Գևորգ Ղազարյան

Գևորգ Ղազարյանը չի մասնակցի Հունաստանի և Իտալիայի դեմ հանդիպումներին

58
(Թարմացված է 01:04 13.11.2019)
Հայաստանի հավաքականի ֆուտբոլիստը նախնական հետազոտություն է անցել, պարզվել է, որ նա խնդիրներ ունի։

ԵՐԵՎԱՆ, 13 նոյեմբերի – Sputnik. Հայաստանի ազգային հավաքականի ֆուտբոլիստ Գևորգ Ղազարյանը ծնկի հետ կապված խնդիրների պատճառով չի կարողանա մասնակցել Հունաստանի և Իտալիայի դեմ հանդիպումներին։ Այս մասին հայտնում է Հայաստանի ֆուտբոլի ֆեդերացիայի մամուլի ծառայությունը։

«Հավաքականի՝ նոյեմբերի 11-ին կայացած առաջին մարզումից հետո Գևորգ Ղազարյանը թեթև ցավեր էր զգացել ծնկի հատվածում: Այդուհանդերձ, Ղազարյանը նոյեմբերի 12-ին ևս մասնակցեց մարզմանը, որից հետո ցավը կրկին իրենց զգացնել տվեց: Նախնական հետազոտության արդյունքում պարզ դարձավ, որ Ղազարյանը ծնկի հետ կապված խնդիրներ ունի, ինչի պատճառով չի կարողանա մասնակցել Հունաստանի և Իտալիայի դեմ հանդիպումներին:

Հիշեցնենք` նոյեմբերի 15-ին և 18-ին Հայաստանի ազգային հավաքականը կանցկացնի Եվրո-2020-ի ընտրական փուլի 9-րդ և 10-րդ տուրերի հանդիպումները՝ նախ Երևանում ընդունելով Հունաստանի հավաքականին, ապա հյուրընկալվելով Իտալիայի հավաքականին: 

58
թեգերը:
Գևորգ Ղազարյան, վնասվածք, ֆուտբոլ, Հայաստան
Ըստ թեմայի
Ճաղարյան. «Արթուր Վանեցյանի դեմ իրականացրած սաբոտաժի հետևում ՀՖՖ գլխավոր քարտուղարն է»
Մեզ վրա շշեր էին նետում, Երվանդն էլ պատասխանեց. հայ երկրպագուն 3 շաբաթ ֆիննական բանտում է
Փորձ է արվում քաղաքականացնել ֆուտբոլը. Red Eagles–ը քննադատել է նախարարի հայտարարությունը
Խաշմանյանը միաձայն ընտրվեց ազգային հավաքականի մարզիչ. ինչ իրավական կազուս է եղել
Նենսի Ավեսյան

Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար

103
(Թարմացված է 16:37 12.07.2020)
Ֆուտբոլիստը և իր ընկերը սպասում են իրենց առաջնեկին, որը լույս աշխարհ կգա մոտ 4 ամսից։

ԵՐԵՎԱՆ, 12 հուլիսի - Sputnik. Հայաստանի ֆուտբոլի կանանց հավաքականի անդամ Նենսի Ավեսյանը հղի է։ Լուրը ֆուտբոլիստը հայտնել է Instargram-ի իր էջում և ընկերոջ հետ լուսանկար հրապարակել։

«Մենք երեխա ենք ունենալու։ Մեզ այնքան օրհնված ենք զգում։ Անհամբեր սպասում ենք նոյեմբերին»,- գրել է Նենսին։

Посмотреть эту публикацию в Instagram

Публикация от Nancy Avesyan (@nancyavesyan)

Ավելի վաղ հաղորդել էինք, որ ամերիկահայ ֆուտբոլիստ Նենսի Ավեսյանն առաջին անգամ խաղացել է Հայաստանի կանանց ֆուտբոլի հավաքականի կազմում:

Հայաստանի ֆուտբոլի ազգային հավաքականը երկու ընկերական հանդիպում է անցկացրել Լիտվայի հավաքականի հետ և գրանցել 0:1 և 1:1 հաշիվները: Այնուամենայնիվ, պարտությունն ու ոչ ոքին չեն վրդովեցրել  երկրպագուներին։ Նրանք 2019 թվականից ուզում էին հայ գեղեցկուհի Նենսիին տեսնել Հայաստանի ֆուտբոլի կանանց հավաքականում, և դա արդեն իրականություն է:

Մարտի 8-ին Նենսին լուսանկար էր հրապարակել Հայաստանի ֆուտբոլի կանանց հավաքականի հետ և շնորհավորել կանանց միջազգային տոնի առիթով։

103
թեգերը:
Լուսանկար, հղի, երեխա, ֆուտբոլ, Հայաստան, Նենսի Ավեսյան
Ըստ թեմայի
Նենսի Ավեսյանը Հայաստանի ֆուտբոլի կանանց հավաքականում է. լուսանկարներ
Ինչու է պարետատունը մերժել Հայաստանի ֆուտբոլի ֆեդերացիային
Հայաստանի կանանց թիմը պարտվեց ռուսական հավաքականին. Աշխարհի առաջնության 2-րդ տուր
Ֆուտբոլային թրիլլեր գավաթի եզրափակիչում. Հայաստանի գավաթակրի անունը հայտնի է
Շախմատի տախտակ

Կյանքը վերականգնվում է. Ջերմուկում մեկնարկել է Ստեփան Ավագյանի անվան շախմատի հուշամրցաշարը

13
Հայաստանում անցկացվող շախմատային մրցաշարն աննկատ չի մնացել արտասահմանյան շախմատիստների կողմից։

ԵՐԵՎԱՆ, 12 հուլիսի - Sputnik. Չնայած համավարակին՝ Ջերմուկ քաղաքում շախմատային առօրյան սկսվել է. մեկնարկել է Ստեփան Ավագյանի հուշամրցաշարը։ Անշուշտ, մրցաշարն անցկացվում է հակահամաճարակային անվտանգության բոլոր կանոնները պահպանելով։ Մրցաշարի բոլոր մասնակիցները պաշտպանիչ դիմակներով են։ 

Մրցաշարն անցկացվում է շրջանային մրցակարգով՝ 10 մասնակիցներով և 9 խաղափուլով:  Արդեն անցկացված 5 խաղափուլերի արդյունքներով՝ առաջատարը 22-ամյա գրոսմայստեր Մանուել Պետրոսյանն է։ Նա հնարավոր 5 միավորից վաստակել է 4 -ը։ Կես միավորով նրան հաջորդում է 24-ամյա Արման Միքայելյանը։ Առաջատարին հետապնդող շախմատիստների խմբում են 2018 թվականի Հայաստանի չեմպիոն, գրոսմայստեր Հայկ Մարտիրոսյանը, Շանթ Սարգսյանն ու Դավիթ Շահինյանը՝ 3-ական միավորով։

Ջերմուկում անցկացվող մրցաշարն աննկատ չի մնացել արտասահմանյան շախմատիստների կողմից։ Նիդեռլանդների ներկայացուցիչ Պեն Չժաոցինը Twitter-ի իր էջում ջերմուկյան մրցաշարից լուսանկար է հրապարակել և գրառում կատարել.

«Հաճելի չէ, բայց աշխատում ենք հատուկ պայմաններում»,- գրել է շախմատիստուհին՝ նկատի ունենալով մրցաշարի մասնակիցների դիմակները։

Հիշեցնենք՝  Հայաստանում կորոնավիրուսով վարակվածների թիվը վերջին մեկ օրում ավելացել է 577–ով և դարձել 31 969։ Այս պահին փաստացի բուժում է ստանում 11 589 մարդ, կատարվել է 134 989 թեստավորում, առողջացել են վարակվածներից 19 633–ը։ Գրանցվել է մահվան 565 (+6) դեպք։ Այլ պատճառներով մահվան դեպքերի ընդհանուր թիվը` 182 (+2)։

Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում

13
թեգերը:
Ստեփան Ավագյան, կորոնավիրուս, մրցաշար, Ջերմուկ, Հայաստան, շախմատ
Ըստ թեմայի
Կոնյակն էլ շախմատիստների՞ դոպինգն է. ՌԴ–ի սպորտային լրագրողները Երևանում են. լուսանկարներ
Հայ շախմատիստի մասին հարցն օգնեց լրագրողին գումար շահել ռուսական «Ինչ, որտեղ, երբ»- ում
Լևոն Արոյանը պարտվեց ամերիկացի շախմատիստ Հիկարու Նակամուրայից
Հայաստանում կայծակնային շախմատի մրցաշար կանցկացվի՝ նվիրված մայիսյան հաղթանակներին
 Խոշոր եղջերավոր անասուններ

Հատուկ չվերթ խոշոր եղջերավոր անասունների համար, կամ ինչու են ՀՀ-ում սկսել միս քիչ ուտել

0
(Թարմացված է 20:49 12.07.2020)
Կորոնավիրուսն ու ճգնաժամը խախտել են տնտեսագիտության բոլոր կանոնները.  անասնագլխաքանակն ավելանում է, սպառումը՝ նվազում, բայց գներն առաջվա պես շարունակում են աճել: Հայ գործարարներն էլ իրենց անասուններն Իրաք են հասցնում վրացական ինքնաթիռի հատուկ չվերթով:

ԵՐԵՎԱՆ, 12 հուլիսի - Sputnik, Նելլի Դանիելյան. Կորոնավիրուսի համավարակի ու արտակարգ դրության պայմաններում Հայաստանում նվազել են ընտանի կենդանիների մսի իրացման ծավալները:

Այս մասին են վկայում ՀՀ վիճակագրական կոմիտեի «Արդյունաբերական կազմակերպություններում հիմնական արտադրատեսակների թողարկումը բնեղեն արտահայտությամբ՝ 2020 թվականի հունվար-մայիսին» հետազոտության արդյունքները:

Դրանց համաձայն՝ մսամթերքի բոլոր տեսակների իրացումն այս տարվա 5 ամիսներին  շուրջ 5%-ով անկում է ապրել՝ նախորդ տարվա նույն ժամանակահատվածի համեմատ:

Օրինակ՝ խոշոր եղջերավոր կենդանիների թարմ և սառեցրած մսի իրացման ծավալները կրճատվել են 5.1%-ով, խոզի մսինը՝ 4.8%-ով, ոչխարինը՝ 4.7%-ով:

Թե որն է նվազման պատճառը, Էկոնոմիկայի նախարարությունում չցանկացան մեկնաբանել՝  նշելով, որ այս պահին տիրապետում են միայն 2020 թվականի հունվար-մարտ ամիսներին հանրապետությունում իրականացրած սպանդի վիճակագրական տվյալներին, որոնք նույնիսկ գերազանցում են նախորդ տարվա ցուցանիշները:

Իսկ, օրինակ, թռչնամսի առևտուրը, հակառակը՝ այս տարի ավելացել է 15%-ով: Պատճառն, ամենայն հավանականությամբ, դրա համեմատաբար էժան գինն է:

«Սպանդի համար իրացվել է 15.900 տոննա (կենդանի քաշով) գյուղատնտեսական կենդանի և թռչուն, որը 5.3%-ով գերազանցում է նախորդ տարվա նույն ժամանակահատվածում արձանագրված ցուցանիշին»,- նշված է նախարարության՝ Sputnik Արմենիային ուղղված պատասխանում:

Քաղաքակրթությունն ու գյուղացու կորցրած շահույթը. սպանդանոցների չերևացող կողմը

Աճը, թերևս, բացատրվում է նրանով, որ նախարարությունում ընտանի կենդանիների ու թռչնամսի իրացման ծավալների հաշվարկը ներկայացված է մեկ ցուցանիշով: Արդյունքում՝ թռչնամսի 15%-անոց աճը «ծածկում» է մնացած տեսակների անկումը, և վիճակագրությունն ստացվում է դրական ցուցանիշով:

Իսկ 2020 թվականի՝ ըստ կենդանատեսակների մսի արտադրության ծավալների վերաբերյալ տեղեկությունը, Էկոնոմիկայի նախարարությունը խորհուրդ է տալիս փնտրել արդեն հաջորդ տարի՝ 2021-ին, հրապարակվող Հայաստանի վիճակագրական տարեգրքում։

Պետական մարմինների հրապարակած թվերի տարբերությունը «Ագրարագյուղացիական միավորում» հասարակական կազմակերպության նախագահ Հրաչ Բերբերյանը մեկնաբանում է տեղեկությունների հավաքագրման ոչ վստահելի ու վաղուց իրեն սպառած մեթոդաբանությամբ:

Բանն այն է, որ Հայաստանում առկա անասնագլխաքանակի մասին վիճակագրությունը «վերևներին»  տալիս են գյուղապետերը:

«Կարծում եմ, որ գյուղապետերի ինստիտուտն արատավոր է, և գյուղապետերն իրավունք չունեն վիճակագրություն ներկայացնելու: Նրանք ներկայացնում են մարզպետարաններ, մարզպետներն էլ, բնական է, որ պետք է ավելի լավ թվեր նկարեն ու ներկայացնեն, որ վարչապետի ձեռքը չընկնեն: Արդյունքում՝ ունենում ենք ոչ վստահելի ու անիրական վիճակագրություն»,- ասաց Բերբերյանը:

Նրա համոզմամբ՝ հաշվետվությունը պետք է ներկայացնեն արտադրողները և դրա դիմաց ստանան համապատասխան աջակցություն պետությունից՝ անասնապահության տվյալ ուղղությունը զարգացնելու ծրագրերի կամ սուբսիդիայի տեսքով:

Գործող մեխանիզմի պայմաններում, Բերբերյանի դիտարկմամբ, տնտեսագիտության բոլոր իրողությունները խախտվում են. անասնագլխաքանակն ավելանում է, սպառումը՝  նվազում, բայց գներն առաջվա պես շարունակում են աճել:

Կենդանիների մորթը տարիներ շարունակ իրականացվել է հակասանիտարական պայմաններում. Պետրոսյան

Տնտեսագիտական օրենքներին հակասող այս իրավիճակն իրականում հասկանալու համար Բերբերյանը ոլորտի պատասխանատուներին առաջարկում է անձամբ գնալ գյուղեր ու տեղում պարզել, թե որքանով է իրականում պակասել անասնագլխաքանակը Հայաստանում ու ինչու ժողովուրդը միս չի գնում:

Ստեղծված խառնաշփոթի պատճառը, սակայն, ըստ Բերբերյանի, միայն  վիճակագիրները չեն: Նրա խոսքով՝ միսը թանկացել է, որովհետև Հայաստանում թանկացել է անասնակերը:

Իսկ կորոնավիրուսն ու տնտեսական ճգնաժամն իրենց հերթին ազդել են սպառողների վճարունակության վրա:

«Այսօր մոնիթորինգ ենք արել Երևանի շուկաներից մեկում: 2-3 օրվա միսը չի վաճառվել»,- հայտնեց ՀԿ նախագահը:

Մեծապես կրճատվել է նաև հանրային սննդի կետերի կողմից տարվա այս եղանակին սպառվող մսի ծավալը, ինչը ևս լրացուցիչ խնդիր է ոլորտի արտադրողների համար:

Բայց կա մի հետաքրքիր իրողություն ևս. պարզվում է՝ կորոնավիրուսի հետևանքով փակ սահմանները Հայաստանից արտահանվող մսի ծավալների վրա էապես չեն ազդել: Նույնիսկ այս իրավիճակում հայ գործարարները գտնում են իրենց արտադրանքն արտերկիր հասցնելու ուղիներ:

Վերջերս նման մի հետաքրքիր տեղեկություն չվրիպեց նաև Sputnik Արմենիայի ուշադրությունից: Մեր տեղեկություններով՝ հունիսի 28-ին Հայաստանում  վայրէջք  է կատարել Իրաքից ժամանած բեռնատար ինքնաթիռ, որը որոշ ժամանակ անց՝ արդեն բեռնված, Հայաստանից ուղղություն է վերցրել դեպի Իրաք:

ՀՀ քաղաքացիական ավիացիայի կոմիտեից հաստատեցին այս տեղեկությունը:

Ներում–բեկում չի լինելու. սուպերմարկետներն ու սննդի կետերը միսը կգնեն միայն սպանդանոցներից

Պարզվեց, որ հունիսի 28-ին Իրաքի Սուլեյմանիի օդանավակայանից Երևանի «Զվարթնոց» օդանավակայանում վայրէջք է կատարել վրացական «Easy Charter LLC» ավիաընկերության բեռնատար օդանավը, որն, ի դեպ, Հայաստան է եկել դատարկ: Իսկ արդեն «Զվարթնոց» օդանավակայանից, ըստ ներկայացված փաստաթղթերի, Իրաքի Սուլեյմանիի օդանավակայան է տեղափոխել 38 տոննա խոշոր եղջերավոր անասուն:

Իրացման այս ծավալների մասին վիճակագրական հաշվարկներում առայժմ տեղեկություն չկա: Հունիս ամսվա տնտեսական տվյալները պաշտոնական ամփոփագրերում դեռ ներառված չեն:

 

0
թեգերը:
չվերթ, Միս, Հրաչ Բերբերյան, անասնակեր, Հայաստան
Ըստ թեմայի
ՄԻՊ–ը կզբաղվի անասնաբույծների բարձրացրած խնդիրներով
Մսամթերքն ու շաքարավազն էժանացել են. գները Հայաստանում
Կառավարությունը գյուղացուն առաջարկում է խելացի անասնագոմեր կառուցել
«Խելացի անասնատուն» անվանումն աբսուրդ է և զավեշտի է հասցնում գաղափարը. Հովհաննիսյան