Միխայիլ Ալոյան

Բռնցքամարտիկ Ալոյանը կմենամարտի պանամացի Բատիստայի հետ․ օրը հայտնի է

64
(Թարմացված է 13:06 02.11.2019)
Ալոյանը նախորդ մենամարտում զիջել է թեթևագույն քաշային կարգում WBO աշխարհի չեմպիոն հարավաֆրիկացի Զոլանի Տետեին։

ԵՐԵՎԱՆ, 2 նոյեմբերի – Sputnik. Ռուսաստանաբնակ բռնցքամարտիկ Միխայիլ Ալոյանը WBA Gold (մինչև 52 կգ քաշային կարգ) տիտղոսի համար կմրցի Պանամայի ներկայացուցիչ Ռոլան Բատիստայի հետ։ Մարզիկն այս մասին գրել է Instagram-ի իր էջում։

Մարտը կկայանա դեկտեմբերի 10-ին Կեմերովոյում։

Նովոկուզնեցկում բռնցքամարտի հմտություններ ստացած Ալոյանը վնասվածք էր ստացել ապրիլի 27-ին Կեմերովոյում նախատեսված մարտից առաջ։

Նա իր նախորդ մենամարտում, որը կայացել է Եկատերինբուրգում 2018 թվականի հոկտեմբերի 13-ին Բռնցքամարտի համաշխարհային սուպերշարքի (WBSS) քառորդ եզրափակիչի շրջանակում, զիջել է թեթևագույն քաշային կարգում WBO աշխարհի չեմպիոն հարավաֆրիկացի Զոլանի Տետեին։

29-ամյա Ալոյանը պրոֆեսիոնալ ռինգում 4 հաղթանակ է տարել։

Սկանդալից հետո Էրիկ Վարդանյանը որակազրկվել է

Միխայիլ Ալոյանը Լոնդոնի 2012 թվականի Օլիմպիադայի բրոնզե մեդալակիր է, աշխարհի կրկնակի չեմպիոն, մինչև 52 կգ քաշային կարգում Եվրոպայի չեմպիոն։ Ռիո դե Ժանեյրոյի խաղերում արծաթե մեդալ էր նվաճել, սակայն դոպինգ թեստի պատճառով զրկվել էր մրցանակից։

«Դուք եք ինձ ուժ տվողը». առանց աջ ձեռքի հայ սպան կրկին դարձել է բազկամարտի աշխարհի չեմպիոն

64
թեգերը:
Միխայիլ Ալոյան, մենամարտ, բռնցքամարտիկ
Ըստ թեմայի
«Ինձ կսիրեն ու կատեն, դա նորմալ է». Միհրան Հարությունյանը խոսել է իր պարտությունից
Շատերը կարող են մեզ նախանձել. բռնցքամարտիկ Միխայիլ Ալոյանը` Տետեի հետ առաջիկա մարտի մասին
«Տաղանդ ու մեծ փորձ». ինչպե՞ս Միշա Ալոյանը ելույթ կունենա WBSS– երկրորդ մրցաշրջանում
Վարսենիկ Մանուչարյանը

Վարսենիկ Մանուչարյանն ավարտեց ելույթը Տոկիո-2020–ում

64
(Թարմացված է 17:01 28.07.2021)
18-ամյա Վարսենիկ Մանուչարյանը 100 մետր ազատ ոճում չկարողացավ հաղթահարել որակավորման փուլի արգելքը:

ԵՐԵՎԱՆ, 28 հուլիսի – Sputnik. Ճապոնիայի մայրաքաղաք Տոկիոյում անցկացվող 32-րդ ամառային oլիմպիական խաղերի լողի մրցաշարում Հայաստանի ներկայացուցիչ Վարսենիկ Մանուչարյանն ավարտեց ելույթը:

  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
  • Վարսենիկ Մանուչարյանը Տոկիո-2020–ում
    Վարսենիկ Մանուչարյանը Տոկիո-2020–ում
    © Sputnik / Asatur Yesayants
1 / 7
© Sputnik / Asatur Yesayants
Վարսենիկ Մանուչարյանը Տոկիո-2020–ում

Նա 100 մետր ազատ ոճում 59.18 վայրկյան արդյունք գրանցեց և չկարողացավ հաղթահարել որակավորման փուլի արգելքը: Երկրորդ լողահերթում Մանուչարյանը 6-րդն էր: Ընդհանուր հաշվարկում նա գրավեց 45-րդ տեղը:

Հայաստանի մյուս ներկայացուցիչ Արթուր Բարսեղյանը հուլիսի 27-ին 38-րդ տեղն էր գրավել 100 մետր ազատ ոճում: Հուլիսի 30-ին նա ուժերը կփորձի նաև 50 մետր ազատ ոճում:

Կորյուն Սողոմոնյանը լքում է բռնցքամարտի օլիմպիական մրցաշարը

Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։ Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային մասնակցում է 206 երկրի 12500 մարզիկ։ Նրանք մրցում են 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Հովհաննես Բաչկովը հաղթանակով սկսեց Տոկիոյի օլիմպիական խաղերը. լուսանկարներ

64
թեգերը:
Օլիմպիական խաղեր, Լողափ, Տոկիո, Հայաստան
Ըստ թեմայի
12-ից մինչև 66. Տոկիոյի Օլիմպիադայի ամենաերիտասարդ և ամենատարեց մարզիկները. լուսանկարներ
Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում
Օլիմպիադան և Պանդորայի արկղը, կամ երբ Սարգսյանը չի կարող բարձրաձայն քաջալերել մարզիկներին
Բայքերները Երևանում. արխիվային լուսանկար

«Զարկերակը լեռներում». եվրոպացի բայքերները Շորժայում մրցաշար կանցկացնեն

82
(Թարմացված է 13:18 28.07.2021)
Մրցաշարին կարելի է մասնակցել երեք օրվա համար վճարելով 12 հազար դրամ։

ԵՐԵՎԱՆ, 28 հուլիսի – Sputnik. Գեղարքունիքի Շորժա գյուղում տեղի կունենա մոտոկրոսի Հայաստանի բաց առաջնություն։ Տեղեկությունը Sputnik Արմենիա մուլտիմեդիոն մամուլի կենտրոնում հայտնել է «Biker zone» կազմակերպության նախագահ Արտակ Ռշտունին։

Председатель организации Biker zone. Армения Артак Рштуни на пресс-конференции в преддверии фестиваля байкеров Сердцебиение гор
© Sputnik / Andranik Ghazaryan
Արտակ Ռշտունի

Մրցաշարը կոչվում է «Զարկերակը լեռներում», այն բաց կլինի։ Դրան կմասնակցեն տեղացի և արտասահմանյան բայքերներ։

«Կժամանեն նաեւ Ախալցխայից մեր հայրենակիցները, մոտոկրոսի Վրաստանի չեմպիոնները», - ասաց նա:

Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Պրոֆեսիոնալները կմրցեն հատուկ տիպի մոտոցիկլետներով, իսկ սկսնակների համար մրցավազք կանցկացվի մայրուղու վրա՝ դեպի Սևանի վանք։

Մրցաշարին կարելի է մասնակցել երեք օրվա համար վճարելով 12 հազար դրամ։

82
թեգերը:
մրցույթ, մոտոցիկլետ, մոտոարշավ, Շորժա, Հայաստան
Վիգեն Հակոբյան

Կրակոցները բնակչությանը նոր զիջումների պատրաստելու համար են. քաղտեխնոլոգ

0
Քաղտեխնոլոգ Վիգեն Հակոբյանը Sputnik Արմենիայի եթերում նշել է, որ Ադրբեջանի նախահարձակ գործողությունները նպատակ ունեն բնակչության շրջանում տագնապային տրամադրություններ հարուցել` դրանով իշխանությունների հետագա գործողությունները լեգիտիմացնելու համար։
«Կրակոցները բնակչությանը նոր զիջումների պատրաստելու համար են». Հակոբյան

Գեղարքունիքի մարզում ադրբեջանական զինուժի նախահարձակ գործողությունները նախապատրաստական ֆոն են ստեղծում դեմարկացիայի և դելիմիտացիայի գործընթացների հետևանքով որոշակի տարածքային զիջումները լեգիտիմացնելու, ինչպես նաև բնակչությանը դրան նախապատրաստելու համար։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։

«Կարող են լինել զիջումներ և գուցե այդկերպ գործընթացն ավելի սահուն անցնի իշխանությունների համար։ Ցանկացած զիջում, մանավանդ տարածքային, կապված է կոնկրետ մարդկանց, բնակավայրերի հետ, ի վերջո նման գործընթացները բավականին ցավոտ են, քաղաքական վարկանիշի տեսակետից` բավականին վտանգավոր, ռիսկային»,- ասաց նա։ 

Նրա խոսքով` թշնամու ձեռագիրը չի փոխվել. հայ-ադրբեջանական սահմանին Ադրբեջանը շարունակում է նույն սցենարով առաջնորդվել, ինչպես Արցախում։ Միակ տարբերությունն այն է, որ թշնամին փորձում է նույնկերպ տեղային  բնույթի խնդիրներ լուծել։

«Ադրբեջանը միշտ էլ որոշակի խնդիրներ է ստեղծում բանակցություններից առաջ, որ սեփական բանակցային ռեսուրսն ավելացնի և, ըստ էության, նոր իրավիճակ ստեղծի, որը հետո կդրվի բանակցային սակարկության»,- ընդգծեց Հակոբյանը։

Քաղտեխնոլոգի խոսքով` պարզ է, որ այդ բանակցությունների սեղանին արդեն իսկ ինչ-որ փաստաթուղթ է դրված, որն ավելի վաղ պատրաստել են Հայաստանի և Ադրբեջանի քաղաքական ղեկավարները, պաշտպանական ղեկավարները քննարկելու են այդ համապարփակ փաստաթղթի դետալները։

Իսկ բանակցությունների մասին հայտնի դարձավ այսօր առավոտյան, երբ  պաշտպանության նախարարությունը հաղորդագրություն տարածեց հակառակորդի նախահարձակ գործողությունների մասին։ Նույն հաղորդագրության մեջ պաշտպանական գերատեսչության մամուլի ծառայությունը հայտնում էր նաև Ռուսաստանի մայրաքաղաք Մոսկվայում նախատեսվող բանակցությունների մասին։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

0
թեգերը:
Սյունիք, Գեղարքունիքի մարզ, Սահման, կրակոց
Ըստ թեմայի
Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին
Երասխում այս պահին իրավիճակը հանգիստ է
Հայ-ադրբեջանական սահմանային գոտու լարվածության օջախները