Փոքրիկ ֆուտբոլիստ

Bsports-ը տաղանդներ է փնտրում Հայաստանում. «թիրախում» պատանի ֆուտբոլիստներն են

155
(Թարմացված է 17:20 29.10.2019)
Հայ պատանիները ֆուտբոլում հաջողության հասնելու նոր հնարավորություն ունեն։ Մնում է, որ նրանք կարողանան իրենց հմտություններն այնպես ցուցադրել, որ դուր գան պորտուգալական ակադեմիայի գլխավոր մարզչին ու նրա օգնականին։

ԵՐԵՎԱՆ, 29 հոկտեմբերի – Sputnik. Պորտուգալական Bsports ակադեմիան Հայաստանում մեկշաբաթյա մարզումներ է անցկացնելու 9-16 տարեկան ֆուտբոլիստների հետ, որից հետո լավագույն երկու ֆուտբոլիստները մեկ ամիս իրենց մարզումները կշարունակեն Պորտուգալիայում: Այսօր Sputnik Արմենիա մամուլի կենտրոնում հրավիրված ասուլիսի ժամանակ այս մասին ասաց նախկին ֆուտբոլիստ և մարզիչ Լևոն Ղասաբօղլյանը, որը «Ֆուտբոլը հանուն բարեկամության կենտրոնական Ասիայի և Հարավային Կովկասի» ծրագրի կազմկոմիտեի անդամ է և նրա նախաձեռնությամբ է իրականացվելու այդ ծրագիրը։

«Մեր նպատակն է աջակցել հայկական մանկապատանեկան ֆուտբոլին: Մեկ շաբաթվա մարզումների ընթացքում Bsports ակադեմիայի գլխավոր մարզիչ Պեդրու Լեյտիսն ու իր օգնականը հայ մարզիչների օգնությամբ «Փյունիկ» ՖԱ մարզաբազայում կընտրեն երկու ֆուտբոլիստի, որոնք հետո մեկ ամիս կմարզվեն Պորտուգալիայում, ու եթե աչքի ընկնեն նաև այնտեղ, ապա կարող են արդեն մարզվել եվրոպական այլ ակումբներում»,- ասաց Ղասաբօղլյանը:

Левон Касабоглян на пресс-конференции Путь к футбольной мечте (29 октября 2019). Еревaн
© Sputnik / Andranik Ghazaryan
Լևոն Ղասաբօղլյան

Մարզումները (ի դեպ, վճարովի են) կմեկնարկեն նոյեմբերի 20-ին Երևանում։ Այն ֆուտբոլիստները, որոնք կմասնակցեն մարզումներին, լրիվ կտրված են լինելու արտաքին աշխարհից ու մտածելու են միայն ֆուտբոլի մասին, մարզվելու են օրական երկու անգամ: Երեխաներին տեղավորելու են հյուրանոցում, թույլ չեն տալու օգտվել բջջային սարքերից, բայց կազմակերպիչներն ապահովելու են, որ ծնողների հետ կապը լինի։ Երեխաները նաև շրջապատված են լինելու սպորտային հոգեբաններով։

«Եթե հայկական որևիցե մի ակումբի ֆուտբոլիստ հետաքրքրի պորտուգալացիներին ու մարզվի Bsports-ի ակադեմիայում, մենք դա կհամարենք մեր հաջողությունը, իսկ հետո թե որտեղ և ինչպես կամ ֆինանսական ինչ պայմաններով հայ ֆուտբոլիստը կշարունակի իր կարիերան, դա արդեն բանակցությունների միջոցով կորոշեն հայկական ակումբն ու Bsports-ը: Մենք այդ գործարքի հետ այլևս կապ չենք ունենալու: Մեր նպատակն է կապ ստեղծել եվրոպական հայտնի ակադեմիաներից մեկ ու հայ պատանի ֆուտբոլիստների միջև:»

Ավելացնենք, որ Bsports-ի ֆուտբոլային ակադեմիան Ղասաբօղլյանի նախաձեռնությամբ արդեն երեք անգամ մեկշաբաթյա մարզումներ է անցկացրել Ղազախստանում, և ղազախ պատանի վեց ֆուտբոլիստներ մարզվել են Պորտուգալիայում, որոնցից երկուսին ընտրել են, և նրանք դեռ շարունակում են մարզվել այնտեղ:

Եվրոպայում առաջինը. «Զվարթնոցում» դիմավորեցին մեդալներով վերադարձած հայ ծանրորդներին

Պորտուգալական Bsports ֆուտբոլային ակադեմիան մանկապատանեկան ֆուտբոլում հայտնի կառույց է: Այս ակադեմիայում իրենց վարպետությունն են հղկում ու զարգացնում պատանի շատ ֆուտբոլիստներ աշխարհի տարբեր անկյուններից:

Պատանիները ձգտում են նմանվել անվանի շախմատիստներին. Հակոբյանը` Հնդկաստանի մրցաշարի մասին

155
թեգերը:
Պորտուգալիա, երեխա, ֆուտբոլ, Հայաստան
Ըստ թեմայի
Արմեն Գյուլբուդաղյանցի հրաժարականը ճի՞շտ որոշում էր հավաքականի համար
Ֆուտբոլային խաղի ժամանակ զանգվածային ծեծկռտուք է սկսվել. տեսանյութ
«Ինձ կսիրեն ու կատեն, դա նորմալ է». Միհրան Հարությունյանը խոսել է իր պարտությունից
Ինչն է հունից հանել «Փյունիկի» ֆուտբոլիստին. մանրամասներ հայկական ֆուտբոլի սկանդալից