Խաչանովը դուրս է եկել Վիեննայի մրցաշարի 1/4 եզրափակիչ. մրցակիցը հրաժարվել է պայքարից
(Թարմացված է 09:56 24.10.2019)
Աշխարհի իններորդ ռակետ, ռուսաստանցի թենիսիստ Կարեն Խաչանովը երկրորդ շրջանի խաղում հաղթել է հունգարացի մարզիկին։ԵՐԵՎԱՆ, 24 հոկտեմբերի — Sputnik. Թենիսիստ Կարեն Խաչանովը հասել է Վիեննայում անցկացվող ATP 500 մրցաշարի ¼ եզրափակիչ` հաղթելով հունգարացի մարզիկ Մարտոն Ֆուշովիչին։ Այս մասին հայտնում է Championat.com պարբերականը։
©
REUTERS / ARND WIEGMANN
Խաղը տևել է 2 ժամ 16 րոպե։ Մրցաշարում երկրորդ համարի տակ ելույթ ունեցող Խաչանովը չորս անպատասխան փոխանցում է արել, երեք կրկնակի սխալ է թույլ տվել ու իրացրել 22 հնարավոր բրեյք–փոյնթերից հինգը։
Ֆուշովիչը հրաժարվել է շարունակել պայքարը երրորդ սեթում, երբ Խաչանովը հաղթում էր 4:1 հաշվով։ Առաջին խաղում Խաչանովը հաղթել էր 6:3 հաշվով, երկրորդում` պարտվել (6:4):
Միհրանի հորը հայհոյե՞լ են. հայերն ու ղազախները բախվել են Սոչիում. տեսանյութ
Քառորդ եզրափակիչի մրցակիցը կորոշվի արգենտինացի Դիեգո Շվարցմանի ու ամերիկացի Սեմ Կուերիի հանդիպման արդյունքում։
Մրցաշարի մրցանակային ֆոնդը կազմում է մոտ 2,3 միլիոն եվրո։
Կարեն Խաչանովը նահանջել է մեկ հորիզոնականով ATP չեմպիոնական մրցավազքում
Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին
(Թարմացված է 19:04 03.03.2021)
ՀՀ շախմատի ֆեդերացիայի նախագահն անդրադարձել է հայկական շախմատի առաջատարի որոշմանը։ ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։