Ֆուտբոլ

Տրանսֆերային նորություններ հայկական ֆուտբոլային ակումբներում. ով ուր կգնա

305
(Թարմացված է 19:11 08.01.2020)
Բարձրագույն խմբի առաջնության գարնանային հատվածից առաջ բացվող տրանսֆերային պատուհանն ինչ նորություններ կբերի հայկական ակումբներին, հավանական փոփոխությունները ներկայացնում է Sputnik Արմենիան։

ԵՐԵՎԱՆ, 8 հունվարի — Sputnik.  Ֆուտբոլային տրանսֆերային պատուհանը Հայաստանում պաշտոնապես բացվում է փետրվարի 1–ին և փակվում փետրվարի 28–ին։ Բայց դա, իհարկե, ոչ մի կերպ չի խանգարում ակումբներին զբաղվել նոր ֆուտբոլիստների ընտրությամբ և պայմանագրեր ստորագրելով։  Ու առաջին պայմանագիրն արդեն կա` Մարկոս Պիզելին կխաղա «Արարատ–Արմենիայում»։

Առաջնության երկրորդ հատվածը միանշանակ ավելի կարևոր է բոլոր թիմերի համար։ Հայաստանի բարձրագույն խմբի ակումբները 15 հանդիպում անցկացնելուց հետո, իհարկե, հետևություններ արել են ու գիտեն, թե խաղային որ դիրքում է ուժեղացում պահանջվում, կամ ով չի կարողացել ինտեգրվել իրենց թիմի խաղաոճին։

Բարձրագույն խմբի առաջնության աշնանային հատվածի վերջին տուրից հետո աղյուսակը գլխավորում է Վանաձորի «Լոռին», բայց առաջատարին վեցերորդ տեղը զբաղեցրած թիմից բաժանում է ընդամենը չորս միավոր։ Հետևաբար, չեմպիոնական մրցավազքին լիարժեք մասնակցում են բոլոր վեց թիմերը։ Կասկածից վեր է, որ համարյա բոլոր ակումբները նոր ֆուտբոլիստների հետ պայմանագրեր կստորագրեն, և առաջնության գարնանային հատվածում անհամեմատ լարված ու անզիջում պայքար կտեսնենք։

Ստորև ներկայացնում ենք ակումբների կորուստներն ու ձեռքբերումները։

«Լոռի»

Եկել են. վանաձորյան թիմը դեռևս նոր խաղացողների չունի։

Հեռացել են. Մուսա Դիակիտեն և Արտյոմ Խաչատուրովը գնացել են։ Իսկ ավելի վաղ թիմից հեռացել էր Գրիգոր Աղեկյանը («Գանձասար–Կապան»)։

«Արարատ–Արմենիա»

Եկել են. գործող չեմպիոնը պայմանագիր է ստորագրել Հայաստանի հավաքականի նախկին ֆուտբոլիստ Մարկոս Պիզելլիի հետ։

Հեռացել են. թիմից պաշտոնապես առայժմ ոչ մի ֆուտբոլիստ չի հեռացել, բայց այժմ հենակետային կիսապաշտպան, Հայաստանի հավաքականի ֆուտբոլիստ Գոռ Մալաքյանը փորձաշրջան է անցնում ղազախական «Ժիտեսու» ակումբում։

Լեգենդար դարպասապահ Ռոման Բերեզովսկին «տուն է վերադառնում». նա կգլխավորի «Փյունիկը»

«Ալաշկերտ»

Եկել են. Պապե Աբդու Կամարան«Ուրարտուից» տեղափոխվել է «Ալաշկերտ»։

Գնացել են. Մլադեն Զելկովիչը, Սարգիս Շահինյանը, Ղուկաս Պողոսյանը, Դավիթ Ղանդիլյանը, Գեղամ Ղադիմյանը,Միհրան Մանասյանը, իսկ Արթուր Եդիգարյանը ավարտել է ֆուտբոլիստի կարիերան։

«Արարատ»

Եկել են. Հարունա Լուկման և Ռամազան Իսաևը «Երևանից»։

Գնացել են. Ըստ մեր տեղեկությունների` «Արարատի» կազմում կարող են լինել բազմաթիվ փոփոխություններ, բայց այս պահի դրությամբ պաշտոնապես թիմից հեռացել են Դենիս Շևչուկը և Միխայիլ Պետրուշչենկովը։

«Շիրակ»

Գյումրու թիմում նոր ֆուտբոլիստներ չկան, Փոլ Մուսա Բակայոկոն գնացել է։

«Նոա»

Եկել են. նոր ֆուտբոլիստներ թիմում առայժմ չկան

Գնացել են. Արման Մելիքսեթյանը, Դավիթ Մանոյանը և Ալեքսեյ Տուրիկը լքել են ակումբը։

«Փյունիկ»

Եկել են. հաշվի առնելով այն հանգամանքը, որ թիմից բավականին շատ ֆուտբոլիստներ են հեռացել և փոխվել է գլխավոր մարզիչը (Ռոման Բերեզովսկի), կարելի է սպասել նոր պայմանագրերի նոր ֆուտբոլիստների հետ, բայց «Փյունիկն» առայժմ պաշտոնապես ոչ մի նոր պայմանագիր չի ստորագրել որևէ ֆուտբոլիստի հետ։

Հրաժարականներ, ցավոտ պարտություններ, քրեական գործ. հայկական սպորտի սկանդալները 2019-ին

Գնացել են. Աշոտ Քոչարյանը`«Գանձասար-Կապանից», Մաքսիմ Ժեստոկովը, Էդգար Մանուչարյանը, Ստանիսլավ Եֆիմովը, Հովհաննես Իլանգյոզյանը, Հովհաննես Պողոսյանը, Մարկո Բուրզանովիչը, Եվգենի Կոբոզևը։ Այդպես էլ ոչ մի խաղ չանցկացնելով «Փյունիկի» կազմում`թիմից հեռացել է նաև Դմիտրի Սիչյովը։

«Ուրարտու»

Եկել են. թիմում դեռևս նոր ֆուտբոլիստներ չկան, բայց նորանշանակ մարզիչ Ալեքսանդր Գրիգորյանը հստակ որոնումների մեջ է, ու, անկասկած, մինչև առաջնության գարնանային հատվածի մեկնարկը «Ուրարտուն» նոր ֆուտբոլիստներ կունենա։

Գնացել են. Պապե Աբդու Կամարան «Ալաշկերտից», Ադամու Աբդուլահին, Իգոր Ստանոևիչը, Միլոշ Նիկոլիչը և Անդրանիկ Ոսկանյանը։

«Գանձասար–Կապան»

Եկել են. Աշոտ Քոչարյանը («Փյունիկ») և Գրիգոր Աղեկյանը («Լոռի»)։

Գնացել են. Ալեքսանդր Օգանիսյանը, Գագիկ Մաղաքյանը, Գևորգ Օհանյանը, Մարտին Գրիգորյանը,  Ստեֆան Ադջումանին և  Վարդան Արզոյանը։

«Երևան»

Դժվար է ասել, թե թիմն ինչպիսի կազմով կշարունակի առաջնությունը, որովհետև ֆինանսական և խաղային ճգնաժամը «Երևանին» խանգարում է առաջնության ընթացքում, ու թիմն անցկացրած 15 խաղերում նույնքան պարտություն է կրել։ Ավելի շուտ ֆուտբոլիստները կհեռանան, բայց այդ դեպքում էլ ստիպված թիմը պետք է համալրի իր կազմը։ Այս պահին «Երևանը» նոր ֆուտբոլիստներ դեռևս չունի։

Գնացել են. Պավել Դեմիդչիկը, Սերգեյ Լինկոն, իսկ Ռամազան Իսաևը տեղափոխվել է Երևանի «Արարատ»։

305
թեգերը:
Մարկոս Պիզելի, «Անի» ֆուտբոլային ակումբ, «Արարատ» ֆուտբոլային ակումբ, «Երևան» ֆուտբոլային ակումբ, ֆուտբոլիստ, Հայաստանի ֆուտբոլի ֆեդերացիա, ֆուտբոլ, Հայաստան
Ըստ թեմայի
«Բավարիան» հայերեն շնորհակալություն է հայտնել երկրպագուներին
Սարգիս Ադամյանն ու ընկերուհին երեխայի՞ են սպասում
Արթուր Վանեցյանը քաղաքական ենթատեքստով ուղերձ է հղել
Վարազդատ Հարոյան. արխիվային լուսանկար

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

143
(Թարմացված է 16:02 12.05.2021)
Հայաստանի ազգային հավաքականի պաշտպան Վարազդատ Հարոյանը «Աստանա» էր տեղափոխվել այս տարվա սկզբին։

ԵՐԵՎԱՆ, 12 մայիսի - Sputnik. Հայաստանի ազգային հավաքականի և ղազախական «Աստանայի» պաշտպան Վարազդատ Հարոյանը հաջորդ մրցաշրջանում հանդես կգա իսպանական Լա լիգայում: Տեղեկությունը հայտնում են ղազախական լրատվամիջոցները:

Ավելի վաղ լրագրող Արարատ Մամբրեյանը իր  տելեգրամ ալիքում հայտնել էր, որ Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։

Sputnik Արմենիայի տեղեկություններով` հայ ֆուտբոլիստն արդեն համաձայնեցրել է պայմանագրի կետերը «Կադիսի» հետ:

Նշենք, որ Հարոյանը «Աստանա» էր տեղափոխվել այս տարվա սկզբին։

Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

Հարոյանը` «Աստանա» գնալու, «Տամբովի» պարտքի ու իր նախասիրությունների մասին. բացառիկ զրույց

143
թեգերը:
Վարազդատ Հարոյան
Ըստ թեմայի
Վարազդատ Հարոյանը նոր ակումբ է տեղափոխվել
Կասպարով. Իրանական ակումբի` Հարոյանից հրաժարվելը քաղաքական որոշում է
Օրվա կադրը. ռումինացի դարպասապահը նեղսրտությունից «գրավեց» սեփական դարպասը
Շախմատային միջազգային առցանց մրցաշար դատապարտյալների համար

«Գողական ճշտից» անդին. Հայաստանի դատապարտյալները մասնակցում են միջազգային առցանց մրցաշարի

100
(Թարմացված է 08:40 12.05.2021)
Նման մրցաշարերն առաջին անգամ չեն անցկացվում, ու դրանց նպատակն է բանտարկյալներին իրենց այլ մարդ զգալու հնարավորություն տալ, նրանց մեջ նորմալ կյանքով ապրելու ցանկություն սերմանել:

ԵՐԵՎԱՆ, մայիսի 11-Sputnik, Արամ Գարեգինյան. Ճակատամարտը պետք է միայն խաղատախտակի վրա լինի. այս խոսքերը կարող են դառնալ ՖԻԴԵ-ի հովանու ներքո անցկացվող բանտարկյալների միջազգային առցանց մրցաշարի կարգախոսը:

Открытие международного онлайн-турнира по шахматам для заключенных
© Sputnik / Asatur Yesayants
Շախմատային միջազգային առցանց մրցաշար դատապարտյալների համար

Երկու տարի առաջ շախմատի մրցաշարն անցկացվել է Արմավիրի բանտում։ Նույն՝ 2019-ին շախմատիստ բանտարկյալներից կազմվեց հավաքական, որը միջազգային մրցաշարում (կրկին առցանց) 4-րդ տեղը զբաղեցրեց։ Այս անգամ Հայաստանի հավաքականը կխաղա 2018 թվականի մրցաշարի հաղթողներ Իսպանիայի, ԱՄՆ-ի ու Ռուսաստանի թիմերի հետ:

Участник международного шахматного онлайн-турнира для заключенных
© Sputnik / Asatur Yesayants
Շախմատային միջազգային առցանց մրցաշար դատապարտյալների համար

Խաղի կազմակերպման մեջ ամեն ինչ այնպես է, ինչպես սովորական շախմատային մրցաշարերում՝ հինգ խաղացող, չորս խաղատախտակ։ Մարզիչը որոշում է՝ ում որ խաղատախտակի առաջ նստեցնի։ Շախմատիստների հետ աշխատում է գրոսմայստեր Գևորգ Հարությունյանը, նա սովորեցրել է խաղի ընդհանուր ռազմավարությունն ու ցույց է տվել դեբյուտային նախապատրաստության հիմունքները։ Յուրաքանչյուր հանդիպում տևում է 10 րոպե։

Участники международного шахматного онлайн-турнира для заключенных
© Sputnik / Asatur Yesayants
Շախմատային միջազգային առցանց մրցաշար դատապարտյալների համար

Այս հոդվածը գրելու պահին հայ շախմատիստները ոչ-ոքի ավարտեցին իսպանացիների հետ հանդիպումը (2:2):

Հաճախ կրկնվող «կարևորը ոչ թե հաղթանակն է, այլ մասնակցությունը» արտահայտությունն այստեղ շատ տեղին է։ Որքան ավելի քիչ «գողական» զբաղմունք լինի, այնքան ավելի շատ բանտարկյալն իրեն ոչ թե «գող», այլ մարդ կզգա։ Համենայնդեպս, հենց դա է մրցաշարի կազմակերպիչների նպատակը։

Пожилые люди играют в шахматы на одной из улиц Еревана
© Sputnik / Aram Gareginyan
Տարեց մարդիկ շախմատ են խաղում Երևանի փողոցներից մեկում։

Շախմատի աշխարհի նախկին չեմպիոն Անատոլի Կարպովը, որը տարիներ առաջ դարձել էր նման մրցաշարերի առաջին կազմակերպիչներից մեկը, իր հարցազրույցում նշել է. «Շախմատը ևս մեկ թել է, որը կապում է մարդուն աշխարհի հետ: Մարդը ժամկետը նստել է, տուն է վերադարձել, աշխատանք չկա, իսկ ծանոթների ու ընկերների շրջանակը նույն «գողականներն» են։ Մինչև կրկնահանցանքը մեկ քայլ է, եթե ոչ կես քայլ: Իսկ շախմատային ակումբն օգնում է իրեն ինչ-որ բանով զբաղվել, ծանոթանալ այլ մարդկանց հետ և իրեն այլ մարդ զգալ»։

Միջազգային գրոսմայստեր և Հայաստանի շախմատի ակադեմիայի նախագահ Սմբատ Լպուտյանը լրագրողների հետ զրույցում նշում է՝ ճիշտ է, այս ամենն աշխատում է, եթե տարածքում կամ քաղաքում նման ակումբ կա, ցավոք, ԽՍՀՄ փլուզումից հետո նման տեղեր գրեթե չեն մնացել:

Международный гроссмейстер Смбат Лпутян
© Sputnik / Asatur Yesayants
Սմբատ Լպուտյան

«Երևանում շախմատի խմբակներ կան, բայց երեխաների համար։ Մեծահասակ սիրողական խաղացողների համար նման ակումբների գրեթե չունենք։ Երևանում մեկն է, իսկ մարզերում՝ Մարտունիում կար, այժմ կա Գյումրիում և Վանաձորում», - նշեց Լպուտյանը։

Ճիշտ է, տարերային «ակումբները» քիչ չեն բակերում ու տաղավարներում (ինչը ժամանակին զարմացրել էր ՖԻԴԵ-ի այն ժամանակվա նախագահ Կիրսան Իլյումժինովին)։

ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր

«Ամեն դեպքում հիմա սիրողական խաղացողների համար ակումբներ չկան, և հնարավորության սահմանում պետք է ստեղծել դրանք»,- նշեց Լպուտյանը:

Շախմատի կարգապահական ազդեցությունն այնքան մեծ է, որ նույնիսկ բանտախցերում թույլատրում են այն` որպես բանտարկյալների անձնական իր (ի տարբերություն մոլախաղերի)։

Первый замначальника УИС минюста Армении Артак Арутюнян
© Sputnik / Asatur Yesayants
Արտակ Հարությունյան

«Մարդուն նախապատրաստել հասարակությունում նորմալ կյանքի՝ երկար ու բարդ գործընթաց է, դա մի ծրագրի ու մեկ օրվա գործ չէ։ Երբ մարդու մոտ նման զբաղմունքներ, նման արժեքներ են ի հայտ գալիս, նա այլ կերպ է նայում հանցավոր աշխարհին և այլ կերպ՝ հասարակական և ազգային արժեքներին։ Բանտարկյալների հետ զրույցներում մենք դա առանձին դեպքերում տեսնում ենք։ Բայց, կրկնում եմ, մեկ օրում ոչինչ չի փոխվի»,- Sputnik Արմենիայի հետ զրույցում ասաց ՀՀ արդարադատության նախարարության քրեակատարողական ծառայության պետի առաջին տեղակալ, արդարադատության գեներալ-մայոր Արտակ Հարությունյանը։

  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
  • Շախմատային միջազգային առցանց մրցաշար դատապարտյալների համար
    Շախմատային միջազգային առցանց մրցաշար դատապարտյալների համար
    © Sputnik / Asatur Yesayants
1 / 8
© Sputnik / Asatur Yesayants
Շախմատային միջազգային առցանց մրցաշար դատապարտյալների համար

«Ինչու խաղարկել այն, ինչ վաղ թե ուշ անխուսափելիորեն տեղի կունենա, չէ՞ որ մեր երկրում մահացությունը դեռ հարյուր տոկոսանոց է»,- մի անգամ ասել է շախմատի աշխարհի 8-րդ չեմպիոն Միխայիլ Տալը:

Մի սպանեք ինքներդ ձեզ ու սիրելիներին. ահա թե որն է այս շախմատային մրցաշարի իմաստը:

100
թեգերը:
մրցաշար, Բանտ, շախմատ
Ըստ թեմայի
Արոնյանի նախկին մարզիչը ՖԻԴԵ-ի կողմից ճանաչվել է լավագույն առաջին մարզիչ
Հայտնի է` Լևոն Արոնյանը երբ կտեղափոխվի ԱՄՆ
Հայ շախմատիստուհին 2-րդ տեղն է գրավել Բելառուսում անցկացված տղամարդկանց առաջնությունում
Նիկոլ Փաշինյան. արխիվային լուսանկար

Սա դիվերսիոն անցում է. Փաշինյանը` Սյունիքի դեպքերի մասին

253
(Թարմացված է 00:35 13.05.2021)
ԱԽ նիստում Նիկոլ Փաշինյանն արձանագրել է, որ իրավիճակն առնվազն մերձճգնաժամային է, եթե չասենք ճգնաժամային, բայց կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ:

ԵՐԵՎԱՆ, 13 մայիսի – Sputnik. Սյունիքում կատարվածն իր բնույթով դիվերսիոն անցում է։ Այսպես է գնահատել ադրբեջանական ԶՈւ գործողությունները ՀՀ վարչապետի պաշտոնակատար Նիկոլ Փաշինյանը Սյունիքի մարզի Սև լիճ տեղանքում ստեղծված իրավիճակի և հետագա քայլերի մասին հրավիրված Անվտանգության խորհրդի արտահերթ նիստում: Տեղեկությունը հայտնում են կառավարության մամուլի ծառայությունից։

Նիկոլ Փաշինյանն իր խոսքում հիշեցրել է, որ այսօր առավոտյան Ադրբեջանի զինված ուժերը Սյունիքի Սև լիճ տեղանքում հատել են Հայաստանի Հանրապետության պետական սահմանը և խորացել մինչև 3,5 կիլոմետր` ըստ էության, փորձ անելով պարփակել Սև լիճը:

«Իհարկե այս գործողություններն անհանդուրժելի են Հայաստանի Հանրապետության համար, որովհետև դա ոտնձգություն է ՀՀ ինքնիշխան տարածքի նկատմամբ և իհարկե առանձին քննարկման առարկա է, թե ինչու և ինչպես է հնարավոր դարձել նման գործողությունը, բայց պետք է արձանագրել, որ սա իր բնույթով, ըստ էության, դիվերսիոն անցում է»,–ասել է վարչապետի պաշտոնակատարը:

Նա նշել է, որ ՀՀ զինված ուժերը վաղ առավոտից արձագանքել են տեղի ունեցող իրադարձություններին, իրականացվել են անհրաժեշտ մարտավարական տեղաշարժեր և այլ գործողություններ: Ադրբեջանական զինված ուժերի գործողությունները չեն զուգորդվել հրաձգային կամ որևէ այլ զենքի կիրառմամբ, և նրանք փորձում են հիմնավորել իրենց գործողություններն ինչ-որ քարտեզներով, որոնք մեր առաջին իսկ դիտարկմամբ մտացածին և կեղծ են, որովհետև մեր տրամադրության տակ է դեռևս Խորհրդային Միության ժամանակներում Սովետական Հայաստանի և Սովետական Ադրբեջանի միջև հաստատված, նաև Կենտրոնական իշխանության կողմից հաստատված քարտեզ, որտեղ հստակ երևում է, թե Հայաստանի և Ադրբեջանի միջև սահմանագիծն ինչպես է անցնում:

«Այնուամենայնիվ, ստեղծված իրավիճակն անընդունելի է, Հայաստանի Հանրապետությունը չի կարող ուղղակի համակերպվել ստեղծված իրավիճակի հետ, բայց նաև հաշվի առնելով իրադրությունը՝ մեր առաջնային ծրագիրը բանակցությունների միջոցով, նաև դիվանագիտական եղանակներով այս խնդիրը լուծելն է: Բայց սա տարբերակներից մեկն է»,–ասել է Փաշինյանը:

Նա նշել է, որ ՀՀ–ն որևէ կերպ չի կարող հանդուրժել ու համակերպվել ստեղծված իրավիճակի հետ, և Անվտանգության խորհրդի նիստում պետք է քննարկվի այս պահին առկա իրավիճակն ու հետագա անելիքները, հնարավոր սցենարները և այդ սցենարների միջև առկա ներքին փոխկապակցվածությունները:

Ադրբեջանը սադրիչ քայլերով փորձում է ճնշում գործադրել ՀՀ-ի վրա և պարտադրել իր պահանջները

«Հարկ եմ համարում ընդգծել, որ ինչպես և կարելի էր, ցավոք սպասել, իրավիճակը նաև ներքաղաքական շահարկումների առիթ է դառնում և դարձել: Ես ուզում եմ կրկին կոչ անել, որ արտաքին անվտանգության հետ կապված իրավիճակները փորձ չարվի օգտագործել ներքաղաքական նպատակների համար, որովհետև սա ազգային անվտանգության հարց է, և տվյալ իրավիճակում մեզ պետք է կենտրոնանալ խնդրի ու նրա լուծման վրա»,–ասել է Փաշինյանը:

Վարչապետի պաշտոնակատարն արձանագրել է, որ կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ, մյուս կողմից, սակայն, պետք է արձանագրել, որ իրավիճակն առնվազն մերձճգնաժամային է, եթե չասենք ճգնաժամային: «Ամեն դեպքում այս իրավիճակում մեզ անհրաժեշտ է պահպանել սառնասրտություն, մյուս կողմից անհրաժեշտ է լինել հետևողական մեր պետական և ազգային շահերի պաշտպանության տեսանկյունից, և մենք նաև այսօր պետք է որոշումներ կայացնենք անելիքների ու հետագա գործիքակազմի վերաբերյալ»,–ասել է Փաշինյանը:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

253
թեգերը:
Անվտանգության խորհուրդ, Իշխանասար, Սյունիք, Հայաստան, Նիկոլ Փաշինյան
Ըստ թեմայի
Ռուսաստանի ներկայացուցիչը Սյունիքում է, բանակցություններ են ընթանում. Անդրանիկ Քոչարյան
Դըմփ-դըմփ-հու, Շուռնուխի օրինակը պետք է դաս լինի. Արշակյանը` Սյունիքի դեպքերի մասին
Սև լիճն անցել են, մտել մեր գոտի. Առուշանյանը`Սյունիքում ադրբեջանցիների առաջխաղացման մասին