Լևոն Արոնյան. արխիվային լուսանկար

Մոսկվայում սկսվել է շախմատի աշխարհի կայծակնային առաջնությունը. Արոնյանը գոհ է մեկնարկից

134
(Թարմացված է 21:17 26.12.2019)
Արոնյանը կարծում է, որ աստղերի մասնակցությամբ հենց այդպիսի մրցաշարերի շնորհիվ է կարելի զարգացնել մարզաձևը։

ԵՐԵՎԱՆ, 26 դեկտեմբերի - Sputnik. Գրոսմայստեր Լևոն Արոնյանը գոհ է կայծակնային շախմատի աշխարհի 2019 թվականի առաջնության առաջին երեք տուրի արդյունքներից։ Դեկտեմբերի 26-30-ը Մոսկվայում անցկացվում է Արագ և կայծակնային շախմատի աշխարհի 2019թ․ առաջնությունը, հայտնում է ՌԻԱ Նովոստին։

«Մրցաշարի մեկնարկը բավականին հաջող էր։ Երրորդ փուլում ռուսաստանցի Պավել Պոնկրատովի հետ խաղը ոչ ոքի ավարտվեց։ Ամեն ինչ նորմալ է ընթանում, պետք է արժանապատվորեն խաղալ հաջորդ երկու փուլում ու դեպի ապագա նայել։ Բայց դեռ դժվար է գնահատել` ինչ մարզավիճակում եմ գտնվում», – ասել է Արոնյանը։ 

Պատանիները ձգտում են նմանվել անվանի շախմատիստներին. Հակոբյանը` Հնդկաստանի մրցաշարի մասին

Նա նշել է, որ Լուժնիկիում անցկացվող մրցաշարը լավ է կազմակերպված։ Մրցաշարն իր դերակատարությունը կունենա շախմատի հանրայնացման գործում, քանի որ Մոսկվան, Արոնյանի կարծիքով, մեծ ավանդույթներ ունեցող շախմատային քաղաք է։

«Աստղերի մասնակցությամբ հենց այդպիսի մրցաշարերի շնորհիվ է կարելի զարգացնել մարզաձևը։ Պատանիների համար շատ կարևոր է տեսնել Մագնուս Կառլսենին (նորվեգացի աշխարհի չեմպիոն) և մյուսներին»,–ասել է հայ շախմատիստը։

Մրցաշարին մասնակցում են ավելի քան 250 շախմատիստ, որոնց թվում է հայկական շախմատի առաջատար Լևոն Արոնյանը։ Մասնակիցների թվում է նաև աշխարհի գործող չեմպիոն Մագնուս Կառլսենը։

Ահռելի շախմատը, պղնձե կինն ու գունավոր հոլը. գյումրեցին կյանք է տալիս փայտին ու երկաթին

Հայաստանի մյուս ներկայացուցիչները՝ Գաբրիել Սարգսյանը, Տիգրան Պետրոսյանը, Մանուել Պետրոսյանը և Արման Փաշիկյանն առաջին տուրում ոչ ոքի խաղացին։

Նշենք, որ Ռուսաստանն այս մրցաշարը հյուրընկալում է 2-րդ տարին անընդմեջ։

134
թեգերը:
Մոսկվա, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները (103)
Ըստ թեմայի
Լևոն Արոնյանը սիրառատ նկարներ է հրապարակել և շնորհավորել կնոջը` Արիանային
Լևոն Արոնյանը «Գրանդ սվիսի» առաջատարներից է. նա հերթական հաղթանակն է տոնել
Լևոն Արոնյանն անհատական արծաթ նվաճեց, Աննա Ավագյանը` ոսկի. Եվրոպայի առաջնության արդյունքը
Լևոն Արոնյանը հաղթել է Grand Chess tour–ի կայծակնային մրցաշարում
Լևոն Արոնյանը երկար մտածել ու որոշել է չմասնակցել Երուսաղեմի Գրան Պրիին
Ալեքսանդ Թարխանովը

«Փյունիկի» նախկին գլխավոր մարզիչը բուլղարական ֆուտբոլային ակումբ կղեկավարի

15
(Թարմացված է 15:16 19.09.2020)
2019թ.-ից սկսած Ալեքսանդր Թարխանովը Հայաստանի ֆուտբոլի բազմակի չեմպիոնի՝ Երևանի «Փյունիկի» փոխնախագահն էր։

ԵՐԵՎԱՆ, 19 սեպտեմբերի – Sputnik. Ռուսաստանի Ֆուտբոլի ազգային լիգայում հանդես եկող «Ենիսեյ» ֆուտբոլային ակումբի մարզիչ Ալեքսանդր Թարխանովը կգլխավորի բուլղարական «Սլավիան»։ Տեղեկությունը նա հայտնել է ՌԻԱ Նովոստիին։

«Այո, դա ճիշտ է,-հեռախոսով ասել է Թարխանովը`, պատասխանելով «Սլավիայում» իր աշխատանքի մասին հարցին,-ես առաջարկ եմ ստացել ակումբի նախագահից, մենք պայմանավորվածություններ ունենք, բայց պայմանագիրը դեռևս ստորագրված չէ։ Մոտ ժամանակներս կթողնեմ «Ենիսեյը», երկուշաբթի նախատեսում եմ մեկնել Մոսկվա։ Նախկինում ես արդեն աշխատել եմ «Սլավիայում» և լավ եմ աշխատել` պատրաստելով մի քանի երիտասարդների։ Ակումբի նախագահի հետ լավ ծանոթ եմ»։

Թարխանովի խոսքով՝ պայմանագրի ժամկետի մասին դեռևս չեն պայմանավորվել։

Ալեքսանդ Թարխանովը 2019թ․-ից եղել է Հայաստանի ֆուտբոլի բազմակի չեմպիոնի՝ Երևանի «Փյունիկի» փոխնախագահը։

Որքանով է հնարավոր Վարդան Մինասյանի վերադարձը ղազախական ֆուտբոլ. մարզիչի հարցազրույցը


15
թեգերը:
Բուլղարիա, մարզիչ, ֆուտբոլ, Փյունիկ
Ըստ թեմայի
«Ծնունդդ շնորհավոր, հայրիկ». Մխիթարյանը հուզիչ գրառում է արել և լուսանկարներ հրապարակել
Ֆանտաստիկ «come back». «Արարատ-Արմենիան» գերկամային հաղթանակ տարավ
Առանց հանդիսատեսի. ՀՖՖ–ն ֆուտբոլասերներին ասել է` ինչպես օգնել և ոգևորել ֆուտբոլիստներին
Լևոն Արոնյան

Լևոն Արոնյանի հերթական հաղթանակը. հայ գրոսմայստերն ունի 9 միավոր և 5–րդ տեղում է

40
(Թարմացված է 10:34 18.09.2020)
Saint Louis Rapid & Blitz առցանց մրցաշարի առաջատարը նորվեգացի Մագնուս Կարլսենն է` 12 միավորով։

ԵՐԵՎԱՆ, 18 սեպտեմբերի - Sputnik. Saint Louis Rapid & Blitz առցանց մրցաշարի 9-րդ տուրում Լևոն Արոնանը հաղթել է ամերիկացի Լենիեր Դոմինգեսին։

Մինչ այդ հայ շախմատիստը պարտվել էր ամերիկացիներ Հիկարու Նակամուրայից և Ուեսլի Սոյից։

9-րդ տուրից հետո Արոնյանն ունի 9 միավոր և 5-րդ տեղում է։

Մրցաշարի առաջատարը նորվեգացի Մագնուս Կարլսենն է, որն իր ակտիվում ունի 12 միավոր, երկրորդ տեղում է ամերիկացի Ուեսլի Սոն (11 միավոր), իսկ երրորդ տեղում` ռուսաստանցի Յան Նեպոմնյաշչին (10 միավոր):

Արոնյանը 3–րդն է. Chess 960 առցանց առաջնությունն ավարտվեց

40
թեգերը:
Լևոն Արոնյան
թեմա:
Լևոն Արոնյանի վերելքներն ու վայրէջքները (103)
Ըստ թեմայի
«Նա հասկանում է ինձ բոլոր լեզուներով». Արոնյանը հաստատել է, որ իր կյանքում նոր կին կա
Լևոն Արոնյանը կրկին հաղթում է. Հայաստանը քառորդ եզրափակիչում է
Երեք հաղթանակ․ Արոնյանը Chess 960 մրցաշարի առաջատարն է
Եվգենի Պետրոսյան. արխիվաին լուսանկար

Չես կարող շոգեքարշ վարել՝ հնոցապան դարձիր, կամ «շուռ տված» հայերի բոհեմական կյանքը

5
(Թարմացված է 22:12 20.09.2020)
Sputnik Արմենիայի սյունակագիրը պատմել է, թե ինչպես է անցել իր 4–ժամյա ճամփորդությունը ռուսաստանաբնակ հայ պրոֆեսորի հետ: Վերջինս պատմել է, թե ինչ է մտածում Հայաստանում կատարվող իրադարձությունների, Լանզարոտեի կոնվենցիայի ու բոհեմական կյանքով ապրող հայ հայտնիների մասին։

«Սապսանը» շարժվեց Մոսկվայի Լենինգրադյան կայարանից և գլորվեց դեպի Սանկտ Պետերբուրգ։ Կողքի նստարանը զբաղեցնում էր մեղմ ասած (շատ մեղմ) ծեր մի տղամարդ։ Բարևեցինք, հինգ րոպե անց արդեն ցուցատախտակի վրա երևաց գնացքի արագությունը՝ 150 կմ/ժ։ Չորս այդպիսի ժամ պետք է անցկացնեինք։

Մենք ամբողջ ընտանիքով էինք․ որդիս, հարսս, երեք շատախոս թոռնուհիներս։ Ուղեկցորդուհին մոտեցրեց թերթերով սայլակը, ծերունին «Կոմսոմոլկա» վերցրեց, ճիշտն ասած՝ սայլակին ուրիշ բան չկար էլ։

«Հայե՞ր եք,-մի փոքր ուշ մեր անվերջ «ջան»-երին հաստատական երանգով արձագանքեց մեր ուղեկիցը,-Ես էլ եմ հայ։ Ինչպես ձեզ մոտ են ասում՝ «շուռ տված» հայ եմ»։

Այնուհետև անցավ դաժանորեն կոտրատված հայերենի (աղոտ արցախյան բարբառ էր հիշեցնում) և այդ հայերենով խոսեց ամբողջ ճանապարհին։

Ի՞նչ իմացա մեր ուղեկցի մասին։ Բժիշկ-անեսթեզիոլոգ է, պրոֆեսոր։ Սովորել է Մոսկվայում, աշխատել է Կազանում, Օմսկում, Լենինգրադում, Դելիում, Լիոնում, կրկին Լենինգրադում, իսկ թոշակի անցնելուց առաջ՝ նորից Մոսկվայում։ Ամեն տարի գալիս էր Երևան, բայց հիմա, երբ այստեղ ո՛չ հարազատներ, ո՛չ ընկերներ չեն մնացել՝ որդին Պետերբուրգում է, դուստրը՝ Կանադայում, կինն արդեն մահացել է, այցերը Երևան իրենք իրենց չեղարկվել են։

Երևանը ձեզ համար Փարիզ չէ. ադամանդ ձայնով Այդինյանի վիրահատությունն ու հայրենադարձությունը

Բայց մեր երկրում կատարվող ամեն ինչից տեղյակ է։ Ոչ թե պարզապես տեղյակ է, այլ, կարելի է ասել, բոլոր իրադարձությունների ներսում է, ինչպես հաճելի, այնպես էլ ոչ այնքան։ Պրոֆեսորի կողմից այդպիսի հետաքրքրությունը Հայաստանի նկատմամբ գրավեց ինձ։

Ճանապարհի առաջին կեսին ավելի շատ հարցեր տալիս էր նա, երկրորդին՝ ես։

Ճամփորդության առաջին կեսից։ Խնդրում էր բացատրել, թե մեր ինչին էին պետք (նա այդպես էլ ասաց` «մեր») լանզարոտա-ստամբուլյան կոնվենցիաները, որոնց պատճառով այսքան աղմուկ-աղաղակ է բարձրացել։ Մենք ուրիշ խնդիրներ չունե՞նք, ինչ է։

«Հայկական ընտանիքի ի՞նչը մեզ դուր չի գալիս»,-տարակուսում էր ծերուկը, ձեռքը վերցնելով «Կոմսոմոլկան» և մատով ցույց տալով թերթի էջը։

Հետևեցին բոլորին հայտնի անուն-ազգանուններ։ Երգչուհի Լոլիտան՝ հինգ ամուսնալուծություն, Եկատերինա Կլիմովան՝ ինչպես թերթում են գրում` «սերիալային աստղը»՝ երեք ամուսնալուծություն, հաղորդավար Ալեքսանդր Գորդոնը՝ չորս, ֆուտբոլիստ Կերժակովը երեք անգամ է ամուսնացել, երգիծաբան Եվգենի Պետրոսյանը՝ չորս ամուսնալուծություն։

Բրիտանական պարադոքս. ինչու հայը սկսեց անգլերեն խոսել գերմանական գերության մեջ

Դե լավ, ասենք՝ Պետրոսյանն էլ ինձ նման «շուռ տված» հայ է, բայց․․․ Որտե՞ղ է այս պատմության մեջ թաղված Բասկերվիլների շան գլուխը։ Կասեք՝ նրանք բոհեմական կյանքով ապրող մարդիկ են, նրանց մոտ ամեն ինչ ուրիշ է։ Թող այդպես լինի, բայց առաջներում նույնիսկ այսպես կոչված բոհեմական մարդիկ ե՞րբ էին այսքան հաճախ փոխում իրենց երկրորդ կեսին։ Հայաստանո՞ւմ, Ռուսաստանո՞ւմ։ Դե, Հայաստանում էլ չասած․․․ այստեղ պետք մի որևէ «Հայկական կոնվենցիա» գրել ամուր ամուսնության մասին և բոլոր ժողովուրդներին առաջարկել ստորագրել. հաստատ ավելի լավ բան կստացվեր, քան փորձել հավասարվել Լանզարոտեին։

«Սապսանը» մոտեցավ Տվերին, մի րոպեով կանգ առավ, վագոնից ոչ ոք դուրս չեկավ և ոչ ոք ներս չմտավ, շարունակեցինք ճանապարհը։ Թեյ բերեցին, բուտերբրոտներ։ Ծերուկը գրպանից հանեց տափաշիշը, ցեյլոնյան Greenfield Golden-ը բարեկարգեց վիսկիով, ինձ էլ առաջարկեց նույնն անել, և ճանապարհի հաջորդ հատվածին արդեն հիմնականում ես էի հարցեր տալիս։

Ի՞նչ իմացա։ Աֆորիզմների ոճով ներկայացնում եմ այն, ինչ ուղեկցիս ասածներից կարևոր թվաց։

Պրոֆեսիոնալիզմի մասին (ոչ միայն բժիշկների)․կարևոր է ոչ թե ընտրելը, թե ինչ ես երգում և ինչ չես երգում, կարևոր է պարզապես լավ երգել կարողանալը։

Սեփական հնարավորություններին ազնվորեն վերաբերվելու մասին․ չես կարող շոգեքարշ վարել՝ հնոցապան դարձիր։

Այն մասին, թե ինչպես պետք է մեզ պահենք ծեր հասակում․ եկեք չփչացնենք մեր մահախոսականը։

11 չհանձնվող տղամարդ, կամ սև օրվա համար արած խնայողություններն ավելի քիչ են, քան սև օրերը

5
թեգերը:
Հայաստան, Լանզարոտեի կոնվենցիա, Եվգենի Պետրոսյան
Ըստ թեմայի
«Թող անցյալը մոռացվի», կամ ինչու գյումրեցին մատնեց ամենամոտ ընկերոջը
Երևանում ապրած ու Հայոց ցեղասպանության մասին ֆիլմ նկարած ադրբեջանցին ու 2 հայ եղբայրները
Կարեն Դեմիրճյանի «Չայկան», կամ ինչպես էին ՀԽՍՀ-ում տեղափոխում բարձրաստիճան հյուրերին