Մարկոս Պիզելին. արխիվային լուսանկար

Բրազիլացու հայկական հետքը. ինչպես էր Պիզելին հայերեն թարգմանում հայերի համար

1112
(Թարմացված է 00:54 12.01.2020)
2006 թվականին սկսելով իր ելույթները Հայաստանի ֆուտբոլի բարձրագույն խմբի առաջնությունում՝ Մարկոս Պիզելին  հետագայում հանդես եկավ արտասահմանյան շատ ակումբներում: 14 տարի անց նա ավարտեց իր ֆուտբոլային կարիերան Հայաստան վերադառնալուց հետո:

ԵՐԵՎԱՆ, 11 Հունվարի — Sputnik, Խաչիկ Չախոյան. Հայաստանի ազգային հավաքականի նախկին կիսապաշտպան Մարկոս Պիզելին «Արարատ-Արմենիայի» հետ պայմանագիր ստորագրած լինելով հանդերձ, այնուամենայնիվ, ստիպված է ավարտել իր կարիերան վնասվածքի պատճառով:

Մարկոս Պիզելին վերադառնում է Հայաստան

Խոսել այն մասին, թե երբ Մարկոսը հայտնվեց Հայաստանում ու հետագայում ինչ արդյունքների հասավ խաղալով ազգային հավաքականում` «հեծանիվ հայտնաբերել» չի հաջողվի:

Իսկ ահա այն, որ Մարկոսը մեր հավաքականի մարզաշապիկը կրում էր պատվով, համբուրում այն գոլ խփելուց հետո և բացի այդ խոսում հայերեն ու թարգմանիչ աշխատում ռուսալեզու ֆուտբոլիստների համար, ասել պետք է:

Մենք չենք մոռանում երջանկահիշատակ Յան Պորտերֆիլդին իր կատարած աշխատանքի ու Հայաստանի հավաքականին նվիրվելու համար: Չէ՞ որ շոտլանդացին ասում էր ՝ «we are Armenians» (մենք հայ ենք)։ Մարկոսը դարձավ երկրորդ արտասահմանցին, որն իրեն դրսևորեց ազգային հավաքականում, ընկերացավ հայ խաղընկերների հետ ու մարզումների ու խաղի ժամանակ էլ դարձավ կապող օղակ նրանց միջև:

Պիզելի, քեզանից խելացի խաղ ենք սպասում. հայ կիսապաշտպանը միացել է ղազախներին

«Աշխարհի շինողն ու քանդողը լեզուն է» արտահայտությունը տեղին է ասված Մարկոս Պիզելիի համար: Պորտուգալերենին ու անգլերենին տիրապետելով` նա խոսեց հայերեն, իսկ Ռուսաստանում ու Ղազախստանում հանդես գալու տարիներին հղկեց նաև ռուսերենը: Հավաքական ժամանած հայազգի ֆուտբոլիստները, որոնք հայերեն չգիտեին, Մարկոսի միջոցով էին անմիջապես հասկանում մարզչական հրահանգներն ու խաղի միտքը: Զավե՞շտ է։ Միգուցե։ Բայց փաստ է:

Երբ Մարկոսին Հայաստանի քաղաքացիություն էին շնորհում, ոչ ոք ֆուտբոլից բացի այլ բանի մասին չէր մտածում: Ցավալի է, անկասկած, որ թեկուզ 35 տարեկանում, բայց վնասվածքի պատճառով է ֆուտբոլիստն ավարտում կարիերան: Պիզելին հաստատ կարող էր օգտակար լինել «Արարատ-Արմենիային», և նրա ներկայությունը բարձրագույն խմբի առաջնությանը որոշակի փայլ կհաղորդեր մրցաշարին: Բայց առաջնայինը առողջությունն է, և դա քննարկելի չէ:

Հետաքրքիր է, թե ինչով կարող է զբաղվել Մարկոս Պիզելին ֆուտբոլիստի կարիերան ավարտելուց հետո: Այդ մասին «ամենահայ բրազիլացին» դեռևս ոչ մի բան չի ասել, բայց նա հաստատ կարող է կապ ստեղծել Հայաստանի հետ արդեն առանց ֆուտբոլի: Լեզուների իմացությունը և այն սերն ու հարգանքը, որ վայելում է Պիզելին Հայաստանում, նրան տալիս են այդ հնարավորությունը:

Պիզելին՝ որպես անձնավորություն, հավաքականի ու հայկական թիմերի անդորրն էր ու հաջողության գրավականներից մեկը: Խաղից առաջ նրա հետ տրամադրվում էին խաղին, իսկ հանդիպման ընթացքում ձգտում անպայման հաղթել ու գոլ խփելիս խաչակնքել: «Աղոթքն իր տեղն ուներ, թուրը` իր տեղը»:

Մարկոս Պիզելին վիրահատվել է Բրազիլիայում

Արժանին մատուցելով Մարկոս Պիզելիի` հայաստանյան հարուստ ֆուտբոլային կենսագրությանը՝ հարկ է հիշել նրա խոսքերը 2011 թվականին. «Ճիշտ է, ես Կովկասում չեմ ծնվել, բայց 99 տոկսով ինձ հայ եմ համարում և 1 տոկսով բրազիլացի, որովհետև արձակուրդներս Բրազիլիայում եմ անցկացնում»:

Հիմա Հայաստանի ազգային հավաքականի կազմում 66 խաղ անցկացրած ու 11 գոլի հեղինակ դարձած Հայաստանի քաղաքացին իր կարիերան Հայաստանում ավարտելուց հետո նորից արձակուրդ է մեկնում ծննդավայր Բրազիլիա:

1112
թեգերը:
հայերեն, Հայաստանի ֆուտբոլի ֆեդերացիա, Հայաստան, Արարատ–Արմենիա, ֆուտբոլիստ, ֆուտբոլ, Բրազիլիա, Մարկոս Պիզելի
Ըստ թեմայի
Հայաստանի հավաքականի ֆուտբոլիստ Պիզելին տեղափոխվել է Սաուդյան Արաբիա
Մարկոս Պիզելին արդեն հայերեն գիտի. «Ամեն ինչ սկսվեց հայհոյանքներից»
Հայկական եռյակը Ղազախստանում. Օզբիլիսը, Մովսիսյանը և Պիզելին կտեղափոխվե՞ն «Ակտոբե»
Մարկոս Պիզելին վիրահատվել է Բրազիլիայում
Մարկոս Պիզելին արժանացավ 2018 թ–ի «Հայաստանի լավագույն ֆուտբոլիստ» մրցանակին. տեսանյութ
Բռնցքամարտ

Հայ բռնցքամարտիկը տեխնիկական նոկաուտով հաղթեց ադրբեջանցուն

84
(Թարմացված է 10:35 20.06.2021)
ժորժիկ Մարությանի հարվածներից մեկի ժամանակ ադրբեջանցին ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը։

ԵՐԵՎԱՆ, 20 հունիսի – Sputnik. Իտալիայում անցկացվող բռնցքամարտի Եվրոպայի մինչև 22 տարեկանների առաջնության 3-րդ մրցումային օրը կաշվե ձեռնոցի հայ պատվիրակների հաղթարշավը շարունակվում է: Երեկ մրցահերթում ռինգ դուրս եկած մեր բոլոր բռնցքամարտիկները հաղթել են իրենց մրցակիցներին: Տեղեկությունը հայտնում է Հայաստանի բռնցքամարտի ֆեդերացիայի մամուլի քարտուղարությունը:

56 կգ քաշային Արթուր Բազեյանը մրցավարների միաձայն որոշմամբ առավելության է հասել բելառուս Մաքսիմ Պանկաուի նկատմամբ:

60 կգ քաշային ժորժիկ Մարությանն իր առաջին մենամարտում հաղթանակ է տոնել ադրբեջանցի Ջալալ Գառբանովի նկատմամբ:

«Առաջին երկու ռաունդներում մեր բռնցքամարտիկը ուներ հսկայական առավելություն ու նրա հարվածաշարերից մեկի ժամանակ մրցակիցը ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը»,– նշված է հաղորդագրության մեջ:

Այնուհետև բժիշկները թույլ չեն տվել շարունակել մենամարտը, և քանի որ Մարությանը նաև միավորներով է մեծ առավելություն ունեցել, հաղթանակը շնորհվել է հայ մարզիկին: Գեղեցիկ հաղթանակ է տոնել նաև Արմեն Մաշակարյանը, որի համար սա երկրորդն էր այս առաջնությունում: Այս անգամ Մաշակարյանը պարտության է մատնել մոլդովացի Նիկոլա Բուկսային:

Պատանեկան ԵԱ․ Անդրանիկ Ավետիսյանը ջախջախեց ադրբեջանցուն

 

84
թեգերը:
հաղթանակ, ադրբեջանցի, հայ, բռնցքամարտ
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

51
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

51
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Ընտրատեղամաս. Երևան

Տեղամասում բռնություն գործադրելու փաստով հարուցվել է մեկ քրեական գործ. նոր տվյալներ

0
(Թարմացված է 16:58 20.06.2021)
Դատախազության ներկայացուցիչը հիշեցնում է` ՀՀ Քրեական օրենսգրքով ընտրական իրավունքի խախտումների համար նախատեսված են պատժաչափեր` մինչև 5 տարի ազատազրկման ժամկետով։

ԵՐԵՎԱՆ, 20 հունիսի – Sputnik. ՀՀ Գլխավոր դատախազությունն արտահերթ ընտրությունների քվեարկության ընթացքում արդեն ստացել է 64 հաղորդում և ահազանգ, որոնցից 11-ը ԶԼՄ–ների հրապարակումներ են, 28-ը` քաղաքացիների ահազանգեր, 2-ը` սոցցանցերում կատարված գրառումներ, 23-ը` ոստիկանության ծառայողների կողմից ստացված օպերատիվ տվյալներ։ Տեղեկությունն այսօր ԿԸՀ–ում կազմակերպված ասուլիսում հայտնեց դատախազության ներկայացուցիչ Էդգար Արսենյանը։

«Ստացված հաղորդումներից ու ահազանգերից 16–ը վերաբերում են քվեարկության գաղտնիությունը խախտելու դեպքերին, 1-ը` ընտրողների ցուցակ կազմելուն ու այն կուսակցություններին տրամադրելու կամ հրապարակելու կարգը խախտելուն, 6-ը` ընտրողներին կաշառք տալու և ստանալու դեպքերին, 16-ը` ընտրական իրավունքի իրացմանը խոչընդոտելուն, 2-ը` քարոզչությանը մասնակցելուն հարկադրելուն կամ խոչընդոտելուն, 4-ը` տեղամասային կենտրոններում կամ դրան հարող տարածքում բռնություն գործադրելուն կամ դրա սպառնալիքի դեպքերի առթիվ։ Ի դեպ, այս հոդվածով արդեն հարուցվել է 1 քրեական գործ ու  իրականացվում է նախաքննություն։ Եվս 15–ը` մեկից ավելի անգամ քվեարկելու դեպքերի առթիվ»,– ասաց Արսենյանը։

Նա նաև հիշեցրեց, որ ՀՀ Քրեական օրենսգրքով ընտրական իրավունքի խախտումների համար նախատեսված են  պատժաչափեր` մինչև 5 տարի ազատազրկման ժամկետով։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

0
թեգերը:
Քրեական գործ, քվեարկություն, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ընտրողների 26.82 տոկոսն արդեն իսկ մասնակցել է ընտրություններին
«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում