ԵՐԵՎԱՆ, 19 նոյեմբերի – Sputnik, Խաչիկ Չախոյան. Հնարավոր չէ hասկանալ ու ընդունել այն, ինչը երեկ տեղի ունեցավ Հայաստանի ֆուտբոլի հավաքականի հետ Պալերմոյում: Պարտվել էլ կա, պարտվել էլ:

Սեպտեմբերին Երևանում իտալացիներին պարտվեցինք 1:3 հաշվով, բայց այդ խաղից հետո ոչ մեկի լեզուն չէր պտտվի քննադատել մեր հավաքականի խաղն ու արդյունքը: Պայքարեցին` ինչքան կարողացան. 10 ֆուտբոլիստով էլ մեր հավաքականը շարունակում էր պայքարել:

© Sputnik / Aram Nersesyan

Հայաստանի ֆուտբոլի հավաքականը մարզվում է Հունաստանի խաղից առաջ. վառ կադրեր

16

Ֆուտբոլի ազգային հավաքականը Եվրոպայի 2020թ-ի ընտրական J խմբում ելույթն ավարտեց 1:9 հաշվով` ջախջախիչ պարտություն կրելով Իտալիայի հավաքականից:

Ի՞նչ եղավ մեր ֆուտբոլիստներին, ինչու՞ մեր թիմը դադարեց ֆուտբոլ խաղալ, ինչու՞ չկարողացավ ոչինչ անել իտալացիների հետ մրցակցի հարկի տակ խաղում: Այս հարցերի պատասխանները պետք է հասկանալ, ընդ որում` ոչ միայն մարզիչներից ու ֆուտբոլիստներից: Սա մեր ֆուտբոլային համակարգի ձախողումն է, նույնիսկ ձախողում բառը շատ մեղմ է հնչում:

Մեկ խաղում բաց թողնել ինը գնդա՞կ: Իտալիայի հավաքականը ընտրական փուլի 10 խաղերում սեփական դարպաս ընդունել է 4 գնդակ, որոնց ուղիղ կեսը խփել է Հայաստանի հավաքականը։ Մերոնք այդքան բաց թողեցին առաջին խաղակեսում, իսկ երկրորդում` մեր թիմը պարզապես արդեն չէր կարող պայքարել: Սա, իհարկե, վերջը չէ, բայց եթե այսպես շարունակվի` վերջը շատ մոտ կլինի:

«Հայկական ֆուտբոլը գնալով ավելի է քաղաքականացվում». Արարատ Ճաղարյան

Հիմա ամբողջ մեղքը կբարդեն գլխավոր մարզչի վրա: Այդպես չէ. միայն մարզիչը չէ, որ պատասխանատու է ազգային թիմի ելույթների համար, առավելևս այն մարզիչը, որը հավաքականի ֆուտբոլիստների հետ մարզման ընթացքում հանդիպել է խաղից վեց օր առաջ: Պարզ է, որ հինգ պաշտպաններով խաղը մեր հավաքականի ֆուտբոլիստների համար նորություն էր, և, միգուցե, այս գործոնն էլ իր դերակատարումն ունեցավ պարտության մեջ: Բացակայում էին մի քանի ֆուտբոլիստներ: Հիմա ինչ էլ ասենք`ուղղակի արդարացում է: Ֆուտբոլում փաստը խաղից հետո լուսատախտակն է: Իսկ իտալացի լրագրողները խաղից հետո հայտարարում էին, որ լուսատախտակի վրա տեղ չկար աչքի ընկած ֆուտբոլիստների ազգանունները գրելու համար:

Խմել է և մատ ցույց տվել. Հայաստան–Հունաստան խաղի ժամանակ սկսված ծեծկռտուքի մանրամասները

Իտալիա-Հայաստան խաղն ամբողջությամբ արտացոլեց Հայաստանի բարձրագույն խմբի մակարդակը, միանգամից հասկացրեց, որ Հայաստանին հայ ֆուտբոլիստներ են պետք: Բացի ազգային հավաքականից, նոյեմբերին պարտությամբ «աչքի են ընկել» մեր մինչև 17, 19 և 21 տարեկան ֆուտբոլիստների հավաքականները: Բոլոր տարիքային խմբերում էլ գրանցվել են միայն պարտություններ` հիմնականում խոշոր հաշիվներով:

Ի՞նչ է տեղի ունեցել Հայաստան–Իտալիա ֆուտբոլային խաղից առաջ. տեսանյութ

Ահա և այս` առաջին հայացքից մանր թվացող պատճառները, գումարվելով դառնում են մեծ խնդիր, ու, արդեն, մեծերի խաղում էլ չկա կայծ, և չի լինի, բնականաբար, նաև կրակ:

2009 թվականին Հայաստանի հավաքականը սեփական հարկի տակ 2:1 հաշվով հաղթանակի հասավ Բելգիայի ընտրանու նկատմամբ: Հիմա Բելգիայի թիմը գլխավորում է համաշխարհային ֆուտբոլի վարկանիշային աղյուսակը, իսկ մենք հաստատուն քայլերով նահանջում ենք: Ժամանակն է գտնել սրընթաց վայրէջքի պատճառներն ու շարժվել առաջ, թեկուզ` հենց նույն Բելգիայի օրինակով:

ԵՐԵՎԱՆ, 3 մարտի - Sputnik. ԱԺ անկախ պատգամավոր Արման Բաբաջանյանն այսօր ԱԺ-ում ԲԴԽ նախագահ Ռուբեն Վարդազարյանին մեղադրեց քաղաքականապես անաչառ չլինելու մեջ՝ հավելելով, որ նրա որդին Բաղրամյան պողոտայի ակտիվիստներից է:

«Տեղեկացնեմ ձեզ և մեր հասարակությանը, որ տղաս առնվազն երկու շաբաթ առաջ ողնաշարի ճողվածքով մի շաբաթ տանը պառկել է հիվանդ, ապա վիրահատվել է և հիմա հետհիվանդանոցային բուժում է ստանում՝ տանը պառկած: Եվ ձեր պնդումը, իմ գնահատմամբ, ընդամենը քայլ է փորձելու վիրավորելու, գոտկատեղից ներքև հարվածելու և իմ ընտանիքի անդամներին ներքաշելու այս պրոցեսին»,- ասաց Վարդազարյանը:

Նման վարքագիծը, նրա խոսքով, հարիր չէ պատգամավորին, ուստի ԲԴԽ նախագահը խոստացավ Արման Բաբաջանյանի հարցով դիմել ԱԺ էթիկայի հանձնաժողովին, իսկ այն պահից, երբ այլևս չի հանդիսանա ԲԴԽ նախագահ, Բաբաջանյանին կպատասխանի նույն կամ ավելի խիստ ու վիրավորական բառապաշարով:

Հիշեցնենք՝ ԲԴԽ նախագահ Ռուբեն Վարդազարյանն այսօր խորհրդարանում է՝ ներկայացնելու Վճռաբեկ դատարանի դատավորների թեկնածուներին:

Բայց մինչ պատգամավորները կսկսեին հարցեր տալ թեկնածուներին՝ իրենց ապագա գործունեության վերաբերյալ, նրանք նախ սկսեցին իրենց հետաքրքրող հարցերի պատասխանները պահանջել Վարդազարյանից: Հարցուպատասխանը, որն այս պահին շարունակվում է, անցնում է շատ թեժ մթնոլորտում:

Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի եւ Արսեն Մկրտչյանի թեկնածությունները։

Սամվել Գրիգորյանը մարտի 2-ին ինքնաբացարկ էր հայտնել, ինչի հետևանքով հարցի քննարկումը մեկ օրով հետաձգվել էր: