Ռոման Բերեզովսկի

Կփորձեմ փոխել թիմում տիրող ոչ այնքան լավ մթնոլորտը. Բերեզովսկին` «Սոչին» գլխավորելու մասին

332
(Թարմացված է 22:15 20.11.2019)
Ռուսական «Սոչի» թիմի գլխավոր մարզչի պարտականությունները մինչև Ռուսաստանի Պրեմիեր լիգայի ձմեռային արձակուրդների մեկնելը կատարելու է Հայաստանի հավաքականի հայտնի դարպասապահը: Sputnik Արմենիայի հետ զրույցում նա խոսել է ծրագրերի և մեր հավաքականի վերջին ձախողման մասին։

ԵՐԵՎԱՆ, 20 նոյեմբերի – Sputnik, Խաչիկ Չախոյան. Մարզչի փոփոխության ժամանակ ակումբը որոշակի ցնցում է ապրում։ Ռոման Բերեզովսկին հուսով է, որ այդ ցնցումը «Սոչի» թիմը կօգտագործի առաջիկա խաղերում լավ արդյունքի հասնելու համար:

Այս մասին Հայաստանի ազգային հավաքականի նախկին դարպասապահ, ներկայում ռուսական «Սոչի» թիմի նորընտիր գլխավոր մարզիչ պաշտոնակատար Ռոման Բերեզովսկին ասաց Sputnik Արմենիայի հետ զրույցում։

Ինչպես արդեն տեղեկացրել էինք, Հայաստանի ազգային հավաքականի նախկին դարպասապահ Ռոման Բերեզովսկին նշանակվել է «Սոչի» թիմի գլխավոր մարզչի պաշտոնակատար: Թիմի առաջին երեք հանդիպումների ընթացքում Բերեզովսկին կնշի իր նորամուտը: Առաջին խաղը նոյեմբերի 24-ին է, «Ուֆայի» հետ:

«Սոչին» Ռուսաստանի Պրեմիեր լիգայի առաջնությունում առայժմ առանց մեծ հաջողությունների է ելույթ ունենում: Թիմը 16 խաղերում տոնել է երեք հաղթանակ և պարտվել ինը հանդիպումներում: Այն աղյուսակում վերջին տեղում է, և արդեն նախկին գլխավոր մարզիչ Ալեքսանդր Տոչիլինի հեռանալու պատճառները հասկանալի են: Ռոման Բերեզովսկին Տոչիլինի օգնականն էր մինչև նոր նշանակումը, իսկ հիմա հայտնի դարպասապահը մտածում է ոչ միայն դարպասը պաշտպանելու, այլ նաև թիմի խաղը կարգավորելու մասին:

«Չորս տարի, մեկ ամիս սպասում էի այս օրվան». Գևորգ Կասպարովի երազանքն արդեն իրականություն է

«Անհնարին է միանգամից շատ բան փոխել թիմում: Փոփոխություններին պետք է գնալ քայլ առ քայլ: Կփորձեմ փոխել թիմում տիրող ոչ այնքան լավ մթնոլորտը: Մեզ միավորներ են հարկավոր և, իհարկե, հաղթանակներ: Հիմա առաջնային նպատակը նոյեմբերի 24-ին կայանալիք «Ուֆայի» հետ խաղն է, որին էլ կպատրաստվենք»- ասեց Բերեզովսկին Sputnik Արմենիայի հետ հարցազրույցում:

«Սոչիում» իր ապագային մասին Բերեզովսկին չի էլ մտածում, ու նրա համար կարևորը ներկան է։ Նա ընդգծում է, որ հիմա չի ուզում մտածել, թե ով կգլխավորի «Սոչին» 2020 թվականին: «Ներկայում ինձ վստահել են գլխավորել թիմն առաջիկա երեք խաղերի ընթացքում, ու ես իմ փորձն ու գիտելիքները կներդնեմ, որպեսզի հաջողության հասնենք այդ խաղերին: Իսկ թե ո՞վ կգլխավորին «Սոչին» ձմռան դադարից հետո, ցույց կտա ժամանակը»,- ավելացրեց Բերեզովսկին:

Բնականաբար, Բերեզովսկու հետ զրուցելիս հնարավոր չէր չանդրադառնալ Հայաստանի ազգային հավաքականի վերջին ձախողմանը: Չէ, որ Բերոզովսկին մեր հավաքականի մարզչական շտաբում է, ու միայն ընտանեկան խնդիրների պատճառով չմեկնեց Իտալիա: Ընտրանու դարպասապահների մասին հարցին անդրադառնալիս` Բերեզովսկին ընդգծում է, որ լավ չխաղաց ամբողջ թիմը: «Այսինքն` վատ խաղաց: Չեմ ուզում առանձնացնել Արամ Հայրապետյանին, բայց այն, որ մեր դարպասապահն անընդհատ սխալվում էր դարպասից դուրս գալու ժամանակ, նկատել եմ ոչ միայն ես: Եղան բազմաթիվ սխալներ բոլորի կողմից, ու անըմբռնելի հաշվով պարտությունը: Շատ ցավոտ պարտություն էր»,-ասեց Բերեզովսկին:

Հերթական փորձությունը հավաքականի համար. ինչ չէր կարող անել արտասահմանցի մարզիչը

Դարպասապահի խնդիրը մեր ազգային հավաքականում Ռոման Բերեզովսկու կարիերայի ավարտից հետո շարունակում է մնալ չլուծված: Նա կարծում է, որ այդ հարցում մենք հույսերս պետք է կապենք Արսեն Բեգլարյանի հետ:

«Եթե Արսենը կարողանա գտնել մի թիմ, որի կազմում կունենա խաղային ժամանակ, իմ կարծիքով նա է լինելու մեր հավաքականի դարպասապահը: Գևորգ Կասպարովի վարպետությունը փորձեցինք օգտագործել մյուս ֆուտբոլիստներին տրամադրելու համար: Իսկ Արամ Հայրապետյանի մոտ չկա կայունություն: Մի խաղում նա կարող է մի քանի անգամ փրկել մեր թիմին անխուսափելի թվացող գոլերից, մի այլ խաղում էլ նրա սխալները դառնում են ճակատագրական»- ավելացրեց Բերեզովսկին:

Հիշեցնենք, որ նոյեմբերի 18–ին Եվրո 2020-ի ընտրական փուլի վերջին`Իտալիա–Հայաստան հանդիպման ժամանակ մեր հավաքականը 9։1 հաշվով պարտություն գրանցեց։ Նշենք, որ Իտալիայի հավաքականի կողմից կրած պարտությունը Հայաստանի ֆուտբոլի հավաքականի պատմության մեջ ամենախոշոր պարտությունն էր։

Խոշոր հաշվով պարտություններ մեր հավաքականը կրել էր նաև Վրաստանի և Չիլլի հավաքականների հետ ընկերական հանդիպումների ժամանակ 1997թ.–ին։ Այն ժամանակ գրանցվել էր 7։0 հաշիվ։

332
թեգերը:
Հայաստան, Հայաստանի ֆուտբոլի ֆեդերացիա, ֆուտբոլ, Ռոման Բերեզովսկի, Սոչի
Ըստ թեմայի
Մեր հավաքականից 2–ը` «Սոչիում». Կարապետյանին լուրջ փորձություն է սպասում. Բերեզովսկի
Ինչպես կայացավ Յուրա Մովսիսյանի և Պեպեի հանդիպումը, իսկ Շկտրելը խնդրեց նրա մարզաշապիկը
Մեր մարդը «Դյուդելանժից». Ալեքսանդր Կարապետյանը պատմել է Մեծ Դքսության և Սոչիի մասին
Ցտեսություն, Հայաստան. Մարկոս Պիզելին հեռացավ հավաքականից
Հովհաննես Բաչկով

Հովհաննես Բաչկովի հաղթարշավը շարունակվում է. նա ջախջախիչ հաշվով դուրս եկավ կիսաեզրափակիչ

341
(Թարմացված է 08:52 03.08.2021)
Հայաստանը ներկայացնող բռնցքամարտիկը դուրս եկավ կիսաեզրափակիչ, նշանակում է` առնվազն բրոնզե մեդալն ապահովված է։

ԵՐԵՎԱՆ, 3 օգոստոսի – Sputnik. Տոկիոյում անցկացվող օլիմպիական խաղերի բռնցքամարտի 63 կգ քաշային կարգի 1/4 եզրափակիչում Հայաստանի ներկայացուցիչ Հովհաննես Բաչկովը մրցեց Ուզբեկստանի ներկայացուցիչ Էլնուր Աբդուրաիմովի հետ և հաղթեց 5։0 հաշվով։

Боксеры Ованнес Бачков (Армения) и Эльнур Абдураимов (Узбекистан) во время поединка на Олимпийских играх в Токио (3 августа 2021). Япония
© REUTERS / CARL RECINE
Հովհաննես Բաչկովն ու Էլնուր Աբդուրաիմովը

Բաչկովը դուրս եկավ կիսաեզրափակիչ, նշանակում է` առնվազն բրոնզե մեդալն ապահովված է։

Боксеры Ованнес Бачков (Армения) и Эльнур Абдураимов (Узбекистан) во время поединка на Олимпийских играх в Токио (3 августа 2021). Япония
© REUTERS / UESLEI MARCELINO
Հովհաննես Բաչկովն ու Էլնուր Աբդուրաիմովը
Боксер Ованнес Бачков после победы над Эльнуром Абдураимовым на Олимпийских играх в Токио (3 августа 2021). Япония
© REUTERS / UESLEI MARCELINO
Հովհաննես Բաչկով

Հիշեցնենք՝ Հովհաննես Բաչկովը տպավորիչ հաղթանակով սկսեց օլիմպիական խաղերը։

Հայ բռնցքամարտիկը նախ հսկայական առավելությամբ պարտության մատնեց Անտիգուան ներկայացնող Ռայան Ալստոնին, այնուհետև փայլուն հաղթանակ տարավ ադրբեջանցի Ջավիդ Չալաբիևի նկատմամբ։

Բաչկովի մրցակիցը կիսաեզրափակիչում կլինի ամերիկացի Քեյշոն Դևիսը։ Կիսաեզրափակիչի մենամարտը նա կանցկացնի օգոստոսի 6-ին:

Բրոնզ և առնվազն արծաթի հավակնություն. ինչպես անցավ օլիմպիադայի 10–րդ օրը հայերի համար

341
թեգերը:
Հայաստան, Հովհաննես Բաչկով, հաղթանակ, մեդալ, Օլիմպիական խաղեր
Ըստ թեմայի
Տոկիո–2020. Կարապետ Չալյանը պարտվեց կիսաեզրափակիչում
Արթուր Ալեքսանյանը կրկին հաղթեց Տոկիոյում ու դուրս եկավ եզրափակիչ
Մկանն ընդհանուր առմամբ վնասված չէ․ մանրամասներ Արթուր Ալեքսանյանի վիճակից
Արթուր Դավթյանը Հայաստանի առաջին մեդալը նվաճեց Տոկիոյի օլիմպիական խաղերում. տեսանյութ
Արթուր Ալեքսանյան

Մկանն ընդհանուր առմամբ վնասված չէ․ մանրամասներ Արթուր Ալեքսանյանի վիճակից

322
(Թարմացված է 21:55 02.08.2021)
Արթուրը վնասվածք ստացավ գոտեմարտի երկրորդ կեսի վերջում, երբ հնարքով կարողացավ 3 միավոր վաստակել։

ԵՐԵՎԱՆ, 2 օգոստոսի – Sputnik. ԿԳՄՍ փոխնախարար Կարեն Գիլոյանը armsport.am-ի հետ զրույցում տեղեկություններ է հաղորդել հունահռոմեական ոճի ըմբիշ Արթուր Ալեքսանյանի ստացած վնասվածքի վերաբերյալ։

«Քիչ առաջ բժիշկները դուրս են եկել հետազոտությունից և փաստեցին, որ վնասված են մկանային թելիկներ։ Մկանը, ընդհանուր առմամբ, փառք Աստծո, վնասված չէ։ Իհարկե, իր վրա սա կանդրադառնա։ Ի վերջո, միշտ էլ եզրափակիչը շատ լուրջ պայքար է ենթադրում, և այդ լուրջ պայքարում աննշան վնասվածքն անգամ կարող է իր ազդեցությունն ունենալ։ Բայց Արթուրը, անկասկած, հզոր մարտիկ է և այդպիսի մանրուքների վրա պետք է որ ուշադրություն չդարձնի», - ասել է Գիլոյանը։

Գիլոյանի խոսքով՝ Արթուրն իրեն լավ է զգում, պատրաստ է եզրափակիչին։

Ի՞նչ վնասվածք է ստացել Արթուր Ալեքսանյանը. մանրամասներ

«Հուսանք, որ լավ կքնի, առավոտյան առանց ցավերի կարթնանա ու կտրամադրվի շատ վճռորոշ եզրափակիչին»,- ասել է Գիլոյանը։

Հիշեցնենք, որ Արթուր Ալեքսանյանը Տոկիոյի օլիմպիական խաղերի կիսաեզրափակիչում հաղթեց իրանցի ըմբիշին և դուրս եկավ եզրափակիչ։

Արթուրը վնասվածք ստացավ գոտեմարտի երկրորդ կեսի վերջում, երբ հնարքով կարողացավ 3 միավոր վաստակել` հաշիվը դարձնելով 4:1։

«Սպիտակ արջը» վնասվածքով շարունակեց գոտեմարտը և, պահպանելով հաշիվը, դուրս եկավ եզրափակիչ՝ առնվազն ապահովելով արծաթե մեդալ:

Արթուր Ալեքսանյանը երկրորդ հաղթանակը տոնեց օլիմպիական խաղերում. լուսանկարներ

322
թեգերը:
Արթուր Ալեքսանյան, ըմբիշ, օլիմպիադա, Օլիմպիական խաղեր, վնասվածք
Ըստ թեմայի
Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը
Արթուր Դավթյանը Հայաստանի առաջին մեդալը նվաճեց Տոկիոյի օլիմպիական խաղերում. տեսանյութ
Կարապետ Չալյանն օլիմպիադայում մեկնարկեց հաղթանակով․ լուսանկարներ
Арцвик Минасян беседует с коллегами во время первого заседания парламента Армении 8-го созыва (2 августа 2021). Еревaн

Ընդդիմադիր խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն ՍԴ-ում

0
(Թարմացված է 10:17 03.08.2021)
Արծվիկ Մինասյանն Ազգային ժողովի նիստում հայտարարեց, որ իրենք ապօրինի են համարում ԱԺ նախագահի ընտրությունը։

ԵՐԵՎԱՆ, 3 օգոստոսի – Sputnik. «Պատիվ ունեմ» ու «Հայաստան» խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն Սահմանադրական դատարանում։ «Հայաստան» խմբակցության քարտուղար Արծվիկ Մինասյանն Ազգային ժողովի այսօրվա նիստում հայտարարեց, որ իրենք ԱԺ նախագահի ընտրությունը ապօրինի են համարում։

«Դիմելու ենք ՍԴ՝ պատգամավորների անձեռնմխելիության պայմաններում  ապօրինի ազատությունից զրկելու փաստը հաստատելու ու նաև մի շարք  իրավական հիմքեր ստեղծելու ուղղությամբ։ Այս հայտարարությունն արեցի, որ արձանագրվի ու առաջիկայում մենք իրականացնելու ենք այս գործընթացը»,-ասաց նա։

«Պատիվ ունեմ» խմբակցության քարտուղար Հայկ Մամիջանյանն էլ հայտարարեց, որ ԱԺ նախագահի ընտրության գործընթացը իրենք էլ են վիճարկելու ՍԴ-ում։

Հիշեցնենք` «Քաղաքացիական պայմանագիր» խմբակցության առաջադրած թեկնածու Ալեն Սիմոնյանը երեկ ընտրվեց Ազգային ժողովի նախագահ։ Նրա թեկնածությանը կողմ էր քվեարկել 71 պատգամավոր: Ընդդիմությունը չէր մասնակցել քվեարկությանը:

0