Հենրիխ Մխիթարյան

Հայաստանում հնարավոր կլինի դիտել Հենրիխ Մխիթարյանի նոր ակումբի` «Ռոմայի» խաղերը

416
(Թարմացված է 18:49 13.09.2019)
Հենրիխ Մխիթարյանի՝ «Ռոմա» տեղափոխվելուց հետո, բնականաբար, շատերին է հետաքրքրում` հայկական որևէ ընկերություն հեռարձակելո՞ւ է իտալական A սերիայի խաղերը, թե՞ ոչ: Sputnik Արմենիային հայտնի է դարձել, որ կոնկրետ «Ռոմայի» խաղերը հեռարձակվելու են։

ԵՐԵՎԱՆ, 13 սեպտեմբերի – Sputnik. «Արմենիա» հեռուստաընկերությունն իտալական «Ռոմայի» հանդիպումները վերահեռարձակելու իրավունք է ձեռք բերել: Sputnik Արմենիային այս մասին հայտնեց հավաստի աղբյուրը։

Պարզվում է` A սերիայի հանդիպումների հեռարձակման հարցում խնդիր է ծագել, որը կապված է թուրքական ընկերության հետ: Մարզական մեկնաբան Ռոբերտ Գասպարյանն էլ Sputnik Արմենիային ներկայացրեց խնդրի մանրամասները։

«Երկար դադարից հետո 2018-19 թթ Իտալիայի ֆուտբոլի առաջնության A սերիայի հանդիպումների հեռարձակման իրավունքը ձեռք էր բերել հայկական «5-րդ ալիք» հեռուստաընկերությունը: Բայց այս տարի 2019-20թթ մրցաշրջանի հանդիպումները հեռարձակելու առումով այդ նախաձեռնությունը շարունակել չհաջողվեց, որովհետև առաջացան հեռարձակման հետ կապված որոշակի ոչ տեխնիկական խնդիրներ: Այսինքն՝ խնդիրներ, որոնք ավելի շատ երևի քաղաքական են»,- նշեց մեր զրուցակիցը:

Խնդիրը, ըստ Ռոբերտ Գասպարյանի ներկայացրած պատկերի, հետևյալն է. Իտալիայի ֆուտբոլի առաջնության A սերիայի 2019-20թթ. մրցաշրջանի հանդիպումները Անդրկովկասի տարածաշրջանում հեռարձակելու բացառիկ իրավունքը տրվել է թուրքական SARAN ընկերությանը, որը հեղինակային իրավունքների վաճառքով է զբաղվում: Եվ հայկական հեռուստաընկերության ներկայացուցիչներն այս թուրքական ընկերության հետ փորձել են լուծում գտնել, դեռ նախքան Մխիթարյանի՝ «Ռոմա» տեղափոխվելը, բայց ապարդյուն:

Իսկ Հենրիխի տեղափոխությունից հետո «5-րդ ալիք» հեռուստաընկերությունը նորից է փորձել թուրքական ընկերությանը բացատրել, որ Իտալիայի առաջնությունն ու կոնկրետ «Ռոմայի» խաղերը հետաքրքիր են Հայաստանի հեռուստադիտողներին, բայց թուրքական կողմը մնացել է անդրդվելի, հետևել է պատասխան, թե իրենց հետաքրքիր չէ Հայաստանում առանձին հեռուստաալիքով A սերիայի վերահեռարձակումը:

«Եկել է Մխիթարյանը...». «Ռոմայի» երկրպագուն երգ է նվիրել Հենոյին. տեսանյութ

Այսինքն, ոչ մի ֆինանսական կամ տեխնիկական խնդիր, ինչպես հավաստիացրեց մարզական մեկնաբանը, չի եղել:

Մեր աղբյուրները նշեցին, որ «Արմենիա» հեռուստաընկերությունն իտալական «Ռոմայի» հանդիպումները վերահեռարձակելու իրավունք է ձեռք բերել հենց ակումբից։

Հիշեցնենք, որ առաջիկա կիրակի` սեպտեմբերի 15-ին, հնարավոր է, մեր Հենրիխ Մխիթարյանին արդեն տեսնենք «Ռոմայի» մեկնարկային կազմում, «Սասուոլոյի» դեմ խաղում: Համենայն դեպս, իտալական մարզական թերթերը տանտերերի հավանական մեկնարկային կազմում նշում են Մխիթարյանին՝ ձախ ենթահարձակվողի դիրքում:

«Ես լքել եմ Անգլիան ու Անգլիայի մասին խոսել չեմ ուզում». Մխիթարյանը մարտական է տրամադրված

Հիշեցնենք` սեպտեմբերի 2–ին հայտնի դարձավ, որ անգլիական «Արսենալի» կիսապաշտպան և Հայաստանի ազգային հավաքականի ավագ Հենրիխ Մխիթարյանը վարձակալության իրավունքով իտալական «Ռոմայի» խաղացող է դարձել։ Հայ ֆուտբոլիստի հետ վարձակալության պայմանագիրը կնքել են մինչև այս մրցաշրջանի ավարտը։ Կիսապաշտպանի համար իտալական ակումբը 3 միլիոն դոլար է վճարել։ «Գայլերի երկրում» Մխիթարյանը խաղալու է 77 համարի մարզաշապիկով։

416
թեգերը:
«Ռոմա» ֆուտբոլային ակումբ, Հենրիխ Մխիթարյան, Հայաստան
թեմա:
Հենրիխ Մխիթարյան (287)
Ըստ թեմայի
Ուզում եմ ստանալ խաղաժամանակ, որն «Արսենալում» ինձ չէին տալիս. Մխիթարյանը` տեղափոխության մասին
Բոլոր ճանապարհները տանում են Ռոմա. Գարիկ Մարտիրոսյանը հաջողություն է մաղթել Մխիթարյանին
Մխիթարյանն առաջատարի պես տարավ թիմն իր հետևից, սևագործ աշխատանք կատարեց. Գյուլբուդաղյանց
Ալֆրեդ Տեր–Մկրտչյանն Օլիմպիական խաղերում

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

0
(Թարմացված է 16:49 28.05.2020)
Անվանի ըմբշամարտիկ, աշխարհի ու Եվրոպայի չեմպիոն, ԽՍՀՄ-ի և Գերմանիայի դրոշների ներքո հանդես եկած Ալֆրեդ Տեր-Մկրտչյանը Sputnik Արմենիայի հետ զրուցում պատմել է ամենահիշվող մրցաշարի, օլիմպիական խաղերի եզրափակչում ձախողման պատճառի մասին, հիշել զավեշտալի մի դեպք։

Խաչիկ Չախոյան, Sputnik Արմենիա

90-ականների սկզբին հունահռոմեական ոճի ըմբշամարտիկ Ալֆրեդ Տեր-Մկրտչյանը համաշխարհային մակարդակի յուրաքանչյուր մրցաշարում հաղթողի հիմնական հավակնորդներից մեկն էր: Իսկ 1992 թվականի օլիմպիական եզրափակիչը կարող էր լրիվ այլ ազդեցություն ունենալ հետագայում բազմաթիվ տիտղոսներ նվաճած ըմբշամարտիկի համար:

Չմոռացվող գոտեմարտը

1992 թվականի Բարսելոնայի օլիմպիական խաղերում Ալֆրեդ Տեր-Մկրտչյանը շատ մոտ էր բաղձալի երազանքին՝ օլիմպիական ոսկե մեդալին: Եզրափակչում նորվեգացի Յոն Ռյոնիգենի հետ մրցելիս` հայ ըմբիշը որոշեց չգրոհել, ռիսկի չդիմել և վերջին վայրկյանին բաց թողեց մրցակցի գրոհն ու պարտվեց։

Выступающий за Германию борец Альфред Тер-Мкртчян (в красном) и кореец Квон-Хо Сим во время греко-римской борьбы (54кг) на Олимпийских играх (25 сентября 2000). Сидней
© AFP 2020 / KIM JAE-HWAN
Ալֆրեդ Տեր–Մկրտչյանը Եվրոպայի առաջնությունում

«Ոչ մի ըմբիշի չեմ ցանկանա այնպիսի զգացումներ ունենա, ինչպիսին ես ունեցա եզրափակիչ գոտեմարտից հետո: Համոզված եմ, որ նման զգացում ունեցել է լեգենդար ըմբիշ Ալեքսանդր Կարելինը, որը պարտվել է Սիդնեյի օլիմպիական խաղերի եզրափակչում»,- ասում է Ալֆրեդը:

Ճիշտ է, դա Կարելինի 4–րդ ոսկե մեդալը կլիներ օլիմպիադաներում, բայց մարզիկը կարծում է, որ այդ պարտությունը ևս մեծ ցավ պատճառել նրան։

Սթրես, վթարներ ու վերադարձ

Օլիմպիադայի եզրափակիչում ցավալի պարտությունը շատ ծանր հետևանքներ ունեցավ Ալֆրեդ Տեր- Մկրտչյանի համար։ «Որոշել էի ավարտել մարզական կարիերաս: Գոտեմարտի վերջին վայրկյանը միշտ աչքիս առաջ էր: Երկու անգամ, մտքերով տարված, լուրջ ավտովթարի ենթարկվեցի: Կարելի է ասել, որ խաչ էի քաշել ըմբշամարտի վրա»,–պատմում է Ալֆրեդը:

Բայց Գերմանիայում ապրող նրա ծանոթները առաջարկում են մասնակցել տեղի ակումբային մրցաշարերին: Ու երբ մեկնում է Գերմանիա, նոր միջավայրը տրամադրում է կրկին մարզվելու, գորգը կրկին ձգում է, և նա վերադառնում է սիրած մարզաձևին։

Որոշիչ խորհուրդներ

Իր մարզական կարիերայում Ալֆրեդ Տեր- Մկրտչյանը մարզվել ու շփվել է շատ մարդկանց հետ, բայց, ինչպես ինքն է ասում` երբեք չի մոռանում որոշ խորհուրդներ, որոնք իրեն օգնեցինք ըմբշամարտում հաջողություններ հասնելու գործում։

Պատանեկան տարիքում մարզիչ Հրաչ Դադոյանն ասել է, որ առաջնայինը կարգապահությունն է, և պետք է գորգի վրա  հավասար պայմաններում բաց գոտեմարտել, այդ դեպքում արդյունքի հասնել հնարավոր է: Հունահռոմեական ոճի ըմբշամարտի Հայաստանի հավաքականի նախկին գլխավոր մարզիչ Արամ Սարգսյանն էլ միշտ խորհուրդ է տվել չառանձնացնել ոչ մի մրցաշար, այլ յուրաքանչյուր գոտեմարտի դուրս գալ որպես սովորական մրցման:

«Եվ վերջապես հավաքների ժամանակ ես նույն սենյակում էի օլիմպիական չեմպիոն Մնացական Իսկանդարյանի հետ: Մի անգամ մարզումից հետո հոգնած եկա սենյակ, հագուստս ու պայուսակս գցեցի ու գնացի լողափ: Երբ հետ եկա, տեսա, որ Մնացականը իմ շորերը հանել է պայուսակից ու կախել, որպեսզի չորանան: Իմ մոտ անմիջապես փոխվեց վերաբերմունքը ամեն ինչի նկատմամբ», - ասում է Ալֆրեդը:

«Դավաճան» վերելակը

1992 թվականի Եվրոպայի առաջնության եզրափակիչ գոտեմարտերից առաջ որոշ ըմբշամարտիկներ կարող է և չներկայանային մրցումներին, որովհետև անհարմար վիճակի մեջ էին հայտնվել, որը հետո որպես զավեշտալի դեպք պետք է հիշեին։

Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին

«Մենք 5-6 ըմբիշներով նստեցինք վերելակ, ընդ որում`մեզանից չորսը պետք է եզրափակչին մասնակցեին, ու վերելակը կանգնեց: Մոտ կես ժամ սպասում էինք, թե ո՞վ մեզ կօգնի դուրս գալ: Երբ վերջապես դուրս եկանք վերելակից, Միխայիլ Մամիաշվիլին գոռում էր բոլորիս վրա։ Բայց բարեբախտաբար հաջողվեց այլ երկրի հավաքականի ավտոբուսով հասանել մարզադահլիճ»,- հիշում է Տեր-Մկրտչյանը: Հենց այս մրցաշարում, եզրափակիչում հայ ըմբիշը, հաղթանակի հասնելով բուլղարացի Բրատան Ցենովի նկատմամբ, դարձավ Եվրոպայի չեմպիոն:

Շվեյցարիայի հավաքականի հայ մարզիչը

2017 թվականի հունվարից 3 ամիս գլխավորելով Շվեյցարիայի հունահռոմեական ոճի ըմբշամարտի հավաքականը` Ալֆրեդ Տեր-Մկրտչյանը պայմանագիր ստորագրեց շվեյցարացիների հետ ու մինչև օրս այդ երկրի հավաքականի գլխավոր մարզիչն է։

«2018 թվականի Եվրոպայի երիտասարդական առաջնությունում շվեյցացարցի երեք ըմբիշ գոտեմարտեցին բրոնզե մեդալի համար: Նման նախադեպ Շվեյցարիայում չէր եղել: Մեկ ամիս անց երիտասարդների աշխարհի առաջնությունում ունեցանք փոխչեմպիոն»,- ասում է Տեր- Մկրտչյանը և հավելում, որ փորձում է փոխել շվեյցարացիների հոգեկերտվածքը ըմբշամարտի հետ կապված:

Հայկական ըմբշամարտի ձեռագիրը

Այսօր աշխարհում հայտնի են հայ ըմբիշներից շատերը, գնահատված է հայկական ըմբշաարտի յուրահատուկ ձեռագիրը: Արմեն Նազարյանը Բուլղարիայի ազգային հավաքականի գլխավոր մարզիչն է, Ալֆրեդ Տեր- Մկրտչյանն էլ` Շվեյցարիայի: Ու, ընդ որում, այս երկու երկրների հավաքականները հաճախակի հավաքներ են անցկացնում Հայաստանի ընտրանու հետ։

«Ըմբշամարտի հայկական դպրոցի ձեռագիրը հայտնի է բոլորին: Մենք ունենք նաև յուրահատուկ ոճ, որը մեր ըմբիշներից շատերին ապահովել է հաղթանակ տարբեր կարգի մրցումներում: Դրա համար հայ ըմբիշների հետ մարզվելը միայն օգուտ է տալիս բոլորին»,–ասում է Տեր–Մկրտչյանը:

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Աշխարհի ու Եվրոպայի չեմպիոն, բազմակի մրցանակակիր, օլիմպիական արծաթե մեդալակիր Ալֆրեդ Տեր- Մկրտչյանի անցած ճանապարհը ըմբշամարտում ուսուցողական է շատ ըմբիշների համար: Նա ասում է` շատ կարևոր է, որ մարզիչը կարողանա հոգեբանորեն տրամադրել իր մարզիկին անել ավելին: Նրա խոսքով` մարզիչը նաև ուժեղ հոգեբան պետք է լինի: Կարճ ասած`եթե շվեյցարացի որևէ ըմբիշ ցանկանում է հասնել մեծ արդյունքների, ընդամենը պետք է լսի հավաքականի ազգությամբ հայ գլխավոր մարզչին:

0
թեգերը:
Շվեյցարիա, Օլիմպիական խաղեր, Եվրոպայի ըմբշամարտի առաջնության, Ըմբշամարտի աշխարհի առաջնություն, ըմբշամարտիկ, Ալֆրեդ Տեր-Մկրտչյան
Ըստ թեմայի
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Միշա Ալոյան

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

37
(Թարմացված է 20:35 27.05.2020)
Ռուս հայտնի մարզիկ Միխայիլ Ալոյանը չի մոռանում, որ իր մրցակիցները երիտասարդ և հավակնոտ տղաներ են, որոնք երազում են օլիմպիական խաղերի մասին:

ԵՐԵՎԱՆ, 27 մայիսի – Sputnik. Ռուսաստանցի բռնցքամարտիկ Միխայիլ Ալոյանը Տոկիոյի Օլիմպիական խաղերի ուղեգրի համար պայքարում հարգանքով է վերաբերում բոլոր հակառակորդներին, այդ հավատարմագիրը նվաճելու շանսը կախված է միայն մենամարտերին իր սեփական պատրաստվածությունից։ Այդ մասին մարզիկն ասել է ՌԻԱ Նովոստիին տված հարցազրույցում։

Պատասխանելով հարցին, թե Ռուսաստանում ում է համարում իր հիմնական հակառակորդը օլիմպիական ուղեգրի համար պայքարում, Ալոյանը նշել է՝ Ռուսաստանի չեմպիոն Ռասուլ Սալիևին՝ Դաղսատանից, ավելացնելով, որ երկրում այլ ուժեղ բռնցքամարտիկներ էլ կան։

«Բոլորն ինձ ծանոթ են, բայց չէի ցանկանա որևէ մեկին առանձնացնել։ Ես նրանց ճանաչում եմ, բայց կարծում եմ՝ իմ գլխավոր հակառակորդը ինքս եմ։ Եթե ես լավ պատրաստված լինեմ, ապա կարող եմ հաղթել բոլորին»,-նշել է Ալոյանը։

Միշա Ալոյան. թող իմ մեդալի հետևից գան Սիբիր

Միաժամանակ, բռնցքամարտիկը չի մոռանում, որ երիտասարդ ու փառասեր հակառակորդներ ունի, որոնք երազում են ելույթ ունենալ Օլիմպիական խաղերում։

«Մեր երկրում մրցակցություն կա, և դա լավ է, այն միայն օգնում է։ Չի կարելի թուլանալ, և նման մրցակցության պայմաններում ցանկացած բռնցքամարտիկ միայն աճում է»,-ընդգծել է մարզիկը։

Կրկին հաղթանակ․ Միշա Ալոյանը հաղթել է Էսպինոզային տեսարժան մարտում

Նշենք, որ Ալոյանը ծնվել է 1988թ․օգոստոսի 23-ին ՀԽՍՀ Բամբակաշատ գյուղում։ 1997թ-ին ընտանիքի հետ տեղափոխվել է Նովոկուզնեցկ, որտեղ էլ հենց սկսել է զբաղվել բռնցքամարտով։ Նա ՌԴ վաստակավոր սպորտի վարպետ է։

2012թ-ի Լոնդոնի Օլիմպիական խաղերում Ալոյանը բրոնզե մեդալ է նվաճել մինչև 52 կգ քաշային կարգում, 2016թ-ի Ռիո-դե-Ժանեյրոյի Օլիմպիական խաղերում նա արծաթ է նվաճել նույն քաշային կարգում, բայց դոպինգ օգտագործելու պատճառով նրան որակազրկել են։

37
թեգերը:
մարզիկ, Տոկիո, Օլիմպիական խաղեր, բռնցքամարտիկ, բռնցքամարտ, Ռուսաստան
Ըստ թեմայի
Կանադահայ բռնցքամարտիկ Էրիկ Բազինյանը լուսանկար է հրապարակել անպարտելի Ֆլոյդ Մեյվեզերի հետ
Բռնցքամարտիկ Կարեն Չուխաջյանը հաղթել է մինչ այդ անպարտելի ռուսաստանցի մարզիկին. տեսանյութ
Հայ և վրացի բռնցքամարտիկները ձերբակալվել են Ռոսգվարդիայի աշխատակցի վրա հարձակվելու համար
Մահացել է Թուրքիայի առաջին պրոֆեսիոնալ բռնցքամարտիկ Կարպիս Զաքարյանը