Լավագույն մարզիկների ընտրություն

Հայտնի է` ովքեր են Հայաստանի 10 լավագույն մարզիկները

724
(Թարմացված է 19:24 25.12.2019)
Հանրահայտ ֆուտբոլիստ Հենրիխ Մխիթարյանը դուրս է մնացել լավագույն մարզիկների ցանկից։

ԵՐԵՎԱՆ, 25 դեկտեմբերի — Sputnik. Երկրպագուները, մարզական լրագրողներն ու հավաքական թիմերի մարզիչներն այսօր ընտրեցին Հայաստանի 10 լավագույն մարզիկներին:

2019 թվականի լավագույն տասնյակում տեղ են գտել միայն մենապայքարային մարզաձևերի ներկայացուցիչները: Հենրիխ Մխիթարյանը, որը միակն էր թիմային մարզաձևերից, դուրս մնաց լավագույնների ցուցակից:

Լավագույն մարզիկներից երկուսը հունահռոմեական ոճի ըմբիշներ են, մեկն էլ` ազատ ոճի ըմբիշ: 2019 թվականին հայ ծանրորդների հաջողությունները աչքաթող չեն եղել, և տասնյակում տեղ են գտել չորս ծանրորդներ: Բռնցքամարտը, սամբոն և մարմնամարզությունը տասնյակում ներկայացված են մեկական մարզիկներով:

2019 թվականի լավագույն տասը մարզիկներն են.

Արթուր Ալեքսանյան, Սլավիկ Գալստյան (հունահռոմեական ըմբշամարտ), 
Սիմոն Մարտիրոսյան, Գոռ Մինասյան, Ռուբեն Ալեքսանյան, Հակոբ Մկրտչյան (ծանրամարտ),
Հովհաննես Բաչկով (բռնցքամարտ),
Արթուր Ավետիսյան (մարմնամարզություն),
Տիգրան Կիրակոսյան (սամբո),
Արսեն Հարությունյան (ազատ ոճի ըմբշամարտ):

Նշենք, որ լավագույն տասնյակում հայտնվելու թեկնածուները 25-ն էին։

724
թեգերը:
Գոռ Մինասյան, Հենրիխ Մխիթարյան, Սիմոն Մարտիրոսյան, Արթուր Ալեքսանյան, մարզիկ, Հայաստան
Ըստ թեմայի
Հայ մարզիկը գավաթ և չեմպիոնի գոտի է նվաճել «TNA-2019–ի կանոններով մարտերում». տեսանյութ
«Նման խայտառակ ընտրություն չեմ տեսել». Հենրիխ Մխիթարյանի մորը դուրս թողեցին գործկոմից
Անհնար է. ՀՖՖ նոր նախագահը բացառում է Մխիթարյանին հավաքական չհրավիրելու տարբերակը