Հենրիխ Մխիթարյան

Հենրիխ Մխիթարյանը կկարողանա՞ մասնակցել Ֆինլանդիա-Հայաստան խաղին. բժիշկը կարծիք է հայտնել

253
(Թարմացված է 17:53 01.10.2019)
Հայաստանի հավաքականի և իտալական «Ռոմայի» կիսապաշտպան Հենրիխ Մխիթարյանի վնասվածքը թույլ չի տա հայ ֆուտբոլիստին խաղադաշտ դուրս գալ առաջիկա երեք շաբաթների ընթացքում:

ԵՐԵՎԱՆ, 1 հոկտեմբերի — Sputnik. Հայաստանի ֆուտբոլի հավաքականի ավագ Հենրիխ Մխիթարյանը հնարավոր է` մասնակցի Ֆինլանդիա-Հայաստան հանդիպմանը, որը կկայանա հոկտեմբերի 15–ին։

Այս մասին Sputnik Արմենիայի հետ զրույցում ասաց Հայաստանի հավաքականի բժիշկ Կարեն Ստեփանյանը։

«Յուրաքանչյուր վնասվածք ապաքինման մոտավոր ժամանակներ է պահանջում, որովհետև շատ կարևոր է, թե ինչպես է արձագանքում ֆուտբոլիստի օրգանիզմը: Լինում են դեպքեր, երբ ապաքինումը նախատեսվածից շուտ է լինում, կամ հակառակը: Ես համոզված չեմ` այս անգամ արագ կընթանա, թե ոչ, բայց, ճանաչելով Հենրիխին, ասեմ, որ հնարավոր է` նա կարողանա մասնակցել Ֆինլանդիա-Հայաստան խաղին: Առաջին խաղը Լյուքսեմբուրգի հետ նա հաստատ բաց կթողնի, բայց կրկնում եմ` կարող է լինել տարբերակ, ըստ որի Հենրիխը մասնակցի հավաքականի հաջորդ հանդիպմանը: Սպասենք»- ասաց հավաքականի բժիշկը:

Կարեն Ստեփանյանի կարծիքով` լավ կլինի, որ մոտ օրերս Հենրիխի մկանային վնասված հատվածը ևս մեկ անգամ նկարվի: Դա հնարավորություն կտա արդեն հստակ կարծիք կազմել ապաքինման ժամկետների մասին:

Ծափ–երաժշտություն կամ ձեր ցավը տանեմ. ինչպես դիմավորեցին ծանրամարտիկներին. լուսանկարներ

Ինչպես արդեն տեղեկացրել էինք, սեպտեմբերի 29–ին Իտալական A սերիայի վեցերորդ տուրի «Լեչե» - «Ռոմա» հանդիպման վերջին րոպեներին Մխիթարյանը ցավ զգաց ազդրի հատվածում և փոխարինվեց:

Այսօր հայ ֆուտբոլիստը բուժզննում է անցել Իտալիայում։ Նրա մոտ ախտորոշվել է ազդրի երկար արբերիչ մկանի մասնակի վնասվածք: Պարզվել է, որ հայ ֆուտբոլիստի վնասվածքը բավականին լուրջ է, քան դրա մասին գրում էին ինտերներ կայքերը երեկ: Առնվազն երեք շաբաթ պետք է, որպեսզի Հենրիխը ապաքինվի:

253
թեգերը:
Հայաստանի ազգային հավաքական, վնասվածք, բժիշկ, ՀՖՖ, ֆուտբոլ, Հենրիխ Մխիթարյան
թեմա:
Հենրիխ Մխիթարյան (242)
Ըստ թեմայի
Հայաստանում հնարավոր կլինի դիտել Հենրիխ Մխիթարյանի նոր ակումբի` «Ռոմայի» խաղերը
Հենրիխ Մխիթարյանը դաշտ դուրս չեկավ, բայց «Ռոման» ջախջախեց մրցակցին
Հենրիխ Մխիթարյանի թիմը պարտվեց «Ատալանտային»