Ռոման Նագուչև

Ֆուտբոլային սխրանք, որը ոգևորեց նաև Հայաստանի խաղին հետևող ռուս մեկնաբանին. տեսանյութ

1621
(Թարմացված է 16:00 09.09.2019)
Հայաստան-Բոսնիա և Հերցեգովինա խաղը, որը ավարտվեց մեր թիմի՝ 4:2 հաշվով հաղթանակով, հեռարձակվել է տարբեր երկրներում: Մեր թիմի հաղթանակը յուրահատուկ տոն է դարձել Mатч ТВ-ի մեկնաբան Ռոման Նագուչևի համար, և խաղավարտի ամենադրամատիկ պահերին նա այդ մասին խոսեց եթերում:

ԵՐԵՎԱՆ, 9 սեպտեմբերի - Sputnik. Եվրո-2020 ընտրական J խմբում Հայաստանի ֆուտբոլի ազգային հավաքականի հաղթանակը մեծ ուրախություն է պարգևել ոչ միայն հայ ֆուտբոլասերին, այլ նաև ֆուտբոլային ռուս մեկնաբան Ռոման Նագուչևին, որը Հայաստանի հավաքականի խաղացողներին քաջ մարտիկներ է անվանել:

Սա աներևակայելի հանդիպում է, խելահեղ հանդիպում, նշում էր Mатч ТВ-ի մեկնաբանը:

«Սովորական խաղ, սովորական ռեպորտաժ, սովորական մեկնաբանություն. ահա այսպես էի ես գալիս Հայաստան-Բոսնիա և Հերցեգովինա խաղը մեկնաբանելու: Բայց ստացվեց ոչ թե սոսկ սենսացիա, այլ Հենրիխ Մխիթարյանի անվան հերոսական հաղթանակ»,- մեր թիմի չորրորդ գոլից հետո նշեց Ռոման Նագուչևը:

Հանդերձարանը` հաղթանակից հետո, կամ ինչպես են էմոցիաներն արտահայտել ֆանտաստիկ խաղից հետո

Իր դիտարժանությամբ ու լարվածությամբ Հայաստան–Բոսնիա և Հերցեգովինա խաղը գերազանցեց բոլոր սպասելիքները: Որ կխփվեր վեց գնդակ, որոնցից չորսը մեր հավաքականի օգտին, դժվար էր պատկերացնել: Բացի այդ, մեր ընտրանին երկու անգամ հաշվի մեջ առաջ անցավ, ու մրցակցին երկու անգամ էլ հաջողվեց հետ բերել կորցրածը: Սակայն մեր հավաքականի ֆուտբոլիստների հաղթանակի անսպառ ցանկությունը, կամքը, որոնք լրացվում էր անձնուրաց խաղով և ամրապնդվում տրիբունաների ֆանտաստիկ աջակցությամբ, տվեցին իրենց պտուղները:

Երբ Մխիթարյանի հարվածից հետո ինքնագոլի հեղինակ դարձավ բոսնիացի ֆուտբոլիստը, Նագուչևը երեք անգամ բացականչեց՝ չորս-երկու, չորս-երկու, չո՜րս-երկու…

Հայաստանի հավաքականի հաղթական խաղը՝ լուսանկարներով

«Նրանք ուժեղ էին, նրանք ավելի համարձակ էին և պարզապես ֆուտբոլային իմաստով՝ ավելի ուրախ, դրա համար էլ նրանց բախտը բերում էր: Նրանք ուզում էին հաղթել, և ես շնորհավորում եմ Հայաստանի զվարթ ու պայքարող այս հավաքականին՝ անհավանական խաղի ու հաղթանակի համար»- ավելացրեց Նագուչևը:

Անկասկած, երբ թիմը լավ է խաղում, ու դրա հետ մեկտեղ՝ հաղթում, հույզերը հասնում են անհավանական աստիճանի ու պոռթկում: Նույնիսկ իտալացիներին պարտված խաղում մեր հավաքականը շատ լավ տպավորություն թողեց, բայց այդ դեպքում շատ դառն էր ու ցավոտ խաղի արդյունքը: Իսկ Բոսնիայի և Հերցեգովինայի խաղից հետո արդեն հաղթական ոգին է պտտվում ֆուտբոլային Հայաստանի վրա: Թող վերամբարձ չհնչի, բայց ֆուտբոլում հաղթանակները, ու այն էլ նմա՛ն հաղթանակները ֆուտբոլասերի համար անփոխարինելի են և հիշվում են շատ երկար:

Եվ տա Աստված, որ այս ամենը շարունակական լինի:

1621
թեգերը:
Ռոման Նագուչև (ֆուտբոլային ռուս մեկնաբան), ռուս, հաղթանակ, Բոսնիա և Հերցեգովինա, Հայաստան, ֆուտբոլ
Ըստ թեմայի
«Մեզ համար շատ դժվար է լինելու Հայաստանի հետ խաղում». Ռոբերտ Պրոսինեչկի
Գոլառատ ֆուտբոլ. մեր հավաքականը 3 անգամ արդեն գրավել է հակառակորդի դարպասը
Փայլուն հաղթանակ. Հայաստանի հավաքականը կշարունակի պայքարը Եվրո 2020–ի եզրափակիչ փուլի համար
Մխիթարյանն առաջատարի պես տարավ թիմն իր հետևից, սևագործ աշխատանք կատարեց. Գյուլբուդաղյանց
Ռոման Բերեղզովսկի

Ռոման Բերեզովսկին այլևս «Փյունիկի» գլխավոր մարզիչը չէ

51
(Թարմացված է 21:07 14.07.2020)
Ռոման Բերեզովսկին իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում։

ԵՐԵՎԱՆ, 14 հուլիսի – Sputnik. Ռոման Բերեզովսկին այլևս «Փյունիկի» գլխավոր մարզիչը չէ։ Ինչպես տեղեկացնում է ակումբի Facebook-ի էջը, «Փյունիկ» ՖԱ-ն երկկողմ համաձայնությամբ խզել է պայմանագիրը թիմի գլխավոր մարզիչ Ռոման Բերեզովսկու հետ։

Տեղեկացվում է, որ «Փյունիկը» կշարունակի համագործակցել Ռոման Բերեզովսկու հետ։ Նա իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում ։

«Փյունիկ» ՖԱ-ն շնորհակալություն է հայտնում Ռոման Բերեզովսկուն թիմի գլխավոր մարզչի պաշտոնում ցուցաբերած բարձր պրոֆեսիոնալիզմի համար և մաղթում հաջողություն հետագա կարիերայում։

Ռոման Բերեզովսկին իր կարիերան սկսել է Երևանի «Կոշկագործ» (հետագայում՝ «Շենգավիթ») ֆուտբոլային ակումբում, որի կազմում 1991 թ. մասնակցել է ԽՍՀՄ 2-րդ խմբի Բ մրցաշարին։

10 գոլ, հաղթելու մեծ ցանկություն. Հայաստանի գավաթի եզրափակիչը` լուսանկարներում

Իր նորամուտը ազգային հավաքական նա նշել է 1996 թ. օգոստոսի 31-ին՝ աշխարհի առաջնության ընտրական փուլի մեկնարկային՝ Պորտուգալիայի հավաքականի դեմ Երևանյան խաղին։ Հայաստանի ազգային հավաքականի կազմում մասնակցել է Եվրոպայի առաջնության չորս ( 2000, 2004, 2008, 2012) և աշխարհի առաջնության հինգ (1998, 2002, 2006, 2010, 2014) ընտրական փուլերին։

Անցկացրած խաղերի քանակով Հայաստանի հավաքականի դարպասապահների ռեկորդակիրն է (71 խաղ)։

51
թեգերը:
մարզիչ, ՀՖՖ, ֆուտբոլ, Փյունիկ, Ռոման Բերեզովսկի
«Արարատ-Արմենիան»՝  Հայաստանի չեմպիոն

«Արարատ-Արմենիան»՝ Հայաստանի չեմպիոն․ թիմը պաշտպանեց իր տիտղոսը

146
(Թարմացված է 20:19 14.07.2020)
Չորս օրվա տարբերությամբ «Արարատ-Արմենիան» և «Նոան» որոշեցին Հայաստանի ֆուտբոլի գավաթակրին ու չեմպիոնին: Հուլիսի 10-ին լարված պայքարում գավաթը նվաճեց «Նոան», իսկ բարձրագույն խմբի վերջին տուրում թիմերի մրցավեճը մրցաշարային աղյուսակին վերջնական տեսք տվեց:

ԵՐԵՎԱՆ, 14 հուլիսի – Sputnik․ Երևանի «Արարատ-Արմենիան» բարձրագույն խմբի վերջին տուրում Ֆուրջել Նարսինգի և Յուսուֆ Օտուբանջոյի խփած գնդակների շնորհիվ 2:0 հաշվով առավելության հասավ «Նոայի» նկատմամբ և երկրորդ անգամ անընդմեջ նվաճեց Հայաստանի չեմպիոնի կոչումը:

Գավաթի եզրափակիչում թիմերի գերարդյունավետ խաղից հետո, դժվար էր նույնը սպասել այս խաղում: Կորոնավիրուսի պատճառով տևական ընդմիջումից հետո թիմերը շատ խիտ գրաֆիկով անցկացրին իրենց հանդիպումները, իսկ «Արարատ-Արմենիայի» և «Նոայի» համար ավելացավ գավաթի եզրափակիչը:

Բացի այդ, կարելի էր ենթադրել, որ բարձր տեմպով թիմերը հերթական խաղը դժվար թե կարողանան անցակցնել: Հաշվետու խաղում, ինչպես և գավաթի եզրափակիչում, հաշիվը բացեց «Արարատ-Արմենիան»՝ հանդիպման 16-րդ րոպեին աչքի ընկավ Ֆուրջել Նարսինգը: Խաղի 25-րդ րոպեին հիանալի հնարավորություն ուներ Յուսուֆ Օտուբանջոն: Բայց հաշիվը մնաց անփոփոխ: Իր վրիպումը Օտուբանջոն ուղղեց առաջին կեսի վերջին րոպեին՝ կրկնապատկելով «Արարատ-Արմենիայի» առավելությունը:

Երկրորդ խաղակեսում խաղի տեմպը չբարձրացավ: Հոգնածությունը երկու կողմերի ֆուտբոլիստների մոտ էլ առկա էր: Գործող չեմպիոն «Արարատ-Արմենիան» շատ հանգիստ վերահսկում էր խաղը: Խաղավերջում թիմերը փոխանակվեցին գոլային պահերով, բայց դարպասի գրավում այդպես էլ չարձանագրվեց: Երկու գնդակի առավելությունն «Արարատ-Արմենիան» պահպանեց:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Վարդան Մինասյանը երկրորդ տարին անընդմեջ «Արարատ-Արմենիայի» չեմպիոն դարձրեց: Որպես մարզիչ Մինասյանը 4 անգամ չեմպիոն է հռչակվել «Փյունիկի» հետ: Չեմպիոնական տիտղոսներով սա լավագույն արդյունքն է հայ մարզիչների մեջ: 

«Լոռի» ֆուտբոլային ակումբի անդամներից 17–ը վարակվել են կորոնավիրուսով

Ավարտվեց ֆուտբոլի Հայաստանի բարձրագույն խմբի 2019/20 մրցաշրջանը: Մրցանակային եռյակը վերջնական տեսք ստացավ զուգահեռաբար անցկացված «Շիրակ» - «Ալաշկերտ» խաղից հետո: «Շիրակը» հաղթանակի հասնելու դեպքում կարող էր շրջանցել «Նոային» ու աղյուսակում զբաղեցնել երկրորդ տեղը: Բայց 4:2 հաշվով հաղթանակ տարավ «Ալաշկերտն» ու նվաճեց առաջնության բրոնզե մեդալը: «Նոան» երկրորդն է:

Футбольная команда Арарат-Армения,  обладатель Кубка Армении по футболу (14 июля 2020). Еревaн
© Sputnik / Asatur Yesayants.
«Արարատ-Արմենիան»՝ Հայաստանի չեմպիոն

Թե երբ կմեկնարկի 2020/21 թվականների մրցաշրջանը, հայտնի կդառնա մոտ ապագայում: ՀՖՖ-ն քննարկումներ է անցկացնում բարձրագույն խմբի ակումբների հետ նոր մրցաշրջանի մեկնարկի ժամանակացույցը հաստատելու համար: Ընդ որում, հաշվի առնելով առաջին խմբի դադարեցումն ու առաջատար «Լոկոմոտիվի» որակազրկումը, նոր մրցաշրջանում բարձրագույն խումբը, ամենայն հավանականությամբ, համալրելու է Չարենցավանի «Վանը»:

146
թեգերը:
Վարդան Մինասյան, չեմպիոն, Արարատ–Արմենիա, ֆուտբոլիստ, ֆուտբոլ, ՀՖՖ, Հայաստան
Ըստ թեմայի
Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Էջմիածնի Մայր տաճար

«Հաղթության նշան». Էջմիածնի Մայր տաճարի դռներն առաջիկայում կբացվեն հավատացյալների առաջ

8
(Թարմացված է 16:18 15.07.2020)
Տեր Վահրամ քահանա Մելիքյանը սա հաղթական նշան է համարում՝ Սուրբ Էջմիածնի օրհնությունը մաղթելով հայրենիքի պաշտպան զինվորներին:

ԵՐԵՎԱՆ, 15 հուլիսի — Sputnik. Մայր աթոռի տեղեկատվական համակարգի ղեկավար Տեր Վահրամ քահանա Մելիքյանը facebook-ում հավտացյալներին լավ լուր է հայտնել՝ այն բնորոշելով որպես «Հաղթության նշան»:

Реставрация купола Эчмиадзинского монастыря
Էջմիածնի Մայր տաճարի գմբեթի վերանորոգումը

«Վար են բերվում Մայր Տաճարի գմբեթը կաղապարող շինարարական կապանքները։

Սուրբ Էջմիածնի օրհնությունը թող միշտ մեր զինվոր եղբայրների հետ լինի»,- գրել է հոգևորականը ու նաև տաճարի վերանորոգման աշխատանքների ավարտը վկայող լուսանկարներ հրապարակել։

Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը

Հիշեցնենք՝ Տաճարի վերականգնման աշխատանքները մեկնարկել էին 2017թ-ին: Բայց մինչ այդ, շուրջ 7 տարի՝ 2012–ից մինչ 2017–ը` մինչ բուն շինարարական աշխատանքների մեկնարկը, մասնագետները ճարտարապետական լուրջ հետազոտություններ են կատարել ու նաև որոշ հետաքրքիր բացահայտումներ արել:

8
թեգերը:
Եկեղեցի, Մայր Աթոռ Սուրբ Էջմիածին, Էջմիածին
Ըստ թեմայի
Հայտնի է՝ երբ կվերատեղադրվի Էջմիածնի Մայր տաճարի գմբեթի խաչը
Հայաստանը միացավ Կրոնական ազատության միջազգային դաշինքին. ԱԳՆ
Հայ առաքելական եկեղեցին դատապարտում է Սուրբ Սոֆիայի տաճարը մզկիթի վերածելու որոշումը