Ֆուտբոլ

Երեք նոր մարզիչ` Ռուսաստանից Հայաստան. ինչ կտա հայկական ֆուտբոլին այս փոփոխությունը

267
Ռուսաստանի պրեմիեր լիգայում աշխատած 3 մարզիչ տեղափոխվել են Հայաստան` հայկական ակումբների ֆուտբոլիստներին մարզելու համար։ Բարձրագույն խմբի առաջնությունը վերսկսվելու է փետրվարի 28-ին: Թե քանի նոր ֆուտբոլիստ կստանա հայաստանյան գրանցում, ցույց կտա ժամանակը:

Խաչիկ Չախոյան, Sputnik Արմենիա

Այս առաջնության երկրորդ կեսից 3 նոր մարզիչներ սկսեցին գլխավորել հայկական ֆուտբոլային 3 ակումբ։ Ռոման Բերեզովսկին ստանձնեց «Փյունիկի» ղեկը, Իգոր Կոլիվանովը նշանակվեց «Արարատի» գլխավոր մարզիչ, իսկ Նոր տարուց առաջ «Ուրարտուն» սկսեց գլխավորել Ալեքսանդր Գրիգորյանը: Ռուսաստանի պրեմիեր լիգայից Հայաստան տեղափոխված այս երեք մասնագետների աշխատանքը հաստատ կփոխի մեր բարձրագույն առաջնության ընթացքը: Թե ո՞վ կհասնի հաջողության, ցույց կտա ժամանակը, չէ որ նրանց դիմագրավելու են ոչ պակաս փորձառու հայ մարզիչներ:

Պարզ է, որ վերը նշված մարզիչներից յուրաքանչյուրն ունի իր խաղային ձեռագիրը: Բայց նաև չմոռանանք, որ ֆուտբոլում մարզչի մտահաղացումն իրականություն են դարձնում ֆուտբոլիստները: Արդյո՞ք «Փյունիկում», «Արարատում» և «Ուրարտուում» կան Բերեզովսկու, Կոլիվանովի և Գրիգորյանի պահանջներին համապատասխանող խաղացողներ:

Բոլոր երեք թիմերում էլ, հավանաբար, կհայտնվեն նոր ֆուտբոլիստներ: Համենայնդեպս խաղային տարբեր օղակներում մարզիչները կձգտեն խաղադաշտ դուրս բերել իրենց խաղաոճին համապատասխանող ֆուտբոլիստներ:

Տրանսֆերային նորություններ հայկական ֆուտբոլային ակումբներում. ով ուր կգնա

Քանի որ տրանսֆերային պատուհանը Հայաստանում փակվում է փետրվարի 28-ին, դեռ նոր ձեռքբերումների ժամանակ կա: Բացի այդ բարձրագույն խմբի թիմերն արդեն սկսում են իրենց մարզումները, ու մինչ առաջնության վերսկսումը կլինեն նաև ուսումնամարզական հավաքներ ու ստուգողական բազմաթիվ հանդիպումներ: Sputnik Արմենիան հակիրճ ներկայացնում է 3 նոր մարզիչների սպորտային կարիերայի կարևոր դրվագները։

Ռոման Բերեզովսկի

Ռուսաստանում աշխատած երեք մարզիչներից նախ առանձնացնենք Ռոման Բերեզովսկուն, ում համար «Փյունիկի» գլխավոր մարզչի աշխատանքը մարզչական առաջին ու մեծ փորձն է լինելու: Մինչև այդ Հայաստանի հավաքականի նախկին ու լեգենդար դարպասապահը միայն երկու շաբաթով, այն էլ ԺՊ կարգավիճակով, գլխավորել է Սոչիի համանուն թիմը:

Հասկանալի է, որ Բերեզովսկին տիրապետում է հայկական ֆուտբոլում մարզչական աշխատանքի տեսական տարբերակին, իսկ թե ինչպես կհաջողվի տեսականը գործնականի վերածել, կտեսնենք աստիճանաբար: «Փյունիկի» համար լուրջ խնդիր է լավագույն վեցնյակում տեղ գտնելը: 15 տուրերից հետո ակումբը չորս միավորով հետ է մնում վեցերորդ տեղում ընթացող «Նոայից»:

Իգոր Կոլիվանով

Իգոր Կոլիվանովը ֆուտբոլային շատ հարուստ կենսագրություն ունի: Ինչպես և Բերեզովսկին, նա նույնպես ժամանակին իր երկրի՝ Ռուսաստանի հավաքականի ֆուտբոլիստ է եղել: Քիչ չեն հաջողությունները նաև մարզչական գործունեության մեջ: 2006 թվականին Կոլիվանովի գլխավորած Ռուսաստանի մինչև 17 տարեկանների հավաքականը նվաճել է Եվրոպայի չեմպիոնի կոչումը:

Կոլիվանովը գլխավորել է նաև Ռուսաստանի երիտասարդական հավաքականը: Գլխավոր մարզչի պաշտոնում «Ուֆային» դուրս է բերել Ռուսաստանի Պրեմիեր լիգա, իսկ «Տորպեդոյին» ապահովել տեղը Ռուսաստանի ազգային լիգայում: Մեղմ ասած`նա բավականին մեծ փորձ ունի մարզչական աշխատանքում: Ֆուտբոլից բացի Կոլիվանովը սիրում է ձկնորսություն: Որտեղ ու ինչ չափի «ձուկ» կբռնի ռուս մասնագետը Հայաստանում, կտեսնենք առաջիկայում: Համենայնդեպս, «Արարատն» առաջնության առաջին հատվածում պայքարում էր առաջին տեղի համար:

Ալեքսանդր Գրիգորյան

Ալեքսանդր Գրիգորյանը մարզչական շատ հարուստ կենսագրություն ունի: Ոմանք նրան ավելի շատ համարում են կանանց ֆուտբոլի գիտակ, ու Գրիգորյանը չի հերքում, որ ինքը կանանց ֆուտբոլում լավ արդյունքների է հասել: Բայց հայազգի մարզիչը, բացի կանանց թիմերից, մարզել է նաև տղամարդկանց շատ ակումբներ ու ունի յուրահատուկ խաղային ձեռագիր: Թվարկել նրա մարզած թիմերին, իմաստ չունի, քանի որ դրանք շատ են: Այն, որ Գրիգորյանը կարող է կտրուկ փոխել «Ուրարտուի» խաղաոճը կասկածից վեր է:

«Ամենահայ բրազիլացին» ու Ռոման Բերեզովսկին ժամանել են Հայաստան. լուսանկարներ

Ընդամենը երկու հանդիպում անցկացնելով «Ուրարտուի» գլխավոր մարզչի պաշտոնում (Բարձրագույն խմբի մեկ և գավաթի խաղարկության մեկ խաղ)` Գրիգորյանը տոնեց մեկ հաղթանակ և մեկ հանդիպում էլ ավարտեց ոչ ոքի: Դրանից հետո նա հրաժարվեց Պապե Աբդու Կամարայից: Այսինքն` ակնհայտ է, որ «Ուրարտուում» նոր ֆուտբոլիստներ կլինեն:

267
թեգերը:
մարզիչ, Ռոման Բերեզովսկի, Ալեքսանդր Գրիգորյան, Փյունիկ, Արարատ–Արմենիա, ֆուտբոլիստ, ֆուտբոլ, ՀՖՖ, Հայաստան
Ըստ թեմայի
«Ամենահայ բրազիլացի» Մարկոս Պիզելին պաշտոնապես դարձավ «Արարատ–Արմենիայի» ֆուտբոլիստ
Արթուր Վանեցյանը քաղաքական ենթատեքստով ուղերձ է հղել
«Ամենահայ բրազիլացին» ու Ռոման Բերեզովսկին ժամանել են Հայաստան. լուսանկարներ
Հենրիխ Մխիթարյանը կրկին վնասվածք է ստացել
Ֆուտբոլ

Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը

37
(Թարմացված է 14:41 10.07.2020)
Հայաստանի և Քուվեյթի հավաքականների հանդիպումը կկայանա Երևանում։

ԵՐԵՎԱՆ, 10 հուլիսի — Sputnik. Հայաստանի ազգային հավաքականն ընկերական հանդիպում կանցկացնի Քուվեյթի ընտրանու հետ: Հանդիպումը կկայանա Երևանում, նոյեմբերի 11-ին։ Տեղեկությունը հայտնում է ՀՖՖ մամուլի ծառայության Facebook-յան էջը։

«Ռոման» Մխիթարյանի փոխանցումը «հավերժացրել» է գրաֆիկայով

Ավելի վաղ տեղեկացրել էինք, որ Հայաստանի և Ալբանիայի ֆուտբոլի ֆեդերացիաների միջև ձեռք է բերվել համաձայնություն, համաձայն որի երկու երկրների ազգային հավաքականներն ընկերական հանդիպում կանցկացնեն: Խաղը կկայանա հոկտեմբերի 7-ին, Երևանի Վազգեն Սարգսյանի անվան «Հանրապետական» մարզադաշտում:

37
թեգերը:
Քուվեյթ, Հայաստանի ազգային հավաքական, ֆուտբոլ, ՀՖՖ, Հայաստան
Ըստ թեմայի
Մահացել է ԽՍՀՄ ֆուտբոլի հավաքականի նախկին մարզիչ Վլադիմիր Սալկովը
«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ
Դենիս Ջորկաեֆ

«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ

76
(Թարմացված է 23:17 09.07.2020)
Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

ԵՐԵՎԱՆ, 9 հուլիսի – Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանը երկու նոր խորհրդական ունի: Տեղեկությունը հայտնում է ՀՖՖ մամուլի ծառայությունը:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

ԱԺ պատգամավոր, «Իմ քայլը» խմբակցության քարտուղար Հակոբ Սիմիդյանը նշանակվել է ՀՖՖ նախագահ Արմեն Մելիքբեկյանի՝ ՀՀ կառավարության հետ կապերի գծով խորհրդական, իսկ ֆրանսիական Դեսին քաղաքի փոխքաղաքապետ, FeedConstruct սպորտային իրադարձությունների թվային կոնտենտ և դատա մատակարարող ընկերության դեսպան Դենիս Ջորկաեֆը՝ ՀՖՖ նախագահի՝ միջազգային հարցերով խորհրդական:

Денис Джоркаефф
Դենիս Ջորկաեֆ

ՀՖՖ-ի հաղորդագրության մեջ նշվում է, որ Սիմիդյանը հասարակական հիմունքներով է ստանձնելու խորհրդականի պաշտոնը, այսինքն՝ չի վարձատրվելու։

Секретарь фракции Мой Шаг Акоб Симидян на заседании парламента Армении (15 января 2019). Еревaн
© Sputnik / Asatur Yesayants
Հակոբ Սիմիդյան

Արմեն Մելիքբեկյանը ՀՖՖ-ի նախագահն է 2019-ի դեկտեմբերից։ Մինչ այդ ՀՖՖ-ն նախագահում էր ԱԱԾ նախկին տնօրեն Արթուր Վանեցյանը։

Брифинг новоизбранного президента Федерации футбола Армении Армена Меликбекяна после внеочередного заседания ФФА (23 декабря 2019). Еревaн
© Sputnik / Asatur Yesayants.
Արմեն Մելիքբեկյան
76
թեգերը:
Արմեն Մելիքբեկյան, Հակոբ Սիմիդյան, Դենիս Ջորկաեֆ, ՀՖՖ, Հայաստան
Ըստ թեմայի
Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը
Ինչու է պարետատունը մերժել Հայաստանի ֆուտբոլի ֆեդերացիային
Սրմաքեշն իր խաբեությամբ սպանեց երկու «Արարատ». Վալերի Հովհաննիսյանը գաղտնիքներ է բացում
Լիլիթ Մակունցը, Ալեքսանդր Սանդիկովն ու Սերգեյ Կոպիրկինը

ՍԴ շուրջ զարգացումներից մինչև ավիափոխադրումներ. ինչ են քննարկել պատգամավորները և Կոպիրկինը

0
(Թարմացված է 17:07 10.07.2020)
Լիլիթ Մակունցը ՌԴ դեսպանին է ներկայացրել Հայաստանում ընթացող ներքաղաքական զարգացումները:

ԵՐԵՎԱՆ, 10 հուլիսի - Sputnik. ՀՀ ԱԺ «Իմ քայլը» խմբակցության ղեկավար Լիլիթ Մակունցն ու իմքայլական պատգամավոր Ալեքսեյ Սանդիկովը հանդիպում են ունեցել ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ: Տեղեկությունը Facebook-ի իր էջում հայտնել է Լիլիթ Մակունցը:

Մհեր Գրիգորյանն ընդունել է ՌԴ դեսպանին

«Քննարկել ենք հայ-ռուսական հարաբերությունների զարգացմանն առնչվող օրակարգային հարցեր։ Որպես «Իմ քայլը» խմբակցության ղեկավար՝ դեսպանին ներկայացրել եմ մեր երկրում ընթացող ներքին քաղաքական զարգացումները»,- գրել է նա։

Հանդիպման ընթացքում կողմերն անդրադարձել են իրականացվող օրենսդրական փոփոխություններին, մասնավորապես, «Տեսալսողական մեդիայի մասին» օրինագծով առաջարկվող կարգավորումներին, Սահմանադրական դատարանի շուրջ ծավալվող իրադարձություններին։

Երկկողմ հարաբերությունների առաջմղման համատեքստում կարևորվել է խորհրդարանական դիվանագիտության դերը՝ ընդգծելով հատկապես կորոնավիրուսի համավարակով պայմանավորված ստեղծված իրավիճակում ընթացիկ հարցերը խորհրդարանական դիվանագիտության ճանապարհով կարգավորելու հանգամանքը։ Առանձնակի ընդգծվել է համաճարակի դեմ պայքարում Հայաստանի և Ռուսաստանի համատեղ ջանքերի կարևորությունը։

Մտքեր են փոխանակվել այս օրերին կանոնավոր ավիափոխադրումների բացակայության պայմաններում ՀՀ և ՌԴ քաղաքացիների՝ իրենց երկրներ վերադարձի ապահովման ուղղությամբ իրականացվող քայլերի մասին։

Հայ-ռուսական հարաբերությունները չպետք է դառնան ինչ–որ մեկի շահերի պատանդ. Կոպիրկին

0
թեգերը:
Ռուսաստան, Սահմանադրական դատարան, կորոնավիրուս, «Իմ քայլը» խմբակցություն, Սերգեյ Կոպիրկին, Հայաստան, Լիլիթ Մակունց
Ըստ թեմայի
Հայ և ռուս դիվանագետները գործում են միասնական ճակատում. Կոպիրկին
Հայ-ռուսական համագործակցությունը ՀԱՊԿ–ի կարևոր բաղադրիչն է. Կոպիրկին
Ռուսաստանը զգույշ է վերաբերվում Հայաստանի ներսում տեղի ունեցող գործընթացներին. Կոպիրկին
Կոպիրկինը պատմել է, թե ինչպես են Հայաստանն ու ՌԴ-ն համատեղ պայքարում կորոնավիրուսի դեմ