Աբրահամ Խաշմանյանը` աջից

Հերթական փորձությունը հավաքականի համար. ինչ չէր կարող անել արտասահմանցի մարզիչը

227
(Թարմացված է 20:49 08.11.2019)
Վերջին օրերին Հայաստանի ֆուտբոլի ազգային հավաքականի գլխավոր մարզչի հարցն ամենաքննարկելին էր դարձել: Սկզբից այդ պաշտոնում համարյա ընտրվել էր Ալեքսանդր Գրիգորյանը, իսկ վերջնական որոշումը տվեց ՀՖՖ գործկոմը, որը հավաքականի ղեկը վստահեց Աբրահամ Խաշմանյանին:

Խաչիկ Չախոյան, Sputnik Արմենիա

Ընդամենը մեկ շաբաթ հետո՝ նոյեմբերի 15-ին, Հայաստանի հավաքականը  Եվրո-2020-ի ընտրական հանդիպում է անցկացնելու Հունաստանի ընտրանու հետ: Հավաքականի գլխավոր մարզիչ Արմեն Գյուլբուդաղյանցի հրաժարականից հետո մեր ընտրանու ղեկավարությունը ոչ բոլորը կարող էին ստանձնել:

Ընդամենը երկու խաղ է մնացել ընտրական փուլում անցկացնելու, ո՞վ կվերցներ իր վրա ազգային թիմի ելույթների պատասխանատվությունը: Նախկին ֆուտբոլիստներ ու ներկա մարզիչներ Ռազմիկ Գրիգորյանը, Արթուր Ոսկանյանն ու Արամ Ոսկանյանը վերջին օրերի գլխավոր այս հարցի շուրջ միակարծիք են՝ հայ մարզիչ է մեր թիմին հարկավոր:

«Միայն հայ մարզիչը կարող է հավաքականի հետ աշխատել անմնացորդ նվիրումով։ Նա պետք է ոչ միայն շատ լավ ծանոթ լինի ֆուտբոլիստների խաղային որակներին, այլ նաև բնավորություններին: Շատ լավ է, որ տեղ են տալիս հայ մարզչին, զգացվում է, որ մեր մասնագետների նկատմամբ վստահությունը մեծանում է», - Sputnik Արմենիա հետ զրույցում նշեց Ռազմիկ Գրիգորյանը:

Մի ձեռքով երկու ձմերուկ չես բռնի, կամ ի՞նչ պետք է չլինի հայկական ֆուտբոլում

Մինչև 18 տարեկանների Հայաստանի հավաքականի մարզիչ Արթուր Ոսկանյանը ևս նշում է, որ ներկա իրավիճակում, երբ հավաքականին երկու խաղ է մնում ընտրական այս փուլում, դժվար էր պատկերացնել, թե որ արտասահմանցին կարող է գլխավորել մեր ընտրանին:

«Խաշմանյանն այս պահին լավ ընտրություն էր: Նա փորձառու մասնագետ է, կարողանում է իր թիմին խաղային ոճ հաղորդել: Բացի այդ էլ, կարճ ժամանակահատվածում դա անելը շատ դժվար կլիներ արտասահմանցու համար: Իսկ Խաշմանյանը ծանոթ է և՛ բոլորին, և՛ ամեն ինչին» - ասեց Արթուր Ոսկանյանը:

«Ալաշկերտի» մարզիչ Արամ Ոսկանյանն էլ գտնում է, որ այս կարևոր պահին միայն հայ մարզիչը կարող է արագ կողմնորոշվել և՛ խաղի մարտավարության, և՛ կազմի հարցում։

Այն, որ Աբրահամ Խաշմանյանը հավաքականը գլխավորում է ոչ լավ ժամանակահատվածում, անվիճելի է: Մեր ընտրանին վերջին երկու խաղերում, կարելի է ասել, գործնականում կորցրեց  Եվրո-2020-ի եզրափակիչ փուլի ուղեգիրը: Հիմա թիմին նաև հոգեբանական աջակցություն է հարկավոր: Բացի այդ, հավաքականը Հունաստանի և Իտալիայի հետ նոյեմբերի 15-ին և 18-ին խաղալու է առանց Հենրիխ Մխիթարյանի:

Մեր թիմը թրծվում է փորձություններ անցնելով: Հավաքականի համար սա հերթական փորձությունն է լինելու, իսկ նորանշանակ մարզչի համար` սեփական ոճն ու խաղը կիրառելու հնարավորություն: Անհավանական է կտրուկ փոխել ամեն ինչ մեկ շաբաթվա ընթացքում: Կարճ ասած` ունենք նոր մարզիչ, ու, ինչպես միշտ, պետք է աջակցենք ազգային թիմին:

Փորձ է արվում քաղաքականացնել ֆուտբոլը. Red Eagles–ը քննադատել է նախարարի հայտարարությունը

Հիշեցնենք` Հայաստանի ֆուտբոլի հավաքականի գլխավոր մարզիչ Արմեն Գյուլբուդաղյանցը հրաժարական էր ներկայացրել հոկտեմբերի 18-ին։ Նա այդ պաշտոնը ստանձնել էր 2018 թվականի հոկտեմբերին։

Նոյեմբերի 7-ին ֆուտբոլի Հայաստանի ազգային հավաքականի գլխավոր մարզչի պաշտոնում, ՀՖՖ նախագահ Արթուր Վանեցյանի կողմից նշանակումից հետո, տեսչության գործկոմը հաստատեց Աբրահամ Խաշմանյանի թեկնածությունը:

227
թեգերը:
Հայաստանի ազգային հավաքական, Աբրահամ Խաշմանյան, Արմեն Գյուլբուդաղյանց, մարզիչ, ֆուտբոլ, Հայաստան, ՀՖՖ
Ըստ թեմայի
Ո՞վ է լինելու Հայաստանի ֆուտբոլի հավաքականի մարզիչը. անուններ` հավանական ու ոչ այնքան
Սնկի պես աճած ակումբները նպաստո՞ւմ են հայկական ֆուտբոլի զարգացմանը, թե՞ հակառակը
Խաշմանյանը միաձայն ընտրվեց ազգային հավաքականի մարզիչ. ինչ իրավական կազուս է եղել
 Հայաստանի գավաթի խաղարկության եզրափակիչ խաղը

Ֆուտբոլային թրելլեր գավաթի եզրափակիչում. Հայաստանի գավաթակրի անունը հայտնի է

35
(Թարմացված է 22:24 10.07.2020)
Տասը գոլ, լարված պայքար, գերկամային որակներ,  հաղթելու մեծ ցանկություն։ Այս ամենի արդյունքում Հայաստանի գավաթակիրը որոշվեց 11 մետրանոց հարվածաշարի միջոցով: «Նոա» - «Արարատ-Արմենիա» եզրափակիչը թերևս լավագույն խաղն էր հայկական թիմերի միջև 2019/20 մրցաշրջանում:

ԵՐԵՎԱՆ, 9 հուլիսի – Sputnik. Քիչ առաջ ավարտվեց Հայաստանի գավաթի խաղարկության եզրափակիչ խաղը։ 11 մետրանոց հարվածաշարի արդյունքում գավաթակիր դարձավ «Նոան»։

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Նշենք, որ գավաթի խաղարկության եզրափակիչում իրար արժանի մրցակիցներ էին խաղում` «Նոան» ու «Արարատ Արմենիան»: 

Հանդիպման մեկնարկից 29 րոպե անց Հայաստանի գործող չեմպիոն «Արարատ-Արմենիան» հաղթում էր 3:0 հաշվով,  բայց երկու թիմերն էլ պայքարեցին մինչև վերջ: Խաղի հիմնական ժամանակն ավարտվեց 4:4 հաշվով, իսկ լրացուցիչ ժամանակում գրանցվեց վերջնական հաշիվը՝ 5:5:

11 մետրանոց հարվածաշարով հաղթեց ու Հայաստանի գավաթը նվաճեց «Նոան»։

Խաղի 8-րդ րոպեին Ուգուչուկվու Լուիս Օգանան, հնարավորությունն օգտագործելով,  առաջ մղեց «Արարատ-Արմենիային»: Բաց թողած գնդակը չի կարելի ասել, թե անմիջապես ընկճեց «Նոայի» ֆուտբոլիստներին:

Բայց Ալան Տատաևի ինքնագոլից հետո «Արարատ-Արմենիայի» ֆուտբոլիստները սկսեցին գործել շատ հանգիստ ու վստահ, և 29-րդ րոպեին Յուսուֆ Օդուբանջոն երրորդ անգամ ստիպեց մրցակցին խաղը վերսկսել կենտրոնից:

Առաջին խաղակեսի ավարտից վեց րոպե առաջ Մաքսիմ Մայրովիչի գոլն ինչ– որ տեղ հույս տվեց «Նոայի» ֆուտբոլիստներին: Բայց հերթական սխալը պաշտպանությունում նորից վերականգնեց երեք գնդակի առավելությունը «Արարատ-Արմենիայի» օգտին. Ուգուչուկվու Լուիս Օգանան դաձավ դուբլի հեղինակ, իսկ չեմպիոնը հաղթում էր 4:1 հաշվով:

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Ընդհանրապես եզրափակիչներում հիմնականում ոչ գոլառատ հանդիպումներ են լինում: Թիմերը զգույշ են գործում պաշտպանությունում, խուսափելով սեփական դարպասը գնդակ ընդունելուց, ու համարյա միշտ գործում են թիկունքն ապահովագրելով:

Ամենախոշոր հաշիվը ֆուտբոլի Հայաստանի գավաթի խաղարկություններում գրանցվել էր 1995 թվականին, երբ «Արարատը»  4:2 հաշվով պարտության մատնեց «Կոտայքին»: Դժվար էր սպասել, որ «Նոա» - «Արարատ-Արմենիա» մրցավեճում խոշոր հաշիվ կգրանցվի: Բայց մինչև ընդմիջում գրանցվեց դարպասի հինգ գրավում:

Արագ գոլը ֆուտբոլում հաճախ է խորը հետք թողնում հանդիպման վերջնական արդյունքի վրա: Հաջողության հասած թիմը ոգևորության ալիքի ներքո կարողանում է զարգացնել ձեռք բերածը, իսկ գնդակ բաց թողած թիմը չի կարողանում ուշքի գալ:

«Նոա» - «Արարատ-Արմենիա» խաղում դաշտի տեր համարվող «Նոայի» ֆուտբոլիստներն ութերորդ րոպեին հայտնվելով հետապնդողի դերում, շատ արագ կարող էին պատասխան գնդակը խփել: Բայց դա անել չհաջողվեց, իսկ պաշտպանությունում հաճախակի ձախողումներն ու անփույթ խաղը «Նոային» եզրափակիչի ավարտից մեկ ժամ առաջ փաստի առջև կանգնեցրին:

Ճիշտ է, որոշակի ինտրիգ խաղի մեջ մտցրեց Մաքսիմ Մայրովիչի գոլը, որը հաշիվը դարձրեց 1:3, բայց այդ ինտրիգը շատ արագ մարեց:

Գավաթի խաղարկության լավագույն ռմբարկու Ուգուչուկվու Լուիս Օգանան խփեց իր ութերորդ գոլը՝ 1:4:

Բայց ամեն ինչ առջևում էր:

Շատերը մտածեցին, որ վերջ` «Արարատ-Արմենիան» կպահպանի երեք գնդակի առավելությունը, և այս խաղում հաղթողն արդեն վճռված է:

Սակայն «Նոան» գերկամային հատկանիշներ դրսևորելով` երկրորդ կեսի 21 րոպեների ընթացքում երեք գնդակ անցկացրեց «Արարատ-Արմենիայի» դարպասը: Վլադիմիր Ազարովի (11մ), Միխայիլ Կովալենկոյի և Դանու Սպատարուի գոլերից հետո վերականգնվեց հաշվի հավասարակշռությունը՝ 4:4: Հիմնական ժամանակն այս հաշվով էլ ավարտվեց, չնայած հաղթանակին ավելի մոտ էր «Նոան»:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

Իսկ լրացուցիչ ժամանակում «Նոան» արդեն ուներ թվային առավելություն, քանի որ 93-րդ րոպեին «Արարատ-Արմենիայի» կազմում կարմիր քարտ սստացավ Ալֆոնսե Կոջոն:

Լրացուցիչ ժամանակում էլ կողմերը մեկական գնդակ փոխանակեցին: Ու երբ Վլադիմիր Ազարովի իրացրած երկրորդ 11 մետրանոցից հետո թվաց, որ հաղթելու է «Նոան», Յուսուֆ Օտուբանջոն նորից խփեց պատասխան գնդակը՝ 5:5:

Ի վերջո հաղթողը որոշվեց 11 մետրանոց հարվածաշարով: Առաջին անգամ Հայաստանի գավաթակիր դարձավ «Նոան»:

Չորս օրից՝ հուլիսի 14-ին, «Նոա» - «Արարատ-Արմենիա» խաղում որոշվելու է Հայաստանի չեմպիոնը:

Գործող չեմպիոն «Արարատ-Արմենիային» իր տիտղոսը պաշտպանելու համար այդ խաղում բավարարում է ոչ-ոքի հաշիվը:

Մխիթարյանը գեղեցիկ գոլ խփեց, սակայն չկարողացավ «Ռոմային» փրկել պարտությունից․ տեսանյութ

35
թեգերը:
«Նոա» ֆուտբոլային ակումբ, Արարատ–Արմենիա, ֆուտբոլ, Հայաստան
Ըստ թեմայի
Հայկական ֆուտբոլում 4-5 տարի հետո անպայման կլինի երկար սպասված վերելքը. Խորեն Հովհաննիսյան
Հայաստանցի ֆուտբոլիստները Ռուսաստանում լեգեոներ չեն համարվի օգոստոսից
Ինչու է պարետատունը մերժել Հայաստանի ֆուտբոլի ֆեդերացիային
Ֆուտբոլ

Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը

43
(Թարմացված է 14:41 10.07.2020)
Հայաստանի և Քուվեյթի հավաքականների հանդիպումը կկայանա Երևանում։

ԵՐԵՎԱՆ, 10 հուլիսի — Sputnik. Հայաստանի ազգային հավաքականն ընկերական հանդիպում կանցկացնի Քուվեյթի ընտրանու հետ: Հանդիպումը կկայանա Երևանում, նոյեմբերի 11-ին։ Տեղեկությունը հայտնում է ՀՖՖ մամուլի ծառայության Facebook-յան էջը։

«Ռոման» Մխիթարյանի փոխանցումը «հավերժացրել» է գրաֆիկայով

Ավելի վաղ տեղեկացրել էինք, որ Հայաստանի և Ալբանիայի ֆուտբոլի ֆեդերացիաների միջև ձեռք է բերվել համաձայնություն, համաձայն որի երկու երկրների ազգային հավաքականներն ընկերական հանդիպում կանցկացնեն: Խաղը կկայանա հոկտեմբերի 7-ին, Երևանի Վազգեն Սարգսյանի անվան «Հանրապետական» մարզադաշտում:

43
թեգերը:
Քուվեյթ, Հայաստանի ազգային հավաքական, ֆուտբոլ, ՀՖՖ, Հայաստան
Ըստ թեմայի
Մահացել է ԽՍՀՄ ֆուտբոլի հավաքականի նախկին մարզիչ Վլադիմիր Սալկովը
«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ
Russia Today

RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ

0
(Թարմացված է 22:28 10.07.2020)
Լիտվայում իրավիճակի կրկնությունից պարզ է դառնում, որ այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

ԵՐԵՎԱՆ, 10 հուլիսի –Sputnik. Լիտվան արգելել է իր տարածքում RT–ի 5 հեռուստաալիքների հեռարձակումը։ Դա տեղի է ունեցել Լատվիայի իշխանությունների միանման քայլից մեկ շաբաթ անց։ Հաջորդն Էստոնիան է, որի արտգործնախարարը ևս չբացառեց նման որոշման հավանականությունը։ ՌԻԱ Նովոստիի լրագրող Իրինա Ալկսնիսն իր հոդվածում մերձբալթյան տեղեկատվական քաղաքականության նրբություններն է փորձել պարզել։

Այս հարցի վերաբերյալ հատուկ դիրքորոշում պաշտոնական Տալլինից չարժե ակնկալել` և՛ երեք «մերձբալթյան վագրերի» ավանդական հակառուսական կոնսենսուսի պատճառով, և՛ հաշվի առնելով, որ հենց Էստոնիայի իշխանություններն են առավել մեծ խոչընդոտներ ստեղծել հանրապետությունում Sputnik գործակալության աշխատանքի նկատմամբ։ Ինչպես հայտնի է, ցանկալի արդյունքին հասնելու համար նրանք սկսել էին հալածել աշխատակիցներին քրեական հետապնդման սպառնալիքներով։

Սակայն ամենահետաքրքիրն այս ամբողջ պատմության մեջ Վիլնյուսի որոշման պաշտոնական հիմնավորումն է։ Անտեղ ասվում է, որ RT–ն գործում է Դմիտրի Կիսելյովի ենթակայության տակ, որն իր հերթին, արևմտյան պատժամիջոցների է ենթարկվել, ինչն էլ իբրև թե պատճառ է հանդիսացել նրա մեդիառեսուրսի դեմ միջոցներ ձեռնարկելու համար։

Խնդիրը նույնիսկ այն չէ, որ այս պնդումն իրականությանը չի համապատասխանում, ինչի համար Լիտվայի իշխանությունները հեգնական մեկնաբանությունների են արժանացել։ Դրանց հեղինակները հիշեցրել են, որ RT–ն ընդհանրապես կապ չունի «Ռոսիա սեգոդնյա» ՄՏԳ–ի հետ, որն էլ և ղեկավարվում է Դմիտրի Կիսելյովի կողմից։

Հատկանշականն այն է, որ նման բան արդեն եղել էր. ընդամենը մեկ շաբաթ առաջ ԶԼՄ–ների գծով Լատվիայի ազգային խորհուրդը RT–ի հեռարձակման արգելքը բացատրեց նրանով, որ հեռուստաալիքները Դմիտրի Կիսելյովի «փաստացի և միանձնյա վերահսկման ներքո են»։ Այն ժամանակ և՛ Մարգարիտա Սիմոնյանը, և՛ ՌԴ ԱԳՆ–ն մեկնաբանեցին Լատվիայի պաշտոնական կառույցների ոչ պրոֆեսիոնալ մոտեցումը, որոնք իրենց որոշմանը խելացնոր հիմնավորում էին տվել։

Այն ժամանակ դեռ կարելի էր տեղի ունեցածը պատահականությամբ և կամակատարների սխալով բացատրել. ի վերջո դիլետանտներից և անբարեխիղճ աշխատակիցներից ոչ մի համակարգ ապահովագրված չէ։ Իսկ պետությանը նման դեպքերում հետ քայլ անել կարծես թե հարիր չէ, նույնիսկ, եթե նրան անկեղծորեն «քաշել են» սեփական չինովնիկները։

Սակայն ճիշտ նույն սցենարով Լիտվայում իրավիճակի կրկնությունից պարզ է դառնում, որ չի եղել և չկա որևէ պատահական սխալ։ Այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

Ամերիկյան ինստիտուտը գնահատել է` ինչպես է Sputnik–ը լուսաբանել Աֆրիկայի դեպքերը

Հասկանալի է, որ RT–ի հեռարձակման արգելքը քաղաքական որոշում է։ Բայց մի՞թե այն հնարավոր չէր իրավաբանորեն ավելի «մաքուր» դրդապատճառով բացատրել։ Բնականաբար, հնարավոր էր։ Սակայն դրա համար ավելի մեծ ջանքեր ստիպված կլինեին գործադրել, պատասխանատու գերատեսչությունները պետք է լարվեին` օրենսդրության մեջ սողանցքներ փնտրելով։

Ժամանակին հենց այդ առանձնահատկությունն էր (իրավաբանական ճկունություն, կայացվող որոշումների գոնե արտաքին անթերիություն) արևմտյան ժողովրդավարության կարևորագույն հաղթաթղթերից մեկը։ Այն բավական շահավետ էր դիտվում այլ քաղաքական համակարգերի ֆոնին, որոնք հակված չէին այդքան գլուխ կոտրել ֆորմալ ընթացակարգերը պահպանելու համար։

Բայց այս ընթացքում շատ ջրեր են հոսել։ Մերձբալթյան երկրները RT–ի հեռարձակման արգելքի հարցում գնացին բոլորովին այլ ու ավելի հզոր գերտերությունների վերջին տարիների ստուգված ճանապարհով։

Ամերիկացիների համար անհայտ փոշիով լցված սրվակը թափահարելը փաստացի փոխարինվեց իրական պատճառների փնտրտուքով։ Հենց այդ հանգամանքներով կարելի էր միջազգային հանրության աչքում հիմնավորել Իրաք ներխուժելու անհրաժեշտությունը։

Բրիտանացիները հսկայական շոու կազմակերպեցին Սկրիպալի թունավորման հետ կապված, և նրանց ամենևին չէր հետաքրքրում ուշադիր աչքի համար այս գործում առկա ակնհայտ «բացերը»։ Նիդեռլանդները, որոնք արդարադատությունն իրենց ազգային բրենդն են դարձրել, МН17 գործով դատական գործընթացում այնպիսի իրավական «կուլբիտներ» են անում, որ նույնիսկ զարմանալ արդեն չի հաջողվում։

Նման օրինակները, ոչ միայն Ռուսաստանի, այլև Չինաստանի, Իրանի, Վենեսուելայի և այլ «իզգոյ–երկրների» նկատմամբ այնքան շատ են, որ վաղուց արդեն հազվագյուտ բացառությունից սովորական երևույթի են վերածվել։ Այդ ֆոնին չափազանց ներդաշնակ է դիտվում Լիտվայի և Լատվիայի իշխանությունների դիրքորոշումը RT–ի հեռարձակման արգելքի հետ կապված։ Ինչու լարվել, եթե ակնհայտ դատարկաբանությունը կարելի է պարզապես որպես պաշտոնական դիրքորոշման ներկայացնել։

Դա նույնիսկ իր տրամաբանությունն ունի. հակառուսական հայացքներով լսարանին կուրախացնի «RT–ն վերահսկող Կիսելյովի» մասին պարզաբանումները (ինչպես և «Պուտինի, որը թունավորել է Սկրիպալին», կամ «Դոնբասի երկնքում Կրեմլի խոցած Բոինգի»), իսկ Ռուսաստանին համակրող ուժերի վրա Արևմուտքն ակնհայտորեն իմաստ չի տեսնում ռեսուրսներ ծախսել, հավանաբար անհույս համարելով նրանց հետ համոզելու և իր կողմը բերելու քայլերը։

«Այլակարծության դեմ պայքարի վառ օրինակ». Չերիշևան` Sputnik Էստոնիայի հետ կատարվածի մասին

Ի սկզբանե այս մոտեցումն Արևմուտքի տեղեկատվական, քաղաքական, գաղափարական և նույնիսկ բարոյական մենաշնորհն էր։ Հենց այդ պատճառով նրանք ինչ-որ պահի դադարեցին մանրակրկիտ և բարձր պրոֆեսիոնալիզմով մշակել իրենց քաղաքականությունը`և՛ ընդհանրապես, և՛ մրցակիցների նկատմամբ։ Արդյունքում չնկատեցին, թե ինչպես զրկվեցին այդ մենաշնորհից, այդ թվում իմացության կորստի և «այսպես էլ կանցնի» համոզմունքով թքած ունենալու պատճառով։

Իսկ այժմ իրավիճակը նոր փուլ է թևակոխել։ Հիմա նույն այդ ուժերն իմաստ չեն տեսնում որակյալ աշխատելու և լուրջ ջանքեր գործադրելու այն պատճառով, որ յուրայինները «յոլա կգնան», իսկ թշնամուն միևնույն է չես համոզի։

Զարմանալին այստեղ այն է, որ նրանք լրջորեն կարծում են (և RT–ի վերաբերյալ մերձբալթյան երկրների թարմ որոշումներն այդ են ապացուցում), որ նման պրոֆեսիոնալ, իսկ ավելի ճիշտ ճչացող ոչ պրոֆեսիոնալ մոտեցումը կբերի Ռուսաստանի նկատմամբ գաղափարական և աշխարհաքաղաքական հաղթանակի։

0
թեգերը:
Էստոնիա, Լատվիա, Լիտվա, RT–ի հեռուստաալիքներ, Դմիտրի Կիսելյով, Sputnik
Ըստ թեմայի
ԱՄՆ-ն 640 հազար դոլար կտա Հայաստանին «մշակութային դիվանագիտության» զարգացման համար. RT
RT-ի թղթակիցը վիրավորվել է սիրիական Իդլիբում
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել