Գևորգ Կասպարով

«Չորս տարի, մեկ ամիս սպասում էի այս օրվան». Գևորգ Կասպարովի երազանքն արդեն իրականություն է

292
(Թարմացված է 23:07 11.11.2019)
«Գանձասար-Կապան» թիմի 39-ամյա փորձառու դարպասապահ Գևորգ Կասպարովը հայտարարել էր, որ այս մրցաշրջանը վերջինն է լինելու իր մարզական կարիերայում: Բայց 4 տարվա ընդմիջումից հետո ազգային հավաքական հրավիրվելը կարող է փոխել այդ որոշումը:

ԵՐԵՎԱՆ, 11 նոյեմբերի – Sputnik, Խաչիկ Չախոյան. Հայաստանի ֆուտբոլի ազգային հավաքականի նորանշանակ գլխավոր մարզիչ Աբրահամ Խաշմանյանը նոյեմբերի 15-ին և 18-ին կայանալիք Հունաստանի և Իտալիայի հավաքականների հետ խաղերին հրավիրել է 24 ֆուտբոլիստի: Այդ հայտացուցակում երկարատև ընդմիջումից հետո տեղ է գտել նաև հավաքականի կազմում 29 խաղ անցկացրած դարպասապահ Գևորգ Կասպարովի անունը:

2015 թվականին Եվրո-2016-ի ընտրական` Հայաստան-Ալբանիա խաղից հետո (Հայաստանի հավաքականն այդ խաղում պարտություն կրեց 0:3 հաշվով) Գևորգ Կասպարովն այլևս հավաքական չէր հրավիրվում: Sputnik Արմենիայի հետ զրույցում փորձառու դարպասապահը նշեց, որ հերթական անգամ ուրախանալու առիթ ունեցավ: «Անկեղծ ասած` միշտ էլ սպասել եմ այս պահին: Չորս տարի, մեկ ամիս ես սպասում էի, որ մի օր ինձ նորից կկանչեց ազգային թիմ, ու այդ օրը եկավ»,- նշեց Կասպարովը:

Հարցին, թե արդյոք իր որոշումը` կարիերան ավարտելու հետ կապված, կմնա անփոփոխ, Կասպարովը նշեց՝ գաղտնիք չէ, որ ֆուտբոլում դարպասապահն ավելի երկարակյաց է: «Չի բացառվում, որ փոխեմ որոշումս, որովհետև ևս մեկ ռեկորդ կարող եմ սահմանել` դառնալով Հայաստանի առաջնությունում հանդես եկած ամենատարեց դարպասապահը: Ամեն դեպքում, հավաքական հրավիրվելն արդեն նշանակում է, որ ինձ չեն մոռացել ու վստահում են, իսկ ես պետք է ապացուցեմ, որ արժանի եմ հավաքականի մարզաշապիկը կրելուն»,-ասաց Կասպարովը:

Աբրահամյան. «Արթուր Վանեցյանի հրաժարականի հարց օրակարգում չկա»

Նշենք, որ Հայաստանի բարձրագույն խմբի առաջնություններում ամենատարեց դարպասապահի ռեկորդը պատկանում է 1992 թվականին «Կանազի» դարպասը պաշտպանած Ռոբերտ Պալյանին, որն իր վերջին խաղն անցկացրել է 40 տարեկան 94 օրականում: Հետևաբար Կասպարովը, որը ծնվել է 1980 թվականի հուլիսի 25-ին, այդ ռեկորդը կարող է գերազանցել, եթե շարունակի իր ելույթները Հայաստանի հաջորդ առաջնությունում առնվազն մինչև 2020 թվականի նոյեմբեր ամիսը:

Իր մարզական կարիերայի ընթացքում Կասպարովն ունեցել է և՛ լավ հանդիպումներ, և՛ եղել են սխալներ: Դարպասապահը հիշում է, որ խաղեր են եղել, որոնց ընթացքին խանգարել են ոչ ֆուտբոլային հանգամանքները։ «2007 թվականին Եվրո-2008-ի Բելգիա –Հայաստան հանդիպման ընթացքում մեր թիմը շատ լավ էր խաղում ու հավասար պայքար էր մղում ավելի ուժեղ մրցակցի հետ: Բայց երկրորդ խաղակեսի միջնամասում մի մերկ տղամարդ երկրպագու ներխուժեց խաղադաշտ, ու դրանից հետո մեր թիմը երեք գնդակ ընդունեց սեփական դարպասը: Չեմ ուզում ասել, որ այդ երկրպագուն փոխեց խաղի ընթացքը, բայց մեր ֆուտբոլիստների կոնցենտրացիայի վրա այդ պահը ազդեց»,- ժպտալով պատմում է Կասպարովը:

Ռոման Բերեզովսկու հեռանալուց հետո Հայաստանի ֆուտբոլի հավաքականը հիմնականում դարպասապահի խնդիր ունեցել է, որն ավելի ակնառու դարձավ Գևորգ Կասպարովին հավաքական չհրավիրելուց հետո:

«Դարպասապահի համար ամենակարևորը կայունությունն է: Հարձակվողը կամ կիսապաշտպանը կարող են սխալվել, հետո ուղղել այդ սխալը, իսկ դարպասապահի սխալը կարող է լինել ճակատագրական»,–ասում է փորձառու դարպասապահը:

Տիգրան Բարսեղյանը տպավորիչ գոլի հեղինակ է դարձել. տեսանյութ

Զրույցի վերջում Գևորգ Կասպարովը խոստանում է ամեն ինչ անել, որ մեր պաշտպանները զգան՝ իրենց թիկունքն ամուր է և այնտեղից խնդիր չկա:

Հիշեցնենք` Հայաստանի ֆուտբոլի հավաքականի գլխավոր մարզիչ Արմեն Գյուլբուդաղյանցը հրաժարական էր ներկայացրել հոկտեմբերի 18-ին։ Նա այդ պաշտոնը ստանձնել էր 2018 թվականի հոկտեմբերին։

Նոյեմբերի 7-ին ֆուտբոլի Հայաստանի ազգային հավաքականի գլխավոր մարզչի պաշտոնում, ՀՖՖ նախագահ Արթուր Վանեցյանի կողմից նշանակումից հետո, տեսչության գործկոմը հաստատեց Աբրահամ Խաշմանյանի թեկնածությունը:

292
թեգերը:
Հայաստանի ազգային հավաքական, Գևորգ Կասպարով, դարպասապահ, ֆուտբոլ, ՀՖՖ, Հայաստան
Ըստ թեմայի
Սնկի պես աճած ակումբները նպաստո՞ւմ են հայկական ֆուտբոլի զարգացմանը, թե՞ հակառակը
Հաստատվեց` Էրիկ Վարդանյանն իր կարիերան կշարունակի ռուսական «Սոչի» թիմում
Դաշտ դուրս գալուց երկու րոպե անց` գոլ. Ադամյանը հաղթանակ պարգևեց «Հոֆենհայմին». տեսանյութ
Նենսի Ավեսյան

Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար

74
(Թարմացված է 16:37 12.07.2020)
Ֆուտբոլիստը և իր ընկերը սպասում են իրենց առաջնեկին, որը լույս աշխարհ կգա մոտ 4 ամսից։

ԵՐԵՎԱՆ, 12 հուլիսի - Sputnik. Հայաստանի ֆուտբոլի կանանց հավաքականի անդամ Նենսի Ավեսյանը հղի է։ Լուրը ֆուտբոլիստը հայտնել է Instargram-ի իր էջում և ընկերոջ հետ լուսանկար հրապարակել։

«Մենք երեխա ենք ունենալու։ Մեզ այնքան օրհնված ենք զգում։ Անհամբեր սպասում ենք նոյեմբերին»,- գրել է Նենսին։

Посмотреть эту публикацию в Instagram

Публикация от Nancy Avesyan (@nancyavesyan)

Ավելի վաղ հաղորդել էինք, որ ամերիկահայ ֆուտբոլիստ Նենսի Ավեսյանն առաջին անգամ խաղացել է Հայաստանի կանանց ֆուտբոլի հավաքականի կազմում:

Հայաստանի ֆուտբոլի ազգային հավաքականը երկու ընկերական հանդիպում է անցկացրել Լիտվայի հավաքականի հետ և գրանցել 0:1 և 1:1 հաշիվները: Այնուամենայնիվ, պարտությունն ու ոչ ոքին չեն վրդովեցրել  երկրպագուներին։ Նրանք 2019 թվականից ուզում էին հայ գեղեցկուհի Նենսիին տեսնել Հայաստանի ֆուտբոլի կանանց հավաքականում, և դա արդեն իրականություն է:

Մարտի 8-ին Նենսին լուսանկար էր հրապարակել Հայաստանի ֆուտբոլի կանանց հավաքականի հետ և շնորհավորել կանանց միջազգային տոնի առիթով։

74
թեգերը:
Լուսանկար, հղի, երեխա, ֆուտբոլ, Հայաստան, Նենսի Ավեսյան
Ըստ թեմայի
Նենսի Ավեսյանը Հայաստանի ֆուտբոլի կանանց հավաքականում է. լուսանկարներ
Ինչու է պարետատունը մերժել Հայաստանի ֆուտբոլի ֆեդերացիային
Հայաստանի կանանց թիմը պարտվեց ռուսական հավաքականին. Աշխարհի առաջնության 2-րդ տուր
Ֆուտբոլային թրիլլեր գավաթի եզրափակիչում. Հայաստանի գավաթակրի անունը հայտնի է
Շախմատի տախտակ

Կյանքը վերականգնվում է. Ջերմուկում մեկնարկել է Ստեփան Ավագյանի անվան շախմատի հուշամրցաշարը

9
Հայաստանում անցկացվող շախմատային մրցաշարն աննկատ չի մնացել արտասահմանյան շախմատիստների կողմից։

ԵՐԵՎԱՆ, 12 հուլիսի - Sputnik. Չնայած համավարակին՝ Ջերմուկ քաղաքում շախմատային առօրյան սկսվել է. մեկնարկել է Ստեփան Ավագյանի հուշամրցաշարը։ Անշուշտ, մրցաշարն անցկացվում է հակահամաճարակային անվտանգության բոլոր կանոնները պահպանելով։ Մրցաշարի բոլոր մասնակիցները պաշտպանիչ դիմակներով են։ 

Մրցաշարն անցկացվում է շրջանային մրցակարգով՝ 10 մասնակիցներով և 9 խաղափուլով:  Արդեն անցկացված 5 խաղափուլերի արդյունքներով՝ առաջատարը 22-ամյա գրոսմայստեր Մանուել Պետրոսյանն է։ Նա հնարավոր 5 միավորից վաստակել է 4 -ը։ Կես միավորով նրան հաջորդում է 24-ամյա Արման Միքայելյանը։ Առաջատարին հետապնդող շախմատիստների խմբում են 2018 թվականի Հայաստանի չեմպիոն, գրոսմայստեր Հայկ Մարտիրոսյանը, Շանթ Սարգսյանն ու Դավիթ Շահինյանը՝ 3-ական միավորով։

Ջերմուկում անցկացվող մրցաշարն աննկատ չի մնացել արտասահմանյան շախմատիստների կողմից։ Նիդեռլանդների ներկայացուցիչ Պեն Չժաոցինը Twitter-ի իր էջում ջերմուկյան մրցաշարից լուսանկար է հրապարակել և գրառում կատարել.

«Հաճելի չէ, բայց աշխատում ենք հատուկ պայմաններում»,- գրել է շախմատիստուհին՝ նկատի ունենալով մրցաշարի մասնակիցների դիմակները։

Հիշեցնենք՝  Հայաստանում կորոնավիրուսով վարակվածների թիվը վերջին մեկ օրում ավելացել է 577–ով և դարձել 31 969։ Այս պահին փաստացի բուժում է ստանում 11 589 մարդ, կատարվել է 134 989 թեստավորում, առողջացել են վարակվածներից 19 633–ը։ Գրանցվել է մահվան 565 (+6) դեպք։ Այլ պատճառներով մահվան դեպքերի ընդհանուր թիվը` 182 (+2)։

Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում

9
թեգերը:
Ստեփան Ավագյան, կորոնավիրուս, մրցաշար, Ջերմուկ, Հայաստան, շախմատ
Ըստ թեմայի
Կոնյակն էլ շախմատիստների՞ դոպինգն է. ՌԴ–ի սպորտային լրագրողները Երևանում են. լուսանկարներ
Հայ շախմատիստի մասին հարցն օգնեց լրագրողին գումար շահել ռուսական «Ինչ, որտեղ, երբ»- ում
Լևոն Արոյանը պարտվեց ամերիկացի շախմատիստ Հիկարու Նակամուրայից
Հայաստանում կայծակնային շախմատի մրցաշար կանցկացվի՝ նվիրված մայիսյան հաղթանակներին

Ոստիկանները բերման են ենթարկել «Վստրեչի ապերին». տեսանյութ

0
(Թարմացված է 18:58 12.07.2020)
Արամ Վարդանյանը մեղադրվում է սպանության փորձ, կողոպուտ և անձի առևանգում կազմակերպելու մեջ։ Նրա նկատմամբ հայտարարվել էր հետախուզում:

ՀՀ քննչական կոմիտեի գլխավոր վարչության հատուկ նշանակայինները հուլիսի 12-ի լուսադեմին Երևանի Արցախի փողոցի տներից մեկում հայտնաբերել ու բերման են ենթարկել 49-ամյա Արամ Վարդանյանին, որը քրեական աշխարհում հայտնի է «Վստրեչի ապեր» մականունով։ Տեղեկությունը հայտնում է ՀՀ ոստիկանության մամուլի ծառայությունը:

Նա մարտի 8-ից ոստիկանության Էրեբունու բաժնի կողմից հետախուզվում էր սպանության փորձի, կողոպուտի և անձի առևանգմանը հանցակցելու, ինչպես և ՀՀ քրեական օրենսգրքով նախատեսված այլ հանցանքներ կատարելու մեղադրանքով, խափանման միջոցը՝ կալանք։ Արամ Վարդանյանը տեղափոխվել  է  քրեակատարողական հիմնարկ։ Օպերատիվ-հետախուզական միջոցառումներն ու քննչական գործողությունները շարունակվում են։

Հիշեցնենք`ոստիկանությունը մարտի 9-ին հետախուզում էր հայտարարել քրեական հեղինակություն, «Վստրեչի ապեր» մականունով հայտնի 49-ամյա Արամ Վարդանյանի նկատմամբ։

Ըստ պաշտոնական հաղորդագրության` նա մեղադրվում է սպանության փորձ, կողոպուտ և անձի առևանգում կազմակերպելու մեջ։

«Մեղադրանքի հետ կապ չունի, բայց պետք է կալանավորվի». «Վստրեչի ապերի» փաստաբանը կբողոքարկի

Ոստիկանությունը նրա գտնվելու վայրի մասին տեղեկություն ունեցողներին խնդրել էր դիմել ոստիկանության մոտակա բաժին` երաշխավորելով տեղեկություն հայտնողի գաղտնիությունը։

0
թեգերը:
Ձերբակալում, Հայաստան, հետախուզվող, ՀՀ քննչական կոմիտե, Մեղադրանք, Արամ Վարդանյան
Ըստ թեմայի
Ոստիկանությունը «Վստրեչի ապերի» նկատմամբ հետախուզում է հայտարարել
«Վստրեչի ապերի» եղբորորդուն և հարևանին մեղադրանք է առաջադրվել. պաշտպան
Ինչպես են ոստիկանները մտել «Վստրեչի ապերի» տուն. տեսանյութեր
«Չփորձեք ինձ ներքաշել քաղաքական խաղերի մեջ». «Վստրեչի ապերը» հայտարարություն է տարածել