Ի՞նչ երազանք ունի Յուրա Մովսիսյանը. բլից հարցազրույց հայտնի ֆուտբոլիստի հետ
(Թարմացված է 20:09 13.09.2019)
Հանրահայտ ֆուտբոլիստը պատասխանել է 6 հարցի, որոնք վերաբերում են նրա նախկին ու ներկա երազանքներին, երեխաներին ու, բնականաբար, ֆուտբոլին։ ԵՐԵՎԱՆ, 14 սեպտեմբերի – Sputnik. Ճանաչված ֆուտբոլիստ Յուրա Մովսիսյանը շատ կուզեր, որ իր երեխաներն էլ ֆուտբոլիստ դառնային, և նա շատ լավ հիշում է, թե ում էր ուզում նմանվել փոքր տարիքում։ Մովսիսյանն այս և մի քանի այլ հարցերի է պատասխանել Sputnik Արմենիայի թղթակից Գոռ Մարգարյանի հետ կարճ զրույցում։
©
Sputnik / Gor Margaryan
– Կուզեի՞ք, որ ձեր երեխաներն էլ ֆուտբոլիստ դառնային։
– Միանշանակ։
– Հիմա ի՞նչ երազանք ունեք։
– Կարևորը առողջ լինեմ։ Իմ ամենամեծ ցանկությունն էն ա, որ ես ու իմ ընտանիքը, բոլորն առողջ լինեն, Աստված գիտի` ոնց կլինի։ Կարևորը` առողջություն ունենան։
– Ե՞րբ եք վերջին անգամ ֆուտբոլ խաղացել ոչ ֆուտբոլիստ ընկերների հետ, և ինչպես է ավարտվել խաղը։
– Լավ ա ավարտվել (ծիծաղում է)։ Էս վերջերս եմ խաղացել։
– Սնահավա՞տ եք, որևէ «ծես» անո՞ւմ եք խաղից առաջ։
– Չէ։ Ոչ մի բան։ Միայն աղոթում եմ։
– Ո՞ր տարիքից եք սկսել ֆուտբոլ խաղալ և ո՞ր ֆուտբոլիստին էիք ուզում նմանվել։
– Փոքր տարիքից եմ խաղում։ Ուզում էի նմանվել Թիերի Անրիին (ՈՒԵՖԱ Չեմպիոնների Լիգայի, Ֆրանսիայի, Իսպանիայի և կոնֆեդերացիաների գավաթների հաղթող. խմբ)։
– Իսկ կա որևէ հնարք, որևէ միշտ փորձել եք անել, բայց չի ստացվել։
– Շատ են այդպիսի հնարքները։
©
Photo : twitter / AS Roma English
Շատ էին նաև հարցերը, բայց Յուրա Մովսիսյանը շտապում էր, խոստացավ մյուս հարցերին ավելի ուշ պատասխանել։ Չհասցրինք հարցնել` ինչո՞վ է հիմա զբաղվում և ի՞նչ է պատրաստվում անել առաջիկայում, շարունակելո՞ւ է ֆուտբոլիստի կարիերան, թե՞ ոչ։
Ինչպես կայացավ Յուրա Մովսիսյանի և Պեպեի հանդիպումը, իսկ Շկտրելը խնդրեց նրա մարզաշապիկը
Հայտնի է, որ նա 2018 թվականին տեղափոխվել էր ամերիկյան «Չիկագո ֆայր», սակայն նույն տարվա նոյեմբերին էլ տեղեկություն տարածվեց, որ լքել է ակումբը։ Մովսիսյանն առայժմ զրկված է խաղերի մասնակցելու հնարավորությունից, քանի որ տրանսֆերային իրավունքները պատկանում են այս թիմին: 2020 թվականի հունվարի 1-ին ավարտվում է պայմանագիրը ամերիկյան թիմի հետ: Միայն դրանից հետո պարզ կլինի, թե որտեղ է շարունակելու կարիերան։
Sputnik Արմենիայի տեղեկություններով` Հայաստանում հանդես գալու դիտարկումներ եղել են: Մովսիսյանը բանակցություններ է վարել հայկական երկու ակումբների՝ «Փյունիկի» և «Արարատ -Արմենիայի» հետ, բայց կողմերը վերջնական հայտարարի չեն եկել: Երբ հայ ֆուտբոլիստը դառնա ազատ գործակալ, չի բացառվում, որ հայկական ակումբների ցանկության դեպքում բանակցությունները վերսկսվեն:
Յուրա Մովսիսյանը երկրպագուների հետ երգում է ՀՀ օրհներգը. տեսանյութ, լուսանկարներ
Վազգեն Մանուկյանը դիմել է Լևոն Արոնյանին և խնդրել վերանայել իր որոշումը
(Թարմացված է 14:50 04.03.2021)
Մանուկյանը խոստացել է, որ այս իշխանությունը շուտով հեռանալու է, և միասնական ջանքերով ոլորտ առ ոլորտ վերացնելու ենք քաոսը, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:ԵՐԵՎԱՆ, 4 մարտի – Sputnik. Հայրենիքի փրկության շարժման վարչապետի միասնական թեկնածու Վազգեն Մանուկյանը նամակով դիմել է հայկական շախմատի առաջատար Լևոն Արոնյանին և խնդրել նրան հնարավորություն գտնել վերանայելու իր` ԱՄՆ մեկնելու որոշումը։
Նշենք, որ շախմատի գրոսմայստեր Լևոն Արոնյանը հայտարարել էր Հայաստանը լքելու ու ԱՄՆ շախմատիստների թիմակիցը դառնալու մասին։
«Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։
Նա նաև շեշտել էր, որ տարիներ շարունակ տարբեր երկրներից հանդես գալու բազմաթիվ գրավիչ առաջարկներ է ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդից։
«Ցավով կարդացի Ձեր վերջին հայտարարությունը՝ Հայաստանից հեռանալու և մարզական կարիերան ԱՄՆ-ում շարունակելու որոշման հետ կապված»,–գրել է Մանուկյանը:
Նա ընդգծել է, որ Հայաստանը միշտ հպարտացել է Արոնյանով, որ նա եղել է բոլորի պարծանքն ու ոգեշնչման աղբյուրը հազարավոր պատանիների ու երիտասարդների համար: Արոնյանի շնորհիվ հայկական շախմատը նորանոր բարձունքներ է նվաճել ու մեր երկրին պարգևել բազում հաղթանակներ:
«Դուք իրավացի եք, այս իշխանությանն իսկապես հաջողվեց պառակտել նաև շախմատային համերաշխ ընտանիքը և ոլորտը վերածել քաոսի, ինչպես քաոսի վերածեց բոլոր ոլորտներն ու ողջ երկիրը:
Բայց հավատացեք, մեր ժողովուրդն այլևս թույլ չի տալու, որ մեր երկրի, մեր տաղանդավոր զավակների կերտած հաղթանակները ոչնչացվեն»,–գրել է Մանուկյանը:
«Դա սպորտսմենի իրավունքն է». ԿԳՄՍ նախարարը` Արոնյանի որոշման մասին
Նա խոստացել է, որ այս իշխանությունը շուտով հեռանալու է, և մենք միասնական ջանքերով ոլորտ առ ոլորտ վերացնելու ենք քաոսը, վերականգնելու ենք արժանապատվությունն ու հաղթանակները, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:
Վազգեն Մանուկյանը պատրաստակամություն է հայտնել նաև հանդիպել Լևոն Արոնյանի և շախմատային աշխարհի մյուս հեղինակավոր ներկայացուցիչների հետ՝ քննարկելու ոչ միայն շախմատային ոլորտի, այլ մեր երկրի ապագայի զարգացման գործում նրանց անգնահատելի մասնակցությունը:
«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ
(Թարմացված է 23:41 03.03.2021)
Հայ ֆուտբոլիստի երկրպագուները գովել են Օզբիլիսի տղայի ֆուտբոլային ունակությունները` ասելով, որ այսպես նա հորն էլ կանցնի։ԵՐԵՎԱՆ, 3 մարտի - Sputnik. «Փյունիկ» ֆուտբոլային ակումբի կիսապաշտպան Արաս Օզբիլիսն Instagram-ի իր հետևորդներին մի զվարճալի տեսանյութ է ներկայացրել, որտեղ նրա 2-ամյա որդին գոլ է խփում։
«Նա ուրախ է, որ գոլ է խփում»,–տեսանյութին կից գրել է Օզբիլիսը։
View this post on Instagram
Տեսանյութում երևում է, թե ինչպես է ոգևորված երեխան իրար հետևից գրավում դարպասը և անգամ դրա` գետնին տապալվելուց հետո փոքրիկը շարունակում է գնդակով հարվածել դարպասին։
Օզբիլիսի մարզաշապիկն աճուրդում վաճառվել է 1025 դոլարով. գումարը կուղղվի Արցախին
Օզբիլիսի հետևորդները մեկնաբանել են տեսանյութը` գրելով, որ «Հայրիկին է քաշել» տղան։ Հայ մեկ ուրիշ ֆուտբոլիստ էլ` կիսապաշտպան Արտյոմ Սիմոնյանը, կատակել է, թե երեխան հորից լավ է գոլ խփում։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։