Էդուարդ Շարմազանով

Ո՞ր թիմին են երկրպագելու հայաստանցի հույները. Շարմազանովը կատարել է իր ընտրությունը

307
(Թարմացված է 22:57 15.11.2019)
Հայաստանի հունական համայնքի ներկայացուցիչները Հայաստան–Հունաստան խաղից առաջ ասել են, թե որ հավաքականին են երկրպագելու։

ԵՐԵՎԱՆ, 15 նոյեմբերի — Sputnik. Այսօր երեկոյան Երևանի Վազգեն Սարգսյանի անվան «Հանրապետական» մարզադաշտում Եվրո-2020 ընտրական փուլի շրջանակում կկայանա Հայաստան–Հունաստան խաղը։ Խաղի արդյունքների վերաբերյալ կանխատեսումները հակասական են։ Սակայն մի բան ակնհայտ է` Հայաստանին միայն հաղթանակ է պետք։

Հայաստանի հունական համայնքի ներկայացուցիչները Հայաստան–Հունաստան խաղից առաջ Sputnik Արմենիային ասել են, թե որ հավաքականին են երկրպագելու։

«Միշտ երկրպագել եմ և երկրպագելու եմ Հայաստանի հավաքականին` իմ սրտի հավաքականին, – ասաց հունական արմատներ ունեցող, ԱԺ նախկին փոխխոսնակ, ՀՀԿ մամուլի քարտուղար Էդուարդ Շարմազանովը։  Իսկ Հունաստանի հավաքականին հաջողություն եմ մաղթում և հաղթանակ բոլոր խաղերում, բացի այսօրվա խաղից»։

Օլիմպիական խաղերի առաջին չեմպիոնը խոհարար էր. էլ ինչ չգիտենք Հունաստանի մասին

Հայաստանի հունական համայնքների միության նախագահ, հույն Մարիա Լազարևան անմիջապես և հստակ պատասխանեց հարցին.

«Իհարկե, երկրպագելու եմ Հունաստանին։ Մեր համայնքից շուրջ 40 մարդ կգնա մարզադաշտ և խաղին կհետևի հունական տրիբունայից։ Մեր ձեռքերում Հունաստանի դրոշներ կլինեն։ Սակայն մեր ընկերներից շատերը խաղը դիտելու են հայկական տրիբունայից»։

Լազարևան նաև ավելացրեց, որ Հայաստանում Հունաստանի դեսպանատան ներկայացուցիչներն անպայման ներկա կգտնվեն խաղին։

Մարզական լրագրող Ռոբերտ Մարկոսյանը, որի երակներով նաև հույնի արյուն է հոսում, ասաց. «Շատ դժվար է պատասխանել, թե ում եմ երկրպագելու։ Իհարկե, Հայաստանին հաղթանակն ավելի շատ է պետք, այնպես որ այդ տեսանկյունից, հավանաբար, ամեն դեպքում կերկրպագեմ Հայաստանին։ Քանի որ ես լրագրող եմ, խաղը դիտելու եմ լրագրողների տրիբունայից, հայկական եռագույնը և հունական խորհրդանիշը պատկերող շարֆով», – ասաց Ռոբերտը։

Հայաստանում այսօր պաշտոնական տվյալներով շուրջ 2000 հույն է ապրում։ Առավել մեծ հունական համայնքները գտնվում են Երևանում, ինչպես նաև Տավուշի և Լոռու մարզերում։ Հայաստանում բնակվող հույների մեծամասնությունը պոնտացի հույների սերունդներ են, որոնք իսկզբանե ապրել են Սև ծովի ափին։

Մխիթարյանը չկա, ո՞վ է հանդես գալու ավագի թևկապով. Խաշմանյանը ամփոփել է մարզումները

307
թեգերը:
Էդուարդ Շարմազանով, հույն, Հայաստանի ազգային հավաքական, ֆուտբոլ, ՀՖՖ, Հունաստան, Հայաստան
Ըստ թեմայի
Ինչ գույնի մարզաշապիկով կխաղա Հայաստանի հավաքականը Հունաստանի դեմ. լուսանկար
Հայաստանը սխալվեց աքլորի ու կանանց պատճառով. Ուտկինը` Գրիգորյանից հրաժարվելու մասին
ԱԱԾ տնօրենի հրաժարականը լուրջ հարված է այսօրվա իշխանությանը. Շարմազանով
Ես` ընդդիմադիր լոռեցի միամիտ գործիչս, Փաշինյանի ո՞ր ասածը հիմք ընդունեմ. Շարմազանով
Դենիս Ջորկաեֆ. արխիվային լուսանկար

Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»

394
(Թարմացված է 12:35 04.08.2020)
2020 թվականի հուլիսին Հայաստանի ֆուտբոլի ֆեդերացիան հայտարարեց նոր նշանակումների մասին: ՀՖՖ նախագահի նորանշանակ երկու խորհրդականներից մեկը՝ Դենիս Ջորկաեֆը, արդեն պաշտոնապես պատասխանատու է ՀՖՖ միջազգային կապերի հաստատման ու բարելավման համար:

Ֆրանսիական Դեսին (Դեսին Շարպ) քաղաքի փոխքաղաքապետ, FeedConstruct սպորտային իրադարձությունների թվային կոնտենտ և տվյալներ մատակարարող ընկերության դեսպան Դենիս Ջորկաեֆը նշանակվել է ՀՖՖ նախագահի միջազգային հարցերով խորհրդական:

Սպասելի նշանակում Ջորկաեֆի համար

Պարզվում է` Դենիս Ջորկաեֆի համար առաջարկությունն ու նշանակումը անակնկալ չեն եղել:

«Բանակցությունները, ՀՖՖ-ում աշխատելու հետ կապված, ընթացել են վաղուց, այնպես որ, նշանակումն անակնկալ չէր ինձ համար: Եթե ես կարող եմ ինչ– որ կերպ օգտակար լինել հայ ազգին, հայկական ֆուտբոլին, ապա հպարտ կլինեմ դրանով: Մենք ֆուտբոլային ընտանիք ենք եղել միշտ, ու այն փորձն ու կապերը, որոնք մենք ունենք, հաստատ կօգտագործենք հայկական ֆուտբոլի զարգացմանը նպաստելու համար»,– Sputnik Արմենիայի հետ բացառիկ հարցազրույցում նշեց Ջորկաեֆը։

Ջորկաեֆը հավելեց, որ իրենց ընտանիքը միշտ էլ պատրաստակամ է եղել հայկական ֆուտբոլին օգնելու և օգնել է տարբեր հարցերում: Հիմա ուրախ է, որ այդ ամենն արդեն նաև պաշտոնական բնույթ է կրելու:

Միջազգային կապերի կարևորությունը

ՀՖՖ նախագահի միջազգային հարցերով խորհրդականը նշեց, որ, անկասկած, միջազգային կապերն անհրաժեշտություն են Հայաստանի ֆուտբոլի ֆեդերացիայի աշխատանքները հեշտացնելու համար: Նրա խոսքով` ֆուտբոլային միջազգային կառույցների հետ աշխատանքներ կազմակերպելը, փորձի փոխանակումն ու այլ կարգի կարևոր գործոնները պետք է կարողանալ արագ ծառայեցնել հայկական ֆուտբոլի զարգացման նպատակին:

Ջորկաեֆ ավագը հայերի հետ ոչ–ոքի խաղաց դաշտում և հայուհու հետ հաղթեց անձնական կյանքում

«Այս պահի դրությամբ դեռևս որոշված չէ, թե կոնկրետ որ ուղղությամբ ենք սկսելու: Կորոնավիրուսի պատճառով, շփումներն առայժմ լիարժեք հնարավոր չեն: Բայց շատ շուտով մենք կհանդիպենք ՀՖՖ-ում ու կորոշենք մեզ համար կարևոր նպատակները»,–վստահեցրեց Ջորկաեֆը:

Ջորկաեֆների հյուրընկալ հայկական ընտանիքը

«Շիրակի» նախկին ֆուտբոլիստ Արա Ադամյանը, որը բնակվում է Ֆրանսիայում ու շատ մտերիմ հարաբերությունների մեջ է Ջորկաեֆների ընտանիքի հետ, պատմելով նրանց մասին, նշեց հետևյալը.

«Շատ հյուրընկալ ընտանիք է, իսկական հայկական, ու այդ առումով առաջին հերթին պետք է առանձնացնեմ Ջորկաեֆների մայրիկին: Երբ մտնում ես իրենց տուն, կարծես Հայաստանում լինես: Դոնի Ջորկաեֆը չորս երեխա ունի, ու նրանք շատ հաճախ են գալիս Հայաստան: Կինը ֆրանսահայ է և մաքուր խոսում է հայերեն: Կարճ ասած` պարզ ու լավ հայկական ընտանիք է»,–ասաց նա։

Слева направо: Ара Адамян, Денис Джоркаефф и Арутюн Варданян
© Photo : provided by Ara Adamyan
Ձախից աջ` Արա Ադամյան, Դենիս Ջորկաեֆ և Հարություն Վարդանյան

Մեր հայրենակից Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն

«Շիրակի» նախկին ֆուտբոլիստը համոզված է` ապագայում Ջորկաեֆը մեծ ներդրում կունենա հայկական ֆուտբոլի զարգացման մեջ:

Ֆուտբոլի ու Ջորկաեֆների անխափան կապը

Արա Ադամյանը Ջորկաեֆների ընտանիքն ու ֆուտբոլն առանձին–առանձին չի պատկերացնում։

«Ես աշխատել եմ Դոնիի հետ UGA -(Union Générale Arménien) թիմում, որտեղ նա տասը տարի եղել է ակումբի նախագահ: Ընդհանրապես, նա ֆուտբոլում տարբեր ու կարևոր պաշտոններ է զբաղեցրել: Անվիճելի է, որ նա ֆուտբոլային անձնավորություն է` իր ազգանունին համապատասխան: Բացի այդ, Ջորկաեֆները շատ լավ կապեր ունեն ՖԻՖԱ-ում և ՈՒԵՖԱ-ում, և դա նունպես նպաստելու է տարբեր ծրագրեր իրականացնելուն»,–նշեց Ադամյանը:

Փաստորեն` Դոնի Ջորկաեֆ

Դենիսին ֆրանսիայում ասում են Դոնի, այսինքն` ֆրանսերենում գրվում է Դենիս, բայց կարդացվում Դոնի։

Ստացվում է, որ Դենիս Ջորկաեֆը սովոր է, որ իրեն դիմեն որպես Դոնի: Բայց, եկեք ասենք` դա ոչ մի բան չի փոխում ֆուտբոլում արդեն մեծ փորձ կուտակած ու աշխատանքային հարուստ կապեր ունեցող Ջորկաեֆին մտածել հայկական ֆուտբոլի մասին: Մնում է սպասել միայն կորոնավիրուսի համաճարակի նահանջին, որպեսզի իր հեղինակությամբ «հարձակողական գիծ մտնի» Դոնի Ջորկաեֆը:

Ջորկաեֆի դպրոցական շարադրությունը կամ ինչու՞ Թուրքիան չսիրեց տաղանդավոր ֆուտբոլիստին

394
թեգերը:
կորոնավիրուս, ֆուտբոլ, Հայաստան, ՀՖՖ, Դենիս Ջորկաեֆ
Ըստ թեմայի
Ջորկաեֆները` ֆուտբոլում և քաղաքականության մեջ. Դեսինը հայկական քաղաք է դառնում
Նիկոլ Փաշինյանն աշխատանքային օրը սկսեց Ջորկաեֆի հետ հանդիպումով. լուսանկար
Մակրոնն ինքն ուզեց, Ջորկաեֆը «սիրահարվեց», իսկ վարչապետը վճարեց. պատմություններ Երևանից
ֆուտբոլիստներ

2019/20 մրցաշրջան. հայտնի է` ով է Հայաստանի լավագույն ֆուտբոլիստը

59
(Թարմացված է 17:58 03.08.2020)
Հայաստանի ֆուտբոլի ֆեդերացիան ամփոփել է քվեարկության արդյունքներն ու հրապարակել լավագույն ֆուտբոլիստի անունը։

ԵՐԵՎԱՆ, 3 հուլիսի – Sputnik. Գյումրու «Շիրակ» ակումբի հարձակվող Մորի Կոնեն Հայաստանի՝ 2019/20 մրցաշրջանի լավագույն ֆուտբոլիստն է։ Տեղեկությունը հայտնում է Հայաստանի ֆուտբոլի ֆեդերացիան։

«Քվեարկության արդյունքում Մորի Կոնեն հավաքել է 137 միավոր»,– գրված է հաղորդագրության մեջ։

Եվրոպայի լիգային ընդառաջ. Հենրիխ Մխիթարյանը մարզումներից լուսանկար է հրապարակել

Լավագույն ֆուտբոլիստին որոշելու համար կազմակերպված քվեարկության արդյունքում 31 միավորով երկրորդ հորիզոնականում է «Նոայի» կիսապաշտպան Մաքսիմ Մայրովիչը, 22 միավորով երրորդ տեղում է «Լոռի» ֆուտբոլային ակումբի հարձակվող Ջոնել Դեսիրեն:

Ալեքսանդր Կարապետյանը մարզական կարիերան կշարունակի ռուսական «Տամբովում»

59
թեգերը:
ֆուտբոլիստ, ֆուտբոլ, Հայաստան
Ըստ թեմայի
«Ջորդանը նրան չի հասնի». Գալուստյանը սպորտում «ռեկորդներ» է սահմանում. տեսանյութ
«Նոան» նոր մրցաշրջանում կհանդիպի Արարատի հետ ու կիրագործի հեռուն գնացող նպատակները
Արագ, ուժեղ, բարձր. Ծաղկաձորն օլիմպիական ոսկու պայքարի գլխավոր «հենակետն» էր
Մարզիկները ո՛չ իրենց «քաշեցին», ո՛չ էլ թիմին. Հայաստանը լավագույններին էր Մոսկվա ուղարկում
Արմեն Սարգսյան

«Խորապես ցնցված եմ». Արմեն Սարգսյանը ցավակցել է Լիբանանի նախագահին

5
(Թարմացված է 11:54 05.08.2020)
ՀՀ նախագահը զորակցություն է հայտնել Լիբանանի ժողովրդին և նշել, որ Հայաստանն այս ծանր պահին պատրաստ է աջակցել եղբայրական պետությանը։

ԵՐԵՎԱՆ, 5 օգոստոսի – Sputnik. Հայաստանի Հանրապետության նախագահ Արմեն Սարգսյանը ցավակցական հեռագիր է հղել Լիբանանի Հանրապետության նախագահ Միշել Աունին: Տեղեկությունը հայտնում է նախագահի մամուլի ծառայությունը։

«Խորապես ցնցված եմ Բեյրութում տեղի ունեցած պայթյունի լուրից: Այս ողբերգությունը խլեց բազում կյանքեր և դարձավ հսկայական ավերածությունների պատճառ: Իմ ցավակցությունն ու զորակցությունն եմ հայտնում Ձեզ և եղբայրական Լիբանանի ժողովրդին: Զոհվածների հարազատներին ու մերձավորներին մաղթում եմ տոկունություն և ոգու արիություն, իսկ վիրավորներին՝ շուտափույթ ապաքինում: Այս ծանր պահին պատրաստակամ ենք աջակցություն ցուցաբերել եղբայրական Լիբանանին»,-ասված է նախագահ Սարգսյանի հեռագրում:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 5 հայ կա`  լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

5
թեգերը:
պայթյուն, Բեյրութ, Արմեն Սարգսյան, Լիբանան, Հայաստան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Ուժգին պայթյունի հետևանքով Բեյրութում մեծ վնասներ է կրել հայկական Սուրբ Գևորգ եկեղեցին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին