Հին ու նոր անուններ. ո՞վ կարող է խաղալ Հայաստանի ազգային հավաքականում
(Թարմացված է 23:31 16.01.2020)
Հայաստանի ֆուտբոլի ազգային հավաքականին վաղուց են հարկավոր նոր ֆուտբոլիստներ: Այդ ուղղությամբ աշխատում են ՀՖՖ համապատասխան բաժնում: Աշխարհի տարբեր երկրներում ապրող հայազգի ֆուտբոլիստները մեծամասամբ ուզում են խաղալ եռագույնի ներքո:ԵՐԵՎԱՆ, 16 հունվարի — Sputnik, Խաչիկ Չախոյան. Մի քանի օր առաջ լուրեր տարածվեցին, որ 32-ամյա ուրուգվայահայ Խոակին Բոգոսյանը փոխել է ակումբային իր գրանցումը և հանդես է գալու Ուրուգվայի «Ատլետիկո Սերո» թիմում, իսկ 20-ամյա Նաիր Տիկնիզյանը կարող է հեռանալ Մոսկվայի ԲԿՄԱ-ից: Այս երկու ֆուտբոլիստներից ու՞մ կարելի է սպասել Հայաստանի հավաքականում:
©
Sputnik / Aram Nersesyan
Խոակին Բոգոսյանի հետ կապված կարծես թե հարցի պատասխանը կա: Մեկ անգամ չէ, որ Բոգոսյանին հավաքական հրավիրելու հարցը և՛ քննարկվել է, և՛ ընդունվել է: Բայց ժամանակին Ուրուգվայի երիտասարդական հավաքականում մի քանի խաղ անցկացրած ուրուգվահայ ֆուտբոլիստը, հույսեր ուներ, որ հրավեր կստանա Ուրուգվայի ազգային հավաքականից, ու Հայաստանից հրավերին պատասխանում էր լռությամբ:
«Ամեն մարդու շապիկն իր մարմնին մոտ է»: Ահա այս տարբերակով առաջնորդվելով` Բոգոսյանը մտածում էր իր ապագայի մասին: Նույնիսկ տեսահոլովակները, որոնք հորդորում էին նրան ժամանել Հայաստան ու խաղալ պատմական հայրենիքի հավաքականում, նշանակություն չունեցան: Եղավ նաև մի զավեշտալի դրվագ, երբ ՀՖՖ նախկին նախագահ Ռուբեն Հայրապետյանը հայտարարեց, որ հավաքական ժամանելու փոխարեն Բոգոսյանը գնացել է զոքանչի ծնունդը տոնելու: Վերաբերմունքը պարզ էր: Հայազգի ֆուտբոլիստը չէր դիտարկում Հայաստանի ազգային հավաքականում խաղալու տարբերակը:
Բրազիլացու հայկական հետքը. ինչպես էր Պիզելին հայերեն թարգմանում հայերի համար
Հարավային Ամերիկայից-Եվրոպա տեղափոխվելով («Ռեդ Բուլ», «Սերկլ Բրյուգե» թիմեր)` Բոգոսյանը հաջողություններ չունեցավ: Հիմա արդեն 32 տարեկան է, և դժվար է պատկերացնել, որ մեր հավաքականի մարզիչը, ով էլ որ լինի, կդիտարկի նրա թեկնածությունը հավաքականում խաղալու համար: Չնայած`երբեք, մի ասա երբեք:
Իսկ ահա հայազգի մեկ այլ ֆուտբոլիստ՝ Նաիր Տիկնիզյանը շատ հավանական է, որ խաղա Հայաստանի ազգային հավաքականում: Հասկանալի է` անմիջապես հարց է առաջանում` ինչպե՞ս և ինչո՞ւ:
Նաիր Տիկնիզյանը նախ և առաջ ֆուտբոլային շատ լավ դպրոց է անցել: Մոսկվայի բանակայինների կազմում երկու մրցաշրջան հանդես է եկել ՈւԵՖԱ-ի Չեմպիոնների լիգայի երիտասարդական մրցաշարում, վերջապես խաղացել ԲԿՄԱ-ի կազմում (ճիշտ է` միայն փոխարինումների դուրս գալով): Տիկնիզյանը ծնվել է Սանկտ Պետերբուրգում, և ինչպես և Բոգոսյանը կարող է մտածել իր երկրի ազգային հավաքականի մասին (տվյալ դեպքում խոսքը Ռուսաստանի մասին է): Բայց Ռուսաստանի հավաքականի կազմում տեղ գտնելու համար մրցակցությունը շատ բարձր է: Մեղմ ասած` չես համեմատի Հայաստանի հետ:
Ներկա դրությամբ Տիկնիզյանն իր կարիերան շարունակելու համար մի քանի առաջարկ ունի ռուսական տարբեր ակումբներից: ԲԿՄԱ-ն չի դիտարկում նրա տրանսֆերը, բացի այդ transfermarkt հայտնի կայքում նրա տրանսֆերը բավականին թանկ է գնահատվում՝ 350 հազար եվրո:
Երեք նոր մարզիչ` Ռուսաստանից Հայաստան. ինչ կտա հայկական ֆուտբոլին այս փոփոխությունը
Մնում է միայն ժամանակի ընթացքում հասկանալ` արդյո՞ք կուզի նա խաղալ Հայաստանի հավաքականի կազմում, եթե հրավեր լինի: Հայ ֆուտբոլիստը դեռ 20 տարեկան է, բայց միգուցե նա հենց այն տարբերակն է, որի մասին խոսում էին Հայաստանի ազգային հավաքականի մարզիչները` նշելով, որ մեր ընտրանուն նոր արյուն է հարկավոր:
Վազգեն Մանուկյանը դիմել է Լևոն Արոնյանին և խնդրել վերանայել իր որոշումը
(Թարմացված է 14:50 04.03.2021)
Մանուկյանը խոստացել է, որ այս իշխանությունը շուտով հեռանալու է, և միասնական ջանքերով ոլորտ առ ոլորտ վերացնելու ենք քաոսը, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:ԵՐԵՎԱՆ, 4 մարտի – Sputnik. Հայրենիքի փրկության շարժման վարչապետի միասնական թեկնածու Վազգեն Մանուկյանը նամակով դիմել է հայկական շախմատի առաջատար Լևոն Արոնյանին և խնդրել նրան հնարավորություն գտնել վերանայելու իր` ԱՄՆ մեկնելու որոշումը։
Նշենք, որ շախմատի գրոսմայստեր Լևոն Արոնյանը հայտարարել էր Հայաստանը լքելու ու ԱՄՆ շախմատիստների թիմակիցը դառնալու մասին։
«Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։
Նա նաև շեշտել էր, որ տարիներ շարունակ տարբեր երկրներից հանդես գալու բազմաթիվ գրավիչ առաջարկներ է ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդից։
«Ցավով կարդացի Ձեր վերջին հայտարարությունը՝ Հայաստանից հեռանալու և մարզական կարիերան ԱՄՆ-ում շարունակելու որոշման հետ կապված»,–գրել է Մանուկյանը:
Նա ընդգծել է, որ Հայաստանը միշտ հպարտացել է Արոնյանով, որ նա եղել է բոլորի պարծանքն ու ոգեշնչման աղբյուրը հազարավոր պատանիների ու երիտասարդների համար: Արոնյանի շնորհիվ հայկական շախմատը նորանոր բարձունքներ է նվաճել ու մեր երկրին պարգևել բազում հաղթանակներ:
«Դուք իրավացի եք, այս իշխանությանն իսկապես հաջողվեց պառակտել նաև շախմատային համերաշխ ընտանիքը և ոլորտը վերածել քաոսի, ինչպես քաոսի վերածեց բոլոր ոլորտներն ու ողջ երկիրը:
Բայց հավատացեք, մեր ժողովուրդն այլևս թույլ չի տալու, որ մեր երկրի, մեր տաղանդավոր զավակների կերտած հաղթանակները ոչնչացվեն»,–գրել է Մանուկյանը:
«Դա սպորտսմենի իրավունքն է». ԿԳՄՍ նախարարը` Արոնյանի որոշման մասին
Նա խոստացել է, որ այս իշխանությունը շուտով հեռանալու է, և մենք միասնական ջանքերով ոլորտ առ ոլորտ վերացնելու ենք քաոսը, վերականգնելու ենք արժանապատվությունն ու հաղթանակները, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:
Վազգեն Մանուկյանը պատրաստակամություն է հայտնել նաև հանդիպել Լևոն Արոնյանի և շախմատային աշխարհի մյուս հեղինակավոր ներկայացուցիչների հետ՝ քննարկելու ոչ միայն շախմատային ոլորտի, այլ մեր երկրի ապագայի զարգացման գործում նրանց անգնահատելի մասնակցությունը:
«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ
(Թարմացված է 23:41 03.03.2021)
Հայ ֆուտբոլիստի երկրպագուները գովել են Օզբիլիսի տղայի ֆուտբոլային ունակությունները` ասելով, որ այսպես նա հորն էլ կանցնի։ԵՐԵՎԱՆ, 3 մարտի - Sputnik. «Փյունիկ» ֆուտբոլային ակումբի կիսապաշտպան Արաս Օզբիլիսն Instagram-ի իր հետևորդներին մի զվարճալի տեսանյութ է ներկայացրել, որտեղ նրա 2-ամյա որդին գոլ է խփում։
«Նա ուրախ է, որ գոլ է խփում»,–տեսանյութին կից գրել է Օզբիլիսը։
View this post on Instagram
Տեսանյութում երևում է, թե ինչպես է ոգևորված երեխան իրար հետևից գրավում դարպասը և անգամ դրա` գետնին տապալվելուց հետո փոքրիկը շարունակում է գնդակով հարվածել դարպասին։
Օզբիլիսի մարզաշապիկն աճուրդում վաճառվել է 1025 դոլարով. գումարը կուղղվի Արցախին
Օզբիլիսի հետևորդները մեկնաբանել են տեսանյութը` գրելով, որ «Հայրիկին է քաշել» տղան։ Հայ մեկ ուրիշ ֆուտբոլիստ էլ` կիսապաշտպան Արտյոմ Սիմոնյանը, կատակել է, թե երեխան հորից լավ է գոլ խփում։
Սյունիքում պետք է ստեղծվի 5-7 կմ տարածությամբ ապառազմականացված անվտանգության գոտի. Թաթոյան
(Թարմացված է 12:31 05.03.2021)
Արման Թաթոյանը հետևյալ հարցադրումն է անում. ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանական զինված ուժերից։
ԵՐԵՎԱՆ, 5 մարտի - Sputnik. Սյունիքում պետք է ստեղծվի ապառազմականացված անվտանգության գոտի։ Այսօր կայացած ասուլիսի ժամանակ նման համոզմունք հայտնեց ՀՀ մարդու իրավունքների պաշտպան Արման Թաթոյանը։
ՄԻՊ–ը կոնկրետ օրինակներով ու տեսանյութերով ապացուցեց, որ Սյունիքում ապառազմականացված անվտանգության գոտի ստեղծելու կարիք կա` ասելով, որ իրենց աշխատանքներն են փաստում այդ մասին։
«Ակնհայտ խնդիրներ կան։ Օրինակ, մեր ունեցած տեսանյութերում երևում է, թե ինչպես են Սյունիքի գյուղերի վրա կրակում։ Մասնագիտական ուսումնասիրություն է կատարվել և պարզվել է, որ «Կալաշնիկովի» ձեռքի գնդացրով, «Դրագունովի» դիպուկահար հրացանով, «Կալաշնիկովի» գնդացրով և Մ93 հրացանով են կրակում Սյունիքի գյուղերի վրա»,–ասաց Թաթոյանը` հավելելով, որ վերջին օրերին էլ Շիկահողի և Ներքին հանդի ուղղությամբ են կրակոցներ հնչել։
Նա հայտնեց նաև, որ այժմ սահմաններին կանգնած են մարդիկ, որոնք ամիսներ առաջ ծեծում և խոշտանգում էին մեր հայրենակիցներին։
Օրինակ, մենք ապացույց տեսանյութեր ունենք, որ ադրբեջանցի հրամանատարն ասում է` ընկերոջը հայի ականջներ է խոստացել և ցուցադրաբար, ծաղրի ենթարկելով, կտրում է հայի ականջները։ Մեկ ուրիշ տեսանյութում էլ քաղաքացիական անձին են ծեծի ենթարկում` ասելով, թե դուք մարդ չեք։
Թաթոյանը նշում է` ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանակն զինված ուժերից։
ՄԻՊ–ը շեշտեց` այս ամենը հաշվի Սյունիքի ապառազմականացված անվտանգության գոտի (առնվազն 5-7 կմ տարածությամբ) ստեղծելն անհրաժեշտություն է։ Սա հիմնված է այն զինատեսակների վրա, որոնցով Ադրբեջանը շարունակում է կրակել։ Թաթոյանը հայտնեց` հարցն արդեն իսկ ներկայացրել է միջազգային կառույցներին։
Հիշեցնենք, որ Թաթոյանը դեռ 2020-ի դեկտեմբերի 22-ին հայտնել էր, թե որ համայնքից որքան տարածք է անցել թշնամուն։ Տեղ համայնքում, որի մեջ են մտնում Խոզնավարը, Խնածախը, 2000 հեկտարից ավելի մասնավոր սեփականություն կա, որից զրկվել ենք։ Շուռնուխում 11 տուն է անցել թշնամուն, Որոտանում` 326 հեկտարից ավելի մասնավոր և համայնքային սեփականություն համարվող հողատարածքներից են զրկվել։ 18-20 այգեգործական տնակներ Որոտանում կառուցվել են այն հողերի վրա, որոնք ՀՀ գործկոմի որոշումներով են հատկացվել մարդկանց, որոնցից նույնպես զրկվել ենք։
Ագարակ գյուղում մարդիկ զրկվել են 60 հա մասնավոր և համայնքային սեփականություն համարվող տարածքից, Եղվարդում` 110 հա վարելահողից և 50 հա արոտավայրից, Ճակատենում` 30 հա վարելահողից և 25 հա արոտավայրից։