ԵՐԵՎԱՆ, 6 հոկտեմբերի — Sputnik. Ռաֆայել Աբրահամյանը Սարատովում տեղի ունեցած ММА – GFC 18-ում հաղթել է թուրք մրցակից Բատուխան Ակդումանին։
Արթուր Ավետիսյանը հաղթել է թուրք մարզիկին և ոսկե մեդալ նվաճել
Մի քանի օր առաջ Բատուխանը խոստացել էր Ռուսաստանից իր հետ տանել հայկական գլուխ, իսկ Ռաֆայելն իր պատասխանում հավաստիացրել էր երկրպագուներին, որ թուրքը ռինգից կհեռանա կոտրված ծնոտով։
«Չեմ ուզում տրվել զգացմունքներին։ Ես պատասխանելու, ասելու բան ունեմ։ Բայց ես դա չեմ անի, դա կանեմ ութանկյունում։ Մենք մեծ հայկական սփյուռք ունենք, և շատերը ցավոտ են ընդունել դա։ Եթե անկեղծ՝ ես ավելի շատ ծաղրանքով եմ ընդունել, որովհետև վստահ եմ իմ ուժերի վրա, ես պատրաստվել եմ։ Ես ապրում եմ այդ օրով։ Իսկ երբ ութանկյունը փակվի, խոստանում եմ, որ նրա ծնոտը կշրխկա։ Խոստանում եմ, որ կանեմ դա», - ասել է Ռաֆայելը մենամարտից մեկ օր առաջ։
Հայ մարզիկ Ստաս Նազարյանը` Ռուսաստանի մասին. բարեխիղճ մարզիկներին չի կարելի պատժել
Աբրահամյանը հավաստիացրել էր, որ մենամարտը հատկապես հետաքրքիր կլինի։ Եվ եթե նա հասնի թուրքի պարանոցին` բաց չի թողնի այն, մինչև հակառակորդը չհանձնվի։
