Ծանրամարտի Եվրոպայի մինչև 20 տարեկանների առաջնությունում չեմպիոն ու փոխչեմպիոն ունենք
(Թարմացված է 23:26 24.10.2019)
89 կգ քաշայինների պայքարում չեմպիոն է դարձել Հայաստանի ներկայացուցիչ Կարեն Ավագյանը, փոխչեմպիոն`Արա Աղանյանը։ԵՐԵՎԱՆ, 24 հոկտեմբերի – Sputnik. Ծանրամարտի Եվրոպայի մինչև 20 տարեկանների առաջնությունում 89 կգ քաշայինների պայքարում երկամարտի 364 կգ արդյունքում չեմպիոն է դարձել Հայաստանի ներկայացուցիչ Կարեն Ավագյանը: Հայաստանի երկրորդ ներկայացուցիչ Արա Աղանյանը փոխչեմպիոն է դարձել երկամարտի 358 կգ արդյունքով:
Հայ ծանրամարտիկի նոր հաղթանակը. Սիմոն Մարտիրոսյանն աշխարհի ռեկորդ սահմանեց
Կարեն Ավագյանը պոկում վարժությունում երկրորդ մոտեցմամբ բարձրացրել է 170 կգ և այս վարժությունում մինչև 20 տարեկանների Եվրոպայի ռեկորդ սահմանել:
Երրորդ մոտեցման համար Ավագյանը պատվիրել է 172 կգ, սակայն չի կարողացել բարձրացնել այն: Հրում վարժությունում նա երկրորդ փորձով գլխավերևում պահել է 194 կգ–ը: Երրորդ մոտեցման համար Կարենը պատվիրել է 197, սակայն չի կարողացել հրել այդ քաշը:
Ծափ–երաժշտություն կամ ձեր ցավը տանեմ. ինչպես դիմավորեցին ծանրամարտիկներին. լուսանկարներ
Արա Աղանյանը պոկել է 162 կգ, հրել 196 կգ:
Ծանրամարտի Եվրոպայի առաջնություն
Նշենք, որ ծանրամարտի Եվրոպայի մինչև 20 տարեկանների առաջնությունն անց է կացվում Ռումինիայի մայրաքաղաք Բուխարեստում։
Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին
(Թարմացված է 19:01 03.03.2021)
ՀՀ շախմատի ֆեդերացիայի նախագահն անդրադարձել է հայկական շախմատի առաջատարի որոշմանը։ ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։