Արազ Օզբիլիս

Արազ Օզբիլիսն ու Դմիտրի Սիչյովը կխաղան «Փյունիկում»

174
(Թարմացված է 15:16 31.08.2019)
Տրանսֆերային պատուհանը Հայաստանում փակվում է այսօր։ Երկու ֆուտբոլիստի հետ էլ բանակցություններ են ընթանում։

ԵՐԵՎԱՆ, 31 Օգոստոս — Sputnik. Հայաստանի ազգային հավաքականի կիսապաշտպան Արազ Օզբիլիսն ու Ռուսաստանի հավաքականի նախկին հարձակվող Դմիտրի Սիչյովը մոտ են «Փյունիկի» հետ պայմանագիր ստորագրելուն:

Տրանսֆերային պատուհանը Հայաստանում փակվում է այսօր, և այս տեղափոխությունների մասին պաշտոնական ինֆորմացիա, ամենայն հավանականությամբ, կհրապարակվի վաղը:

Բայց «Փյունիկի» մամուլի քարտուղարությունից մենք տեղեկացանք, որ երկու ֆուտբոլիստների հետ էլ բանակցություններ են ընթանում, ու եթե արտասովոր ինչ-որ բան տեղի չունենա, Օզբիլիսն ու Սիչյովը մեկ տարվա պայմանագիր կստորագրեն Հայաստանի գործող փոխչեմպիոնի հետ:

Արազ Օզբիլիսը վերջերս է խզել պայմանագիրը թուրքական «Բեշիքթաշի» հետ և, ունենալով ազատ գործակալի կարգավիճակ, նրա տեղափոխության հարցը կարող հեշտությամբ լուծվել: Սպասվում է, որ Օզբիլիսը մեկ տարվա պայմանագիր կկնքի «Փյունիկի» հետ:

Անկասկած, լավ մարզավիճակ ձեռք բերելու դեպքում Օզբիլիսը շատ մեծ օգուտ կտա «Փյունիկին», և քանի որ արդեն ունի խաղային պրակտիկա, կարող է վերադառնալ ազգային հավաքական:

Դմիտրի Սիչովը կարող է հանդես գալ «Փյունիկում»

Դմիտրի Սիչյովը հոկտեմբերին կդառնա 36 տարեկան: Բայց ֆուտբոլում, եթե ֆուտբոլիստը համապատասխանում է պահանջվող չափորոշիչներին, ապա տարիքը խոչընդոտ չի կարող հանդիսանալ: Վերջին մեկ ու կես տարվա ընթացքում ռուս ֆուտբոլիստը խաղերի չի մասնակցել ու մարզվել է անհատական ծրագրով: Սակայն Սիչյովի կարգի ֆուտբոլիստը կարճ ժամանակահատվածում կարող է լավ մարզավիճակ ձեռք բերել ու իր փորձով ու վարպետությամբ շատ օգտակար լինել «Փյունիկին»: Ռուս հարձակվողի հետ էլ, պայմանագիրը նախատեսված է կնքել մեկ տարով:

Ի դեպ, Դմիտրի Սիչյովն այս մասին արդեն գրել է Instagram–ի իր էջում և կից լուսանկար հրապարակել «Փյունիկի» բաժնետեր Արթուր Սողոմաոնյանի հետ։

View this post on Instagram

A post shared by Дмитрий Сычев (@dsychev11) on

Դմիտրի Սիչյովն իր նախորդ ակումբում` ռուսական «Կազանկա»–ում, հանդես է եկել 2017-2018-ը: Կարիերայի ընթացքում հարձակվողը խաղացել է Մոսկվայի «Լոկոմոտիվ», «Սպարտակ» ու ֆրանսիական «Մարսել» թիմերում: Ռուսաստանի հավաքականում նա 2002-2010թթ.-ն անցկացրել է 47 հանդիպում և դարձել 15 գոլի հեղինակ: Ազգային թիմի հետ Սիչյովը 2008-ին դարձել է Եվրոպայի առաջնության բրոնզե մեդալակիր:

174
թեգերը:
Դմիտրի Սիչյով, Դմիտրի Սիչով, Արաս Օզբիլիս, Փյունիկ, ֆուտբոլ, Հայաստանի ֆուտբոլի ֆեդերացիա
Ըստ թեմայի
«Փյունիկը» հաջորդ փուլ դուրս գալու շանսեր չունի. «գայլերի» խաղն անկասելի էր
«Փյունիկը» 2008թ. չեմպիոնի գավաթի կրկնօրինակը նվիրեց «Արարատին». տեսանյութ
«Փյունիկը» լավ թիմ է, լավ խաղացողներով. «Վուլվերհեմփթոնի» գլխավոր մարզիչ
Հենրիխ Մխիթարյան

Հնարավոր է` Հենրիխ Մխիթարյանը «Ռոմայից» տեղափոխվի «Միլան»

25
(Թարմացված է 18:48 14.05.2021)
Մխիթարյանի գործակալը «Ռոմային» խնդրել է 5 միլիոն եվրո աշխատավարձով նոր պայմանագիր կնքել:

ԵՐԵՎԱՆ, 14 մայիսի – Sputnik. Հայաստանի ֆուտբոլի ազգային հավաքականի ավագ Հենրիխ Մխիթարյանը, ամենայն հավանականությամբ, այս մրցաշրջանի ավարտից հետո կհեռանա իտալական «Ռոմայից»: Այս մասին գրում է il Tempo-ն։

Ինչպես նշում է լրատվամիջոցը, Մխիթարյանի գործակալ Մինո Ռայոլան խնդրել է 5 միլիոն եվրո աշխատավարձով նոր պայմանագիր կնքել երկու տարով, բայց «Ռոման» պատրաստ չէ բավարարել նրա խնդրանքը:

Նշվում է նաեւ, որ Ռայոլան սկսել է Մխիթարյանի ծառայություններն առաջարկել իտալական A Սերիայի այլ ակումբներին: Խոսքը մասնավորապես «Միլանի» մասին է:

Ավելի վաղ տեղեկություն էր տարածվել, որ հայ կիսապաշտպանի նկատմամբ հետաքրքրություն է ցուցաբերում «Յուվենտուսը»։

Հենրիխ Մխիթարյանը իտալական «Ռոմայի» հետ պայմանագիր է կնքել 2020 թվականի օգոստոսին: Պայմանագրի ժամկետը լրանում է 2021 թվականի ամռանը։

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

25
թեգերը:
Միլան, «Ռոմա» ֆուտբոլային ակումբ, ֆուտբոլ, Հենրիխ Մխիթարյան
թեմա:
Հենրիխ Մխիթարյան
Ըստ թեմայի
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Արմեն Մելիքյանն ու Կարեն Ասլանյանը օլիմպիական ուղեգիր վաստակեցին
Եվրոպայի չեմպիոնը կկողմնորոշովի մոտ ապագայում. տեսանյութ
Նաիր Տիկնիզյան

«Լոկոմոտիվը» ԲԿՄԱ-ին առաջարկել է ձեռք բերել հայ կիսապաշտպանին

42
(Թարմացված է 13:11 14.05.2021)
Նաիր Տիկնիզյանը 14 տարեկանից խաղում է ԲԿՄԱ-ում, 2017-ին՝ 18 տարեկանում, նա իր նորամուտը նշեց մեծահասակների թիմի հիմնական կազմում։

ԵՐԵՎԱՆ, 14 մայիսի - Sputnik. Մոսկվայի «Լոկոմոտիվն» իր ֆուտբոլիստ Նաիր Տիկնիզյանին գնելու պաշտոնական առաջարկ է ուղարկել ԲԿՄԱ-ին: Տեղեկությունը հայտնում է «Սպորտ Էքսպրեսը»՝ հղում անելով իր աղբյուրին։

«22-ամյա կիսապաշտպանը հետաքրքրում է Մարկո Նիկոլիչին, «երկաթուղայիններն» արդեն Եվրոպայի լիգայի ուղեգիր ունեն և ֆուտբոլիստին ավելի շահավետ պայմաններ են առաջարկում։ Բանակայինների ակումբը որոշում կկայացնի մրցաշրջանի ավարտից հետո», - գրում է պարբերականը։

Եվրոպայի չեմպիոնը կկողմնորոշովի մոտ ապագայում. տեսանյութ

Նաիր Տիկնիզյանը 6 տարեկանից ֆուտբոլով է զբաղվում։ ԲԿՄԱ-ի կազմում է 14 տարեկանից, 2017 - ին՝ 18 տարեկանում, նորամուտն է նշել մեծահասակների թիմի հիմնական կազմում՝ Կուրսկի «Ավանգարդի» դեմ Ռուսաստանի գավաթի խաղում։ Տիկնիզյանը խաղացել է նաև Ռուսաստանի պատանեկան ու երիտասարդական հավաքականներում: Նաիրը երկու անձնագիր ունի՝ ռուսական և հայկական։

Արմեն Մելիքյանն ու Կարեն Ասլանյանը օլիմպիական ուղեգիր վաստակեցին

42
թեգերը:
(ԲԿՄԱ) Բանակային Կենտրոնական Մարզական Ակումբ, ֆուտբոլիստ, ֆուտբոլ
Ըստ թեմայի
Ալեքսանդր Կարապետյանը խոստանում է մորուքը ներկել ՀՀ-ի դրոշի գույներով, բայց մի պայմանով
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Արմեն Գրիգորյան. արխիվային լուսանկար

Որ դեպքում ՀԱՊԿ անդամները հայ-ադրբեջանական սահմանային իրավիճակի վերաբերյալ նիստ կհրավիրեն

0
(Թարմացված է 20:43 14.05.2021)
ՀՀ ԱԽ քարտուղարը նշեց, որ ՀԱՊԿ կոմիտեները գնահատական կտան իրավիճակին եռօրյա ժամկետում։

ԵՐԵՎԱՆ, 14 մայիսի– Sputnik. Եթե եռօրյա ժամկետում հայ-ադրբեջանական սահմանային միջադեպերի հետ կապված ՀԱՊԿ անդամ կոմիտեները որոշակի լուծումներ առաջարկեն, ապա կարող է և ՀԱՊԿ խորհրդի նիստ չկայանալ, բայց եթե իրավիճակին գնահատական չտրվի և իրադարձություններն այլ կերպ զարգանան, ապա ՀԱՊԿ խորհրդի նիստ կգումարվի։

Այսօր ԱԺ-ում հրավիրված արտահերթ նիստի ժամանակ հայտարարեց ՀՀ անվտանգության խորհրդի քարտուղար Արմեն Գրիգորյանը։

«Եռօրյա ժամկետում ՀԱՊԿ կոմիտեները գնահատական կտան իրավիճակին և ըստ այդ գնահատականի՝ կորոշվի խորհրդի նիստ հրավիրելու հարցը։ ՀԱՊԿ խորհրդի նիստը պարտադիր չէ, եթե այս 3 կոմիտեները եզրակացություններ են ներկայացնում»,- ասաց նա։

Այնուհետև Գևորգյանը մանրամասն ներկայացրեց ՀԱՊԿ-ին դիմելու ընթացակարգը։

0