Հենրիխ Մխիթարյան

Հենրիխ Մխիթարյանը կխաղա «Ռոման»-«Սասուոլո» հանդիպմանը

247
Հայաստանի ազգային հավաքականի ֆուտբոլիստն իր նորամուտը կնշի իտալական ակումբում։ Նրա անունն ընդգրկվել է հայտացուցակում։

ԵՐԵՎԱՆ, 14 սեպտեմբերի – Sputnik. Իտալական «Ռոման» A Սերիայի 3-րդ տուրում կխաղա «Սասուոլոյի» հետ, որին կմասնակցի նաև Հայաստանի ազգային հավաքականի կիսապաշտպան Հենրիխ Մխիթարյանը: Այս մասին նշված է «Ռոմա» ակումբի պաշտոնական էջում, որտեղ ներկայացված են խաղի հայտացուցակում ընդգրկված ֆուտբոլիստները։

Состав ФК «Рома»
«Ռոման»-«Սասուոլո» հանդիպման հայտացուցակը

Հանդիպումը կկայանա վաղը՝ սեպտեմբերի 15-ին, ժամը 20:00-ին Հռոմի «Օլիմպիական» մարզադաշտում:

Ի՞նչ երազանք ունի Յուրա Մովսիսյանը. բլից հարցազրույց հայտնի ֆուտբոլիստի հետ

Ավելի վաղ հայտնել էինք, որ իտալական «Ռոմայի» հանդիպումները վերահեռարձակելու իրավունք է ձեռք բերել «Արմենիա» հեռուստաընկերությունը:

Հիշեցնենք` սեպտեմբերի 2–ին հայտնի դարձավ, որ անգլիական «Արսենալի» կիսապաշտպան և Հայաստանի ազգային հավաքականի ավագ Հենրիխ Մխիթարյանը վարձակալության իրավունքով իտալական «Ռոմայի» խաղացող է դարձել։ Հայ ֆուտբոլիստի հետ վարձակալության պայմանագիրը կնքել են մինչև այս մրցաշրջանի ավարտը։ Կիսապաշտպանի համար իտալական ակումբը 3 միլիոն դոլար է վճարել։

«Գայլերի երկրում» Մխիթարյանը խաղալու է 77 համարի մարզաշապիկով։

Մխիթարյանն իմ ամենասիրելի ֆուտբոլիստներից է. Լուչեսկու

Նշենք, որ Հենրիխ Մխիթարյանը 2018 թվականի սկզբից է հանդես գալիս «Արսենալում»։

30-ամյա հայ ֆուտբոլիստը նախկինում հանդես է եկել «Մանչեսթեր Յունայթեդի», Դորտմունդի «Բորուսիայի», Դոնեցկի «Շախտյորի», «Մետալուրգի», ինչպես նաև Երևանի «Փյունիկի» կազմերում։

Մխիթարյանի պայմանագիրն «Արսենալի» հետ ուժի մեջ էր մինչև 2021 թվականի հունիսի 30-ը։

«Դու փայլում ես երջանկությունից». Հենրիխ Մխիթարյանը նոր լուսանկար է հրապարակել «Ռոմայից»

 

247
թեգերը:
Հենրիխ Մխիթարյան, «Ռոմա» ֆուտբոլային ակումբ, Հայաստան
թեմա:
Հենրիխ Մխիթարյան (295)
Ըստ թեմայի
«Առնվազն հայ է». Հռոմի բնակիչները Մխիթարյանի համար հայ-իտալական նոր բառախաղ են հորինել
«Շատ ուրախ եմ, որ միացել եմ «Ռոմային». Հենրիխ Մխիթարյանը բացառիկ հարցազրույց է տվել
«Փյունիկից» մինչև «Ռոմա». քանի միլիոն է «պտտվում» Հենրիխ Մխիթարյանի տրանսֆերների շուրջ
 Հայաստանի գավաթի խաղարկության եզրափակիչ խաղը

Ֆուտբոլային թրելլեր գավաթի եզրափակիչում. Հայաստանի գավաթակրի անունը հայտնի է

58
(Թարմացված է 22:24 10.07.2020)
Տասը գոլ, լարված պայքար, գերկամային որակներ,  հաղթելու մեծ ցանկություն։ Այս ամենի արդյունքում Հայաստանի գավաթակիրը որոշվեց 11 մետրանոց հարվածաշարի միջոցով: «Նոա» - «Արարատ-Արմենիա» եզրափակիչը թերևս լավագույն խաղն էր հայկական թիմերի միջև 2019/20 մրցաշրջանում:

ԵՐԵՎԱՆ, 9 հուլիսի – Sputnik. Քիչ առաջ ավարտվեց Հայաստանի գավաթի խաղարկության եզրափակիչ խաղը։ 11 մետրանոց հարվածաշարի արդյունքում գավաթակիր դարձավ «Նոան»։

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Նշենք, որ գավաթի խաղարկության եզրափակիչում իրար արժանի մրցակիցներ էին խաղում` «Նոան» ու «Արարատ Արմենիան»: 

Հանդիպման մեկնարկից 29 րոպե անց Հայաստանի գործող չեմպիոն «Արարատ-Արմենիան» հաղթում էր 3:0 հաշվով,  բայց երկու թիմերն էլ պայքարեցին մինչև վերջ: Խաղի հիմնական ժամանակն ավարտվեց 4:4 հաշվով, իսկ լրացուցիչ ժամանակում գրանցվեց վերջնական հաշիվը՝ 5:5:

11 մետրանոց հարվածաշարով հաղթեց ու Հայաստանի գավաթը նվաճեց «Նոան»։

Խաղի 8-րդ րոպեին Ուգուչուկվու Լուիս Օգանան, հնարավորությունն օգտագործելով,  առաջ մղեց «Արարատ-Արմենիային»: Բաց թողած գնդակը չի կարելի ասել, թե անմիջապես ընկճեց «Նոայի» ֆուտբոլիստներին:

Բայց Ալան Տատաևի ինքնագոլից հետո «Արարատ-Արմենիայի» ֆուտբոլիստները սկսեցին գործել շատ հանգիստ ու վստահ, և 29-րդ րոպեին Յուսուֆ Օդուբանջոն երրորդ անգամ ստիպեց մրցակցին խաղը վերսկսել կենտրոնից:

Առաջին խաղակեսի ավարտից վեց րոպե առաջ Մաքսիմ Մայրովիչի գոլն ինչ– որ տեղ հույս տվեց «Նոայի» ֆուտբոլիստներին: Բայց հերթական սխալը պաշտպանությունում նորից վերականգնեց երեք գնդակի առավելությունը «Արարատ-Արմենիայի» օգտին. Ուգուչուկվու Լուիս Օգանան դաձավ դուբլի հեղինակ, իսկ չեմպիոնը հաղթում էր 4:1 հաշվով:

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Ընդհանրապես եզրափակիչներում հիմնականում ոչ գոլառատ հանդիպումներ են լինում: Թիմերը զգույշ են գործում պաշտպանությունում, խուսափելով սեփական դարպասը գնդակ ընդունելուց, ու համարյա միշտ գործում են թիկունքն ապահովագրելով:

Ամենախոշոր հաշիվը ֆուտբոլի Հայաստանի գավաթի խաղարկություններում գրանցվել էր 1995 թվականին, երբ «Արարատը»  4:2 հաշվով պարտության մատնեց «Կոտայքին»: Դժվար էր սպասել, որ «Նոա» - «Արարատ-Արմենիա» մրցավեճում խոշոր հաշիվ կգրանցվի: Բայց մինչև ընդմիջում գրանցվեց դարպասի հինգ գրավում:

Արագ գոլը ֆուտբոլում հաճախ է խորը հետք թողնում հանդիպման վերջնական արդյունքի վրա: Հաջողության հասած թիմը ոգևորության ալիքի ներքո կարողանում է զարգացնել ձեռք բերածը, իսկ գնդակ բաց թողած թիմը չի կարողանում ուշքի գալ:

«Նոա» - «Արարատ-Արմենիա» խաղում դաշտի տեր համարվող «Նոայի» ֆուտբոլիստներն ութերորդ րոպեին հայտնվելով հետապնդողի դերում, շատ արագ կարող էին պատասխան գնդակը խփել: Բայց դա անել չհաջողվեց, իսկ պաշտպանությունում հաճախակի ձախողումներն ու անփույթ խաղը «Նոային» եզրափակիչի ավարտից մեկ ժամ առաջ փաստի առջև կանգնեցրին:

Ճիշտ է, որոշակի ինտրիգ խաղի մեջ մտցրեց Մաքսիմ Մայրովիչի գոլը, որը հաշիվը դարձրեց 1:3, բայց այդ ինտրիգը շատ արագ մարեց:

Գավաթի խաղարկության լավագույն ռմբարկու Ուգուչուկվու Լուիս Օգանան խփեց իր ութերորդ գոլը՝ 1:4:

Բայց ամեն ինչ առջևում էր:

Շատերը մտածեցին, որ վերջ` «Արարատ-Արմենիան» կպահպանի երեք գնդակի առավելությունը, և այս խաղում հաղթողն արդեն վճռված է:

Սակայն «Նոան» գերկամային հատկանիշներ դրսևորելով` երկրորդ կեսի 21 րոպեների ընթացքում երեք գնդակ անցկացրեց «Արարատ-Արմենիայի» դարպասը: Վլադիմիր Ազարովի (11մ), Միխայիլ Կովալենկոյի և Դանու Սպատարուի գոլերից հետո վերականգնվեց հաշվի հավասարակշռությունը՝ 4:4: Հիմնական ժամանակն այս հաշվով էլ ավարտվեց, չնայած հաղթանակին ավելի մոտ էր «Նոան»:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

Իսկ լրացուցիչ ժամանակում «Նոան» արդեն ուներ թվային առավելություն, քանի որ 93-րդ րոպեին «Արարատ-Արմենիայի» կազմում կարմիր քարտ սստացավ Ալֆոնսե Կոջոն:

Լրացուցիչ ժամանակում էլ կողմերը մեկական գնդակ փոխանակեցին: Ու երբ Վլադիմիր Ազարովի իրացրած երկրորդ 11 մետրանոցից հետո թվաց, որ հաղթելու է «Նոան», Յուսուֆ Օտուբանջոն նորից խփեց պատասխան գնդակը՝ 5:5:

Ի վերջո հաղթողը որոշվեց 11 մետրանոց հարվածաշարով: Առաջին անգամ Հայաստանի գավաթակիր դարձավ «Նոան»:

Չորս օրից՝ հուլիսի 14-ին, «Նոա» - «Արարատ-Արմենիա» խաղում որոշվելու է Հայաստանի չեմպիոնը:

Գործող չեմպիոն «Արարատ-Արմենիային» իր տիտղոսը պաշտպանելու համար այդ խաղում բավարարում է ոչ-ոքի հաշիվը:

Մխիթարյանը գեղեցիկ գոլ խփեց, սակայն չկարողացավ «Ռոմային» փրկել պարտությունից․ տեսանյութ

58
թեգերը:
«Նոա» ֆուտբոլային ակումբ, Արարատ–Արմենիա, ֆուտբոլ, Հայաստան
Ըստ թեմայի
Հայկական ֆուտբոլում 4-5 տարի հետո անպայման կլինի երկար սպասված վերելքը. Խորեն Հովհաննիսյան
Հայաստանցի ֆուտբոլիստները Ռուսաստանում լեգեոներ չեն համարվի օգոստոսից
Ինչու է պարետատունը մերժել Հայաստանի ֆուտբոլի ֆեդերացիային
Ֆուտբոլ

Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը

43
(Թարմացված է 14:41 10.07.2020)
Հայաստանի և Քուվեյթի հավաքականների հանդիպումը կկայանա Երևանում։

ԵՐԵՎԱՆ, 10 հուլիսի — Sputnik. Հայաստանի ազգային հավաքականն ընկերական հանդիպում կանցկացնի Քուվեյթի ընտրանու հետ: Հանդիպումը կկայանա Երևանում, նոյեմբերի 11-ին։ Տեղեկությունը հայտնում է ՀՖՖ մամուլի ծառայության Facebook-յան էջը։

«Ռոման» Մխիթարյանի փոխանցումը «հավերժացրել» է գրաֆիկայով

Ավելի վաղ տեղեկացրել էինք, որ Հայաստանի և Ալբանիայի ֆուտբոլի ֆեդերացիաների միջև ձեռք է բերվել համաձայնություն, համաձայն որի երկու երկրների ազգային հավաքականներն ընկերական հանդիպում կանցկացնեն: Խաղը կկայանա հոկտեմբերի 7-ին, Երևանի Վազգեն Սարգսյանի անվան «Հանրապետական» մարզադաշտում:

43
թեգերը:
Քուվեյթ, Հայաստանի ազգային հավաքական, ֆուտբոլ, ՀՖՖ, Հայաստան
Ըստ թեմայի
Մահացել է ԽՍՀՄ ֆուտբոլի հավաքականի նախկին մարզիչ Վլադիմիր Սալկովը
«Իմ քայլի» պատգամավորն ու Դենիս Ջորկաեֆը նշանակվել են ՀՖՖ նախագահի խորհրդականներ
Հայկուհի Հարությունյան

Չնայած պայքարի առաջընթացին՝ կոռուպցիան մեր իրականությունից չի վերացել. Հարությունյան

0
(Թարմացված է 23:27 10.07.2020)
Կոռուպցիայի կանխարգելման հանձնաժողովի նախագահ Հայկուհի Հարությունյանը Sputnik Արմենիայի եթերում անդրադարձել է հանձնաժողովի գործունեությանը, հետագա անելիքներին, ինչպես նաև բացահայտումներին: 
Հարությունյան. «Կոռուպցիայի դեմ պայքարի հանրային ընկալումներում գրանցվել է էական առաջընթաց»

Կոռուպցիայի կանխարգելման հանձնաժողովի նախագահ Հայկուհի Հարությունյանի փոխանցմամբ՝ հնաձնաժողովը հնարավորություն է տվել ավելի մանրամասն և հիմնավորված տվյալներ ներկայացնել գույքի ու եկամուտների վերաբերյալ, և եթե դա հնարավոր է դիտարկել որպես նաև առաջիկայում պատասխանատվության տեսանկյունից անձանց վարքագծի փոփոխություն, ապա սա փոքր, բայց նշմարելի փոփոխություն է: Իսկ երկարաժամկետ կտրվածքով Հարությունյանը կարևորում է պաշտոնատար անձանց բարեվարքության հետագա ստուգումը, հատկապես ապագայում պաշտոնի հավակնող թեկնածուների վարքագծի ստուգումը: 

«Պետբյուջեով հանձնաժողովին փոխանցված միջոցները բավարար գնահատել հնարավոր չէ, բայց հանձնաժողովն առաջիկայում ինքն արդեն գործունեության ամբողջական ծրագրից  բխող բյուջետային հայտի ուղղությամբ աշխատանքներ է տանում, որպեսզի ստանա և ապահովված լինի նյութական բոլոր ռեսուրսներով, որոնք անհրաժեշտ են մեծ և լիածավալ մանդտի իրականացման համար»,- Sputnik Արմենիայի հետ զրույցում ասաց նա: 

Հանձնաժողովի նախագահի կարծիքով՝ 2018թ-ի հեղափոխությունից հետո լրիվ նոր օրակարգ ձևավորած և մեծ հավակնություններ ունեցող իշխանության համար, որը գտնում է, որ կոռուպցիան իսկապես պետք է բացառվի պետական կառավարման համակարգում, աջակցությունը ԱՄՆ-ից ու Եվրամիությունից նախօրոք պլանավորվել և իրականացվում է, հետևաբար, ներկայացվող օժանդակությունը բավականին արժեքավոր է ճիշտ քաղաքականություն մշակելու առումով և պրակտիկայում ճիշտ գործողություններ իրականացնելու տեսանկյունից: 

Խորհրդակցություն կառավարությունում. Հակակոռուպցիոն կոմիտեին առնչվող հարցեր են քննարկվել

Հարությունյանի տեղեկացմամբ՝ հանձնաժողովը պաշտոնատար անձանց բարեվարքության ստուգման հարցում արդեն իսկ ստացել է արտասահմանյան գործընկերների խորհրդատվական աջակցությունը: Նրա հավաստմամբ՝ կոռուպցիայի դեմ պայքարի հանրային ընկալումներում գրանցվել է էական առաջընթաց, սակայն դեռևս բավարար չէ արձանագրելու, որ կոռուպցիան արդեն վերացած է մեր իրականությունից, հենց դրա համար էլ պետությունը համառորն շարունակում է ջանքեր ներդնել կոռուպցիայի դեմ պայքարում՝ պլանավորելով Կոռուպցիայի կանխարգելման հանձնաժողովի, առաջիկայում ձևավորվելիք Հակակոռուպցիոն կոմիտեի, ինչպես նաև մասնագիտակցված հակակոռուպցիոն դատարանների աշխատանքները:

Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»

Հիշեցնենք՝ այսօր հայտնի դարձավ, որ ԱՄՆ-ն մտադիր է հատուկ մասնագետ վարձել, որը Հայաստանի իշխանությանը խորհրդատվություն կտրամադրի իրավապահ ոլորտում բարեփոխումների մշակման և հակակոռուպցիոն ծրագրերի իրագործման վերաբերյալ։

0
թեգերը:
Հակակոռուպցիոն կոմիտե, կոռուպցիա, Հայաստան, ԱՄՆ
Ըստ թեմայի
Պատրաստվեք... Կոռուպցիայի կանխարգելման հանձնաժողովը նախարարի հանդեպ տույժ է կիրառել
«Կոռուպցիայի որևէ դրսևորում անարձագանք չի մնալու». ԱԱԾ պաշտոնյա է կալանավորվել. տեսանյութ
«Եթե ես կոռուպցիայի մեջ ներգրավվեմ, կոչ եմ անում ինձ կախաղան հանել». Փաշինյան
Հայաստանի կոռուպցիայի և թալանի մասին խոսում են Ալիևն ու Փաշինյանը. Սարգսյանի պատասխանը