Մարկոս Պիզելին. արխիվային լուսանկար

Ցտեսություն, Հայաստան. ամենահայ բրազիլացին ավարտում է ֆուտբոլային կարիերան. տեսանյութ

170
(Թարմացված է 18:25 11.01.2020)
Բրազիլիայում անհատական պարապմունքների ժամանակ ստացած վնասվածքի պատճառով Պիզելիին վիրահատություն է անհրաժեշտ, որից, սակայն, նա հրաժարվել է` գերադասելով ավարտել ֆուտբոլային կարիերան։

ԵՐԵՎԱՆ, 11 հունվարի – Sputnik. «Արարատ-Արմենիա» ֆուտբոլային ակումբի ֆուտբոլիստ Մարկոս Պիզելին ավարտում է ֆուտբոլիստի կարիերան: Այս մասին տեղեկանում ենք ակումբի պաշտոնական էջից։

Նշվում է, որ Բրազիլիայում անհատական պարապմունքների ժամանակ ստացած վնասվածքի պատճառով ֆուտբոլիստը հավելյալ բուժզննում է անցել Հայաստանում և պարզ է դարձել, որ նրան անհրաժեշտ է վիրահատություն, որից, սակայն, Պիզելին հրաժարվել է և որոշել ավարտել իր կարիերան:

Մարկոս Պիզելին վերադառնում է Հայաստան

«Արարատ-Արմենիան» հրապարակել է տեսանյութ, որում Մարկոսը մանրամասն ներկայացնում է պատճառները:

Ակումբը շնորհակալություն է հայտնում Մարկոս Պիզելիին և մաղթում հաջողություններ:

Նշենք, որ Պիզելին Հայաստան էր ժամանել 2020թ.–ի հունվարի 7-ին։ Ավելի վաղ հայտնի էր դարձել, որ նա պետք է խաղա «Արարատ-Արմենիայի» կազմում։ Ակումբը հրապարակվել էր նաև Պիզելիի ամանորյա ուղերձը, որում նա հայերեն մաղթանքներ է հղում «Արարատ–Արմենիայի» երկրպագուներին։ 

Մարկոս Պիզելին վիրահատվել է Բրազիլիայում

Նշենք, որ նախկինում Հայաստանի ազգային հավաքականի կազմում Պիզելին անցկացրել է 66 խաղ ու դարձել 11 գոլի հեղինակ: Իսկ հայկական վերջին ակումբը, որի կազմում հանդես է եկել Պիզելին, եղել է «Փյունիկը», որտեղից էլ 2011 թվականին տեղափոխվեց Դոնեցկի «Մետալուրգ»:

Բրազիլացի ֆուտբոլիստը 35 տարեկան է։

170
թեգերը:
տեսանյութ, Արարատ–Արմենիա, ֆուտբոլիստ, ֆուտբոլ, Հայաստան, Մարկոս Պիզելի
Ըստ թեմայի
Մարկոս Պիզելին վիրահատվել է Բրազիլիայում
Մարկոս Պիզելին արժանացավ 2018 թ–ի «Հայաստանի լավագույն ֆուտբոլիստ» մրցանակին. տեսանյութ
«Ամենահայ բրազիլացի» Մարկոս Պիզելին պաշտոնապես դարձավ «Արարատ–Արմենիայի» ֆուտբոլիստ
«Ամենահայ բրազիլացին» ու Ռոման Բերեզովսկին ժամանել են Հայաստան. լուսանկարներ