Իտալիա–Հայաստան ֆուտբոլային հանդիպում

Հրաժարականներ, ցավոտ պարտություններ, քրեական գործ. հայկական սպորտի սկանդալները 2019-ին

197
(Թարմացված է 22:00 29.12.2019)
Անցնող` նախաօլիմպիական տարին շատ կարևոր էր հայկական սպորտի համար: Հաղթանակների ու պարտությունների կողքին զերծ չմնացինք նաև ոչ ցանկալի իրավիճակներից, որոնք մեկ բառով կարելի է կոչել սկանդալ:

Խաչիկ Չախոյան, Sputnik Արմենիա

Քրեական գործ և հայտնի ղեկավարների հրաժարականներ: Sputnik Արմենիան հետադարձ հայացք է ձգել անցնող տարուն և մեկտեղել աղմկահարույց գործերն ու սկանդալները, որոնք գրանցվել են հայկական սպորտում 2019 թվականին: Հիմա ամեն ինչի մասին մանրամասն։

Փոխնախարարի ձերբակալումը

ԿԳՄՍ փոխնախարար Գևորգ Լոռեցյանի ձերբակալումը ինչքան որ անսպասելի, այնքան էլ ցնցող էր: Լոռեցյանը փոխնախարարի պաշտոնում նշանակվել էր 2018 թվականի հոկտեմբերին. ստացվում է, որ նա պաշտոնավարեց մեկ տարուց մի փոքր ավելի:

Заместитель министра Образования, науки, культуры и спорта Геворк Лорецян
© Sputnik / Astghik Sukiasyan
Գևորգ Լոռեցյան

ԱԱԾ ձեռք բերած նախնական տվյալների համաձայն` Լոռեցյանն աջակցություն էր ցուցաբերել մի տնտեսվարողի, որը մասնակցել էր նախարարության կողմից մարզագույք և մարզահագուստ տրամադրելու մրցույթներին: Ինչպես հետո պարզվեց, Լոռեցյանի հետ ձերբակալվել էր նաև «Լոկոմոտիվ» ՖԱ նախագահ Հրաչ Քանանյանը, որը հենց այդ տնտեսվարող էր:

Գևորգ Լոռեցյանն ազատվել է պաշտոնից

Ամենացավոտ պարտությունը ֆուտբոլում

Հայաստանի ֆուտբոլի ազգային հավաքականը Եվրոպայի 2020թ. առաջնության ընտրական խմբի վերջին խաղում նոր հակառեկորդ սահմանեց իր պատմության մեջ: Մեր ընտրանին 1:9 հաշվով պարտվեց Իտալիայի հավաքականին:

Болельщики сборной Армении по футболу наблюдают за очередной атакой сборной Италии
© Sputnik / Andranik Ghazaryan
«Իտալիա»–«Հայաստան» ֆուտբոլային հանդիպում

Մինչ այդ խաղը մեր հավաքականն ամենախոշոր պարտությունները` միևնույն 0:7 հաշվով, կրել էր Վրաստանի և Չիլլիի հավաքականների հետ խաղերում: Բայց ի տարբերություն նշված հանդիպումների, Իտալիայի հետ խաղը պաշտոնական էր: Եվ այդ պարտությունն անհետևանք չմնաց:

Արթուր Վանեցյանի հրաժարականն ու ՀՖՖ նոր ղեկավարության ընտրությունները

Բազմաթիվ քննադատությունների հետևանքով Հայաստանի ֆուտբոլի ֆեդերացիայի նախագահ Արթուր Վանեցյանն ու ՀՖՖ գործկոմը` ամբողջ կազմով, հրաժարական ներկայացրեցին: Իտալիայից կրած 1:9 հաշվով պարտությունն ապացուցեց, որ հայկական ֆուտբոլում անառողջ մթնոլորտ է տիրում, և հրաժարականները սպասելի են:

Президент ФФА Артур Ванецян перед началом финала Кубка Армении по футболу (8 мая 2019). Еревaн
© Sputnik / Aram Nersesyan ,
Արթուր Վանեցյանը

Բայց ՀՖՖ արտահերթ ժողովի ընթացքում ՀՖՖ նախագահ և փոխնախագահ ընտրվեցին այն մարդիկ, ովքեր փաստացի ղեկավարում էին ֆուտբոլային գերատեսչությունը, երբ Վանեցյանը միաժամանակ ԱԱԾ տնօրենն էր և ՀՖՖ նախագահը: Ստացվեց, որ ֆուտբոլից հեռացվեց Արթուր Վանեցյանը, որը մինչ այդ էլ այնքան էլ մեծ կապ չուներ միլիոնների խաղի հետ:

«Նման խայտառակ ընտրություն չեմ տեսել». Հենրիխ Մխիթարյանի մորը դուրս թողեցին գործկոմից

Լևոն Ջուլֆալկյանի անսպասելի որոշումը

Պարզ երկնքում որոտի պես հնչեց օլիմպիական չեմպիոն և Հայաստանի Հունահռոմեական ոճի ըմբշամարտի հավաքականի գլխավոր մարզիչ Լևոն Ջուլֆալակյանի հրաժարականը: 20 տարի գլխավորելով Հունահռոմեական ոճի ըմբշամարտի հավաքականը` Ջուլֆալկանը որոշեց, որ էլ չի կարող ղեկավարել մի հավաքական, որի մարզիկները բաժանվել են երկու բևեռի:

Левон Джулфалакян на пресс-конференции по теме своей отставки (27 августа 2019). Еревaн
© Sputnik / Aram Nersesyan ,
Լևոն Ջուլֆալակյան

Հրաժարականի հիմնական պատճառն այն էր, որ Ջուլֆալակյանն աշխարհի առաջնության գորգի վրա ուզում էր տեսնել իր որդուն՝ Արսեն Ջուլֆալկյանին, իսկ շատերի կարծիքով աշխարհի առաջնությանը 77կգ քաշային կարգում պետք է մասնակցեր Կարապետ Չալյանը:

Ջուլֆալակյան. «Մեր հավաքականում կազմակերպվել է դավադրություն»

Հավելենք, որ Ջուլֆալակյանի աշխատանքային 20 տարիների ընթացքում հայ ըմբիշները նվաճել են օլիմպիական չեմպիոն կոչումը(Արթուր Ալեքսանյան), 7 անգամ մեր հավաքականի մարզիկները նվաճել են աշխարհի, և 14 անգամ էլ Եվրոպայի չեմպիոն կոչումները: Իզուր չէ, որ Լևոն Ջուլֆալակյանը համարվում է անկախ Հայաստանի ամենաարդյունավետ մարզիչը:

Բռնցքամարտում դեռ հստակություն չկա

Շարունակվեց նաև Օլիմպիական կոմիտեի ու Հայաստանի բռնցքամարտի հավաքականի հակամարտությունը: Բռնցքամարտի Հայաստանի ֆեդերացիայի նախագահ Արթուր Գևորգյանի և Հայաստանի օլիմպիական կոմիտեի տարաձայնությունների պատճառով մեր երկրում արդեն վաղուց կա նաև երկրորդ ֆեդերացիան: Այս ամեն, իհարկե, չի նպաստում հայ բռնցքամարտիկների գործունեությանը:

Ованес Бачков (Армения) и Леонель Де Лос Сантос (Доминиканская Республика) в поединке 1/4 финала по боксу на ХХ чемпионате мира по боксу (18 сентября 2019). Екатеринбург
© Sputnik / Александр Кряжев
Հովհաննես Բաչկովը

Բայց նույնիսկ այդպիսի պայմաններում Հովհաննես Բաչկովն ու Արթուր Հովհաննիսյանը դարձան Եվրոպայի չեմպիոններ, իսկ Բաչկովը բրոնզե մեդալ նվաճեց նաև աշխարհի առաջնությունում:

Հայկական սպորտում այլ ցավոտ պարտություններ, հրաժարականներ ու հաճելի հաղթանակներ գրանցվել էին անցնող տարում։ Բայց մենք առանձնացրել էինք միայն ամենաաղմկահարույցները։ Հուսանք` 2020–ը լավ առումով ավելի նշանակալի կդառնա հայկական սպորտի համար, քան 2019–նն էր։

197
թեգերը:
Հրաժարական, Արսեն Ջուլֆալակյան, Լևոն Ջուլֆալակյան, բռնցքամարտի աշխարհի առաջնություն, բռնցքամարտիկ, բռնցքամարտ, Սկանդալ, Արթուր Վանեցյան, Հայաստան, ՀՖՖ
Ըստ թեմայի
Հայտնի է` ովքեր են Հայաստանի 10 լավագույն մարզիկները
Մխիթարյանի գոլը BBC-ն համարել է վերջին տասնամյակի ֆուտբոլի ամենահիշարժան դրվագներից մեկը
«Երկրի ղեկավարության ուշադրությունը դրական է հայկական ֆուտբոլի համար». Գալստյան
Ռոման Բերեզովսկին կարող է հայկական թիմ մարզել. նրան տարբեր առաջարկներ են արել
Ռոման Բերեղզովսկի

Ռոման Բերեզովսկին այլևս «Փյունիկի» գլխավոր մարզիչը չէ

51
(Թարմացված է 21:07 14.07.2020)
Ռոման Բերեզովսկին իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում։

ԵՐԵՎԱՆ, 14 հուլիսի – Sputnik. Ռոման Բերեզովսկին այլևս «Փյունիկի» գլխավոր մարզիչը չէ։ Ինչպես տեղեկացնում է ակումբի Facebook-ի էջը, «Փյունիկ» ՖԱ-ն երկկողմ համաձայնությամբ խզել է պայմանագիրը թիմի գլխավոր մարզիչ Ռոման Բերեզովսկու հետ։

Տեղեկացվում է, որ «Փյունիկը» կշարունակի համագործակցել Ռոման Բերեզովսկու հետ։ Նա իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում ։

«Փյունիկ» ՖԱ-ն շնորհակալություն է հայտնում Ռոման Բերեզովսկուն թիմի գլխավոր մարզչի պաշտոնում ցուցաբերած բարձր պրոֆեսիոնալիզմի համար և մաղթում հաջողություն հետագա կարիերայում։

Ռոման Բերեզովսկին իր կարիերան սկսել է Երևանի «Կոշկագործ» (հետագայում՝ «Շենգավիթ») ֆուտբոլային ակումբում, որի կազմում 1991 թ. մասնակցել է ԽՍՀՄ 2-րդ խմբի Բ մրցաշարին։

10 գոլ, հաղթելու մեծ ցանկություն. Հայաստանի գավաթի եզրափակիչը` լուսանկարներում

Իր նորամուտը ազգային հավաքական նա նշել է 1996 թ. օգոստոսի 31-ին՝ աշխարհի առաջնության ընտրական փուլի մեկնարկային՝ Պորտուգալիայի հավաքականի դեմ Երևանյան խաղին։ Հայաստանի ազգային հավաքականի կազմում մասնակցել է Եվրոպայի առաջնության չորս ( 2000, 2004, 2008, 2012) և աշխարհի առաջնության հինգ (1998, 2002, 2006, 2010, 2014) ընտրական փուլերին։

Անցկացրած խաղերի քանակով Հայաստանի հավաքականի դարպասապահների ռեկորդակիրն է (71 խաղ)։

51
թեգերը:
մարզիչ, ՀՖՖ, ֆուտբոլ, Փյունիկ, Ռոման Բերեզովսկի
«Արարատ-Արմենիան»՝  Հայաստանի չեմպիոն

«Արարատ-Արմենիան»՝ Հայաստանի չեմպիոն․ թիմը պաշտպանեց իր տիտղոսը

152
(Թարմացված է 20:19 14.07.2020)
Չորս օրվա տարբերությամբ «Արարատ-Արմենիան» և «Նոան» որոշեցին Հայաստանի ֆուտբոլի գավաթակրին ու չեմպիոնին: Հուլիսի 10-ին լարված պայքարում գավաթը նվաճեց «Նոան», իսկ բարձրագույն խմբի վերջին տուրում թիմերի մրցավեճը մրցաշարային աղյուսակին վերջնական տեսք տվեց:

ԵՐԵՎԱՆ, 14 հուլիսի – Sputnik․ Երևանի «Արարատ-Արմենիան» բարձրագույն խմբի վերջին տուրում Ֆուրջել Նարսինգի և Յուսուֆ Օտուբանջոյի խփած գնդակների շնորհիվ 2:0 հաշվով առավելության հասավ «Նոայի» նկատմամբ և երկրորդ անգամ անընդմեջ նվաճեց Հայաստանի չեմպիոնի կոչումը:

Գավաթի եզրափակիչում թիմերի գերարդյունավետ խաղից հետո, դժվար էր նույնը սպասել այս խաղում: Կորոնավիրուսի պատճառով տևական ընդմիջումից հետո թիմերը շատ խիտ գրաֆիկով անցկացրին իրենց հանդիպումները, իսկ «Արարատ-Արմենիայի» և «Նոայի» համար ավելացավ գավաթի եզրափակիչը:

Բացի այդ, կարելի էր ենթադրել, որ բարձր տեմպով թիմերը հերթական խաղը դժվար թե կարողանան անցակցնել: Հաշվետու խաղում, ինչպես և գավաթի եզրափակիչում, հաշիվը բացեց «Արարատ-Արմենիան»՝ հանդիպման 16-րդ րոպեին աչքի ընկավ Ֆուրջել Նարսինգը: Խաղի 25-րդ րոպեին հիանալի հնարավորություն ուներ Յուսուֆ Օտուբանջոն: Բայց հաշիվը մնաց անփոփոխ: Իր վրիպումը Օտուբանջոն ուղղեց առաջին կեսի վերջին րոպեին՝ կրկնապատկելով «Արարատ-Արմենիայի» առավելությունը:

Երկրորդ խաղակեսում խաղի տեմպը չբարձրացավ: Հոգնածությունը երկու կողմերի ֆուտբոլիստների մոտ էլ առկա էր: Գործող չեմպիոն «Արարատ-Արմենիան» շատ հանգիստ վերահսկում էր խաղը: Խաղավերջում թիմերը փոխանակվեցին գոլային պահերով, բայց դարպասի գրավում այդպես էլ չարձանագրվեց: Երկու գնդակի առավելությունն «Արարատ-Արմենիան» պահպանեց:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Վարդան Մինասյանը երկրորդ տարին անընդմեջ «Արարատ-Արմենիայի» չեմպիոն դարձրեց: Որպես մարզիչ Մինասյանը 4 անգամ չեմպիոն է հռչակվել «Փյունիկի» հետ: Չեմպիոնական տիտղոսներով սա լավագույն արդյունքն է հայ մարզիչների մեջ: 

«Լոռի» ֆուտբոլային ակումբի անդամներից 17–ը վարակվել են կորոնավիրուսով

Ավարտվեց ֆուտբոլի Հայաստանի բարձրագույն խմբի 2019/20 մրցաշրջանը: Մրցանակային եռյակը վերջնական տեսք ստացավ զուգահեռաբար անցկացված «Շիրակ» - «Ալաշկերտ» խաղից հետո: «Շիրակը» հաղթանակի հասնելու դեպքում կարող էր շրջանցել «Նոային» ու աղյուսակում զբաղեցնել երկրորդ տեղը: Բայց 4:2 հաշվով հաղթանակ տարավ «Ալաշկերտն» ու նվաճեց առաջնության բրոնզե մեդալը: «Նոան» երկրորդն է:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Թե երբ կմեկնարկի 2020/21 թվականների մրցաշրջանը, հայտնի կդառնա մոտ ապագայում: ՀՖՖ-ն քննարկումներ է անցկացնում բարձրագույն խմբի ակումբների հետ նոր մրցաշրջանի մեկնարկի ժամանակացույցը հաստատելու համար: Ընդ որում, հաշվի առնելով առաջին խմբի դադարեցումն ու առաջատար «Լոկոմոտիվի» որակազրկումը, նոր մրցաշրջանում բարձրագույն խումբը, ամենայն հավանականությամբ, համալրելու է Չարենցավանի «Վանը»:

152
թեգերը:
Վարդան Մինասյան, չեմպիոն, Արարատ–Արմենիա, ֆուտբոլիստ, ֆուտբոլ, ՀՖՖ, Հայաստան
Ըստ թեմայի
Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Իլհամ Ալիև

«Ես չկարողացա գտնել Էլմար Մամեդյարովին». Ալիևը զայրացել է

0
(Թարմացված է 23:01 15.07.2020)
Կառավարության նիստի ժամանակ Իլհամ Ալիևին զեկուցել են, որ արտգործնախարարն այս օրերին աշխատել է տնից։

ԵՐԵՎԱՆ, 15 հուլիսի – Sputnik. Ադրբեջանի նախագահ Իլհամ Ալիևը կառավարության նիստի ժամանակ խիստ քննադատության է ենթարկել երկրի ԱԳՆ-ի և անձամբ նախարար Էլմար Մամեդյարովի աշխատանքը: Նա դժգոհել է, թե ինչպես են դիվանագետներն աշխատել հայ-ադրբեջանական պետական սահմանագոտու իրավիճակի սրման շրջանում:

«Հայաստանի վարչապետն ասում է` Ղարաբաղը Հայաստանն է, և վերջ»։ Ես պատասխանում եմ նրան։ Իսկ արտաքին գործերի նախարարությունն ինչ-որ մակարդակով պատասխանե՞լ է, թե՞ ոչ ։ Ես չեմ լսել, Ադրբեջանի ժողովուրդն էլ չի լսել։ Ո՞վ պետք է առաջին հերթին դա աներ։ ԱԳՆ-ն լռում է», - նրա խոսքերն են մեջբերում ադրբեջանական լրատվամիջոցները:

Ալիևի խոսքով ՝ հուլիսի 12 –ից հետո, երբ սկսվել են իրադարձությունները (սահմանին-խմբ.), կառավարության բոլոր անդամներն աշխատավայրում են եղել ։

«Ես մինչև առավոտ աշխատավայրում եմ, վարչապետը աշխատավայրում է։ Պաշտպանության նախարարը, գլխավոր շտաբի պետը, պետական անվտանգության ծառայության պետը, արտաքին հետախուզության ծառայության պետը, ներքին գործերի նախարարը, անվտանգության խորհրդի քարտուղարը. բոլորն առավոտից գիշեր աշխատավայրում են։ Ես չկարողացա գտնել արտգործնախարարին», - հավելել է նա։

Այնուհետև Ալիևը հարցրել է վարչապետին, թե որտեղ է եղել արտգործնախարարը։ Պարզվել է, որ նա աշխատել է տնից։

«Պարզ է։ Ես չեմ ուզում խորանալ։ Շատ բան կարող եմ ասել, բայց կարծում եմ, որ դա բավարար է», - ի պատասխան ասել է Ալիևը։

Նշենք, որ ադրբեջանական ԶԼՄ–ներում արդեն շրջանառվում են Մամեդյարովի հրաժարականի լուրերը։ Պաշտոնական հաստատում դեռ չկա։

Մարդկային և նյութական կորուստներն Ադրբեջանի նախագահին դրել են անհարմար վիճակի մեջ. Տոնոյան

0
թեգերը:
Էլմար Մամեդյարով, Իլհամ Ալիև, Ադրբեջան
Ըստ թեմայի
Սահմանամերձ գյուղերը կապահովվեն տեսահսկման, հատուկ կապի ու շչակային իրազեկման համակարգերով
ԱՄՆ-ն Երևանին ու Բաքվին կոչ է անում անհապաղ դադարեցնել կրակն ու վերսկսել բանակցությունները
Ի՞նչ է կատարվում հայ–ադրբեջանական սահմանագոտում. ՊՆ–ն նոր տեղեկություն է հայտնում
Հակահայկականությունն Ալիևի իշխանության պաշտպանության վերջին գիծն է. Նաղդալյանի պատասխանը
Գոնե պատմաբաններից ամաչեր. Փաշինյանի խոսնակը պատասխանել է Ալիևին