Էրիկ Վարդանյանը` խաղի ժամանակ. արխիվային լուսանկար

Ինչն է հունից հանել «Փյունիկի» ֆուտբոլիստին. մանրամասներ հայկական ֆուտբոլի սկանդալից

234
(Թարմացված է 13:24 28.10.2019)
«Փյունիկ» ֆուտբոլային ակումբի երիտասարդ խաղացող Էրիկ Վարդանյանի` սկանդալային կերպով դաշտը լքելու պահին որոշ բաներ մնացին «վարագույրի հետևում»։

ԵՐԵՎԱՆ, 28 հոկտեմբերի - Sputnik. «Արարատ» ֆուտբոլային ակումբի երկրպագուները խաղի ընթացքում վիրավորել են Էրիկ Վարդանյանին, ինչն էլ պատճառ է դարձել հրմշտոցի ու ֆուտբոլիստի` դաշտից հեռացնելուն։

Երեկ` հոկտեմբերի 27-ին, Հայաստանի առաջնության շրջանակներում կայացավ «Արարատ»-«Փյունիկ» ֆուտբոլային հանդիպումը, որի 67-րդ րոպեին ՀՀ ազգային հավաքականի և «Փյունիկի» ֆուտբոլիստ Էրիկ Վարդանյանը կոպիտ խախտման համար հեռացվեց խաղադաշատից։

Հեռանալու ընթացքում նա հարվածեց մրցավարին, հայհոյեց և միջնամատ ցույց տվեց «Արարատի» երկրպագուներին։

Արազ Օզբիլիսն ու Դմիտրի Սիչյովը կխաղան «Փյունիկում»

Մինչ սոցցանցերի հայկական տիրույթում մարդիկ վարկաբեկում կամ ընդունում էին Էրիկի արածը, Sputnik Արմենիան զրուցել է «Փյունիկի» Sector 18 ֆան ակումբի անդամների հետ և պարզվել, որ «Արարատ» ֆուտբոլային ակումբի երկրպագուները խաղի ընթացքում վիրավորել են Էրիկին` անվանելով նրան «էշի տղա», իսկ հավաքականի ֆուտբոլիստ Արաս Օզբիլիսին կոչել են «դավաճան Հուդա»։

Իսկ Էրիկ Վարդանյանի հոր` երկրպագուներին ուղղված դիտողությունից հետո հրմշտոց է սկսվել։

«Արարատի» երկրպագուների հետ զրույցից հետո էլ պարզվեց, որ Արազ Օզբիլիսի հասցեին «դավաճան» և «Հուդա» որակումներ իսկապես հնչել են, սակայն դա արել են ոչ թե ակումբի ամբողջ ֆան շարժման անդամները, այլ անհատներ։

Ֆան շարժման անդամները վստահեցրին, որ իրենք ոչ մի կերպ չեն ուզեցել վիրավորել Օզբիլիսին։ Ինչ վերաբերում է Էրիկ Վարդանյանի հոր հետ տրիբունայում տեղի ունեցած միջադեպին, դա նույնպես ոչ ոք չհերքեց:

«Մենք չգիտեինք էլ, որ Էրիկի հայրը տրիբունայում է: Պարզապես լսեցինք, որ ինչ– որ մեկն ասում է, որ Էրիկը լավ է արել, ինչ որ ասել կամ արել է: Սկսվեց լեզվակռիվ ու ոչ ավելին: Արագ կերպով ամեն ինչ հանդարտվեց»- Sputnik Արմենիայի հետ զրույցում ասաց «Արարատ» ակումբի ֆան շարժման պատասխանատուներից Արտակ Մելիքյանը։

Ինչ խոսք, Էրիկ Վարդանյանի պահվածքը կոռեկտ չէր, սակայն պետք չէ մոռանալ, որ Հայաստանի ֆուտբոլի առաջնության խաղերի ժամանակ երկրպագուների սակավաթիվ լինելու պատճառով ֆան խմբերի հնչեցրած բոլոր արտահայտությունները շատ պարզ լսվում են: Եվ երկրպագուները պետք է շատ զգույշ լինեն, որ նմանատիպ տհաճ միջադեպեր այլևս չկրկնվեն։ Թե չէ ստացվում է` իրենց գործողություններով նրանք ոչ թե օգնում, այլ խանգարում են ֆուտբոլիստներին։ Այս դեպքում, օրինակ, ստացվեց այնպես, որ երկրպագուների ռեպլիկների պատճառով Էրիկ Վարդանյանը մի քանի խաղ բաց է թողնելու։ 

234
թեգերը:
մրցավար, հայր, երկրպագու, Սկանդալ, ֆուտբոլ, Փյունիկ
Ըստ թեմայի
«Փոխարենը կինս է խմում». Լապոչկինը պատմել է «Փյունիկի» նվիրած հայկական կոնյակի մասին
«Փյունիկ»–«Շկուպի» «դրաման» Գյումրիում ավարտվեց խաղաղ արդյունքով
Բրավո, «Փյունիկ». հայկական ակումբն անցավ Եվրոպայի լիգայի որակավորման երրորդ փուլ