արթուր Ալեքսանյան. արխիվային լուսանկար

Հայ ըմբիշները 7 մեդալ նվաճեցին Նիցցայում. օլիմպիական ուղեգրի պայքարը թեժանում է

194
(Թարմացված է 17:44 20.01.2020)
Հայաստանի համար հենակետային համարվող ըմբիշներն առայժմ ունեն օլիմպիական երկու ուղեգիր, բայց ամբողջ թափով նախապատրաստվում են վարկանիշային մրցումներին։ Ֆրանսիական Նիցցա քաղաքում անցկացված մրցումներին Հայաստանի հավաքականը հարուստ ավար հավաքեց։

ԵՐԵՎԱՆ, 20 հունվարի — Sputnik, Խաչիկ Չախոյան. Ֆրանսիայի Նիցցա քաղաքում հունվարի 16–19–ը անցկացված, Անրի Դեգլանի անունը կրող միջազգային մրցաշարում մեր հավաքականի յոթ ըմբիշներ կանգնեցին պատվո պատվանդանին, իսկ օլիմպիական չեմպիոն Արթուր Ալեքսանյանը հերթական անգամ իրեն հավասարը չունեցավ 97 կգ քաշային կարգում։

Մինչև Տոկիոյի օլիմպիական խաղերը կոնկրետ Արթուր Ալեքսանյանի համար բոլոր նման մրցաշարերն էլ լավ մարզավիճակ ձեռք բերելու նպատակ ունեն։ Հայ տիտղոսակիր ըմբիշն անցյալ տարի արդեն ապահովել է օլիմպիական ուղեգիրը` դառնալով աշխարհի առաջնության արծաթե մեդալակիր։ Բայց Ալեքսանյանը բոլոր մրցումներում էլ, ստանալով ֆավորիտի կարգավիճակ, ձգտում է հաղթել, ու Նիցցայում անցկացված մրցաշարն այդ առումով բացառություն չէր։

«Սպիտակ արջը» չորս գոտեմարտ անցկացրեց ու տոնեց նույնքան հաղթանակ։ Կասկածից վեր է, որ օլիմպիական խաղերում Ալեքսանյանը պայքարելու է օլիմպիական չեմպիոնի ոսկե մեդալի համար, որը նրա համար երկրորդը կլինի։

Իսկ ահա, թե ով տեղ կգտնի մեր հավաքականի կազմում օլիմպիական մյուս քաշայի կարգերում` հարց է։

77 կգ քաշային կարգում հաղթանակի հասնելու շատ լավ հնարավորություն ուներ Կարապետ Չալյանը։ Ընդ որում, այս քաշային կարգում էլ Հայաստանն ունի օլիմպիական վարկանիշ և այդ վարկանիշը վաստակել է հենց Չալյանը, կրկին աշխարհի առաջնության ժամանակ։

Պատանիների օլիմպիական խաղերը մեկնարկեցին. բացման արարողության ամենավառ կադրերը

Անրի Դեգլանի միջազգային մրցաշարի եզրափակչում Չալյանի մրցակիցը ղազախ Դեմեու Ժադրաևն էր, որն առաջին անգամն էր մասնակցում 77 կգ քաշայինների մրցումներին։ Մինչև այդ ղազախ ըմբիշն աշխարհի առաջնության արծաթե մեդալ էր վաստակել  ոչ օլիմպիական 72 կգ քաշային կարգում։ Եզրափակիչում հաջողությունն ուղեկցեց Ժադրաևիին, նա հաղթեց 5։2 հաշվով։

Այս քաշային կարգն առաջիկա ամիսների ընթացքում լինելու է ըմբշամարտի սիրահարների ուշադրության կենտրոնում, քանի որ օլիմպիական խաղերի փոխչեմպիոն Արսեն Ջուլֆալակյանն էլ Դանիայում հաղթանակի է հասել միջազգային մրցաշարում։ Թե նրանցից ով է ներկայացնելու Հայաստանը Տոկիոյում, առայժմ անհայտ է։ Կարապետ Չալյանի և Արսեն Ջուլֆալակյանի միջև ուժեղ մրցակցություն կա։ Մարզիչներն էլ դեռևս չեն նշում, թե ով է դուրս գալու օլիմպիական գորգ։

55 կգ քաշային Ռուդիկ Մկրտչյանը Հայաստան բերեց արծաթե մեդալը։ Նա Նիցցայի մրցաշարում, հասնելով եզրափակիչ, պարտություն կրեց վերջին գոտեմարտում։ Իսկ աշխարհի առաջնության բրոնզե մեդալակիր Սլավիկ Գալստյանը քաշային կարգը փոխելուց հետո առաջին անգամ մասնակցեց խոշոր մրցաշարի ու 67կգ քաշային կարգում զբաղեցրեց երրորդ տեղը։ Նույն արդյունքին հասան նաև Գևորգ Ղարիբյանը (60 կգ), Մալխաս Ամոյանը (72 կգ) և Ռուբեն Ղարիբյանը (82 կգ)։

Հայաստանի հավաքականի ըմբիշներից երեքը` Մաքսիմ Մանուկյանը (87 կգ), Արթուր Շահինյանը (97 կգ) և գերծանր քաշային Դավիթ Օվասափյանը պարտվեցին իրենց մեկնարկային գոտեմարտերում։

Այժմ Հայաստանի հավաքականի ըմբիշները նախապատրաստվելու են Եվրոպայի առաջնությանը, որը անցկացվելու է փետրվարի 10–16–ը Իտալիայի մայրաքաղաք Հռոմում։

Սիմոն Մարտիրոսյանը կարող է օլիմպիական չեմպիոն հռչակվել

Հավելենք, որ Եվրոպայի առաջնությունը օլիմպիական խաղերի վարկանիշային մրցաշար չի համարվում։ Հին մայրցամաքի առաջնության ավարտից հետո, վարկանիշային երկու մրցաշար կանցկացվի մարտի 19–22–ը Հունգարիայում և ապրիլի 30–ից մայիսի 3–ը Բուլղարիայում։

194
թեգերը:
մեդալ, օլիմպիադա, Ըմբշամարտի աշխարհի առաջնություն, ըմբշամարտիկ, Արթուր Ալեքսանյան
Ըստ թեմայի
«Մեր նպատակը Պեկինի Օլիմպիադան է»․ հայաստանցի գեղասահորդները չեն հանձնվելու
Օլիմպիադաներում բարձր արդյունքի հասած աշակերտները 2020 թ–ից անվանական կրթաթոշակ կստանան
Մելինե Դալուզյանը Լոնդոնի Օլիմպիադայի ժամանակ արգելված դեղամիջոցներ է օգտագործել. ՄՕԿ
Ֆուտբոլ

Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը

37
(Թարմացված է 14:41 10.07.2020)
Հայաստանի և Քուվեյթի հավաքականների հանդիպումը կկայանա Երևանում։

ԵՐԵՎԱՆ, 10 հուլիսի — Sputnik. Հայաստանի ազգային հավաքականն ընկերական հանդիպում կանցկացնի Քուվեյթի ընտրանու հետ: Հանդիպումը կկայանա Երևանում, նոյեմբերի 11-ին։ Տեղեկությունը հայտնում է ՀՖՖ մամուլի ծառայության Facebook-յան էջը։

«Ռոման» Մխիթարյանի փոխանցումը «հավերժացրել» է գրաֆիկայով

Ավելի վաղ տեղեկացրել էինք, որ Հայաստանի և Ալբանիայի ֆուտբոլի ֆեդերացիաների միջև ձեռք է բերվել համաձայնություն, համաձայն որի երկու երկրների ազգային հավաքականներն ընկերական հանդիպում կանցկացնեն: Խաղը կկայանա հոկտեմբերի 7-ին, Երևանի Վազգեն Սարգսյանի անվան «Հանրապետական» մարզադաշտում:

37
թեգերը:
Քուվեյթ, Հայաստանի ազգային հավաքական, ֆուտբոլ, ՀՖՖ, Հայաստան
Ըստ թեմայի
Մահացել է ԽՍՀՄ ֆուտբոլի հավաքականի նախկին մարզիչ Վլադիմիր Սալկովը
«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ
Դենիս Ջորկաեֆ

«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ

76
(Թարմացված է 23:17 09.07.2020)
Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

ԵՐԵՎԱՆ, 9 հուլիսի – Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանը երկու նոր խորհրդական ունի: Տեղեկությունը հայտնում է ՀՖՖ մամուլի ծառայությունը:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

ԱԺ պատգամավոր, «Իմ քայլը» խմբակցության քարտուղար Հակոբ Սիմիդյանը նշանակվել է ՀՖՖ նախագահ Արմեն Մելիքբեկյանի՝ ՀՀ կառավարության հետ կապերի գծով խորհրդական, իսկ ֆրանսիական Դեսին քաղաքի փոխքաղաքապետ, FeedConstruct սպորտային իրադարձությունների թվային կոնտենտ և դատա մատակարարող ընկերության դեսպան Դենիս Ջորկաեֆը՝ ՀՖՖ նախագահի՝ միջազգային հարցերով խորհրդական:

Денис Джоркаефф
Դենիս Ջորկաեֆ

ՀՖՖ-ի հաղորդագրության մեջ նշվում է, որ Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

Секретарь фракции Мой Шаг Акоб Симидян на заседании парламента Армении (15 января 2019). Еревaн
© Sputnik / Asatur Yesayants
Հակոբ Սիմիդյան

Արմեն Մելիքբեկյանը ՀՖՖ-ի նախագահն է 2019-ի դեկտեմբերից։ Մինչ այդ ՀՖՖ-ն նախագահում էր ԱԱԾ նախկին տնօրեն Արթուր Վանեցյանը։

Брифинг новоизбранного президента Федерации футбола Армении Армена Меликбекяна после внеочередного заседания ФФА (23 декабря 2019). Еревaн
© Sputnik / Asatur Yesayants.
Արմեն Մելիքբեկյան
76
թեգերը:
Արմեն Մելիքբեկյան, Հակոբ Սիմիդյան, Դենիս Ջորկաեֆ, ՀՖՖ, Հայաստան
Ըստ թեմայի
Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը
Ինչու է պարետատունը մերժել Հայաստանի ֆուտբոլի ֆեդերացիային
Սրմաքեշն իր խաբեությամբ սպանեց երկու «Արարատ». Վալերի Հովհաննիսյանը գաղտնիքներ է բացում
Լիլիթ Մակունցը, Ալեքսանդր Սանդիկովն ու Սերգեյ Կոպիրկինը

ՍԴ շուրջ զարգացումներից մինչև ավիափոխադրումներ. ինչ են քննարկել պատգամավորները և Կոպիրկինը

0
(Թարմացված է 17:00 10.07.2020)
Լիլիթ Մակունցը ՌԴ դեսպանին է ներկայացրել Հայաստանում ընթացող ներքաղաքական զարգացումները:

ԵՐԵՎԱՆ, 10 հուլիսի - Sputnik. ՀՀ ԱԺ «Իմ քայլը» խմբակցության ղեկավար Լիլիթ Մակունցն ու իմքայլական պատգամավոր Ալեքսեյ Սանդիկովը հանդիպում են ունեցել ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ: Տեղեկությունը Facebook-ի իր էջում հայտնել է Լիլիթ Մակունցը:

«Քննարկել ենք հայ-ռուսական հարաբերությունների զարգացմանն առնչվող օրակարգային հարցեր։ Որպես «Իմ քայլը» խմբակցության ղեկավար՝ դեսպանին ներկայացրել եմ մեր երկրում ընթացող ներքին քաղաքական զարգացումները»,- գրել է նա։

Հանդիպման ընթացքում կողմերն անդրադարձել են իրականացվող օրենսդրական փոփոխություններին, մասնավորապես, «Տեսալսողական մեդիայի մասին» օրինագծով առաջարկվող կարգավորումներին, Սահմանադրական դատարանի շուրջ ծավալվող իրադարձություններին։

Երկկողմ հարաբերությունների առաջմղման համատեքստում կարևորվել է խորհրդարանական դիվանագիտության դերը՝ ընդգծելով հատկապես կորոնավիրուսի համավարակով պայմանավորված ստեղծված իրավիճակում ընթացիկ հարցերը խորհրդարանական դիվանագիտության ճանապարհով կարգավորելու հանգամանքը։ Առանձնակի ընդգծվել է համաճարակի դեմ պայքարում Հայաստանի և Ռուսաստանի համատեղ ջանքերի կարևորությունը։

Մտքեր են փոխանակվել այս օրերին կանոնավոր ավիափոխադրումների բացակայության պայմաններում ՀՀ և ՌԴ քաղաքացիների՝ իրենց երկրներ վերադարձի ապահովման ուղղությամբ իրականացվող քայլերի մասին։

0